ᤋᤥᤗᤡᤱᤛᤥᤔᤢ 44
44
ᤁᤧᤔᤠᤒᤠ ᤆ᤺ᤱᤃᤣ ᤂᤥᤷᤕᤠᤴ
1ᤂᤧᤒᤩᤠᤱ ᤕᤢᤛᤢᤑᤖᤧ ᤁᤢᤜᤡᤶᤔᤥ ᤁᤧᤜᤡᤒᤠ ᤁᤧᤍᤱᤒᤠ ᤛᤧᤘᤠᤖᤥᤒᤧᤴ ᤀᤰᤂᤣ ᤔᤧᤳᤋᤢᤖ ᤀᤡᤱᤈᤠᤱ ᤐᤡᤖᤢ. “ᤂᤧᤱᤜᤠ᤹ᤖᤧ ᤀᤠᤰᤂᤩᤠᤖᤡᤰ ᤁᤢᤔᤠ ᤔᤧᤛᤢᤰᤋᤢ᤹ ᤂᤧᤶᤓᤩᤠᤖᤡᤰ ᤂᤧᤴ ᤔᤏᤠᤜᤠ᤹ᤖᤧ ᤂᤢᤴᤇᤡ᤹ ᤛᤢᤰᤘᤠᤀᤥ ᤆᤠ ᤛᤡ᤺ᤰᤋᤧ ᤐᤡᤖᤧᤛᤧ᤹. ᤜᤧᤰᤁᤩᤠᤱ ᤁᤧᤖᤧᤰ ᤔᤏᤠᤜᤠ᤹ᤖᤧ ᤂᤢᤴᤇᤡ᤹ ᤕᤠᤱᤀᤡᤳᤇᤣᤴ ᤀᤠᤒᤠᤅᤣ ᤛᤢᤰᤘᤠ᤺ᤸᤗᤧ ᤁᤢᤶᤒᤪᤠᤀᤥ ᤁᤣ᤺ᤳᤋᤧ ᤐᤡᤖᤧᤛ᤻ᤛᤧ᤹॥ 2ᤜᤧᤰᤁᤩᤠᤱ ᤀᤠᤱᤃᤠ᤹ ᤕᤢᤵᤐᤠ ᤀᤠᤄᤥᤷᤕᤠᤴ ᤂᤧᤴ ᤑᤥ᤺ᤰᤘᤠᤒᤧᤸᤗᤧ ᤆᤠᤕᤠᤱᤔᤠ ᤁᤢᤛᤢᤰᤘᤠᤀᤥ ᤕᤠᤱᤀᤡᤳᤇᤣᤴᤏᤢ ᤛᤥᤖᤡᤰ ᤁᤣ᤺ᤳᤋᤧᤒᤡᤖᤧ᤹॥” ᤜᤧᤰᤁᤩᤠᤱ ᤂᤧᤸᤗᤧ ᤕᤢᤛᤢᤑᤖᤧ ᤔᤧᤳᤋᤢᤒᤠ ᤀᤡᤛᤡ᤺ᤰ ᤆᤥᤃᤢ॥
3ᤋᤠᤏᤠᤶ ᤂᤠᤀᤥ᤺ᤳᤋᤧᤏᤢ ᤔᤣ᤺ᤴᤏᤣ ᤂᤢᤴᤇᤡ ᤀᤍᤱᤜᤠ᤹ᤏᤢ ᤛᤥᤖᤡᤰ ᤂᤧᤸᤗᤧ ᤂᤧᤴ ᤔᤏᤠᤜᤠ᤹ ᤐᤠᤱᤄᤢᤍᤣᤛᤢᤛᤡ॥ 4ᤂᤧᤱᤜᤠ᤹ ᤕᤧᤰᤕᤰᤁᤥᤗᤠᤶ ᤔᤡᤛᤠᤰ ᤏᤠᤏᤠᤰ ᤔᤧᤃᤧᤖᤧᤀᤠᤱ ᤕᤢᤛᤢᤑᤖᤧ ᤜᤡᤶᤔᤥ ᤁᤧᤜᤡᤒᤠ ᤁᤧᤍᤱᤒᤠ ᤛᤧᤘᤠᤖᤥᤒᤧᤴ ᤔᤧᤳᤋᤢ. “ᤜᤠᤖᤠ ᤂᤧᤴ ᤔᤏᤠᤜᤠ᤹ᤖᤧ ᤂᤢᤴᤇᤡ ᤀᤣᤃᤠᤱ ᤀᤣᤃᤠᤱ ᤐᤣᤃᤧ᤹. ᤜᤧᤰᤁᤩᤠᤱ ᤂᤧᤱᤜᤠ᤹ ᤛᤡ᤹ᤖᤧᤛᤧ᤹ᤀᤠᤱ ᤔᤧᤳᤋᤧᤛᤧ᤹. ‘ᤂᤧᤏᤡ᤹ᤏᤢ ᤏᤢᤒᤠ ᤆᤥᤃᤢᤱᤅᤡᤸᤗᤧ ᤌᤣᤀᤠᤱ ᤂᤧᤏᤡ᤹ ᤋᤠᤵᤑᤧ᤺ᤶᤒᤠ ᤁᤧᤈᤥᤃᤢᤶᤒᤠᤒᤣ᥅ 5ᤜᤠᤒᤠ ᤁᤴ ᤆ᤺ᤱᤃᤣ ᤂᤥᤷᤕᤠᤗᤠᤶ ᤀᤠᤴᤍᤠᤱᤒᤧᤸᤗᤧ ᤌᤢᤅᤢ ᤔᤣ᤺ᤶᤒᤡ ᤜᤧᤰᤁᤩᤠᤱ ᤂᤧᤴ ᤗᤠᤶᤒᤠᤀᤣ ᤏᤢᤒᤠ ᤏᤢ ᤋᤠᤵᤑᤧ᤺ᤶᤒᤠ ᤀᤥᤔᤧᤔᤧᤳᤋᤢᤴᤒᤡ᥅ ᤁᤱᤃ ᤂᤡᤏᤡ᤹ ᤔᤧᤴᤏᤢᤒᤠ ᤕᤠ᤺ᤶᤒᤰ ᤁᤧᤈᤥᤃᤢᤶᤗᤥ᥄’”
6ᤂᤧᤸᤗᤧ ᤂᤧᤱᤜᤠ᤹ ᤛᤡ᤹ᤖᤢᤛᤡᤀᤠᤱ ᤜᤠᤒᤠᤜᤧᤰᤁᤣ ᤂᤧᤱᤜᤠ᤹ ᤔᤧᤳᤋᤢᤛᤡ॥ 7ᤂᤧᤱᤜᤠ᤹ᤖᤧ ᤂᤧᤴ ᤔᤧᤔᤧᤳᤋᤢ. “ᤀᤠᤍᤠᤱᤒᤣ. ᤌᤣᤀᤠᤱ ᤀᤰᤂᤣᤍᤱᤒᤠ ᤐᤠᤴ ᤁᤧᤒᤠ᤺ᤳᤋᤢᤒᤠᤒᤣ᥅ ᤀᤰᤂᤣᤍᤱᤒᤠ ᤕᤠ᤺ᤶᤒᤰ ᤀᤠᤍᤠᤱᤒᤠᤖᤧ ᤁᤧᤛᤣᤘᤠᤖᤥᤒᤠᤜᤠ᤹ᤖᤥᤗᤠᤶ ᤔᤧᤒᤥᤱᤏᤧᤸᤗᤖᤥ॥ 8ᤀᤥᤔᤳᤋᤧ᤹. ᤀᤠᤏᤡᤃᤣ ᤛᤢᤰᤘᤠ᤺ᤸᤗᤧ ᤁᤢᤔᤢᤖᤠᤀᤥᤒᤠ ᤕᤢᤵᤐᤠ᤺ᤴᤏᤣ ᤁᤏᤠᤏ ᤗᤠᤈᤣ᤹ᤗᤠᤶ ᤏᤢ᤺ᤰᤋᤢᤶᤒᤧᤸᤗᤧ ᤌᤣᤀᤠᤱ ᤁᤧᤴᤍᤠᤱᤒᤠᤸᤗᤧ ᤁᤢᤜᤡᤶᤔᤥᤗᤠᤶ ᤕᤢᤵᤐᤠ ᤀᤡᤃᤪ ᤛᤠᤶᤔᤩᤠᤱ ᤂᤢ᤺ᤳᤋᤢᤶᤒᤧᤃ᥅ 9ᤀᤠᤍᤠᤱᤒᤠᤖᤧ ᤁᤧᤛᤣᤘᤠᤖᤥᤒᤠᤜᤠ᤹ᤖᤥ ᤀᤠᤳᤋᤡᤸᤗᤥ ᤂᤧᤴ ᤁᤧᤄᤥᤛᤢ᤹. ᤂᤧᤴ ᤛᤧᤵᤔᤠ ᤐᤥᤱ॥ ᤜᤧᤰᤁᤩᤠᤱ ᤀᤠᤏᤡᤃᤣ ᤘᤣ᤹ᤜᤠ᤹ ᤀᤠᤍᤠᤱᤒᤠᤖᤧ ᤁᤧᤕᤥ᤺ᤃ᤻ᤒᤠ ᤐᤥ᤺ᤰᤂᤡᤃᤧᤖᤥ॥”
10ᤂᤧᤸᤗᤧ ᤔᤧᤳᤋᤢᤛᤡ. “ᤂᤧᤏᤡ᤹ ᤁᤧᤒᤠ᤺ᤋᤢᤶᤒᤠ ᤜᤧᤰᤁᤣᤀᤣ ᤐᤥᤱᤗᤖᤥ॥ ᤁᤖ ᤀᤠᤳᤋᤡᤸᤗᤥ ᤂᤧᤴ ᤂᤥᤍᤧᤳ ᤂᤧᤴᤗᤰ ᤀᤠᤕᤥ᤺ᤃ᤻ᤒᤠ ᤐᤥᤱ॥ ᤘᤣ᤹ᤃ ᤐᤣ᤺ᤰᤔᤠ ᤁᤧᤛᤢᤰᤋᤡ᤹॥” 11ᤂᤧᤒᤩᤠᤱ ᤀᤠᤸᤗᤥᤄᤪᤥ ᤔᤧᤈᤠᤳᤋᤧᤖ ᤀᤠᤒᤠᤅᤣ ᤛᤢᤰᤘᤠᤜᤠ᤹ ᤂᤠᤶᤒᤠᤱᤅᤥ ᤔᤧᤎᤠᤛᤢᤀᤠᤱ ᤔᤧᤓᤠ᤺ᤰᤂᤢ॥ 12ᤜᤧᤰᤁᤩᤠᤱ ᤋᤱᤜᤡᤒᤠᤸᤗᤧ ᤋᤢᤶᤒᤧᤸᤗᤥᤗᤠᤶ ᤑᤥ᤺ᤰᤘᤠᤒᤧᤸᤗᤥ ᤌᤠᤖᤡᤰ ᤛᤠ᤹ᤖᤢ. ᤜᤧᤰᤁᤩᤠᤱ ᤂᤧᤴ ᤕᤢᤵᤐᤠ ᤂᤥᤷᤕᤠᤴ ᤒᤧᤴᤈᤠᤔᤡᤏᤧᤸᤗᤧ ᤁᤢᤛᤢᤰᤘᤠᤀᤥ ᤂᤥᤛᤢ॥ 13ᤂᤧᤒᤩᤠᤱ ᤂᤢᤴᤇᤡ᤹ ᤆᤠᤱᤜᤠ᤹ ᤔᤧᤎᤧ᤺ᤰᤂᤢ. ᤀᤍᤱᤜᤠ᤹ ᤁᤰ ᤔᤧᤃᤢ᤺ᤳᤋᤢᤛᤡᤀᤠᤱ ᤕᤧᤰᤕᤰᤁᤥ ᤔᤧᤏᤢ᤺ᤰᤂᤧ॥
14ᤕᤜᤢᤍᤠ ᤏᤢ ᤂᤢᤏᤧ᤹ ᤁᤢᤶᤓᤢ᤹ ᤁᤢᤴᤛᤠ᤹ᤜᤠ᤹ ᤕᤢᤛᤢᤑᤖᤧ ᤁᤢᤜᤡᤶᤔᤥ ᤔᤧᤃᤧᤖᤧᤸᤗᤧ ᤂᤢᤏᤧ᤹ ᤂᤧ᤹ᤕᤥᤀᤣ ᤘᤕᤧ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤏᤧ᤹ ᤁᤢᤍᤃᤡ ᤂᤠᤶᤒᤠᤱᤅᤥ ᤛᤠᤶᤒᤥᤴ ᤔᤧᤓᤴᤇᤡᤱᤅᤠᤱ ᤛᤧᤘᤠ ᤔᤧᤔᤧᤳᤋᤢ॥ 15ᤕᤢᤛᤢᤑᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤂᤡᤏᤡ᤹ ᤀᤰᤂᤣᤍᤱᤒᤠ ᤌᤣ ᤕᤠ᤺ᤶᤒᤰ ᤁᤧᤈᤥᤃᤢᤶᤒᤠᤒᤣ᥅ ᤀᤠᤱᤃᤠ᤹ ᤜᤧᤰᤋᤱᤒᤠ ᤔᤏᤠ᤺ᤴᤏᤢ ᤋᤠᤍᤡᤃᤧᤴ ᤐᤠᤴ ᤏᤡᤔᤠ ᤛᤢᤰᤋᤢᤱ ᤑᤠ᤹ᤀᤠᤱ ᤁᤧᤴᤏᤡᤛᤢᤶᤏᤧᤴᤒᤡ᥅”
16ᤕᤜᤢᤍᤠ᤺ᤸᤗᤧ ᤔᤧᤳᤋᤢ. “ᤀᤠᤏᤡᤃᤣ ᤌᤣ ᤔᤧᤳᤋᤠᤛᤡᤃᤧᤒᤠᤒᤣ ᤀᤠᤍᤠᤱᤒᤣ. ᤀᤠᤰᤂᤣᤀᤠᤱ ᤆᤥᤃᤢᤶᤒᤧᤒᤠ ᤔᤣ᤺ᤴ ᤑᤠ᤹ᤀᤠᤱ ᤐᤠ᤺ᤵᤔᤠ ᤛᤢᤰᤋᤢᤶᤒᤧᤃ᥅ ᤀᤠᤍᤠᤱᤒᤠᤖᤧ ᤁᤧᤛᤧᤘᤠᤖᤥᤒᤠᤜᤠ᤹ᤖᤧ ᤗᤠᤕᤥᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤌᤠᤒᤧᤖ ᤆᤥᤃᤢᤀᤠᤱ ᤘᤠ᤹॥ ᤀᤥᤔᤳᤋᤧ᤹. ᤀᤠᤸᤗ ᤀᤠᤏᤡᤃᤣ ᤀᤠᤍᤠᤱᤒᤠᤖᤧ ᤁᤧᤕᤥ᤺ᤃ᤻ᤒᤠ ᤐᤥ᤺ᤰᤂᤡᤃᤧᤖᤥ॥ ᤀᤠᤏᤡᤃᤣ ᤜᤧᤰᤁᤩᤠᤱ ᤀᤠᤳᤋᤡᤸᤗᤥ ᤂᤧᤴ ᤕᤢᤵᤐᤠ ᤂᤥᤷᤕᤠᤴ ᤂᤥᤍᤧᤳᤋᤧ ᤂᤧᤴᤏᤠᤱ ᤁᤧᤕᤥ᤺ᤃ᤻ᤒᤠ ᤐᤥ᤺ᤰᤂᤧᤖᤥ॥”
17ᤁᤖ ᤕᤢᤛᤢᤑᤖᤧ ᤔᤧᤳᤋᤢ. “ᤀᤠᤱᤃᤠ᤹ᤗᤠᤶᤒᤠ ᤀᤰᤂᤣᤍᤱᤒᤠ ᤀᤠᤓᤧᤸᤗᤧᤀᤠᤱ ᤔᤧᤒᤥᤱᤏᤧᤸᤗᤥ॥ ᤀᤠᤳᤋᤡᤸᤗᤧ ᤁᤢᤜᤢᤰᤁᤥ ᤂᤧᤴ ᤕᤢᤵᤐᤠ ᤂᤥᤷᤕᤠᤴ ᤕᤠᤱᤍᤧᤳᤋᤧ ᤂᤧᤸᤗᤰ ᤀᤠᤱᤃᤠ᤹ ᤀᤠᤕᤥ᤺ᤃ᤻ᤒᤠ ᤐᤥᤱᤗᤥ॥ ᤁᤖ ᤂᤡᤏᤡ᤹ᤃ ᤂᤡᤏᤡ᤹ ᤐᤠ᤺ᤸᤗᤥ ᤛᤏᤠᤖᤢᤱᤏᤢ ᤐᤣᤃᤧᤶᤔᤧ᤹ᤀᤥ॥”
ᤕᤜᤢᤍᤠ᤺ᤸᤗᤧ ᤒᤧᤴᤈᤠᤔᤡᤏᤧᤸᤗᤧ ᤁᤢᤗᤠᤃᤡ ᤐᤣᤗᤡ ᤑᤠᤰᤋᤢ᤹
18ᤂᤧᤒᤩᤠᤱ ᤕᤜᤢᤍᤠᤴ ᤕᤢᤛᤢᤑᤖᤧ ᤁᤢᤒᤣᤛᤠᤱ ᤐᤣᤀᤠᤱ ᤔᤧᤳᤋᤢ. “ᤀᤠᤍᤠᤱᤒᤣ. ᤐᤣᤗᤡ ᤑᤠᤰᤏᤧᤖᤥ. ᤁᤧᤛᤧᤘᤠᤖᤥᤒᤠᤴ ᤗᤳᤇᤠ ᤐᤠ᤺ᤴᤎᤡᤰ ᤐᤠ᤺ᤵᤔᤠ ᤐᤡᤖᤠᤱᤅᤥ॥ ᤀᤠᤍᤠᤱᤒᤧᤴ ᤜᤠᤱ ᤀᤡᤛᤡ᤺ᤰ ᤁᤧᤈᤥ᤺ᤰᤛᤠᤱ ᤁᤧᤛᤧᤘᤠᤖᤥᤒᤧᤴᤏᤢ ᤁᤧᤕᤠ᤺ᤰ ᤔᤧᤗᤧ᤹ᤖᤧᤴᤏᤧ᤹ᤀᤥ॥ 19ᤀᤠᤍᤠᤱᤒᤠᤖᤧ ᤁᤧᤛᤣᤘᤠᤖᤠᤒᤠᤜᤠ᤹ ᤀᤰᤂᤣᤗ᤹ᤖᤡᤰ ᤛᤣ᤺ᤴᤁᤧᤍᤥᤛᤢᤛᤡᤀᤠᤱ ᤘᤕᤧ. ‘ᤂᤧᤏᤡ᤹ ᤐᤠ ᤀᤡᤃᤪ ᤏᤢᤛᤠ᤹ ᤘᤠᤒᤡ᥅’ 20ᤜᤧᤰᤁᤩᤠᤱ ᤀᤠᤏᤡᤃᤣ ᤀᤠᤍᤠᤱᤒᤠ ᤔᤧᤳᤏᤧᤇᤡᤃᤧ. ‘ᤀᤠᤏᤡᤃᤣ ᤐᤠ ᤂᤍᤠᤰᤔᤡ ᤎᤡᤰ ᤘᤠ᤹. ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤃᤠᤵᤐᤥ ᤋᤢᤶᤔᤥ ᤁᤳᤋᤢᤒᤠ ᤀᤠᤏᤡᤃᤣ ᤆᤢ᤺ᤰᤐᤠ ᤏᤢᤛᤠ᤹ᤎᤡᤰ ᤘᤠ᤹॥ ᤂᤧᤸᤗᤧ ᤁᤢᤶᤓᤢ᤹ᤀᤡᤴ ᤔᤠᤛᤡᤱᤄᤧᤖᤧ. ᤜᤧᤰᤁᤩᤠᤱ ᤀᤠᤒᤠᤅᤣ ᤁᤢᤶᤔᤠ ᤗᤧᤵᤔᤠᤱᤒᤠ ᤀᤠᤸᤗ ᤂᤧᤴᤗᤰ ᤘᤠ᤹. ᤜᤧᤰᤁᤩᤠᤱ ᤂᤧᤴ ᤂᤢᤏᤧ᤹ ᤁᤢᤶᤒᤠᤖᤧ ᤛᤠ᤹ᤖᤡᤰᤁᤣ ᤗᤢᤱᤔᤠ᤹ ᤋᤢᤰᤋᤢ᤹॥’
21“ᤂᤧᤒᤩᤠᤱ ᤀᤠᤍᤠᤱᤒᤠᤖᤧ ᤕᤠᤵᤔᤡ ᤁᤧᤔᤧᤳᤋᤧ. ‘ᤂᤧᤴ ᤁ᤹ᤕᤥ ᤀᤠᤱᤃᤠ᤹ᤀᤥ ᤋᤠᤖᤧᤶᤔᤧ᤹. ᤀᤠᤱᤃᤠ᤹ ᤂᤧᤴ ᤀᤥᤔᤧᤳᤋᤢᤱ᤹॥’ 22ᤀᤠᤏᤡᤃᤣ ᤀᤠᤍᤠᤱᤒᤠ ᤔᤧᤳᤋᤠᤛᤡᤃᤧ. ‘ᤂᤧᤴ ᤆᤢ᤺ᤰᤐᤧᤸᤗᤧ ᤁᤢᤶᤒᤠ ᤗᤧᤵᤔᤠ ᤔᤧᤛᤢᤰᤋᤢᤴ᤹॥ ᤌᤣᤀᤠᤱᤓᤧᤸᤗᤧ ᤂᤧᤴ ᤆᤢ᤺ᤰᤐᤧᤸᤗᤧ ᤁᤢᤶᤒᤠ ᤗᤧᤖᤢᤏᤧᤑᤠᤃᤪ ᤁᤢᤶᤒᤠ᤺ᤱᤃ ᤛᤡᤒᤣ᤺ᤰᤗᤥ॥’ 23ᤁᤖ ᤀᤠᤍᤠᤱᤒᤠᤖᤧ ᤁᤧᤛᤧᤘᤠᤖᤥᤒᤠᤜᤠ᤹ ᤁᤧᤔᤧᤳᤋᤢᤛᤡ. ‘ᤂᤡᤏᤡ᤹ ᤑᤥ᤺ᤰᤘᤠᤒᤠ ᤏᤢᤛᤠ᤹ᤀᤡᤴ ᤂᤡᤏᤡ᤹ᤏᤢ ᤔᤧᤍᤠᤏᤧᤴᤏᤣ ᤑᤠᤃᤪ ᤀᤠᤱᤃᤠ᤹ ᤀᤠᤍᤃᤡ ᤋᤠᤔᤠ ᤂᤡᤏᤡ᤹ ᤁᤧᤱᤄᤥᤛᤡᤸᤗᤥ॥’ 24ᤂᤧᤒᤩᤠᤱ ᤀᤠᤏᤡᤃᤣ ᤐᤠ. ᤀᤠᤍᤠᤱᤒᤠᤖᤧ ᤁᤧᤛᤧᤘᤠᤖᤥᤒᤠᤸᤗᤥ ᤐᤣ᤺ᤰᤔᤏᤠ॥ ᤜᤧᤰᤁᤩᤠᤱ ᤀᤠᤍᤠᤱᤒᤠᤖᤧ ᤁᤧᤒᤠ᤺ᤴᤏᤡᤴ ᤂᤢᤏᤧ᤹ ᤆᤧᤰᤔᤏᤠ॥
25“ᤀᤠᤏᤡᤃᤣ ᤐᤠ᤺ᤸᤗᤧ ᤔᤧᤳᤋᤡᤃᤧ. ‘ᤕᤠᤶᤔᤥ ᤐᤣᤃᤧᤶᤔᤧ᤹ᤀᤠᤱ ᤔᤡᤛᤠᤰ ᤆᤠ ᤀᤡᤅᤧᤶᤔᤧ᤹’ 26ᤂᤧᤒᤩᤠᤱ ᤀᤠᤏᤡᤃᤣ ᤂᤢᤏᤧ᤹ ᤔᤧᤳᤋᤢᤶᤒᤧ. ‘ᤀᤠᤏᤡᤃᤣ ᤐᤣ᤺ᤰᤔᤠ ᤔᤧᤛᤢᤰᤋᤡᤃᤧᤸᤗᤥ॥ ᤀᤠᤏᤡᤃᤣ ᤑᤥ᤺ᤰᤘᤠᤒᤠ ᤏᤢᤛᤠ᤹ᤀᤡᤴ ᤀᤠᤏᤡᤃᤧᤏᤢ ᤐᤣ᤺ᤰᤁᤡᤸᤗᤧᤖᤰ ᤀᤠᤏᤡᤃᤣ ᤐᤣᤃᤡᤃᤧ॥ ᤌᤣᤀᤠᤱᤓᤧᤸᤗᤧ ᤀᤠᤏᤡᤃᤣ ᤑᤥ᤺ᤰᤘᤠᤒᤠ ᤏᤢᤛᤠ᤹ᤀᤡᤴ ᤀᤠᤏᤡᤃᤧᤏᤢ ᤔᤧᤒᤣ᤺ᤰᤏᤧᤴᤏᤡ ᤑᤠᤃᤪ ᤂᤧᤴ ᤔᤏᤠ᤺ᤸᤗᤧ ᤁᤢᤍᤃᤡ ᤀᤠᤏᤡᤃᤣ ᤐᤣ᤺ᤰᤔᤠ ᤔᤧᤄᤥᤛᤡᤃᤧᤸᤗᤥ॥’
27“ᤂᤧᤒᤩᤠᤱ ᤀᤠᤍᤠᤱᤒᤠᤖᤧ ᤁᤧᤛᤧᤘᤠᤖᤥᤒᤠ ᤀᤠᤏᤡᤃᤣ ᤐᤠ᤺ᤸᤗᤧ ᤔᤧᤳᤋᤡᤃᤧ. ‘ᤀᤠᤱᤃᤠ᤹ ᤀᤠᤔᤣᤳ ᤗᤧᤵᤔᤠᤱᤒᤠ ᤏᤧᤳᤇᤡ ᤀᤠᤛ᤻ᤛᤠᤜᤠ᤹ ᤘᤕᤧᤳᤇᤡᤒᤠ ᤂᤡᤏᤡ᤹ ᤁᤧᤏᤡᤛᤢᤶᤗᤥ॥ 28ᤗᤳᤇᤠ᤺ᤸᤗᤧ ᤀᤠᤱᤃᤠ᤹ ᤗᤠᤵᤑᤢᤛᤠᤱᤍᤣᤛᤠᤱ॥ ᤛᤧᤰᤂᤠᤛᤠᤱ ᤂᤧᤴ ᤁᤢᤈᤰᤋᤠ ᤁᤢᤗᤧᤶᤍᤠᤀᤣ ᤆᤥᤃᤢ ᤗ᤹ᤖᤡᤰ ᤐᤠ᤺ᤳᤋᤢᤱ॥’ ᤂᤧᤴᤏᤠᤱᤎᤥ ᤀᤠᤱᤃᤠ᤹ ᤂᤧᤴ ᤔᤧᤴᤏᤡᤀᤣ ᤘᤠ᤹ᤀᤠᤖᤥ॥ 29ᤁᤴᤏᤠᤱ ᤀᤠᤱᤃᤠ᤹ᤀᤥᤗᤠᤶ ᤁᤧᤍᤣ᤹ᤖᤢᤶᤔᤠᤱ ᤁᤢᤓᤠ ᤁᤧᤛᤠᤰᤐᤠ ᤂᤢᤏᤧ᤹ ᤋᤢᤔᤢᤸᤗᤧᤃ. ᤂᤡᤏᤡ᤹ ᤀᤠᤱᤃᤠ᤹ ᤁᤧᤓᤢᤵᤐᤠ ᤀᤠᤎᤣᤃᤣ᤺ᤰᤁᤡᤴ ᤏᤡᤱᤛᤠᤱ ᤐᤢᤰᤔᤥᤀᤣ ᤀᤡ᤺ᤵᤐᤢᤱᤅᤥ ᤕᤠᤵᤔᤡ ᤁᤧᤃᤧᤳᤗᤥ॥
30“ᤂᤧᤸᤗᤧᤆᤥᤃᤢᤸᤗᤧ ᤀᤠᤍᤠᤱᤒᤠᤖᤧ ᤁᤧᤛᤧᤘᤠᤖᤥᤒᤠᤴ ᤀᤠᤏᤡᤃᤣ ᤐᤠ᤺ᤸᤗᤥ ᤁᤧᤳᤋᤡᤸᤗᤧ ᤂᤧᤴ ᤆᤢ᤺ᤰᤐᤧᤴ ᤀᤠᤏᤡᤃᤧᤏᤢ ᤜᤥ᤺ᤵᤐᤡᤸᤗᤧᤃ ᤂᤢᤏᤧ᤹ ᤁᤢᤛᤰᤔᤠᤴ ᤜᤠᤒᤠ ᤂᤧᤴ ᤆᤢ᤺ᤰᤐᤧᤸᤗᤧ ᤁᤢᤛᤰᤔᤠ᤺ᤴᤏᤢ ᤆᤰᤋᤧᤀᤠᤱ ᤘᤠ᤹ᤒᤠᤸᤗᤧ ᤆᤥᤃᤢᤸᤗᤧ. 31ᤀᤠᤏᤡᤃᤧᤏᤢ ᤂᤧᤴ ᤜᤥ᤺ᤵᤐᤠ ᤏᤡᤛᤢᤏᤣ ᤔᤣ᤺ᤴᤏᤣ ᤂᤢᤏᤧ᤹ ᤁᤢᤛᤰᤔᤠ ᤐᤣ᤺ᤰᤗᤥ॥ ᤀᤠᤏᤡᤃᤣ ᤀᤠᤍᤠᤱᤒᤠᤖᤧ ᤁᤧᤛᤧᤘᤠᤖᤥᤒᤠᤜᤠ᤹ᤖᤧ ᤀᤠᤏᤡᤃᤣ ᤐᤠᤏᤢᤍᤡᤱ ᤐᤠᤴ ᤁᤧᤓᤢᤵᤐᤠ ᤁᤢᤎᤣᤃᤣ᤺ᤰᤏᤢ ᤏᤡᤱᤛᤠᤶ ᤆᤥ᤺ᤰᤔᤥᤀᤣ ᤀᤡ᤺ᤵᤐᤢᤱᤅᤥ ᤁᤧᤳᤋᤢᤶᤒᤧᤖᤥ॥ 32ᤀᤠᤍᤠᤱᤒᤠᤖᤧ ᤁᤧᤛᤧᤘᤠᤖᤥᤒᤠ. ᤀᤠᤱᤃᤠ᤹ ᤀᤠᤒᤠᤅᤣ ᤁᤴ ᤆᤢ᤺ᤰᤐᤧᤸᤗᤧ ᤁᤢᤗᤧᤰᤘᤠ ᤀᤠᤱᤃᤠ᤹ ᤆᤔᤠᤏᤡ ᤐᤥ᤺ᤰᤛᤠᤱ॥ ᤜᤧᤰᤁᤩᤠᤱ ᤀᤠᤏᤡᤃᤣ ᤐᤠᤴ ᤀᤠᤱᤃᤠ᤹ ᤀᤰᤂᤣ ᤔᤧᤳᤋᤢᤱ. ‘ᤀᤠᤱᤃᤠ᤹ ᤁᤴ ᤆᤢ᤺ᤰᤐᤧᤴ ᤏᤢ᤺ᤰᤋᤢᤱᤅᤠᤱ ᤂᤧᤏᤧ᤹ᤀᤥ ᤔᤧᤴᤍᤠ᤺ᤵᤐᤠᤱᤏᤣ ᤑᤠᤃᤪ ᤀᤠᤱᤃᤠ᤹ ᤀᤠᤜᤡᤱᤜᤡᤱ ᤂᤧᤏᤧ᤹ ᤁᤧᤍᤃᤡ ᤀᤠᤵᤋᤡᤰᤛᤠᤒᤠ ᤌᤠ᤺ᤵᤐᤠᤖᤥ॥’ 33ᤂᤧᤸᤗᤧᤆᤥᤃᤢᤸᤗᤧ ᤐᤣᤗᤡ ᤑᤠᤰᤏᤧᤖᤥ. ᤁᤴ ᤆᤢ᤺ᤰᤐᤧᤸᤗᤧ ᤁᤢᤗᤧᤰᤘᤠ ᤀᤠᤱᤃᤠ᤹ ᤀᤠᤍᤠᤱᤒᤠᤖᤧ ᤁᤧᤛᤣᤘᤠᤖᤥᤒᤠᤴᤏᤣ ᤀᤠᤍᤠᤱᤒᤠᤖᤧ ᤁᤧᤕᤥ᤺ᤃ᤻ᤒᤠ ᤆᤥᤃᤠᤱᤅᤧ᤹. ᤜᤧᤰᤁᤩᤠᤱ ᤁᤴ ᤆᤢᤰᤐᤧᤱᤃ ᤁᤢᤶᤓᤢ᤹ᤜᤠ᤹ᤏᤢ ᤜᤡᤶᤔᤥ ᤏᤢ᤺ᤱᤔᤠ ᤐᤣ᤺ᤰᤔᤠ ᤑᤠ᤺ᤰᤋᤧ᤹ᤀᤥ॥ 34ᤌᤣᤀᤠᤱᤓᤧᤸᤗᤧ ᤁᤴ ᤆᤢ᤺ᤰᤐᤧᤴ ᤀᤠᤱᤃᤠ᤹ᤏᤢ ᤜᤥ᤺ᤵᤏᤧ ᤑᤠᤃᤪ ᤀᤠᤱᤃᤠ᤹ ᤀᤠᤰᤂᤣᤀᤠᤱ ᤀᤠᤶᤒᤠᤖᤧ᤹ᤀᤥ ᤐᤣ᤺ᤰᤁᤠᤒᤠᤒᤣ᥅ ᤀᤠᤶᤒᤠᤖᤧ ᤂᤠ ᤋᤢᤶᤔᤠ ᤀᤡ᤺ᤳᤋᤢᤒᤠ ᤁᤢᤍᤢᤰᤂᤣ᤺ᤴ ᤀᤠᤱᤃᤠ᤹ ᤀᤥᤔᤧᤵᤔᤠ ᤔᤧᤛᤢᤰᤁᤠᤸᤗᤥ॥”
Zur Zeit ausgewählt:
ᤋᤥᤗᤡᤱᤛᤥᤔᤢ 44: LIFOTNT
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2009, 2023, Wycliffe Bible Translators, Inc. All rights reserved.
ᤋᤥᤗᤡᤱᤛᤥᤔᤢ 44
44
ᤁᤧᤔᤠᤒᤠ ᤆ᤺ᤱᤃᤣ ᤂᤥᤷᤕᤠᤴ
1ᤂᤧᤒᤩᤠᤱ ᤕᤢᤛᤢᤑᤖᤧ ᤁᤢᤜᤡᤶᤔᤥ ᤁᤧᤜᤡᤒᤠ ᤁᤧᤍᤱᤒᤠ ᤛᤧᤘᤠᤖᤥᤒᤧᤴ ᤀᤰᤂᤣ ᤔᤧᤳᤋᤢᤖ ᤀᤡᤱᤈᤠᤱ ᤐᤡᤖᤢ. “ᤂᤧᤱᤜᤠ᤹ᤖᤧ ᤀᤠᤰᤂᤩᤠᤖᤡᤰ ᤁᤢᤔᤠ ᤔᤧᤛᤢᤰᤋᤢ᤹ ᤂᤧᤶᤓᤩᤠᤖᤡᤰ ᤂᤧᤴ ᤔᤏᤠᤜᤠ᤹ᤖᤧ ᤂᤢᤴᤇᤡ᤹ ᤛᤢᤰᤘᤠᤀᤥ ᤆᤠ ᤛᤡ᤺ᤰᤋᤧ ᤐᤡᤖᤧᤛᤧ᤹. ᤜᤧᤰᤁᤩᤠᤱ ᤁᤧᤖᤧᤰ ᤔᤏᤠᤜᤠ᤹ᤖᤧ ᤂᤢᤴᤇᤡ᤹ ᤕᤠᤱᤀᤡᤳᤇᤣᤴ ᤀᤠᤒᤠᤅᤣ ᤛᤢᤰᤘᤠ᤺ᤸᤗᤧ ᤁᤢᤶᤒᤪᤠᤀᤥ ᤁᤣ᤺ᤳᤋᤧ ᤐᤡᤖᤧᤛ᤻ᤛᤧ᤹॥ 2ᤜᤧᤰᤁᤩᤠᤱ ᤀᤠᤱᤃᤠ᤹ ᤕᤢᤵᤐᤠ ᤀᤠᤄᤥᤷᤕᤠᤴ ᤂᤧᤴ ᤑᤥ᤺ᤰᤘᤠᤒᤧᤸᤗᤧ ᤆᤠᤕᤠᤱᤔᤠ ᤁᤢᤛᤢᤰᤘᤠᤀᤥ ᤕᤠᤱᤀᤡᤳᤇᤣᤴᤏᤢ ᤛᤥᤖᤡᤰ ᤁᤣ᤺ᤳᤋᤧᤒᤡᤖᤧ᤹॥” ᤜᤧᤰᤁᤩᤠᤱ ᤂᤧᤸᤗᤧ ᤕᤢᤛᤢᤑᤖᤧ ᤔᤧᤳᤋᤢᤒᤠ ᤀᤡᤛᤡ᤺ᤰ ᤆᤥᤃᤢ॥
3ᤋᤠᤏᤠᤶ ᤂᤠᤀᤥ᤺ᤳᤋᤧᤏᤢ ᤔᤣ᤺ᤴᤏᤣ ᤂᤢᤴᤇᤡ ᤀᤍᤱᤜᤠ᤹ᤏᤢ ᤛᤥᤖᤡᤰ ᤂᤧᤸᤗᤧ ᤂᤧᤴ ᤔᤏᤠᤜᤠ᤹ ᤐᤠᤱᤄᤢᤍᤣᤛᤢᤛᤡ॥ 4ᤂᤧᤱᤜᤠ᤹ ᤕᤧᤰᤕᤰᤁᤥᤗᤠᤶ ᤔᤡᤛᤠᤰ ᤏᤠᤏᤠᤰ ᤔᤧᤃᤧᤖᤧᤀᤠᤱ ᤕᤢᤛᤢᤑᤖᤧ ᤜᤡᤶᤔᤥ ᤁᤧᤜᤡᤒᤠ ᤁᤧᤍᤱᤒᤠ ᤛᤧᤘᤠᤖᤥᤒᤧᤴ ᤔᤧᤳᤋᤢ. “ᤜᤠᤖᤠ ᤂᤧᤴ ᤔᤏᤠᤜᤠ᤹ᤖᤧ ᤂᤢᤴᤇᤡ ᤀᤣᤃᤠᤱ ᤀᤣᤃᤠᤱ ᤐᤣᤃᤧ᤹. ᤜᤧᤰᤁᤩᤠᤱ ᤂᤧᤱᤜᤠ᤹ ᤛᤡ᤹ᤖᤧᤛᤧ᤹ᤀᤠᤱ ᤔᤧᤳᤋᤧᤛᤧ᤹. ‘ᤂᤧᤏᤡ᤹ᤏᤢ ᤏᤢᤒᤠ ᤆᤥᤃᤢᤱᤅᤡᤸᤗᤧ ᤌᤣᤀᤠᤱ ᤂᤧᤏᤡ᤹ ᤋᤠᤵᤑᤧ᤺ᤶᤒᤠ ᤁᤧᤈᤥᤃᤢᤶᤒᤠᤒᤣ᥅ 5ᤜᤠᤒᤠ ᤁᤴ ᤆ᤺ᤱᤃᤣ ᤂᤥᤷᤕᤠᤗᤠᤶ ᤀᤠᤴᤍᤠᤱᤒᤧᤸᤗᤧ ᤌᤢᤅᤢ ᤔᤣ᤺ᤶᤒᤡ ᤜᤧᤰᤁᤩᤠᤱ ᤂᤧᤴ ᤗᤠᤶᤒᤠᤀᤣ ᤏᤢᤒᤠ ᤏᤢ ᤋᤠᤵᤑᤧ᤺ᤶᤒᤠ ᤀᤥᤔᤧᤔᤧᤳᤋᤢᤴᤒᤡ᥅ ᤁᤱᤃ ᤂᤡᤏᤡ᤹ ᤔᤧᤴᤏᤢᤒᤠ ᤕᤠ᤺ᤶᤒᤰ ᤁᤧᤈᤥᤃᤢᤶᤗᤥ᥄’”
6ᤂᤧᤸᤗᤧ ᤂᤧᤱᤜᤠ᤹ ᤛᤡ᤹ᤖᤢᤛᤡᤀᤠᤱ ᤜᤠᤒᤠᤜᤧᤰᤁᤣ ᤂᤧᤱᤜᤠ᤹ ᤔᤧᤳᤋᤢᤛᤡ॥ 7ᤂᤧᤱᤜᤠ᤹ᤖᤧ ᤂᤧᤴ ᤔᤧᤔᤧᤳᤋᤢ. “ᤀᤠᤍᤠᤱᤒᤣ. ᤌᤣᤀᤠᤱ ᤀᤰᤂᤣᤍᤱᤒᤠ ᤐᤠᤴ ᤁᤧᤒᤠ᤺ᤳᤋᤢᤒᤠᤒᤣ᥅ ᤀᤰᤂᤣᤍᤱᤒᤠ ᤕᤠ᤺ᤶᤒᤰ ᤀᤠᤍᤠᤱᤒᤠᤖᤧ ᤁᤧᤛᤣᤘᤠᤖᤥᤒᤠᤜᤠ᤹ᤖᤥᤗᤠᤶ ᤔᤧᤒᤥᤱᤏᤧᤸᤗᤖᤥ॥ 8ᤀᤥᤔᤳᤋᤧ᤹. ᤀᤠᤏᤡᤃᤣ ᤛᤢᤰᤘᤠ᤺ᤸᤗᤧ ᤁᤢᤔᤢᤖᤠᤀᤥᤒᤠ ᤕᤢᤵᤐᤠ᤺ᤴᤏᤣ ᤁᤏᤠᤏ ᤗᤠᤈᤣ᤹ᤗᤠᤶ ᤏᤢ᤺ᤰᤋᤢᤶᤒᤧᤸᤗᤧ ᤌᤣᤀᤠᤱ ᤁᤧᤴᤍᤠᤱᤒᤠᤸᤗᤧ ᤁᤢᤜᤡᤶᤔᤥᤗᤠᤶ ᤕᤢᤵᤐᤠ ᤀᤡᤃᤪ ᤛᤠᤶᤔᤩᤠᤱ ᤂᤢ᤺ᤳᤋᤢᤶᤒᤧᤃ᥅ 9ᤀᤠᤍᤠᤱᤒᤠᤖᤧ ᤁᤧᤛᤣᤘᤠᤖᤥᤒᤠᤜᤠ᤹ᤖᤥ ᤀᤠᤳᤋᤡᤸᤗᤥ ᤂᤧᤴ ᤁᤧᤄᤥᤛᤢ᤹. ᤂᤧᤴ ᤛᤧᤵᤔᤠ ᤐᤥᤱ॥ ᤜᤧᤰᤁᤩᤠᤱ ᤀᤠᤏᤡᤃᤣ ᤘᤣ᤹ᤜᤠ᤹ ᤀᤠᤍᤠᤱᤒᤠᤖᤧ ᤁᤧᤕᤥ᤺ᤃ᤻ᤒᤠ ᤐᤥ᤺ᤰᤂᤡᤃᤧᤖᤥ॥”
10ᤂᤧᤸᤗᤧ ᤔᤧᤳᤋᤢᤛᤡ. “ᤂᤧᤏᤡ᤹ ᤁᤧᤒᤠ᤺ᤋᤢᤶᤒᤠ ᤜᤧᤰᤁᤣᤀᤣ ᤐᤥᤱᤗᤖᤥ॥ ᤁᤖ ᤀᤠᤳᤋᤡᤸᤗᤥ ᤂᤧᤴ ᤂᤥᤍᤧᤳ ᤂᤧᤴᤗᤰ ᤀᤠᤕᤥ᤺ᤃ᤻ᤒᤠ ᤐᤥᤱ॥ ᤘᤣ᤹ᤃ ᤐᤣ᤺ᤰᤔᤠ ᤁᤧᤛᤢᤰᤋᤡ᤹॥” 11ᤂᤧᤒᤩᤠᤱ ᤀᤠᤸᤗᤥᤄᤪᤥ ᤔᤧᤈᤠᤳᤋᤧᤖ ᤀᤠᤒᤠᤅᤣ ᤛᤢᤰᤘᤠᤜᤠ᤹ ᤂᤠᤶᤒᤠᤱᤅᤥ ᤔᤧᤎᤠᤛᤢᤀᤠᤱ ᤔᤧᤓᤠ᤺ᤰᤂᤢ॥ 12ᤜᤧᤰᤁᤩᤠᤱ ᤋᤱᤜᤡᤒᤠᤸᤗᤧ ᤋᤢᤶᤒᤧᤸᤗᤥᤗᤠᤶ ᤑᤥ᤺ᤰᤘᤠᤒᤧᤸᤗᤥ ᤌᤠᤖᤡᤰ ᤛᤠ᤹ᤖᤢ. ᤜᤧᤰᤁᤩᤠᤱ ᤂᤧᤴ ᤕᤢᤵᤐᤠ ᤂᤥᤷᤕᤠᤴ ᤒᤧᤴᤈᤠᤔᤡᤏᤧᤸᤗᤧ ᤁᤢᤛᤢᤰᤘᤠᤀᤥ ᤂᤥᤛᤢ॥ 13ᤂᤧᤒᤩᤠᤱ ᤂᤢᤴᤇᤡ᤹ ᤆᤠᤱᤜᤠ᤹ ᤔᤧᤎᤧ᤺ᤰᤂᤢ. ᤀᤍᤱᤜᤠ᤹ ᤁᤰ ᤔᤧᤃᤢ᤺ᤳᤋᤢᤛᤡᤀᤠᤱ ᤕᤧᤰᤕᤰᤁᤥ ᤔᤧᤏᤢ᤺ᤰᤂᤧ॥
14ᤕᤜᤢᤍᤠ ᤏᤢ ᤂᤢᤏᤧ᤹ ᤁᤢᤶᤓᤢ᤹ ᤁᤢᤴᤛᤠ᤹ᤜᤠ᤹ ᤕᤢᤛᤢᤑᤖᤧ ᤁᤢᤜᤡᤶᤔᤥ ᤔᤧᤃᤧᤖᤧᤸᤗᤧ ᤂᤢᤏᤧ᤹ ᤂᤧ᤹ᤕᤥᤀᤣ ᤘᤕᤧ. ᤜᤧᤰᤁᤩᤠᤱ ᤂᤧᤱᤜᤠ᤹ᤖᤧ ᤂᤢᤏᤧ᤹ ᤁᤢᤍᤃᤡ ᤂᤠᤶᤒᤠᤱᤅᤥ ᤛᤠᤶᤒᤥᤴ ᤔᤧᤓᤴᤇᤡᤱᤅᤠᤱ ᤛᤧᤘᤠ ᤔᤧᤔᤧᤳᤋᤢ॥ 15ᤕᤢᤛᤢᤑᤖᤧ ᤂᤧᤱᤜᤠ᤹ ᤔᤧᤳᤋᤢᤛᤡ. “ᤂᤡᤏᤡ᤹ ᤀᤰᤂᤣᤍᤱᤒᤠ ᤌᤣ ᤕᤠ᤺ᤶᤒᤰ ᤁᤧᤈᤥᤃᤢᤶᤒᤠᤒᤣ᥅ ᤀᤠᤱᤃᤠ᤹ ᤜᤧᤰᤋᤱᤒᤠ ᤔᤏᤠ᤺ᤴᤏᤢ ᤋᤠᤍᤡᤃᤧᤴ ᤐᤠᤴ ᤏᤡᤔᤠ ᤛᤢᤰᤋᤢᤱ ᤑᤠ᤹ᤀᤠᤱ ᤁᤧᤴᤏᤡᤛᤢᤶᤏᤧᤴᤒᤡ᥅”
16ᤕᤜᤢᤍᤠ᤺ᤸᤗᤧ ᤔᤧᤳᤋᤢ. “ᤀᤠᤏᤡᤃᤣ ᤌᤣ ᤔᤧᤳᤋᤠᤛᤡᤃᤧᤒᤠᤒᤣ ᤀᤠᤍᤠᤱᤒᤣ. ᤀᤠᤰᤂᤣᤀᤠᤱ ᤆᤥᤃᤢᤶᤒᤧᤒᤠ ᤔᤣ᤺ᤴ ᤑᤠ᤹ᤀᤠᤱ ᤐᤠ᤺ᤵᤔᤠ ᤛᤢᤰᤋᤢᤶᤒᤧᤃ᥅ ᤀᤠᤍᤠᤱᤒᤠᤖᤧ ᤁᤧᤛᤧᤘᤠᤖᤥᤒᤠᤜᤠ᤹ᤖᤧ ᤗᤠᤕᤥᤴ ᤏᤡᤱᤘᤠ᤹ᤑᤢᤔᤠᤱᤅᤡᤸᤗᤧ ᤌᤠᤒᤧᤖ ᤆᤥᤃᤢᤀᤠᤱ ᤘᤠ᤹॥ ᤀᤥᤔᤳᤋᤧ᤹. ᤀᤠᤸᤗ ᤀᤠᤏᤡᤃᤣ ᤀᤠᤍᤠᤱᤒᤠᤖᤧ ᤁᤧᤕᤥ᤺ᤃ᤻ᤒᤠ ᤐᤥ᤺ᤰᤂᤡᤃᤧᤖᤥ॥ ᤀᤠᤏᤡᤃᤣ ᤜᤧᤰᤁᤩᤠᤱ ᤀᤠᤳᤋᤡᤸᤗᤥ ᤂᤧᤴ ᤕᤢᤵᤐᤠ ᤂᤥᤷᤕᤠᤴ ᤂᤥᤍᤧᤳᤋᤧ ᤂᤧᤴᤏᤠᤱ ᤁᤧᤕᤥ᤺ᤃ᤻ᤒᤠ ᤐᤥ᤺ᤰᤂᤧᤖᤥ॥”
17ᤁᤖ ᤕᤢᤛᤢᤑᤖᤧ ᤔᤧᤳᤋᤢ. “ᤀᤠᤱᤃᤠ᤹ᤗᤠᤶᤒᤠ ᤀᤰᤂᤣᤍᤱᤒᤠ ᤀᤠᤓᤧᤸᤗᤧᤀᤠᤱ ᤔᤧᤒᤥᤱᤏᤧᤸᤗᤥ॥ ᤀᤠᤳᤋᤡᤸᤗᤧ ᤁᤢᤜᤢᤰᤁᤥ ᤂᤧᤴ ᤕᤢᤵᤐᤠ ᤂᤥᤷᤕᤠᤴ ᤕᤠᤱᤍᤧᤳᤋᤧ ᤂᤧᤸᤗᤰ ᤀᤠᤱᤃᤠ᤹ ᤀᤠᤕᤥ᤺ᤃ᤻ᤒᤠ ᤐᤥᤱᤗᤥ॥ ᤁᤖ ᤂᤡᤏᤡ᤹ᤃ ᤂᤡᤏᤡ᤹ ᤐᤠ᤺ᤸᤗᤥ ᤛᤏᤠᤖᤢᤱᤏᤢ ᤐᤣᤃᤧᤶᤔᤧ᤹ᤀᤥ॥”
ᤕᤜᤢᤍᤠ᤺ᤸᤗᤧ ᤒᤧᤴᤈᤠᤔᤡᤏᤧᤸᤗᤧ ᤁᤢᤗᤠᤃᤡ ᤐᤣᤗᤡ ᤑᤠᤰᤋᤢ᤹
18ᤂᤧᤒᤩᤠᤱ ᤕᤜᤢᤍᤠᤴ ᤕᤢᤛᤢᤑᤖᤧ ᤁᤢᤒᤣᤛᤠᤱ ᤐᤣᤀᤠᤱ ᤔᤧᤳᤋᤢ. “ᤀᤠᤍᤠᤱᤒᤣ. ᤐᤣᤗᤡ ᤑᤠᤰᤏᤧᤖᤥ. ᤁᤧᤛᤧᤘᤠᤖᤥᤒᤠᤴ ᤗᤳᤇᤠ ᤐᤠ᤺ᤴᤎᤡᤰ ᤐᤠ᤺ᤵᤔᤠ ᤐᤡᤖᤠᤱᤅᤥ॥ ᤀᤠᤍᤠᤱᤒᤧᤴ ᤜᤠᤱ ᤀᤡᤛᤡ᤺ᤰ ᤁᤧᤈᤥ᤺ᤰᤛᤠᤱ ᤁᤧᤛᤧᤘᤠᤖᤥᤒᤧᤴᤏᤢ ᤁᤧᤕᤠ᤺ᤰ ᤔᤧᤗᤧ᤹ᤖᤧᤴᤏᤧ᤹ᤀᤥ॥ 19ᤀᤠᤍᤠᤱᤒᤠᤖᤧ ᤁᤧᤛᤣᤘᤠᤖᤠᤒᤠᤜᤠ᤹ ᤀᤰᤂᤣᤗ᤹ᤖᤡᤰ ᤛᤣ᤺ᤴᤁᤧᤍᤥᤛᤢᤛᤡᤀᤠᤱ ᤘᤕᤧ. ‘ᤂᤧᤏᤡ᤹ ᤐᤠ ᤀᤡᤃᤪ ᤏᤢᤛᤠ᤹ ᤘᤠᤒᤡ᥅’ 20ᤜᤧᤰᤁᤩᤠᤱ ᤀᤠᤏᤡᤃᤣ ᤀᤠᤍᤠᤱᤒᤠ ᤔᤧᤳᤏᤧᤇᤡᤃᤧ. ‘ᤀᤠᤏᤡᤃᤣ ᤐᤠ ᤂᤍᤠᤰᤔᤡ ᤎᤡᤰ ᤘᤠ᤹. ᤜᤧᤰᤁᤩᤠᤱ ᤂᤢᤏᤧ᤹ ᤁᤢᤃᤠᤵᤐᤥ ᤋᤢᤶᤔᤥ ᤁᤳᤋᤢᤒᤠ ᤀᤠᤏᤡᤃᤣ ᤆᤢ᤺ᤰᤐᤠ ᤏᤢᤛᤠ᤹ᤎᤡᤰ ᤘᤠ᤹॥ ᤂᤧᤸᤗᤧ ᤁᤢᤶᤓᤢ᤹ᤀᤡᤴ ᤔᤠᤛᤡᤱᤄᤧᤖᤧ. ᤜᤧᤰᤁᤩᤠᤱ ᤀᤠᤒᤠᤅᤣ ᤁᤢᤶᤔᤠ ᤗᤧᤵᤔᤠᤱᤒᤠ ᤀᤠᤸᤗ ᤂᤧᤴᤗᤰ ᤘᤠ᤹. ᤜᤧᤰᤁᤩᤠᤱ ᤂᤧᤴ ᤂᤢᤏᤧ᤹ ᤁᤢᤶᤒᤠᤖᤧ ᤛᤠ᤹ᤖᤡᤰᤁᤣ ᤗᤢᤱᤔᤠ᤹ ᤋᤢᤰᤋᤢ᤹॥’
21“ᤂᤧᤒᤩᤠᤱ ᤀᤠᤍᤠᤱᤒᤠᤖᤧ ᤕᤠᤵᤔᤡ ᤁᤧᤔᤧᤳᤋᤧ. ‘ᤂᤧᤴ ᤁ᤹ᤕᤥ ᤀᤠᤱᤃᤠ᤹ᤀᤥ ᤋᤠᤖᤧᤶᤔᤧ᤹. ᤀᤠᤱᤃᤠ᤹ ᤂᤧᤴ ᤀᤥᤔᤧᤳᤋᤢᤱ᤹॥’ 22ᤀᤠᤏᤡᤃᤣ ᤀᤠᤍᤠᤱᤒᤠ ᤔᤧᤳᤋᤠᤛᤡᤃᤧ. ‘ᤂᤧᤴ ᤆᤢ᤺ᤰᤐᤧᤸᤗᤧ ᤁᤢᤶᤒᤠ ᤗᤧᤵᤔᤠ ᤔᤧᤛᤢᤰᤋᤢᤴ᤹॥ ᤌᤣᤀᤠᤱᤓᤧᤸᤗᤧ ᤂᤧᤴ ᤆᤢ᤺ᤰᤐᤧᤸᤗᤧ ᤁᤢᤶᤒᤠ ᤗᤧᤖᤢᤏᤧᤑᤠᤃᤪ ᤁᤢᤶᤒᤠ᤺ᤱᤃ ᤛᤡᤒᤣ᤺ᤰᤗᤥ॥’ 23ᤁᤖ ᤀᤠᤍᤠᤱᤒᤠᤖᤧ ᤁᤧᤛᤧᤘᤠᤖᤥᤒᤠᤜᤠ᤹ ᤁᤧᤔᤧᤳᤋᤢᤛᤡ. ‘ᤂᤡᤏᤡ᤹ ᤑᤥ᤺ᤰᤘᤠᤒᤠ ᤏᤢᤛᤠ᤹ᤀᤡᤴ ᤂᤡᤏᤡ᤹ᤏᤢ ᤔᤧᤍᤠᤏᤧᤴᤏᤣ ᤑᤠᤃᤪ ᤀᤠᤱᤃᤠ᤹ ᤀᤠᤍᤃᤡ ᤋᤠᤔᤠ ᤂᤡᤏᤡ᤹ ᤁᤧᤱᤄᤥᤛᤡᤸᤗᤥ॥’ 24ᤂᤧᤒᤩᤠᤱ ᤀᤠᤏᤡᤃᤣ ᤐᤠ. ᤀᤠᤍᤠᤱᤒᤠᤖᤧ ᤁᤧᤛᤧᤘᤠᤖᤥᤒᤠᤸᤗᤥ ᤐᤣ᤺ᤰᤔᤏᤠ॥ ᤜᤧᤰᤁᤩᤠᤱ ᤀᤠᤍᤠᤱᤒᤠᤖᤧ ᤁᤧᤒᤠ᤺ᤴᤏᤡᤴ ᤂᤢᤏᤧ᤹ ᤆᤧᤰᤔᤏᤠ॥
25“ᤀᤠᤏᤡᤃᤣ ᤐᤠ᤺ᤸᤗᤧ ᤔᤧᤳᤋᤡᤃᤧ. ‘ᤕᤠᤶᤔᤥ ᤐᤣᤃᤧᤶᤔᤧ᤹ᤀᤠᤱ ᤔᤡᤛᤠᤰ ᤆᤠ ᤀᤡᤅᤧᤶᤔᤧ᤹’ 26ᤂᤧᤒᤩᤠᤱ ᤀᤠᤏᤡᤃᤣ ᤂᤢᤏᤧ᤹ ᤔᤧᤳᤋᤢᤶᤒᤧ. ‘ᤀᤠᤏᤡᤃᤣ ᤐᤣ᤺ᤰᤔᤠ ᤔᤧᤛᤢᤰᤋᤡᤃᤧᤸᤗᤥ॥ ᤀᤠᤏᤡᤃᤣ ᤑᤥ᤺ᤰᤘᤠᤒᤠ ᤏᤢᤛᤠ᤹ᤀᤡᤴ ᤀᤠᤏᤡᤃᤧᤏᤢ ᤐᤣ᤺ᤰᤁᤡᤸᤗᤧᤖᤰ ᤀᤠᤏᤡᤃᤣ ᤐᤣᤃᤡᤃᤧ॥ ᤌᤣᤀᤠᤱᤓᤧᤸᤗᤧ ᤀᤠᤏᤡᤃᤣ ᤑᤥ᤺ᤰᤘᤠᤒᤠ ᤏᤢᤛᤠ᤹ᤀᤡᤴ ᤀᤠᤏᤡᤃᤧᤏᤢ ᤔᤧᤒᤣ᤺ᤰᤏᤧᤴᤏᤡ ᤑᤠᤃᤪ ᤂᤧᤴ ᤔᤏᤠ᤺ᤸᤗᤧ ᤁᤢᤍᤃᤡ ᤀᤠᤏᤡᤃᤣ ᤐᤣ᤺ᤰᤔᤠ ᤔᤧᤄᤥᤛᤡᤃᤧᤸᤗᤥ॥’
27“ᤂᤧᤒᤩᤠᤱ ᤀᤠᤍᤠᤱᤒᤠᤖᤧ ᤁᤧᤛᤧᤘᤠᤖᤥᤒᤠ ᤀᤠᤏᤡᤃᤣ ᤐᤠ᤺ᤸᤗᤧ ᤔᤧᤳᤋᤡᤃᤧ. ‘ᤀᤠᤱᤃᤠ᤹ ᤀᤠᤔᤣᤳ ᤗᤧᤵᤔᤠᤱᤒᤠ ᤏᤧᤳᤇᤡ ᤀᤠᤛ᤻ᤛᤠᤜᤠ᤹ ᤘᤕᤧᤳᤇᤡᤒᤠ ᤂᤡᤏᤡ᤹ ᤁᤧᤏᤡᤛᤢᤶᤗᤥ॥ 28ᤗᤳᤇᤠ᤺ᤸᤗᤧ ᤀᤠᤱᤃᤠ᤹ ᤗᤠᤵᤑᤢᤛᤠᤱᤍᤣᤛᤠᤱ॥ ᤛᤧᤰᤂᤠᤛᤠᤱ ᤂᤧᤴ ᤁᤢᤈᤰᤋᤠ ᤁᤢᤗᤧᤶᤍᤠᤀᤣ ᤆᤥᤃᤢ ᤗ᤹ᤖᤡᤰ ᤐᤠ᤺ᤳᤋᤢᤱ॥’ ᤂᤧᤴᤏᤠᤱᤎᤥ ᤀᤠᤱᤃᤠ᤹ ᤂᤧᤴ ᤔᤧᤴᤏᤡᤀᤣ ᤘᤠ᤹ᤀᤠᤖᤥ॥ 29ᤁᤴᤏᤠᤱ ᤀᤠᤱᤃᤠ᤹ᤀᤥᤗᤠᤶ ᤁᤧᤍᤣ᤹ᤖᤢᤶᤔᤠᤱ ᤁᤢᤓᤠ ᤁᤧᤛᤠᤰᤐᤠ ᤂᤢᤏᤧ᤹ ᤋᤢᤔᤢᤸᤗᤧᤃ. ᤂᤡᤏᤡ᤹ ᤀᤠᤱᤃᤠ᤹ ᤁᤧᤓᤢᤵᤐᤠ ᤀᤠᤎᤣᤃᤣ᤺ᤰᤁᤡᤴ ᤏᤡᤱᤛᤠᤱ ᤐᤢᤰᤔᤥᤀᤣ ᤀᤡ᤺ᤵᤐᤢᤱᤅᤥ ᤕᤠᤵᤔᤡ ᤁᤧᤃᤧᤳᤗᤥ॥
30“ᤂᤧᤸᤗᤧᤆᤥᤃᤢᤸᤗᤧ ᤀᤠᤍᤠᤱᤒᤠᤖᤧ ᤁᤧᤛᤧᤘᤠᤖᤥᤒᤠᤴ ᤀᤠᤏᤡᤃᤣ ᤐᤠ᤺ᤸᤗᤥ ᤁᤧᤳᤋᤡᤸᤗᤧ ᤂᤧᤴ ᤆᤢ᤺ᤰᤐᤧᤴ ᤀᤠᤏᤡᤃᤧᤏᤢ ᤜᤥ᤺ᤵᤐᤡᤸᤗᤧᤃ ᤂᤢᤏᤧ᤹ ᤁᤢᤛᤰᤔᤠᤴ ᤜᤠᤒᤠ ᤂᤧᤴ ᤆᤢ᤺ᤰᤐᤧᤸᤗᤧ ᤁᤢᤛᤰᤔᤠ᤺ᤴᤏᤢ ᤆᤰᤋᤧᤀᤠᤱ ᤘᤠ᤹ᤒᤠᤸᤗᤧ ᤆᤥᤃᤢᤸᤗᤧ. 31ᤀᤠᤏᤡᤃᤧᤏᤢ ᤂᤧᤴ ᤜᤥ᤺ᤵᤐᤠ ᤏᤡᤛᤢᤏᤣ ᤔᤣ᤺ᤴᤏᤣ ᤂᤢᤏᤧ᤹ ᤁᤢᤛᤰᤔᤠ ᤐᤣ᤺ᤰᤗᤥ॥ ᤀᤠᤏᤡᤃᤣ ᤀᤠᤍᤠᤱᤒᤠᤖᤧ ᤁᤧᤛᤧᤘᤠᤖᤥᤒᤠᤜᤠ᤹ᤖᤧ ᤀᤠᤏᤡᤃᤣ ᤐᤠᤏᤢᤍᤡᤱ ᤐᤠᤴ ᤁᤧᤓᤢᤵᤐᤠ ᤁᤢᤎᤣᤃᤣ᤺ᤰᤏᤢ ᤏᤡᤱᤛᤠᤶ ᤆᤥ᤺ᤰᤔᤥᤀᤣ ᤀᤡ᤺ᤵᤐᤢᤱᤅᤥ ᤁᤧᤳᤋᤢᤶᤒᤧᤖᤥ॥ 32ᤀᤠᤍᤠᤱᤒᤠᤖᤧ ᤁᤧᤛᤧᤘᤠᤖᤥᤒᤠ. ᤀᤠᤱᤃᤠ᤹ ᤀᤠᤒᤠᤅᤣ ᤁᤴ ᤆᤢ᤺ᤰᤐᤧᤸᤗᤧ ᤁᤢᤗᤧᤰᤘᤠ ᤀᤠᤱᤃᤠ᤹ ᤆᤔᤠᤏᤡ ᤐᤥ᤺ᤰᤛᤠᤱ॥ ᤜᤧᤰᤁᤩᤠᤱ ᤀᤠᤏᤡᤃᤣ ᤐᤠᤴ ᤀᤠᤱᤃᤠ᤹ ᤀᤰᤂᤣ ᤔᤧᤳᤋᤢᤱ. ‘ᤀᤠᤱᤃᤠ᤹ ᤁᤴ ᤆᤢ᤺ᤰᤐᤧᤴ ᤏᤢ᤺ᤰᤋᤢᤱᤅᤠᤱ ᤂᤧᤏᤧ᤹ᤀᤥ ᤔᤧᤴᤍᤠ᤺ᤵᤐᤠᤱᤏᤣ ᤑᤠᤃᤪ ᤀᤠᤱᤃᤠ᤹ ᤀᤠᤜᤡᤱᤜᤡᤱ ᤂᤧᤏᤧ᤹ ᤁᤧᤍᤃᤡ ᤀᤠᤵᤋᤡᤰᤛᤠᤒᤠ ᤌᤠ᤺ᤵᤐᤠᤖᤥ॥’ 33ᤂᤧᤸᤗᤧᤆᤥᤃᤢᤸᤗᤧ ᤐᤣᤗᤡ ᤑᤠᤰᤏᤧᤖᤥ. ᤁᤴ ᤆᤢ᤺ᤰᤐᤧᤸᤗᤧ ᤁᤢᤗᤧᤰᤘᤠ ᤀᤠᤱᤃᤠ᤹ ᤀᤠᤍᤠᤱᤒᤠᤖᤧ ᤁᤧᤛᤣᤘᤠᤖᤥᤒᤠᤴᤏᤣ ᤀᤠᤍᤠᤱᤒᤠᤖᤧ ᤁᤧᤕᤥ᤺ᤃ᤻ᤒᤠ ᤆᤥᤃᤠᤱᤅᤧ᤹. ᤜᤧᤰᤁᤩᤠᤱ ᤁᤴ ᤆᤢᤰᤐᤧᤱᤃ ᤁᤢᤶᤓᤢ᤹ᤜᤠ᤹ᤏᤢ ᤜᤡᤶᤔᤥ ᤏᤢ᤺ᤱᤔᤠ ᤐᤣ᤺ᤰᤔᤠ ᤑᤠ᤺ᤰᤋᤧ᤹ᤀᤥ॥ 34ᤌᤣᤀᤠᤱᤓᤧᤸᤗᤧ ᤁᤴ ᤆᤢ᤺ᤰᤐᤧᤴ ᤀᤠᤱᤃᤠ᤹ᤏᤢ ᤜᤥ᤺ᤵᤏᤧ ᤑᤠᤃᤪ ᤀᤠᤱᤃᤠ᤹ ᤀᤠᤰᤂᤣᤀᤠᤱ ᤀᤠᤶᤒᤠᤖᤧ᤹ᤀᤥ ᤐᤣ᤺ᤰᤁᤠᤒᤠᤒᤣ᥅ ᤀᤠᤶᤒᤠᤖᤧ ᤂᤠ ᤋᤢᤶᤔᤠ ᤀᤡ᤺ᤳᤋᤢᤒᤠ ᤁᤢᤍᤢᤰᤂᤣ᤺ᤴ ᤀᤠᤱᤃᤠ᤹ ᤀᤥᤔᤧᤵᤔᤠ ᤔᤧᤛᤢᤰᤁᤠᤸᤗᤥ॥”
Zur Zeit ausgewählt:
:
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2009, 2023, Wycliffe Bible Translators, Inc. All rights reserved.