Smnlean 24
24
Mangal Mqedil ka Yijxaq
1Rudan bale ka Abraham ciida, ani maanu ndaan na qmeepah we pgbleqan ba Utux Tmninun kana. 2Kiya de rmengo tgrudan ba tnqliyan mpqlahang dnoi sapah na ka Abraham: “Posa cenga bteriq mu ka baga su. 3Pctyuun misu Utux Baro Tmninun nkarac ma ndxeral pskere smdehu kenan. Iya ba pngali laqi mqedil nniqan mu dxeral Kenaan ka laqi mu Yijxaq. 4Psquri ddxeral nami ma dseediq nami nanak mangal mqedil laqi mu Yijxaq.” 5Rmengo heya ka tnqliyan: “Netun ini sruwa msuupu yaku meyah hini ka mqedil kiya de, ye mu asi ka desun dxeral pnyahan su hiya da ho?” 6Rmengo heya ka Abraham: “Qlahang bale, iya ba desi hiya ka laqi mu. 7Utux Baro Tmninun we mnadis kenan mlatac peeyah sapah tama mu ma dxeral dseediq nami. Rmengo kenan ma psdehu rmengo: ‘Bege mu laqi mslutuc su ka dxeral nii.’ Heya we mpskagul snkgulan na mpgeela berah su. Kiya de tduwa su mangal mqedil laqi mu peeyah hiya. 8Netun ini sruwa theyaq sunan meyah ka weewa de, uka pnugluban na sunan ka pnskere pnsdhegan su. Wano iya ba desi hiya ka laqi mu.” 9Kiya de tnqliyan we psaun na cenga bteriq Abraham ka baga na. Quri so noda nii psdehu heya.
10Tnqliyan nii we gmao mangal 10 dapa bukung tnpusu sapah na, madis lmlamu pusu dnoi tnpusu sapah na uri de, mosa mquri Misputamiya, betaq alang ga niqan Nahor da. 11Gbiyan ciida, meyah bubul qsiya nganguc ka hbaro weewa. Heya we psngayun na ssiyo kbbulan hghugan qsiya nganguc alang hiya ka dapa bukung. 12Rmengo ka heya: “Utux Tmninun nuAbraham tnpusu sapah mu, Braho su bale biqi huwe ka tnpusu sapah mu Abraham. So ku maha smterung ali saya! 13Tai, mheyu ku ssiyo kbbulan hini. Gisu meyah bubul qsiya hini kana ka dweewa alang hini. 14Mpsquri ku 1 weewa rmengo: ‘Rdaani ka qriyan qsiya su ma pmahi ku qsiya su’. Netun rmengo ka heya: ‘Mahi ha! Kiya de pmahi mu qsiya ka dapa bukung su uri’. Tai so heya ka gneegan su mqedil Yijxaq tnqliyan su. So kiya de, maha mu klaun ga su gmhuwe mege tnpusu sapah mu ka isu da.”
15Ini qhedu dmurun ka heya nana, tai, gisu mheal qriyan qsiya ahing meyah nganguc ka Ribqah. Ribqah nii we laqi Betuel. Betuel we laqi mtswai Abraham Nahor ma mqedil na Milkah. 16Mqedil kiya we mbtunux bale taan. Heya uri we weewa bale ini bale theyaq mtaqi rseno na. Meyah ssiyo bbulan ka heya, stenge ka qriyan qsiya na de, meyah baro. 17Mosa tmalang berah smterung heya ka tnqliyan, rmengo: “Braho su, pmahi ku tikuh qsiya su ga ckceka qriyan su ho?” 18Rmengo ka weewa: “Pusu qbsuran mu, mahi!” Kiya de nhari mangal qriyan na psaun na baga na, piimah qsiya heya. 19Mnhedu piimah heya de, rmengo dungal: “Saane mu bubul qsiya ka dapa bukung su uri, so betaq mttuku nmahan daha.” 20Kiya de asi ttalang mosa ssiyo bbulan qsiya, mosa bubul qsiya piimah qsiya kana dapa bukung. 21Seediq kiya we mita bale weewa nii ka doriq na, ini ba rengo ani 1 kari. So na maha klaun hmuwa mesa msleelu bale ka noda na ka Utux Tmninun.
22Mttuku nmahan daha ka dapa bukung da. Seediq kiya we mangal 1 pika chndilan king ngadux, 1 mbbais 10 skere chndilan na ka ngadux king qnuur baga. 23Rmengo: “Braho misu, tgsai nami, weewa su ima ka isu? Sapah tama su we niqan nniqan saun mu msange ho?” 24Cmiyuk ka weewa: “Yaku we weewa Betuel laqi Nahor, mqedil na we Milkah.” 25Rmengo dungal: “Sapah mu we niqan msngari bale mdengu speriq ma ttabu ma, niqan ka tqiyan namu uri.” 26Seediq kiya de thmuku tunux na thmuku Utux Tmninun, 27rmengo: “Utux Tmninun, Utux Baro nuAbraham tnpusu sapah mu we bale tndhuun. Ado heya we ini setuq gmaalu ma dehuk dmudul tnpusu sapah mu. Quri so yaku we, Utux Tmninun we klgelu dmudul yaku, betaq ku meyah sapah mtswai tnpusu sapah mu.”
28Weewa kiya we tmalang mosa, saan na rmengo dseediq bubu na ka kari nii. 29Niqan 1 qbsuran na rseno ka Ribqah, Rapan kesun ka ngayan na. Rapan nii de tmalang mosa nganguc ssiyo bbulan qsiya gaga niqan seediq kiya. 30Taan na ka ngadux king ma king qnuur baga ga baga mtswai na mqedil. Dungal we mnbahang rmengo Ribqah mtswai na: “So nii ka kari rnengo na yaku” de, meyah berah seediq kiya. Tai, ida ga mheyu ssiyo dapa bukung ssiyo bbulan qsiya hiya ka heya. 31Rmengo heya ka Rapan: “Isu we seediq su ga mangal smbleqan Utux Tmninun we, Eyah sapah truma ho! Ma su mheyu nganguc na? Mhedu ku kmaro sapah da, pnsramal ku ka nniqun dapa bukung uri da.” 32Seediq kiya de mremux sapah Raban da. Raban we lhlahun na ka dapa bukung de tbugan na uqun. Sbege na qsiya ttrima papak daha ka seediq kiya ma dseediq smnegul heya. 33Mnhedu posa kana hnpure berah na de, bleyaq pekan dheya. Rmengo ka heya: “Uxe ku mekan, asi mu ka qhdeun rmengo ka ooda mu de kiya ka mekan ku.” Rmengo ka Rapan: “Un, Rengo han.”
34Rmengo ka heya: “Yaku we tnqliyan Abraham. 35Utux Tmninun we pbleyaq paru ba tnpusu sapah mu. Spruun na riyung, sbege na qpuruh miric ma dapa, king ma ging, tnqliyan ma tnqliyan mqedil, dapa bukung ma dapa roba. 36Mqedil tnpusu sapah mu Sarah, pttingan na 1 laqi rseno ka tnpusu sapah mu. Wada na sbege heya kana ka dnoi tnpusu sapah mu. 37Psdehu ku berah tnpusu sapah mu rmengo kenan: ‘Iya ba osa mangal mqedil laqi nniqan mu peeyah dxeral Kenaan. 38Psquri sapah tama mu ma dseediq nami nanak maangal mqedil Yijxaq laqi mu.’ 39Rmnengo ku tnpusu sapah mu: ‘Nhuwa ini sruwa meyah smnegul kenan ka laqi mqedil kiya.’ 40Cmiyuk ka heya: ‘Utux Tmninun nii mu thmkuwan we mpskagul snkgulan na baro mptheyaq sunan, msleelu bale noda su. Kiya de mtduwa su meniq sapah tama mu ma dseediq nami hiya maangal mqedil laqi mu. 41Wano dehuk su dseediq nami hiya de pnsdehu su de uka pnugluban su da. Nasi ini sruwa mege weewa sunan ka dheya we, pnsdehu su we uka pnugluban daha sunan uri.’”
42“Ali saya, dehuk ku ssiyo kbbulan, rmnengo ku: ‘Utux Tmninun, Utux Baro nuAbraham tnpusu sapah mu, Tai so maha msleelu bale ka noda mu. 43Tai, mheyu ku ssiyo kbbulan, psquri ku 1 weewa meyah bubul qsiya rmengo: Braho su pmahi ku tikuh qsiya su ga ckceka qriyan su. 44Netun rmengo ka heya: Mahi nanak, kiya de pmahun mu qsiya ka dapa bukung su uri. Tai so heya ka gneegan su mqedil Utux Tmninun tnpusu sapah mu.’”
45“Ini ku qhedu rmengo kari lhebun mu ciida, tai, gisu mheal qriyan qsiya ahing na meyah nganguc ka Ribqah, mosa ssiyo kbbulan qsiya. Rmnengo ku heya: ‘Pmahi ku tikuh qsiya ho?’ 46Heya ge, asi na rdaani peeyah ahing na ka qriyan qsiya, rmengo: ‘Mahi wa! Pmahun mu ka dapa bukung su uri.’ Kiya de mnimah ku di. Heya we pmahan na ka dapa bukung mu uri. 47Rmengo ku heya ka yaku: ‘Weewa su ima ka isu ho?’ Cmiyuk ka heya: ‘Weewa ku Betuel. Betuel we laqi rseno Nahor ma Milkah.’ Kiya de psaun mu muhing ka qmuru king ma, psaun mu baga na ka ngadux king. 48Kiya de thmuku ku tunux thmuku ku Utux Tmninun. Tmdahu ku Utux Tmninun, Utux Baro nuAbraham tnpusu sapah mu. Ado heya ka dmnudul mkkesa malu elu. Heya ka dmnudul mangal weewa mtswai tnpusu sapah mu. Betaq mege mqedil laqi tnpusu sapah mu. 49Saya, nasi namu peeyah lhebun gmaalu smbleyaq tnpusu sapah mu de, rngagi ku hiya. Netun su ini sruwa we, rngagi ku hiya uri. Kiya ka kklaun mu mpquri iril ma, mpquri ku narac.”
50Cmiyuk ka Rapan ma Betuel: “Ooda nii we netun pneyah Utux Tmninun de, ima ka mtduwa rmengo malu ma naqah isu. 51Tai, ga berah su ka Ribqah, tduwa su desun ka hiya, puyu kari rnengo Utux Tmninun ngali mqedil laqi tnpusu sapah su.”
52Mbahang kari daha so nii ka tnqliyan Abraham de asi psquri Utux Tmninun tgtemaq dxeral thmuku. 53Tnqliyan de mangal qyqeya king, ging ma lukus sbege na Ribqah. Kiya uri we sbege na qbsuran na rseno ma bubu na ka mkere bale qyqeya. 54Bobo na de, hani mekan ka tnqliyan ma seediq smnegul heya. Kiya uri we mkrabi 1 rabi hiya. Mtutuy mgrebu ba so kusun, rmengo ka tnqliyan: “Posa ku tnpusu sapah mu hiya da ho?” 55Rmengo ka qbsuran rseno Ribqah ma bubu na: “Hrido miyan tikuh meniq menan hini ka heya han, yaani so mk10 ali, kiya de tduwa mosa ka heya da.” 56Rmengo dheya ka tnqliyan: “Gisu msleelu bale noda mu ka Utux Tmninun de, iya ku hiya sglai posa ku da. Psai ku tnpusu sapah mu hiya da ho!” 57Cmiyuk ka dheya: “Plaane ta ka heya slinge ta ka heya.” 58Dheya de mlawa Ribqah, rmengo heya: “Mpsruwa su theyaq mosa seediq nii ho?” Rmengo ka heya: “Smruwa ku mosa.” 59Kiya de mosa hmaduc Ribqah mtswai mqedil daha ma ririh bubu mpqlahang heya, ptheyaq na tnqliyan Abraham ma smnegul heya ka dheya. 60Dheya we sbleqan daha rmengo ka Ribqah, mquri heya rmengo:
“Mtswai nami mqedil!
Tai so mpbubu hbaro riyung seediq ka isu!
Tai so ltlutuc laqi su we maha mangal rhengun alang pais!”
61Mtutuy ka Ribqah ma tnqliyan mqedil na. Paapa dapa bukung de, smnegul seediq kiya. Tnqliyan kiya de madis Ribqah mosa da.
62Ciida, meniq Negeb ka Yijxaq. Heya we hani mpneyah Beer Laxay Roiy ka heya. 63Smdaling smesung, meyah nganguc ka Yijxaq, mosa lmngelung ckceka qnpahan. Pstutuy doriq na mita. Tai, gisu nii meyah ka 1 pnsliyan dapa bukung. 64Qmita Yijxaq ka Ribqah de asi tuting peeyah dapa bukung. 65Smiling tnqliyan kiya: “Ima ka gisu smterung ita pneyah ckceka qnpahan mkkesa nii ho?” Rmengo ka tnqliyan: “Heya ka tnpusu sapah mu.” Kiya de Ribqah we mangal galiq sqeerung na dqeras na. 66Tnqliyan kiya ge, srengo na Yijxaq ka kana ndaan na. 67Yijxaq de asi na desi kobu nniqan Sarah bubu na ka Ribqah. Msterung hiya ma sgaalu na bale ka Yijxaq. Yijxaq we peeyah wada uka ka bubu na we hani malu kuxul na.
Zur Zeit ausgewählt:
Smnlean 24: Stgdaya
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
The Bible Society in Taiwan, 2020
© 台灣聖經公會版權所有，2020
Smnlean 24
24
Mangal Mqedil ka Yijxaq
1Rudan bale ka Abraham ciida, ani maanu ndaan na qmeepah we pgbleqan ba Utux Tmninun kana. 2Kiya de rmengo tgrudan ba tnqliyan mpqlahang dnoi sapah na ka Abraham: “Posa cenga bteriq mu ka baga su. 3Pctyuun misu Utux Baro Tmninun nkarac ma ndxeral pskere smdehu kenan. Iya ba pngali laqi mqedil nniqan mu dxeral Kenaan ka laqi mu Yijxaq. 4Psquri ddxeral nami ma dseediq nami nanak mangal mqedil laqi mu Yijxaq.” 5Rmengo heya ka tnqliyan: “Netun ini sruwa msuupu yaku meyah hini ka mqedil kiya de, ye mu asi ka desun dxeral pnyahan su hiya da ho?” 6Rmengo heya ka Abraham: “Qlahang bale, iya ba desi hiya ka laqi mu. 7Utux Baro Tmninun we mnadis kenan mlatac peeyah sapah tama mu ma dxeral dseediq nami. Rmengo kenan ma psdehu rmengo: ‘Bege mu laqi mslutuc su ka dxeral nii.’ Heya we mpskagul snkgulan na mpgeela berah su. Kiya de tduwa su mangal mqedil laqi mu peeyah hiya. 8Netun ini sruwa theyaq sunan meyah ka weewa de, uka pnugluban na sunan ka pnskere pnsdhegan su. Wano iya ba desi hiya ka laqi mu.” 9Kiya de tnqliyan we psaun na cenga bteriq Abraham ka baga na. Quri so noda nii psdehu heya.
10Tnqliyan nii we gmao mangal 10 dapa bukung tnpusu sapah na, madis lmlamu pusu dnoi tnpusu sapah na uri de, mosa mquri Misputamiya, betaq alang ga niqan Nahor da. 11Gbiyan ciida, meyah bubul qsiya nganguc ka hbaro weewa. Heya we psngayun na ssiyo kbbulan hghugan qsiya nganguc alang hiya ka dapa bukung. 12Rmengo ka heya: “Utux Tmninun nuAbraham tnpusu sapah mu, Braho su bale biqi huwe ka tnpusu sapah mu Abraham. So ku maha smterung ali saya! 13Tai, mheyu ku ssiyo kbbulan hini. Gisu meyah bubul qsiya hini kana ka dweewa alang hini. 14Mpsquri ku 1 weewa rmengo: ‘Rdaani ka qriyan qsiya su ma pmahi ku qsiya su’. Netun rmengo ka heya: ‘Mahi ha! Kiya de pmahi mu qsiya ka dapa bukung su uri’. Tai so heya ka gneegan su mqedil Yijxaq tnqliyan su. So kiya de, maha mu klaun ga su gmhuwe mege tnpusu sapah mu ka isu da.”
15Ini qhedu dmurun ka heya nana, tai, gisu mheal qriyan qsiya ahing meyah nganguc ka Ribqah. Ribqah nii we laqi Betuel. Betuel we laqi mtswai Abraham Nahor ma mqedil na Milkah. 16Mqedil kiya we mbtunux bale taan. Heya uri we weewa bale ini bale theyaq mtaqi rseno na. Meyah ssiyo bbulan ka heya, stenge ka qriyan qsiya na de, meyah baro. 17Mosa tmalang berah smterung heya ka tnqliyan, rmengo: “Braho su, pmahi ku tikuh qsiya su ga ckceka qriyan su ho?” 18Rmengo ka weewa: “Pusu qbsuran mu, mahi!” Kiya de nhari mangal qriyan na psaun na baga na, piimah qsiya heya. 19Mnhedu piimah heya de, rmengo dungal: “Saane mu bubul qsiya ka dapa bukung su uri, so betaq mttuku nmahan daha.” 20Kiya de asi ttalang mosa ssiyo bbulan qsiya, mosa bubul qsiya piimah qsiya kana dapa bukung. 21Seediq kiya we mita bale weewa nii ka doriq na, ini ba rengo ani 1 kari. So na maha klaun hmuwa mesa msleelu bale ka noda na ka Utux Tmninun.
22Mttuku nmahan daha ka dapa bukung da. Seediq kiya we mangal 1 pika chndilan king ngadux, 1 mbbais 10 skere chndilan na ka ngadux king qnuur baga. 23Rmengo: “Braho misu, tgsai nami, weewa su ima ka isu? Sapah tama su we niqan nniqan saun mu msange ho?” 24Cmiyuk ka weewa: “Yaku we weewa Betuel laqi Nahor, mqedil na we Milkah.” 25Rmengo dungal: “Sapah mu we niqan msngari bale mdengu speriq ma ttabu ma, niqan ka tqiyan namu uri.” 26Seediq kiya de thmuku tunux na thmuku Utux Tmninun, 27rmengo: “Utux Tmninun, Utux Baro nuAbraham tnpusu sapah mu we bale tndhuun. Ado heya we ini setuq gmaalu ma dehuk dmudul tnpusu sapah mu. Quri so yaku we, Utux Tmninun we klgelu dmudul yaku, betaq ku meyah sapah mtswai tnpusu sapah mu.”
28Weewa kiya we tmalang mosa, saan na rmengo dseediq bubu na ka kari nii. 29Niqan 1 qbsuran na rseno ka Ribqah, Rapan kesun ka ngayan na. Rapan nii de tmalang mosa nganguc ssiyo bbulan qsiya gaga niqan seediq kiya. 30Taan na ka ngadux king ma king qnuur baga ga baga mtswai na mqedil. Dungal we mnbahang rmengo Ribqah mtswai na: “So nii ka kari rnengo na yaku” de, meyah berah seediq kiya. Tai, ida ga mheyu ssiyo dapa bukung ssiyo bbulan qsiya hiya ka heya. 31Rmengo heya ka Rapan: “Isu we seediq su ga mangal smbleqan Utux Tmninun we, Eyah sapah truma ho! Ma su mheyu nganguc na? Mhedu ku kmaro sapah da, pnsramal ku ka nniqun dapa bukung uri da.” 32Seediq kiya de mremux sapah Raban da. Raban we lhlahun na ka dapa bukung de tbugan na uqun. Sbege na qsiya ttrima papak daha ka seediq kiya ma dseediq smnegul heya. 33Mnhedu posa kana hnpure berah na de, bleyaq pekan dheya. Rmengo ka heya: “Uxe ku mekan, asi mu ka qhdeun rmengo ka ooda mu de kiya ka mekan ku.” Rmengo ka Rapan: “Un, Rengo han.”
34Rmengo ka heya: “Yaku we tnqliyan Abraham. 35Utux Tmninun we pbleyaq paru ba tnpusu sapah mu. Spruun na riyung, sbege na qpuruh miric ma dapa, king ma ging, tnqliyan ma tnqliyan mqedil, dapa bukung ma dapa roba. 36Mqedil tnpusu sapah mu Sarah, pttingan na 1 laqi rseno ka tnpusu sapah mu. Wada na sbege heya kana ka dnoi tnpusu sapah mu. 37Psdehu ku berah tnpusu sapah mu rmengo kenan: ‘Iya ba osa mangal mqedil laqi nniqan mu peeyah dxeral Kenaan. 38Psquri sapah tama mu ma dseediq nami nanak maangal mqedil Yijxaq laqi mu.’ 39Rmnengo ku tnpusu sapah mu: ‘Nhuwa ini sruwa meyah smnegul kenan ka laqi mqedil kiya.’ 40Cmiyuk ka heya: ‘Utux Tmninun nii mu thmkuwan we mpskagul snkgulan na baro mptheyaq sunan, msleelu bale noda su. Kiya de mtduwa su meniq sapah tama mu ma dseediq nami hiya maangal mqedil laqi mu. 41Wano dehuk su dseediq nami hiya de pnsdehu su de uka pnugluban su da. Nasi ini sruwa mege weewa sunan ka dheya we, pnsdehu su we uka pnugluban daha sunan uri.’”
42“Ali saya, dehuk ku ssiyo kbbulan, rmnengo ku: ‘Utux Tmninun, Utux Baro nuAbraham tnpusu sapah mu, Tai so maha msleelu bale ka noda mu. 43Tai, mheyu ku ssiyo kbbulan, psquri ku 1 weewa meyah bubul qsiya rmengo: Braho su pmahi ku tikuh qsiya su ga ckceka qriyan su. 44Netun rmengo ka heya: Mahi nanak, kiya de pmahun mu qsiya ka dapa bukung su uri. Tai so heya ka gneegan su mqedil Utux Tmninun tnpusu sapah mu.’”
45“Ini ku qhedu rmengo kari lhebun mu ciida, tai, gisu mheal qriyan qsiya ahing na meyah nganguc ka Ribqah, mosa ssiyo kbbulan qsiya. Rmnengo ku heya: ‘Pmahi ku tikuh qsiya ho?’ 46Heya ge, asi na rdaani peeyah ahing na ka qriyan qsiya, rmengo: ‘Mahi wa! Pmahun mu ka dapa bukung su uri.’ Kiya de mnimah ku di. Heya we pmahan na ka dapa bukung mu uri. 47Rmengo ku heya ka yaku: ‘Weewa su ima ka isu ho?’ Cmiyuk ka heya: ‘Weewa ku Betuel. Betuel we laqi rseno Nahor ma Milkah.’ Kiya de psaun mu muhing ka qmuru king ma, psaun mu baga na ka ngadux king. 48Kiya de thmuku ku tunux thmuku ku Utux Tmninun. Tmdahu ku Utux Tmninun, Utux Baro nuAbraham tnpusu sapah mu. Ado heya ka dmnudul mkkesa malu elu. Heya ka dmnudul mangal weewa mtswai tnpusu sapah mu. Betaq mege mqedil laqi tnpusu sapah mu. 49Saya, nasi namu peeyah lhebun gmaalu smbleyaq tnpusu sapah mu de, rngagi ku hiya. Netun su ini sruwa we, rngagi ku hiya uri. Kiya ka kklaun mu mpquri iril ma, mpquri ku narac.”
50Cmiyuk ka Rapan ma Betuel: “Ooda nii we netun pneyah Utux Tmninun de, ima ka mtduwa rmengo malu ma naqah isu. 51Tai, ga berah su ka Ribqah, tduwa su desun ka hiya, puyu kari rnengo Utux Tmninun ngali mqedil laqi tnpusu sapah su.”
52Mbahang kari daha so nii ka tnqliyan Abraham de asi psquri Utux Tmninun tgtemaq dxeral thmuku. 53Tnqliyan de mangal qyqeya king, ging ma lukus sbege na Ribqah. Kiya uri we sbege na qbsuran na rseno ma bubu na ka mkere bale qyqeya. 54Bobo na de, hani mekan ka tnqliyan ma seediq smnegul heya. Kiya uri we mkrabi 1 rabi hiya. Mtutuy mgrebu ba so kusun, rmengo ka tnqliyan: “Posa ku tnpusu sapah mu hiya da ho?” 55Rmengo ka qbsuran rseno Ribqah ma bubu na: “Hrido miyan tikuh meniq menan hini ka heya han, yaani so mk10 ali, kiya de tduwa mosa ka heya da.” 56Rmengo dheya ka tnqliyan: “Gisu msleelu bale noda mu ka Utux Tmninun de, iya ku hiya sglai posa ku da. Psai ku tnpusu sapah mu hiya da ho!” 57Cmiyuk ka dheya: “Plaane ta ka heya slinge ta ka heya.” 58Dheya de mlawa Ribqah, rmengo heya: “Mpsruwa su theyaq mosa seediq nii ho?” Rmengo ka heya: “Smruwa ku mosa.” 59Kiya de mosa hmaduc Ribqah mtswai mqedil daha ma ririh bubu mpqlahang heya, ptheyaq na tnqliyan Abraham ma smnegul heya ka dheya. 60Dheya we sbleqan daha rmengo ka Ribqah, mquri heya rmengo:
“Mtswai nami mqedil!
Tai so mpbubu hbaro riyung seediq ka isu!
Tai so ltlutuc laqi su we maha mangal rhengun alang pais!”
61Mtutuy ka Ribqah ma tnqliyan mqedil na. Paapa dapa bukung de, smnegul seediq kiya. Tnqliyan kiya de madis Ribqah mosa da.
62Ciida, meniq Negeb ka Yijxaq. Heya we hani mpneyah Beer Laxay Roiy ka heya. 63Smdaling smesung, meyah nganguc ka Yijxaq, mosa lmngelung ckceka qnpahan. Pstutuy doriq na mita. Tai, gisu nii meyah ka 1 pnsliyan dapa bukung. 64Qmita Yijxaq ka Ribqah de asi tuting peeyah dapa bukung. 65Smiling tnqliyan kiya: “Ima ka gisu smterung ita pneyah ckceka qnpahan mkkesa nii ho?” Rmengo ka tnqliyan: “Heya ka tnpusu sapah mu.” Kiya de Ribqah we mangal galiq sqeerung na dqeras na. 66Tnqliyan kiya ge, srengo na Yijxaq ka kana ndaan na. 67Yijxaq de asi na desi kobu nniqan Sarah bubu na ka Ribqah. Msterung hiya ma sgaalu na bale ka Yijxaq. Yijxaq we peeyah wada uka ka bubu na we hani malu kuxul na.
Zur Zeit ausgewählt:
:
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
The Bible Society in Taiwan, 2020
© 台灣聖經公會版權所有，2020