Smnlean 14
14
Pkuudus Lot ka Abram
1Qbsuran paru Sinar ka Amrapel, qbsuran paru Elasar ka Aryok, qbsuran paru Eylam ka Ketarlaomer ma, qbsuran paru Guing ka Tidal ciida, 2mosa mccebu Bera qbsuran paru Sedom, Birsa qbsuran paru Amorah, Sinab qbsuran paru Admah, Semeber qbsuran paru Ceboyim ma, qbsuran paru Bela, Bela nii we kiya ka Coar. 3Dqbsuran paru nii we msseli ayu Siding. Ayu Siding nii we kika Rcilung Mhuqil. 4Dheya nii we tena 12 knkawas qnpahan daha Ketarlaomer ka dheya da. Dehuk tg13 knkawas de tbrinah heya ka dheya. 5Tg14 knkawas ciida, Ketarlaomer ma dqbsuran paru qnlhangan pnspuwan na we meyah kana. Wada ini baka mccebu ka seediq Ripayim meniq Asterot Qarnayim, ini baka mccebu ka Jujim meniq Ham ma, ini baka mccebu ka seediq Eymim meniq Qiryatayim, 6ini baka mccebu ka seediq Xori meniq dgiyaq Seir, hiya we dxeral seediq Xori. Betaq Eyl Paran ssiyo tadus brenux. 7Mbrinah ka dheya we dehuk Eyn Mispat, kiya ka Qades. Wada ini baka mccebu kana ka dseediq ga dxeral Amaleq, seediq Amori meniq Xaccon Tamar. 8Kiya de meyah kana ka qbsuran paru Sedom, Amorah, Admah, Ceboyim ma Bela we kiya ka Coar, meyah kana ma, paha supi ayu Siding ma mccebu dheya kana. 9Kiya ka mccebu Ketarlaomer qbsuran paru Eylam, Tidal qbsuran paru Guing, Amrapel qbsuran paru Sinar, Aryok qbsuran paru Elasar. Nii we kiya ka kesun mccebu 5 dqbsuran paru ma dhaka 4 dqbsuran paru. 10Ayu Siding we egu ka beling knriyan abura krutang. Qduriq ciida ka qbsuran paru Sedom ma Amorah de, mtuting beling ka dheya. Duma na de mquri dgiyaq qduriq. 114 qbsuran paru nii we desun daha kana ka qyqeya Sedom ma Amorah. 12Dheya nii we wada daha desun kana ka Lot, ririh laqi mtswai nuAbram ma kana qyqeya na uri. Meniq Sedom ciida ka Lot.
13Meyah rmengo Abram ka 1 seediq Hiburu qnduriq. Ga meniq Mamre seediq Amori niqan qhuni raus ciida ka Abram. Mtswai na ka Mamre, Eskol ma, Aner. Dheya we mnsuupu Abram ka dheya. 14Mbahang wada qrapun ka Lot ririh laqi qbsuran Abram de, psseli 3'18 heyi mbeyax mntuting sapah na pnslhayan mccebu. Smnegul smdurak kana ka dheya betaq Dan. 15Keeman ciida, ptqpruhun na psaasu ka supi na, wada ini baka mccebu ka pais daha ma, smdurak phuqil dheya betaq Xobah daya Darmeseq ka dheya. 16Glekun na tmberih mangal ka kana qyqeya gnlekan daha, wada daha tbrihan mangal kana ka qyqeya, wada daha desun ka Lot ririh na laqi ma, kana ka qyqeya, seediq na ma dmqedil.
Smbleyaq Abram ka Malkicedeq
17Abram ge, wada na ini baka mccebu ka Ketarlaomer ma dqbsuran paru mnsuupu heya de meyah ciida, mosa smterung heya meniq so ayu Saweh ka qbsuran paru Sedom. Ayu Saweh nii we kiya ka ayu nqbsuran. 18Kiya uri we madis pang ma sino ka Malkicedeq qbsuran paru Salem. Heya we msapuh Utux Baro Tgpusu Ba Baro ka heya. 19Mquri Abram smbleyaq ka heya, rmengo:
“Tai so Utux Baro Tgpusu Ba Baro,
Bukung kana karac ma dxeral we smbleyaq Abram!
20Utux Baro Tgpusu Ba Baro we sbege na baga na ka pais. Heya we bale ba tndhuun.”
Kiya de mangal 1 tnugmxalan peeyah ckceka qyqeya nadis na peeyah dnugdyalan na mccebu ka Abram ma sbege na Malkicedeq. 21Rmengo Abram ka qbsuran paru Sedom: “Peeyah kenan ka seediq, qyqeya we angal nak isu ka kiya!” 22Cmiyuk qbsuran paru Sedom ka Abram: “Mptiyu ku Utux Tmninun Utux Baro Tgpusu Ba Baro, Bukung kana karac ma dxeral psdehu, 23Kana qyqeya su, ani 1 hnyegan ware ma ani 1 negul ramil we uxe ku maangal ani kingal. So su uxe mprengo: ‘Yaku ka wada pkbleyaq Abram!’ 24Uxe ku maangal ani maanu, wano uuqun tnqliyan, ngngalun Aner, Eskol ma, Mamre mnsuupu yami we biqi ka dheya!”
Zur Zeit ausgewählt:
Smnlean 14: Stgdaya
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
The Bible Society in Taiwan, 2020
© 台灣聖經公會版權所有，2020