Smnlean 33
33
Mtqita Esaw ka Yakobu
1Dmeeda qmita Yakobu, tai, gisu meyah ka Esaw, msuupu heya ka 4'00 heyi. Yakobu we psnakun na mege Leah ma Rajie ma 2 tnqliyan mqedil ka lqlaqi na. 2Pglaun na posa berah ka 2 tnqliyan mqedil ma lqlaqi na. Smnegul bukuy ka Leah ma lqlaqi na. Rajie ma Yosehu we meniq bukuy bale. 3Yakobu we asi osa tgeela dheya, mn7 tgtemaq thmuku dxeral smdaling qbsuran na.
4Tmalang meyah smterung heya ka Esaw, tmmaku heya ma tmunguh heya meniq nduyung na. Kiya de lmingis ka kana daha. 5Qmita ddmqedil ma lqlaqi ka Esaw de asi rengo: “Ddseediq nii msuupu sunan we ima kiya ho?” Rmengo ka Yakobu: “Dlqlaqi nii we huwe Utux Baro bnege na tnqliyan su.” 6Kiya de meyah thmuku berah na ka 2 tnqliyan mqedil ma lqlaqi daha. 7Meyah thmuku ka Leah ma lqlaqi na uri. Bobo na de Yosehu ma Rajie we meyah thmuku ka dheya uri. 8Rmengo ka Esaw: “Maanu ka tnbugan nii mu strengun nii ho?” Rmengo ka Yakobu: “Nii we kiya ka maha ku mangal gnhuwe berah pusu qbsuran mu ka nii.” 9Rmengo ka Esaw: “Mtswai mu! Mttuku ka naku da. Nisu we rngii nanak isu kiya wa!” 10Rmengo ka Yakobu: “Uxe so kiya, nasi ku maangal huwe meniq berah su ge, braho su ngali ku hiya ka bnege pneyah baga mu nii. Ado qmita ku dqeras su, mntena ku ga mita dqeras Utux Baro. Kiya uri we mpsruwa su kenan ka isu uri. 11Braho misu, ngali ku hiya ka bnege mu sunan. Ado Utux Baro we gmaalu kenan, ptkuun ku na riyung kana.” Knteetu rmengo heya ka Yakobu de, hani mangal ka heya.
12Rmengo ka Esaw: “Nita da. Yaku ma isu we theyaq ta mkkesa da.” 13Rmengo heya ka Yakobu: “Ida su klaun, bcbiciq ka lqlaqi, dapa ma miric mu gisu mnunuh na. Nasi su ptbyaxun ani 1 ali de maha mhuqil kana ka miric da. 14Osa mgeela berah tnqliyan su ka isu. Mpknthuwe ku mosa sptena mu tnbugan ga berah mu ma knksaan lqlaqi ka yaku. Mpbetaq ku Seir ga su niqan hiya.” 15Rmengo ka Esaw: “Htii mu hini ka duma seediq smnegul kenan.” Rmengo ka Yakobu: “Teyal ba ka kiya da, wada ku mangal huwe meniq berah pusu qbsuran mu de maha mttuku da.” 16Kiya de ali ciida, wada mlatac ka Esaw, mbrinah mosa Seir. 17Mquri Sukot ka Yakobu. Smalu sapah hiya ka heya ma, smalu tibu tnbugan na uri. Kiya de Sukot kesun ka ngayan dxeral kiya.
18Yakobu we mtbleyaq bale peeyah Padan Aram betaq alang Sekem dxeral Kenaan hiya. Pheyu kobu meniq berah alang nii ka heya. 19Yakobu ge, dnoi 1'00 kosita maruy dxeral pheyu na kobu peeyah lqlaqi Xamor tama Sekem. 20Yakobu we smalu 1 spuhan hiya ka heya. El Elohey Israel kesun na tmngayan.
Zur Zeit ausgewählt:
Smnlean 33: Stgdaya
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
The Bible Society in Taiwan, 2020
© 台灣聖經公會版權所有，2020
Smnlean 33
33
Mtqita Esaw ka Yakobu
1Dmeeda qmita Yakobu, tai, gisu meyah ka Esaw, msuupu heya ka 4'00 heyi. Yakobu we psnakun na mege Leah ma Rajie ma 2 tnqliyan mqedil ka lqlaqi na. 2Pglaun na posa berah ka 2 tnqliyan mqedil ma lqlaqi na. Smnegul bukuy ka Leah ma lqlaqi na. Rajie ma Yosehu we meniq bukuy bale. 3Yakobu we asi osa tgeela dheya, mn7 tgtemaq thmuku dxeral smdaling qbsuran na.
4Tmalang meyah smterung heya ka Esaw, tmmaku heya ma tmunguh heya meniq nduyung na. Kiya de lmingis ka kana daha. 5Qmita ddmqedil ma lqlaqi ka Esaw de asi rengo: “Ddseediq nii msuupu sunan we ima kiya ho?” Rmengo ka Yakobu: “Dlqlaqi nii we huwe Utux Baro bnege na tnqliyan su.” 6Kiya de meyah thmuku berah na ka 2 tnqliyan mqedil ma lqlaqi daha. 7Meyah thmuku ka Leah ma lqlaqi na uri. Bobo na de Yosehu ma Rajie we meyah thmuku ka dheya uri. 8Rmengo ka Esaw: “Maanu ka tnbugan nii mu strengun nii ho?” Rmengo ka Yakobu: “Nii we kiya ka maha ku mangal gnhuwe berah pusu qbsuran mu ka nii.” 9Rmengo ka Esaw: “Mtswai mu! Mttuku ka naku da. Nisu we rngii nanak isu kiya wa!” 10Rmengo ka Yakobu: “Uxe so kiya, nasi ku maangal huwe meniq berah su ge, braho su ngali ku hiya ka bnege pneyah baga mu nii. Ado qmita ku dqeras su, mntena ku ga mita dqeras Utux Baro. Kiya uri we mpsruwa su kenan ka isu uri. 11Braho misu, ngali ku hiya ka bnege mu sunan. Ado Utux Baro we gmaalu kenan, ptkuun ku na riyung kana.” Knteetu rmengo heya ka Yakobu de, hani mangal ka heya.
12Rmengo ka Esaw: “Nita da. Yaku ma isu we theyaq ta mkkesa da.” 13Rmengo heya ka Yakobu: “Ida su klaun, bcbiciq ka lqlaqi, dapa ma miric mu gisu mnunuh na. Nasi su ptbyaxun ani 1 ali de maha mhuqil kana ka miric da. 14Osa mgeela berah tnqliyan su ka isu. Mpknthuwe ku mosa sptena mu tnbugan ga berah mu ma knksaan lqlaqi ka yaku. Mpbetaq ku Seir ga su niqan hiya.” 15Rmengo ka Esaw: “Htii mu hini ka duma seediq smnegul kenan.” Rmengo ka Yakobu: “Teyal ba ka kiya da, wada ku mangal huwe meniq berah pusu qbsuran mu de maha mttuku da.” 16Kiya de ali ciida, wada mlatac ka Esaw, mbrinah mosa Seir. 17Mquri Sukot ka Yakobu. Smalu sapah hiya ka heya ma, smalu tibu tnbugan na uri. Kiya de Sukot kesun ka ngayan dxeral kiya.
18Yakobu we mtbleyaq bale peeyah Padan Aram betaq alang Sekem dxeral Kenaan hiya. Pheyu kobu meniq berah alang nii ka heya. 19Yakobu ge, dnoi 1'00 kosita maruy dxeral pheyu na kobu peeyah lqlaqi Xamor tama Sekem. 20Yakobu we smalu 1 spuhan hiya ka heya. El Elohey Israel kesun na tmngayan.
Zur Zeit ausgewählt:
:
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
The Bible Society in Taiwan, 2020
© 台灣聖經公會版權所有，2020