Matfei 3
3
IISUS ALGAU RUAVON 3-4
Iivan Ristii
(Mark. 1:1-8; Luk. 3:1-18; Iiv. 1:19-28)
1Niilöih aigoih tuli Iivan Ristii da rubei sanelemah Juudien elämättömäs muas: 2«Hylläkkiä riähkät da kiännykkiä Jumalan puoleh, sendäh gu Taivahallizen valdu on lähäl!» 3Juuri Iivanah näh ollah nämä Jumalan iänenkandajan Isaijan sanat:
– Kirgujan iäni kuuluu elämättömäs muas:
«Valmistakkua Ižändäle dorogu,
luajikkua oigiekse Hänen tropat!»
4Iivanal piäl oli verbl՚uudan villas luajittu soba, kudai oli vyötetty nahkuvyöl, a syömizenny hänel oldih čirkat da meččykimalehien mezi. 5Hänen luo tuldih rahvas Jerusalimaspäi, Juudien joga puolelpäi i kaikis Jordanjoven ymbäri olijois mualoispäi. 6Hyö sanottih omat riähkät, i Iivan ristii heidy Jordanjoves. 7No konzu Iivan nägi, hänen luo ristittäväkse on tulemas äijy fariseidu da saddukeidu, häi sanoi heile: «Työ pahan mavon kannetut! Smietittögo, työ voitto piästä tulijas vihas? 8Eläkkiä muga, ku nägys: työ hylgäittö riähkät da kiännyittö Jumalan puoleh. 9Älgiä duumaikkua, piäzettö ku voitto sanuo: ‘Myöhäi olemmo Avraaman lapset.’ Minä sanon teile: Jumal voibi luadie Avraamale lapsii nämis kivisgi. 10Kirves on jo pandu puun juurele. Joga puu, kudai ei anna hyvii andimii, leikatah da lykätäh tuleh. 11Minä ristin teidy viel ku ozuttua, työ hylgäittö riähkät da kiännyittö Jumalan puoleh. No minule jälles tulou toine, kudai on minuu vägevembi. Minä en päi ni Hänen jallaččiloi kandamah. Häi ristiy teidy Pyhäl Hengel da tulel. 12Hänel on labju käis, i sil Häi viškuau vil՚l՚at. Jyvät Häi keriäy aittah, a ruumenet poltau sammumattomas tules.»
Iisusan ristindy
(Mark. 1:9-11; Luk. 3:21-22)
13Sit Iisus tuli Galileispäi Jordanjovele Iivanan luo ristittäväkse. 14Iivan opii azettua Händy da sanoi: «Sinägo tulet minun luo ristittäväkse? Minulhäi pidäs suaja Sinus ristindy!» 15No Iisus vastai hänele: «Nygöi olgah nenga. Kačo, tälleh meil pidäy täyttiä Jumalan oigei tahto.» Sit Iivan luadii Hänen sanua myöte. 16Jälles ristindiä Iisus kerras nouzi viespäi. I kačo, avavuttih taivahat, i Iisus nägi, kui Jumalan Hengi heityi taivahaspäi ku kyyhköilinduine da azetui Hänen piäle. 17Taivahispäi kuului iäni: «Tämä on Minun armas poigu, kudamah Minä olen mieldynyh.»
Zur Zeit ausgewählt:
Matfei 3: LIVVI
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
(c) Biblienkiännändyinstituuttu, Helsinki 2003
Matfei 3
3
IISUS ALGAU RUAVON 3-4
Iivan Ristii
(Mark. 1:1-8; Luk. 3:1-18; Iiv. 1:19-28)
1Niilöih aigoih tuli Iivan Ristii da rubei sanelemah Juudien elämättömäs muas: 2«Hylläkkiä riähkät da kiännykkiä Jumalan puoleh, sendäh gu Taivahallizen valdu on lähäl!» 3Juuri Iivanah näh ollah nämä Jumalan iänenkandajan Isaijan sanat:
– Kirgujan iäni kuuluu elämättömäs muas:
«Valmistakkua Ižändäle dorogu,
luajikkua oigiekse Hänen tropat!»
4Iivanal piäl oli verbl՚uudan villas luajittu soba, kudai oli vyötetty nahkuvyöl, a syömizenny hänel oldih čirkat da meččykimalehien mezi. 5Hänen luo tuldih rahvas Jerusalimaspäi, Juudien joga puolelpäi i kaikis Jordanjoven ymbäri olijois mualoispäi. 6Hyö sanottih omat riähkät, i Iivan ristii heidy Jordanjoves. 7No konzu Iivan nägi, hänen luo ristittäväkse on tulemas äijy fariseidu da saddukeidu, häi sanoi heile: «Työ pahan mavon kannetut! Smietittögo, työ voitto piästä tulijas vihas? 8Eläkkiä muga, ku nägys: työ hylgäittö riähkät da kiännyittö Jumalan puoleh. 9Älgiä duumaikkua, piäzettö ku voitto sanuo: ‘Myöhäi olemmo Avraaman lapset.’ Minä sanon teile: Jumal voibi luadie Avraamale lapsii nämis kivisgi. 10Kirves on jo pandu puun juurele. Joga puu, kudai ei anna hyvii andimii, leikatah da lykätäh tuleh. 11Minä ristin teidy viel ku ozuttua, työ hylgäittö riähkät da kiännyittö Jumalan puoleh. No minule jälles tulou toine, kudai on minuu vägevembi. Minä en päi ni Hänen jallaččiloi kandamah. Häi ristiy teidy Pyhäl Hengel da tulel. 12Hänel on labju käis, i sil Häi viškuau vil՚l՚at. Jyvät Häi keriäy aittah, a ruumenet poltau sammumattomas tules.»
Iisusan ristindy
(Mark. 1:9-11; Luk. 3:21-22)
13Sit Iisus tuli Galileispäi Jordanjovele Iivanan luo ristittäväkse. 14Iivan opii azettua Händy da sanoi: «Sinägo tulet minun luo ristittäväkse? Minulhäi pidäs suaja Sinus ristindy!» 15No Iisus vastai hänele: «Nygöi olgah nenga. Kačo, tälleh meil pidäy täyttiä Jumalan oigei tahto.» Sit Iivan luadii Hänen sanua myöte. 16Jälles ristindiä Iisus kerras nouzi viespäi. I kačo, avavuttih taivahat, i Iisus nägi, kui Jumalan Hengi heityi taivahaspäi ku kyyhköilinduine da azetui Hänen piäle. 17Taivahispäi kuului iäni: «Tämä on Minun armas poigu, kudamah Minä olen mieldynyh.»
Zur Zeit ausgewählt:
:
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
(c) Biblienkiännändyinstituuttu, Helsinki 2003