मत्ती 11
11
यूहन्ना बपतिस्मा दाता का सवाल
(लूका 7:18-35)
1जोबै यीशुए आपणै बारौ चैलै खै उपदैश दैय पाए, तौ सै तिनकै नोगरो दा शिक्षा औरौ प्रचार कौरणौ खै तिथैदा हौटै गौआ। 2यूहन्ना बपतिस्मा दाताए ज़ेलो दा मसीह कै कामौ का समाचार शोणेयो आपणै चैलै खै तैसी कैईंदै ऐजौ पूछणो खै भैजै। 3“का तू ही सैजा मसीह औसौ, जैसी छाड़णौ का वादा पौरमेशवरे कौरे राए थिया या आमै कोसी ओकी कै ठोल़नाए कौरु?” 4यीशुए जोवाब दिया कै, “जू किछै तुऐं शुणौ औरौ दैखौए, सैजौ सौबै जाएयो यूहन्ना कैई बौताए दौ। 5की आन्धै दैखौए औरौ लोंगड़े हांडदै फिरदै लागै रौवै, औरौ कोढ़ी ठीक हौए गौवै, औरौ जायरै शुणदै लागै रौवै, औरौ मुर्दै जियुंदी हौए गौवै, औरौ गरीबो खै सुसमाचार शुणाए जांव। 6औरौ धन्य औसौ सैजै जू मुं पांदी बिशवाश कौरणा ना छोड़ो।”
यीशु कै दवारा यूहन्ना कै इज्जत
7जोबै यूहन्ना बपतिस्मा दाता कै चैलै तिथैदै हौटै गौवै, तोबै यीशु यूहन्ना कै बारै मुंजी लोगौ खै बौलदा लागा, “तुऐं शुनशान जौगैह पुंडे का दैखदै हौटै रौवै थिए? का हवा लैई हिजौल़दै डैंगै खै? 8तोबै तुऐं का दैखदै हौटै रौवै थिए? जैणै मौंगै खोटणो बाम्बै राए थिए? ना, मौंगै खोटणो बाम्बणौ वाल़ै तौ राजमहलो दै रौंव? 9तौ किथुखै हौटै रौवै थिए? का कोसी पौरमेशवर कै बातौ बौताणौवाल़ै खै दैखदै हौटै रौवै थिए? हौर, हांव तुऔं खै बुलू, ऐजा सैजा औसौ जू पौरमेशवर कै बातौ बौताणौवाल़ै दा बै बौड़ा औसौ। 10यूहन्ना बपतिस्मा दाता सैजाई औसौ, जैसकै बारै मुंजी पवित्र शास्त्र दो लैखै राए कै,
‘दैख हांव आपणै सौंदेश दैणौवाल़ै कै तैरै औगौड़ियौ भैजु,
ताकि सै लोगौ कै बौताए सौकौ कै सै तैरै आणौ कारिए आपी खै तैयार कौरौ।’
11हांव तुऔं खै साचौ बुलू, कै जू बैटमाणिशौ पौरैशै जन्मे रौवै, तिनु मुंजीदा यूहन्ना बपतिस्मा दाता दा कुणजाई बौड़ा ना आथी, पौरौ जू स्वर्ग कै राज्य दा नानड़ै शै नानड़ा औसौ सैजा तैसीदा बौड़ा औसौ। 12औरौ जोबै यूहन्ना बपतिस्मा दाताए प्रचार कौरणा शुरु कौरा, तैसी सौमय शै लोयो इबी तौड़ी स्वर्ग का राज्य जोर शै आगै बौड़ै रौआ, औरौ तागतवर लोग इथपांदी हमला कौरौ। 13पौरमेशवर कै बातौ बौताणौवाल़ै कै सौबी किताबो दो औरौ मूसा कै कानून दो यूहन्ना बपतिस्मा दाता कै आणौ तौड़ी पौरमेशवर कै राज्य कै बारै मुंजी लैखै राए। 14औरौ जै तुऐं मैरै बात मानणी चांव तौ मैरै बात मान पांव, जैसकै बारै मुंजी एलिय्याह पौरमेशवर कै बातौ बौताणौवाल़ै बौल़ै राए थियु, ऐजा सैजाई औसौ। 15जिनु कुणिए मैरै बात शुणी लोए, सै ध्यान शै शोणेया।”
16“हांव ऐसी सौमय कै लोगौ कै तुलना कैशैखै कौरु? सै तिनु नानड़िया कै साए औसौ, जू बोईजारो दै बोठेयो ऐकी दूजै की चुगली कौरौ। 17‘कै आमुए तुऔं कारिए खुशी कै गाणै गोऊवे, औरौ तुऐं ना नाची; औरौ आमुए शोग मौनौऊं, औरौ तुऐं छाती ना पीटी।’
18जिथुखै यूहन्ना बपतिस्मा दाता बार बार उपवास कौरौ थिया, औरौ ना ही अंगूर का रस पीयों थिया, औरौ सै बौल़ौए कै तैसदै दुष्टआत्मा औसौ। 19पौरौ जोबै हांव आदमी का बैटा खांदा-पींदा ओऊवा, औरौ सै बौल़ौ कै, ‘दैखौ, पेटू औरौ पियक्कड़ आदमी, मामला लोणो वाल़ै औरौ पापियों का दोस्त।’ पौरौ ऐकी आदमी कै काम साबित कौरौ कै बुध्दिमान कुण औसौ।”
मन ना फिराणौ वाल़ै पांदी हाय
(लूका 10:13-15)
20तोबै सै तिनु नोगरो खै लोगौ खै ताड़दा लागा, जिनुमुंजी तैणै बैजाए चौमत्कार कै काम कौरे राए थिए, जिथुखै तिनुऐ आपणै पापौ खै ना छोड़े रैई थी। 21“हाय, खुराजीन शहर औरौ बैतसैदा शहर कै लोगौ जू चौमत्कार कै काम तुऔं दै कौरे राए, जै सै सूर औरौ सैदा शहर दै कौरे जांदै, तौ तिथै कै लोग कोबे कै टाट लोपेटै दैंदै, औरौ आपी पांदी खैऊड़ छिड़कै दैंदै, ऐजौ दिखाणौ कारिए कै सै आपणै पापौ शै फिरै गौवै। 22पौरौ हांव तुऔं खै बुलू, जू सौजा पौरमेशवर सूर औरौ सैदा शहर कै लोगौ कै दैला, पौरौ न्याय कै दूसै सैजी सौजा तिंदै बै जादा हौंदी जू सै तुऔं कै दैन्दा।
23औरौ ओए रै कफरनहूम नगर कै लोगौ, का तू स्वर्ग तौड़ी ऊंचा हौंदा? तू तौ पताल़ो तौड़ी तौल़का जांदा, जू चौमत्कार कै काम तौंदै कौरे राए, जै सै सदोम शहर दै कौरदै तौ सै ऐलो तौड़ी बौणैयौंदे रौंदौ। 24पौरौ हांव तुऔं खै बुलू, जू सौजा पौरमेशवर सदोम शहर कै लोगौ कै दैन्दा, न्याय कै दूसै सैजै सौजा तिंदैदी बै जादा हौंदी जू सै तुऔं खै दैन्दा।”
यीशु कै धोरे विशांव
(लूका 10:21-22)
25तौलोंई यीशुए बौल़ौ, “ओए रै पिता, स्वर्ग औरौ धोरती कै प्रभु, हांव तैरा धन्यवाद कौरु, कै तुऐं इनु बातौ खै ज्ञानी लोगौ औरौ सौमझदारो कैईंदी छिपायो राखै रैई, औरौ नानड़िया पांदी प्रगट कौरी। 26हौर बै, ओए रै पिता पौरमेशवर जिथुखै ताखै ऐजौ आछौ लागौ।”
27“मैरै पिता पौरमेशवरे मुखै सौबै ठुँ दैय राए, औरौ पिता कै बिना कुणिए बै बैटै कै ना जाणौ, औरौ ना ही कुणिए पिता खै जाणौ सिरफ बैटा ही जाणौ। औरौ जिनु लोगौ कै बैटा चुणो सैजैई लोग पिता खै जाणलै।”
28“ओए रै सौबै मैहनत कौरणौवाल़ै औरौ बोझ शै दोबैयौंदे लोगौ, मैरै धोरे आंव, हांव तुऔं खै विशांव दैंदा। 29मैरै जोवांऐ आपी पांदी टैपै पांव; औरौ मुं कैईंदु शिखौ; जिथुखै हांव नम्र औरौ मन दा दीन औसौ: औरौ तुऐं आपणै मन दा विशांव पांदै। 30जू हांव चोऊं कै तुऐं कौरौ, सैजौ कौरणौ चैईथु ना आथी।”
Zur Zeit ausgewählt:
मत्ती 11: SRXNT
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.
मत्ती 11
11
यूहन्ना बपतिस्मा दाता का सवाल
(लूका 7:18-35)
1जोबै यीशुए आपणै बारौ चैलै खै उपदैश दैय पाए, तौ सै तिनकै नोगरो दा शिक्षा औरौ प्रचार कौरणौ खै तिथैदा हौटै गौआ। 2यूहन्ना बपतिस्मा दाताए ज़ेलो दा मसीह कै कामौ का समाचार शोणेयो आपणै चैलै खै तैसी कैईंदै ऐजौ पूछणो खै भैजै। 3“का तू ही सैजा मसीह औसौ, जैसी छाड़णौ का वादा पौरमेशवरे कौरे राए थिया या आमै कोसी ओकी कै ठोल़नाए कौरु?” 4यीशुए जोवाब दिया कै, “जू किछै तुऐं शुणौ औरौ दैखौए, सैजौ सौबै जाएयो यूहन्ना कैई बौताए दौ। 5की आन्धै दैखौए औरौ लोंगड़े हांडदै फिरदै लागै रौवै, औरौ कोढ़ी ठीक हौए गौवै, औरौ जायरै शुणदै लागै रौवै, औरौ मुर्दै जियुंदी हौए गौवै, औरौ गरीबो खै सुसमाचार शुणाए जांव। 6औरौ धन्य औसौ सैजै जू मुं पांदी बिशवाश कौरणा ना छोड़ो।”
यीशु कै दवारा यूहन्ना कै इज्जत
7जोबै यूहन्ना बपतिस्मा दाता कै चैलै तिथैदै हौटै गौवै, तोबै यीशु यूहन्ना कै बारै मुंजी लोगौ खै बौलदा लागा, “तुऐं शुनशान जौगैह पुंडे का दैखदै हौटै रौवै थिए? का हवा लैई हिजौल़दै डैंगै खै? 8तोबै तुऐं का दैखदै हौटै रौवै थिए? जैणै मौंगै खोटणो बाम्बै राए थिए? ना, मौंगै खोटणो बाम्बणौ वाल़ै तौ राजमहलो दै रौंव? 9तौ किथुखै हौटै रौवै थिए? का कोसी पौरमेशवर कै बातौ बौताणौवाल़ै खै दैखदै हौटै रौवै थिए? हौर, हांव तुऔं खै बुलू, ऐजा सैजा औसौ जू पौरमेशवर कै बातौ बौताणौवाल़ै दा बै बौड़ा औसौ। 10यूहन्ना बपतिस्मा दाता सैजाई औसौ, जैसकै बारै मुंजी पवित्र शास्त्र दो लैखै राए कै,
‘दैख हांव आपणै सौंदेश दैणौवाल़ै कै तैरै औगौड़ियौ भैजु,
ताकि सै लोगौ कै बौताए सौकौ कै सै तैरै आणौ कारिए आपी खै तैयार कौरौ।’
11हांव तुऔं खै साचौ बुलू, कै जू बैटमाणिशौ पौरैशै जन्मे रौवै, तिनु मुंजीदा यूहन्ना बपतिस्मा दाता दा कुणजाई बौड़ा ना आथी, पौरौ जू स्वर्ग कै राज्य दा नानड़ै शै नानड़ा औसौ सैजा तैसीदा बौड़ा औसौ। 12औरौ जोबै यूहन्ना बपतिस्मा दाताए प्रचार कौरणा शुरु कौरा, तैसी सौमय शै लोयो इबी तौड़ी स्वर्ग का राज्य जोर शै आगै बौड़ै रौआ, औरौ तागतवर लोग इथपांदी हमला कौरौ। 13पौरमेशवर कै बातौ बौताणौवाल़ै कै सौबी किताबो दो औरौ मूसा कै कानून दो यूहन्ना बपतिस्मा दाता कै आणौ तौड़ी पौरमेशवर कै राज्य कै बारै मुंजी लैखै राए। 14औरौ जै तुऐं मैरै बात मानणी चांव तौ मैरै बात मान पांव, जैसकै बारै मुंजी एलिय्याह पौरमेशवर कै बातौ बौताणौवाल़ै बौल़ै राए थियु, ऐजा सैजाई औसौ। 15जिनु कुणिए मैरै बात शुणी लोए, सै ध्यान शै शोणेया।”
16“हांव ऐसी सौमय कै लोगौ कै तुलना कैशैखै कौरु? सै तिनु नानड़िया कै साए औसौ, जू बोईजारो दै बोठेयो ऐकी दूजै की चुगली कौरौ। 17‘कै आमुए तुऔं कारिए खुशी कै गाणै गोऊवे, औरौ तुऐं ना नाची; औरौ आमुए शोग मौनौऊं, औरौ तुऐं छाती ना पीटी।’
18जिथुखै यूहन्ना बपतिस्मा दाता बार बार उपवास कौरौ थिया, औरौ ना ही अंगूर का रस पीयों थिया, औरौ सै बौल़ौए कै तैसदै दुष्टआत्मा औसौ। 19पौरौ जोबै हांव आदमी का बैटा खांदा-पींदा ओऊवा, औरौ सै बौल़ौ कै, ‘दैखौ, पेटू औरौ पियक्कड़ आदमी, मामला लोणो वाल़ै औरौ पापियों का दोस्त।’ पौरौ ऐकी आदमी कै काम साबित कौरौ कै बुध्दिमान कुण औसौ।”
मन ना फिराणौ वाल़ै पांदी हाय
(लूका 10:13-15)
20तोबै सै तिनु नोगरो खै लोगौ खै ताड़दा लागा, जिनुमुंजी तैणै बैजाए चौमत्कार कै काम कौरे राए थिए, जिथुखै तिनुऐ आपणै पापौ खै ना छोड़े रैई थी। 21“हाय, खुराजीन शहर औरौ बैतसैदा शहर कै लोगौ जू चौमत्कार कै काम तुऔं दै कौरे राए, जै सै सूर औरौ सैदा शहर दै कौरे जांदै, तौ तिथै कै लोग कोबे कै टाट लोपेटै दैंदै, औरौ आपी पांदी खैऊड़ छिड़कै दैंदै, ऐजौ दिखाणौ कारिए कै सै आपणै पापौ शै फिरै गौवै। 22पौरौ हांव तुऔं खै बुलू, जू सौजा पौरमेशवर सूर औरौ सैदा शहर कै लोगौ कै दैला, पौरौ न्याय कै दूसै सैजी सौजा तिंदै बै जादा हौंदी जू सै तुऔं कै दैन्दा।
23औरौ ओए रै कफरनहूम नगर कै लोगौ, का तू स्वर्ग तौड़ी ऊंचा हौंदा? तू तौ पताल़ो तौड़ी तौल़का जांदा, जू चौमत्कार कै काम तौंदै कौरे राए, जै सै सदोम शहर दै कौरदै तौ सै ऐलो तौड़ी बौणैयौंदे रौंदौ। 24पौरौ हांव तुऔं खै बुलू, जू सौजा पौरमेशवर सदोम शहर कै लोगौ कै दैन्दा, न्याय कै दूसै सैजै सौजा तिंदैदी बै जादा हौंदी जू सै तुऔं खै दैन्दा।”
यीशु कै धोरे विशांव
(लूका 10:21-22)
25तौलोंई यीशुए बौल़ौ, “ओए रै पिता, स्वर्ग औरौ धोरती कै प्रभु, हांव तैरा धन्यवाद कौरु, कै तुऐं इनु बातौ खै ज्ञानी लोगौ औरौ सौमझदारो कैईंदी छिपायो राखै रैई, औरौ नानड़िया पांदी प्रगट कौरी। 26हौर बै, ओए रै पिता पौरमेशवर जिथुखै ताखै ऐजौ आछौ लागौ।”
27“मैरै पिता पौरमेशवरे मुखै सौबै ठुँ दैय राए, औरौ पिता कै बिना कुणिए बै बैटै कै ना जाणौ, औरौ ना ही कुणिए पिता खै जाणौ सिरफ बैटा ही जाणौ। औरौ जिनु लोगौ कै बैटा चुणो सैजैई लोग पिता खै जाणलै।”
28“ओए रै सौबै मैहनत कौरणौवाल़ै औरौ बोझ शै दोबैयौंदे लोगौ, मैरै धोरे आंव, हांव तुऔं खै विशांव दैंदा। 29मैरै जोवांऐ आपी पांदी टैपै पांव; औरौ मुं कैईंदु शिखौ; जिथुखै हांव नम्र औरौ मन दा दीन औसौ: औरौ तुऐं आपणै मन दा विशांव पांदै। 30जू हांव चोऊं कै तुऐं कौरौ, सैजौ कौरणौ चैईथु ना आथी।”
Zur Zeit ausgewählt:
:
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Sirmauri New Testament (सिरमौरी नौवाँ नियम), 2016 by The Love Fellowship is licensed under a Creative Commons Attribution-ShareAlike 4.0 International License.