Mateo 4
4
Yesu Tɛfifekedi
1Ɔkɛlɛ Ɔfufɔɛ nɛ ɔbɔ gbanɛ Yesu ɔvɛnɔ ayakpam kɔ ɔfufɔɛkpã sɛ tɛ lo feke yɛ odi. 2Gɛ anya onugbu ewi afɛtalɛ̃ anɛ elishi afɛtalɛ̃ nɛ beke, bubhɛ ba yi yɛ. 3Ɔfufɔɛkpã nɛ ɔba yɛ ɔbha klɛ lɔ ɖɔ sɛ, “Onu gɛ onu Kpaya Yeyi, klɛ tɛ otsre aklãgbua nɛ tɛ le tsyina dzi kɛŋɛŋa.”
4Yesu etsre ɔlɛ asɛ, “Kɛ ŋlɔmɛ li sɛ, ‘anɛ kɛŋɛŋa shu ko Anɔdzyrame aba za nɛ ɛkpã, pɔ kibui kanyaka gɛ de Kpaya onugbum koeyi.’ ”
5Ɔkɛlɛ ɔfufɔɛkpã nɛ ɔyɛkɔ yɛ ɔvɛnɔ ishubhubhui ɔmagbla nɛm klɛ lɔ kɔa lɔ busɔlɛvu nɛ ɔɖɛɖamakɔdɛ. 6Lɔ sɛ, “Onu gɛ onu Kpaya Yeyi,” tɛ ɔtɛ̃ɛ ɔdɔ dɔ kesukpa. Alasɛ kɛ ŋlɔmɛ li sɛ:
“ ‘Kpaya aba kɔ yɛ baxwɛdɛ na za nɛ awɔ̃ nɛ wɔshu,
klɛ la ba sɔlɛ wɔ akpɛ balɛ ahwɛmɛ,
sɛ tɛ ɔtɛ yɛkɔ wɔ katsrukpɔ obo hu kɛklãgbu.’ ”
7Yesu ebui lɛ nu etsre asɛ, “Kɛ ŋlɔmɛ li tsyɛ sɛ: ‘Tɛ feke Apalete wɔ Kpaya nɛ odi.’ ”
8Ɔfufɔɛkpã ɔzɔ gbanɔ Yesu ɔvɛnɔ butu ɖɛɖama tulia bha klɛ lɔ yɛkɔ kanɔm bukusiɛŋakɔ nɛ petee nɛ bulɛ mɛ tɛpupudi nɛ akasɛ yɛ. 9Klɛ lɔ ɖɔ sɛ, “Kɛdɔɛ nɛ petee ɛba yɛkɔ kɔ wɔ,” “onu gɛ obo zhikpla ɔkpɛ kɛtɔkpuesi kɔ mɛ.”
10Yesu etsre yɛ asɛ, “Tsuɔvɛ nɛ mɛ ɔbha, Satana! Alasɛ kɛ ŋlɔmɛ li sɛ, ‘Kpɛ kɛtɔkpuesi kɔ Apalete wɔ Kpaya, tɛ ɔdɛ yɛ tite koe xwɛ.’ ”
11Ɔkɛlɛ ɔfufɔɛkpã nɛ ɔshɛ nɛ yɛɔbha, klɛ kpaya baxwɛdɛ aba ebe di yɛ ɔkɔ.
Yesu Akpɛ Kpayɛbui Nɛ Tɛɖuɖɔesi
12Gɛ Yesu enu asɛ bevu Yohanɛsɛ akpɛ buvu, etsodzi avɛ Galelia. 13Gɛ ashɛ̃ nɛ Nazarɛtɛ, avɛ ada za Kapenuam, gɛ alɛ kɛvɔ nɔ bha nɛ Zebulunɛ nɛ Naftali kibee, 14sɛ tɛ kibui nɛ gɛ ba ɖɔ ganɔ Yezaya atɔnu nɛa bha nɛ kɛ na:
15“Zebulɔnɛ kesukpa anɛ Naftali kesukpa,
kidzo nɛ gɛ vɛ aƒu nɛ shu, Yɔɖanɛ nɛ shu,
Bagɛ be di nu Yuɖanɛ nɛ Galelia—
16banɔ nɛ ga kpasɛ otumu mɛ
ba mɔ kifu piim;
nɛ baga lɛ butsi buyi kesukpa nɛ mɛ
kifu deke.”
17Denɔ kibe lɛ nɛ mɛ ɔvɛnɔ klɛ Yesu etenɔ Kpayɛbui nɛ ɖɔ, “Tsyinɛtem, alasɛ owũsise bukusiɔŋakɔ nɛ tɛ tsu ba.”
Badɔkpasɛ Tutɔpu Nɛ Tɛkuklu
18Gɛ Yesu aaga nɛ Galelia aƒu nɛ shu, amɔ badzya tɛabha, Simɔnɛ gɛ be kulu asɛ Petro anɛ yadzya Andrɛasɛ. Be dzi aza da kenimdzikle kɛvɔ nɛ mɛ alasɛ benu banɔ gɛ bee bu kenimɛdzya. 19Yesu asɛ, “Nɔ ba, zamɛe de mɔ,” “klɛ ɛba bhɛtɛ wɔnɔ banɔ gɛ be bu banɔ.” 20Ɔkɛlɛ nɛ ko, bagbla shɛnahwɛ kenimdzikle nɛ shu elu, klɛ la lɛ yɛe de.
21Denɔ ɔkɛlɛ ɔlɛ nɛ ɔvɛnɔ, amɔ badzya tɛabha teli, Yakobo gɛ enu Zebeɖi yɛeyi anɛ yɛadzya Yohanɛsɛ. Ba za keniabha opupu mɛ nɛ balɛ aka Zebeɖi, gɛ ewũse balɛ kenimdzikle. Yesu eklua lɛ, 22klɛ begble koeyi ashɛ̃ alɔ opupu nɛ balɛ aka klɛ ba tɔnɔ yɛ.
Yesu Ebeke Banyɛnya Nɛ Banya
23Yesu aga nyɔ ekoeyi nɛ Galelia, anɛ kɛdɔkɛkasɛ nɛ balɛ oxogokɔevu nɛm, kibui dzyɔgo nɛ tɛɖuɖɔ denɔ bukusiɔŋakɔ nɛ shu, klɛ ebeke banya nyaanya nɛ banɔ mɛ. 24Be nu yɛ dɔ akana Siria petee, klɛ banɔa gbanɔ balɛ banyɛnya edidedi amɛna yɛ, banɔ teli nɛ ishutɛtã, beteli ɛfufɔɛkpã vua lɛ, beteli baa wɔlɛ ebho, klɛ beteli bagba klɛ ebeke balɛ banya nɛ petee. 25Banɔɛza gbla denɔ Galelia, Dekapolisɛ Yerusalɛm, Yuɖia anɛ Yɔɖanɛ kɛdɔ nɛ mɛ petee ba za yɛe de.
Zur Zeit ausgewählt:
Mateo 4: tcd
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© Ghana Institute of Linguistics, Literacy and Bible Translation
Mateo 4
4
Yesu Tɛfifekedi
1Ɔkɛlɛ Ɔfufɔɛ nɛ ɔbɔ gbanɛ Yesu ɔvɛnɔ ayakpam kɔ ɔfufɔɛkpã sɛ tɛ lo feke yɛ odi. 2Gɛ anya onugbu ewi afɛtalɛ̃ anɛ elishi afɛtalɛ̃ nɛ beke, bubhɛ ba yi yɛ. 3Ɔfufɔɛkpã nɛ ɔba yɛ ɔbha klɛ lɔ ɖɔ sɛ, “Onu gɛ onu Kpaya Yeyi, klɛ tɛ otsre aklãgbua nɛ tɛ le tsyina dzi kɛŋɛŋa.”
4Yesu etsre ɔlɛ asɛ, “Kɛ ŋlɔmɛ li sɛ, ‘anɛ kɛŋɛŋa shu ko Anɔdzyrame aba za nɛ ɛkpã, pɔ kibui kanyaka gɛ de Kpaya onugbum koeyi.’ ”
5Ɔkɛlɛ ɔfufɔɛkpã nɛ ɔyɛkɔ yɛ ɔvɛnɔ ishubhubhui ɔmagbla nɛm klɛ lɔ kɔa lɔ busɔlɛvu nɛ ɔɖɛɖamakɔdɛ. 6Lɔ sɛ, “Onu gɛ onu Kpaya Yeyi,” tɛ ɔtɛ̃ɛ ɔdɔ dɔ kesukpa. Alasɛ kɛ ŋlɔmɛ li sɛ:
“ ‘Kpaya aba kɔ yɛ baxwɛdɛ na za nɛ awɔ̃ nɛ wɔshu,
klɛ la ba sɔlɛ wɔ akpɛ balɛ ahwɛmɛ,
sɛ tɛ ɔtɛ yɛkɔ wɔ katsrukpɔ obo hu kɛklãgbu.’ ”
7Yesu ebui lɛ nu etsre asɛ, “Kɛ ŋlɔmɛ li tsyɛ sɛ: ‘Tɛ feke Apalete wɔ Kpaya nɛ odi.’ ”
8Ɔfufɔɛkpã ɔzɔ gbanɔ Yesu ɔvɛnɔ butu ɖɛɖama tulia bha klɛ lɔ yɛkɔ kanɔm bukusiɛŋakɔ nɛ petee nɛ bulɛ mɛ tɛpupudi nɛ akasɛ yɛ. 9Klɛ lɔ ɖɔ sɛ, “Kɛdɔɛ nɛ petee ɛba yɛkɔ kɔ wɔ,” “onu gɛ obo zhikpla ɔkpɛ kɛtɔkpuesi kɔ mɛ.”
10Yesu etsre yɛ asɛ, “Tsuɔvɛ nɛ mɛ ɔbha, Satana! Alasɛ kɛ ŋlɔmɛ li sɛ, ‘Kpɛ kɛtɔkpuesi kɔ Apalete wɔ Kpaya, tɛ ɔdɛ yɛ tite koe xwɛ.’ ”
11Ɔkɛlɛ ɔfufɔɛkpã nɛ ɔshɛ nɛ yɛɔbha, klɛ kpaya baxwɛdɛ aba ebe di yɛ ɔkɔ.
Yesu Akpɛ Kpayɛbui Nɛ Tɛɖuɖɔesi
12Gɛ Yesu enu asɛ bevu Yohanɛsɛ akpɛ buvu, etsodzi avɛ Galelia. 13Gɛ ashɛ̃ nɛ Nazarɛtɛ, avɛ ada za Kapenuam, gɛ alɛ kɛvɔ nɔ bha nɛ Zebulunɛ nɛ Naftali kibee, 14sɛ tɛ kibui nɛ gɛ ba ɖɔ ganɔ Yezaya atɔnu nɛa bha nɛ kɛ na:
15“Zebulɔnɛ kesukpa anɛ Naftali kesukpa,
kidzo nɛ gɛ vɛ aƒu nɛ shu, Yɔɖanɛ nɛ shu,
Bagɛ be di nu Yuɖanɛ nɛ Galelia—
16banɔ nɛ ga kpasɛ otumu mɛ
ba mɔ kifu piim;
nɛ baga lɛ butsi buyi kesukpa nɛ mɛ
kifu deke.”
17Denɔ kibe lɛ nɛ mɛ ɔvɛnɔ klɛ Yesu etenɔ Kpayɛbui nɛ ɖɔ, “Tsyinɛtem, alasɛ owũsise bukusiɔŋakɔ nɛ tɛ tsu ba.”
Badɔkpasɛ Tutɔpu Nɛ Tɛkuklu
18Gɛ Yesu aaga nɛ Galelia aƒu nɛ shu, amɔ badzya tɛabha, Simɔnɛ gɛ be kulu asɛ Petro anɛ yadzya Andrɛasɛ. Be dzi aza da kenimdzikle kɛvɔ nɛ mɛ alasɛ benu banɔ gɛ bee bu kenimɛdzya. 19Yesu asɛ, “Nɔ ba, zamɛe de mɔ,” “klɛ ɛba bhɛtɛ wɔnɔ banɔ gɛ be bu banɔ.” 20Ɔkɛlɛ nɛ ko, bagbla shɛnahwɛ kenimdzikle nɛ shu elu, klɛ la lɛ yɛe de.
21Denɔ ɔkɛlɛ ɔlɛ nɛ ɔvɛnɔ, amɔ badzya tɛabha teli, Yakobo gɛ enu Zebeɖi yɛeyi anɛ yɛadzya Yohanɛsɛ. Ba za keniabha opupu mɛ nɛ balɛ aka Zebeɖi, gɛ ewũse balɛ kenimdzikle. Yesu eklua lɛ, 22klɛ begble koeyi ashɛ̃ alɔ opupu nɛ balɛ aka klɛ ba tɔnɔ yɛ.
Yesu Ebeke Banyɛnya Nɛ Banya
23Yesu aga nyɔ ekoeyi nɛ Galelia, anɛ kɛdɔkɛkasɛ nɛ balɛ oxogokɔevu nɛm, kibui dzyɔgo nɛ tɛɖuɖɔ denɔ bukusiɔŋakɔ nɛ shu, klɛ ebeke banya nyaanya nɛ banɔ mɛ. 24Be nu yɛ dɔ akana Siria petee, klɛ banɔa gbanɔ balɛ banyɛnya edidedi amɛna yɛ, banɔ teli nɛ ishutɛtã, beteli ɛfufɔɛkpã vua lɛ, beteli baa wɔlɛ ebho, klɛ beteli bagba klɛ ebeke balɛ banya nɛ petee. 25Banɔɛza gbla denɔ Galelia, Dekapolisɛ Yerusalɛm, Yuɖia anɛ Yɔɖanɛ kɛdɔ nɛ mɛ petee ba za yɛe de.
Zur Zeit ausgewählt:
:
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© Ghana Institute of Linguistics, Literacy and Bible Translation