Smnlean 18
18
Mangal Laqi Sntangan ka Abraham
1Utux Tmninun we mtqita Abraham qhuni raus gaga Mamre hiya. Pkelu mttilux bale karac ciida, ga tleung berah kobu hiya ka Abraham. 2Kmuuruy qmita ka heya, qtaan na ga mheyu ssiyo na hiya ka 3 heyi. Mita ka heya de, tmalang peeyah rhengun kobu na mosa smterung dheya ma tgtemaq dxeral. 3Rmengo: “Bukung mu, netun ku mangal huwe berah su, ani ba rabang iya hrinas mlatac peeyah tnqliyan su. 4Posa ku paangal qsiya ttrima mu papak namu ma sange tikuh toma qhuni han. 5Betaq namu tnqliyan hini de, maha ku mangal pang. So namu maha mpniqun beyax, kiya de osa da henu.” Rmengo ka dheya: “Pdai rnengo su dai meepah.” 6Abraham ge, mtgaaguh mosa kobu Sarah na hiya, rmengo: “Osa mangal nhari tgmalu ba 3 sea nemu mugi ma, grmteruc nemu mugi ma smlei pang.” 7Tmalang mosa rahul dapa ka Abraham dungal ma, gmao qmerac mtbeno malu ba wawa dapa, sbege na tnqliyan. Tnqliyan na de nhari mosa psramal. 8Abraham we mosa mangal buwa nunuh ma beyuq nunuh, mhedu psramal ka heyi wawa dapa de, pniqun na berah daha. Abraham we mheyu ssiyo toma qhuni hiya, kiya de mekan ka dheya di.
9Rmengo Abraham ka dheya: “Gaga inu ka Sarah mqedil su?” Cmiyuk ka heya: “Tai, gaga truma kobu.” 10Rmengo ka taxa daha: “Kawas so ali saya, meyah ku isu hini nana. Tai, Sarah mqedil su we mptnlaqi 1 laqi rseno.” Meniq rhengun kobu bukuy seediq nii ka Sarah ma mbahang uri. 11Abraham ma Sarah we tena rudan kana di. Yahan Sarah duri we tena wada msetuq di. 12Mgleing mhulis lhebun na ka Sarah, rmengo: “Rudan ku ba ma, rudan ba ka rseno mu uri di. Mpniqan nana ka qaras nii ho?” 13Rmengo Abraham ka Utux Tmninun: “Ma mgleing mhulis ka Sarah ga, betaq rmengo: ‘Rudan ku ba ma, bale ba mptnlaqi ku peni?’ 14Utux Tmninun we niqan ka ini na dheki qmeepah peni? Dehuk ka ali sneengan ciida, meyah ku isu hini. Kawas ali nii ciida, mptnlaqi 1 rseno ka Sarah.” 15Ado miicu ka Sarah, kiya de ini tgesa, rmengo: “Ini ku phulis!” Rmengo ka seediq kiya: “Uxe, bale ba mnhulis su da.”
Dmurun Sedom ka Abraham
16Kndalax hiya mmaha ka 3 seediq nii, mquri Sedom qmita. Mtheyaq dheya ka Abraham, kmhaduc dheya. 17Rmengo Utux Tmninun: “Ddaun mu meepah we sgruus mu Abraham peni? 18Mpqlhangan mbeyax bale ka Abraham. Ririh heya maha mangal smbleqan kana ka klegan seediq bobo dxeral. 19Gmnao ku heya we, so maha mndungus ba posa kari laqi na ma knxalan lqlaqi laqi na hiti, puyu bale kari Utux Tmninun, oda msderux noda, kiya de Utux Tmninun we kari sntangan na Abraham de maha mpbale da.” 20Rmengo ka Utux Tmninun: “Teyal bale ka qnquwan noda Sedom ma Amorah, hrenang mrengo qnquwan daha we paru riyung. 21Maha ku hmeruc qmita noda daha, yaa bale ba mntena hrenang betaq berah mu. Netun uxe, asi mu ka klaun uri.”
22Mlatac peeyah hiya mosa quri Sedom ka 2 heyi. Kiya de Abraham we ida ga mheyu berah Utux Tmninun nana. 23Meyah berah ka Abraham, rmengo: “Bale ba pspuun su smeeliq phuqil kana ka seediq msderux noda ma seediq naqah ho? 24Netun niqan 50 heyi msderux noda ka alang kiya we, bale su ba phqilun nana, ririh so 50 heyi msderux noda nii de srwaun su ka dxeral kiya ho? 25Uxe su bale mooda so nii, pspuun su phuqil kana ka seediq msderux noda ma seediq naqah. Uxe su bale mpuso kiya! Bukung mpsgao kana bobo dxeral we ini qeepah oda ini psaanak kiya ka heya peni?” 26Rmengo ka Utux Tmninun: “Netun mu slayan ka 50 heyi msderux noda ga ckceka alang Sedom, ririh dheya srwaun mu ka kana alang kiya.” 27Rmengo dungal ka Abraham: “Tai, ani ku bengux ma qbulic ka yaku, mpkpahung ku rmengo Bukung mu. 28Netun meelih 5 heyi ka 50 heyi msderux noda de, ririh meelih 5 heyi nii de phqilun su kana ka alang ho?” Rmengo ka heya: “Netun mu slayan ka 45 heyi de, uxe mu phqilun.” 29Rmengo dungal ka Abraham: “Netun slayan su 40 heyi ka hiya du we?” Rmengo ka heya: “Ririh 40 heyi nii, uxe ku mooda.” 30Rmengo ka Abraham: “Bukung, iya kseang ha, srwai ku hiya mprengo, netun slayan su 30 heyi ka hiya du we?” Rmengo ka hiya: “Netun mu slayan 30 heyi ka hiya de, uxe ku mooda duri.” 31Rmengo ka Abraham: “Tai, niqan pahung mu rmengo Bukung na, netun slayan su 20 heyi ka hiya du we?” Rmengo ka hiya: “Ririh 20 heyi nii, uxe ku mpseelaq phuqil uri.” 32Rmengo ka Abraham: “Ani ba rabang Bukung, iya ba kseang, mprengo ku texal dungal, netun slayan su 10 heyi ka hiya du we?” Rmengo ka heya: “Ririh 10 heyi nii, uxe ku mpseelaq phuqil uri.” 33Mnhedu mpprengo daha Abraham ka Utux Tmninun de wada da. Wada sapah na nanak ka Abraham uri da.
Zur Zeit ausgewählt:
Smnlean 18: Stgdaya
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
The Bible Society in Taiwan, 2020
© 台灣聖經公會版權所有，2020
Smnlean 18
18
Mangal Laqi Sntangan ka Abraham
1Utux Tmninun we mtqita Abraham qhuni raus gaga Mamre hiya. Pkelu mttilux bale karac ciida, ga tleung berah kobu hiya ka Abraham. 2Kmuuruy qmita ka heya, qtaan na ga mheyu ssiyo na hiya ka 3 heyi. Mita ka heya de, tmalang peeyah rhengun kobu na mosa smterung dheya ma tgtemaq dxeral. 3Rmengo: “Bukung mu, netun ku mangal huwe berah su, ani ba rabang iya hrinas mlatac peeyah tnqliyan su. 4Posa ku paangal qsiya ttrima mu papak namu ma sange tikuh toma qhuni han. 5Betaq namu tnqliyan hini de, maha ku mangal pang. So namu maha mpniqun beyax, kiya de osa da henu.” Rmengo ka dheya: “Pdai rnengo su dai meepah.” 6Abraham ge, mtgaaguh mosa kobu Sarah na hiya, rmengo: “Osa mangal nhari tgmalu ba 3 sea nemu mugi ma, grmteruc nemu mugi ma smlei pang.” 7Tmalang mosa rahul dapa ka Abraham dungal ma, gmao qmerac mtbeno malu ba wawa dapa, sbege na tnqliyan. Tnqliyan na de nhari mosa psramal. 8Abraham we mosa mangal buwa nunuh ma beyuq nunuh, mhedu psramal ka heyi wawa dapa de, pniqun na berah daha. Abraham we mheyu ssiyo toma qhuni hiya, kiya de mekan ka dheya di.
9Rmengo Abraham ka dheya: “Gaga inu ka Sarah mqedil su?” Cmiyuk ka heya: “Tai, gaga truma kobu.” 10Rmengo ka taxa daha: “Kawas so ali saya, meyah ku isu hini nana. Tai, Sarah mqedil su we mptnlaqi 1 laqi rseno.” Meniq rhengun kobu bukuy seediq nii ka Sarah ma mbahang uri. 11Abraham ma Sarah we tena rudan kana di. Yahan Sarah duri we tena wada msetuq di. 12Mgleing mhulis lhebun na ka Sarah, rmengo: “Rudan ku ba ma, rudan ba ka rseno mu uri di. Mpniqan nana ka qaras nii ho?” 13Rmengo Abraham ka Utux Tmninun: “Ma mgleing mhulis ka Sarah ga, betaq rmengo: ‘Rudan ku ba ma, bale ba mptnlaqi ku peni?’ 14Utux Tmninun we niqan ka ini na dheki qmeepah peni? Dehuk ka ali sneengan ciida, meyah ku isu hini. Kawas ali nii ciida, mptnlaqi 1 rseno ka Sarah.” 15Ado miicu ka Sarah, kiya de ini tgesa, rmengo: “Ini ku phulis!” Rmengo ka seediq kiya: “Uxe, bale ba mnhulis su da.”
Dmurun Sedom ka Abraham
16Kndalax hiya mmaha ka 3 seediq nii, mquri Sedom qmita. Mtheyaq dheya ka Abraham, kmhaduc dheya. 17Rmengo Utux Tmninun: “Ddaun mu meepah we sgruus mu Abraham peni? 18Mpqlhangan mbeyax bale ka Abraham. Ririh heya maha mangal smbleqan kana ka klegan seediq bobo dxeral. 19Gmnao ku heya we, so maha mndungus ba posa kari laqi na ma knxalan lqlaqi laqi na hiti, puyu bale kari Utux Tmninun, oda msderux noda, kiya de Utux Tmninun we kari sntangan na Abraham de maha mpbale da.” 20Rmengo ka Utux Tmninun: “Teyal bale ka qnquwan noda Sedom ma Amorah, hrenang mrengo qnquwan daha we paru riyung. 21Maha ku hmeruc qmita noda daha, yaa bale ba mntena hrenang betaq berah mu. Netun uxe, asi mu ka klaun uri.”
22Mlatac peeyah hiya mosa quri Sedom ka 2 heyi. Kiya de Abraham we ida ga mheyu berah Utux Tmninun nana. 23Meyah berah ka Abraham, rmengo: “Bale ba pspuun su smeeliq phuqil kana ka seediq msderux noda ma seediq naqah ho? 24Netun niqan 50 heyi msderux noda ka alang kiya we, bale su ba phqilun nana, ririh so 50 heyi msderux noda nii de srwaun su ka dxeral kiya ho? 25Uxe su bale mooda so nii, pspuun su phuqil kana ka seediq msderux noda ma seediq naqah. Uxe su bale mpuso kiya! Bukung mpsgao kana bobo dxeral we ini qeepah oda ini psaanak kiya ka heya peni?” 26Rmengo ka Utux Tmninun: “Netun mu slayan ka 50 heyi msderux noda ga ckceka alang Sedom, ririh dheya srwaun mu ka kana alang kiya.” 27Rmengo dungal ka Abraham: “Tai, ani ku bengux ma qbulic ka yaku, mpkpahung ku rmengo Bukung mu. 28Netun meelih 5 heyi ka 50 heyi msderux noda de, ririh meelih 5 heyi nii de phqilun su kana ka alang ho?” Rmengo ka heya: “Netun mu slayan ka 45 heyi de, uxe mu phqilun.” 29Rmengo dungal ka Abraham: “Netun slayan su 40 heyi ka hiya du we?” Rmengo ka heya: “Ririh 40 heyi nii, uxe ku mooda.” 30Rmengo ka Abraham: “Bukung, iya kseang ha, srwai ku hiya mprengo, netun slayan su 30 heyi ka hiya du we?” Rmengo ka hiya: “Netun mu slayan 30 heyi ka hiya de, uxe ku mooda duri.” 31Rmengo ka Abraham: “Tai, niqan pahung mu rmengo Bukung na, netun slayan su 20 heyi ka hiya du we?” Rmengo ka hiya: “Ririh 20 heyi nii, uxe ku mpseelaq phuqil uri.” 32Rmengo ka Abraham: “Ani ba rabang Bukung, iya ba kseang, mprengo ku texal dungal, netun slayan su 10 heyi ka hiya du we?” Rmengo ka heya: “Ririh 10 heyi nii, uxe ku mpseelaq phuqil uri.” 33Mnhedu mpprengo daha Abraham ka Utux Tmninun de wada da. Wada sapah na nanak ka Abraham uri da.
Zur Zeit ausgewählt:
:
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
The Bible Society in Taiwan, 2020
© 台灣聖經公會版權所有，2020