Yuanis 2
2
Rami-Rami muontun so Kana
1Koduaan kiat nu iri, kuwai rami-rami muontun so bandar Kana so wonuo nu Galilia, om nokosuung-a ino ni Yisus. 2Nosogina ya pudi si Yisus om mompomaid Niyo ri. 3Naawi' yo po sungoi nu anggur-i, tongaro yo Iyo nu ino Niyo ri nu, “Noowi'an nosiro nu sungoi nu anggur,” koo.
4Sumombuto yo si Yisus nu, “Oo ino, ikod po ponuu' so Aku momaal nu onu-onu ya. Dai po nologa' runat pointolangan Ku ong isai Aku,” koo.
5Nga tinangar-a nu ino Niyo ri ongo moomugogoma'on-i nu, “Waid-o muyu yo onu-onu nisuu' Niyo so kou no,” koo.
6Modia'-sodia' dii onom montaya puugasan, mongowaid nu adat nu lobuw Yaudi. Ido montaya orumposan kiro-kiro walu nopulu intawa maatus litor sungoi. 7Tongaro yo ni Yisus ongo moomugogoma'on iiri nu, “Osuwi muyu nu sungoi kiawi' montaya oono,” koo. Osuwi yo sono nosiro montaya ri nu sungoi sampai noponu'. 8Tongaro po Niyo nosiro nu, “Ponuuk kou yo sabat nu sungoi-o om owito muyu so wowaidon so rami-rami tu,” koo. Waalo yo sono nosiro tinangar ni Yisus iiri. 9Nokoinum-o po wowaidon-i nu sungoi minusiliw nu anggur-i, om dai ya noilaan niyo ong ombo kiat nu sungoi nu anggur iiri, nga iri yo moomugogoma'on minonuuk nu sungoi iiri su nokoilo. Pagka soko iri, soginaa yo sono niyo pongantin kusoi-i, 10om tongaro yo nu, “Koopotan nu lobuw wokon, poguluan po popolak sungoi nu anggur owarong-o, otopodan-o tombuoi-o monginum, nipolak nai' sungoi nu anggur koinsuatan-o. Nga ikau-o po, pinotoudi mu nai' popolak sungoi nu anggur owarong tu,” koo.
11Ono yo su koiran-iran#2:11: Orati yo po nu koiran-iran so solinan nu tangar Yunani “tanda”. So buuk nu Abar Owarong nituturan ni Yuanis, tangar “tanda” oono suat so koiran-iran winaal ni Yisus, pointolang nu Iyo yo su Anak nu Kinoringan. winaal togna ni Yisus. Pinomaalan Niyo nu ono dii so Kana so wonuo nu Galilia. Nopointolang Iyo nu kobontugan Niyo om kiawi' mompomaid Niyo ri, nga nopoimaid so Iyo.
12Nopupus iri, miano yo si Yisus, ino Niyo ri, kosusulodan Niyo, om mompomaid Niyo ri so Kapornaum, om minolak dii kotinu-tinuan.#Mat 4:13
Minasuw si Yisus so Waloi Maayo
nu Kinoringan
(Mat 21:12-13; Mrk 11:15-17; Luk 19:45-46)
13Mani-rani ologa' Rami-Rami Paska nu lobuw Yaudi, minian sono si Yisus so Yirusalim.#Kin 12:1-27 14Mosuwo yo Iyo so Waloi Maayo nu Kinoringan so Yirusalim, om nosunsungan Niyo lobuw mudagang nu sapi, kambing om asang. Lobuw poongogonti'an nu siin nga songogom-ogom. 15Mongolapo yo Iyo nu tali winaal nu lulubak, ponusura nu kambing om sapi kiat so Waloi iiri. Mija nu poongogonti'an siin nga tinuad balik Niyo om nobotiasan-a su siin nosiro. 16Tongaro yo Niyo ongo lobuw nopowoli nu asang-i nu, “Kokato muyu gonggamon itu. Kodi muyu siliwo waloi ni Amo Ku tu nu poomudogangan!” koo. 17Noondoman sono nu mompomaid Niyo ri nu nokosurat-o so Buuk nu Kinoringan nu, “Oo su Kinoringan, sobana ko sinomodan ku waloi Mu. Ono yo ko' oinsokitan sobana inawo ku,” koo ri.#Lgu 69:9
18Soguupi yo nu lobuw Yaudi ri si Yisus nu, “Pomaalo ka nu koiran-iran pointolang nu kikopogboya'an Ko momaal nu soko ono so kai,” koo.
19Sumombuto yo si Yisus nu, “Insan uyason muyu ya Waloi iitu no, kotoluan-o oulit Ku yo koimbagu,” koo.#Mat 26:61; 27:40; Mrk 14:58; 15:29
20Sumombuto yo nosiro nu, “Opat nopulu om onom toun om noopod nai' Waloi iitu momaal, nga kotolu-toluan ong Ikau momaal nu itu?” koo.
21Nga kinuan-o po Niyo nu Waloi Maayo nu Kinoringan, iri koyuwan Niyo ri. 22Iri yo ko', noluli'an-o po Iyo, noondoman sono nu mompomaid Niyo ri nu nokoputangar Iyo nu soko iri, om poimaid-o sono nosiro nu Buuk nu Kinoringan om pinutangar Niyo ri.
23Osuang lobuw nopoimaid so Iyo nu laid Niyo so Yirusalim-i iya nu Rami-Rami Paska iri, so' nokosiou nosiro nu koiran-iran winaal Niyo ri. 24Nga Iyo dai poimaid so nosiro so' oilaan-o Niyo kiro-kiroon so inawo nosiro ido soido. 25Pudi pona ado pokoilo so Iyo suat so kiro-kiroon so inawo nu lobuw, nga oilaan-a Niyo.
Zur Zeit ausgewählt:
Yuanis 2: TomPWPgLgPn
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2023 (Active), Wycliffe Bible Translators, Inc. All rights reserved.
Yuanis 2
2
Rami-Rami muontun so Kana
1Koduaan kiat nu iri, kuwai rami-rami muontun so bandar Kana so wonuo nu Galilia, om nokosuung-a ino ni Yisus. 2Nosogina ya pudi si Yisus om mompomaid Niyo ri. 3Naawi' yo po sungoi nu anggur-i, tongaro yo Iyo nu ino Niyo ri nu, “Noowi'an nosiro nu sungoi nu anggur,” koo.
4Sumombuto yo si Yisus nu, “Oo ino, ikod po ponuu' so Aku momaal nu onu-onu ya. Dai po nologa' runat pointolangan Ku ong isai Aku,” koo.
5Nga tinangar-a nu ino Niyo ri ongo moomugogoma'on-i nu, “Waid-o muyu yo onu-onu nisuu' Niyo so kou no,” koo.
6Modia'-sodia' dii onom montaya puugasan, mongowaid nu adat nu lobuw Yaudi. Ido montaya orumposan kiro-kiro walu nopulu intawa maatus litor sungoi. 7Tongaro yo ni Yisus ongo moomugogoma'on iiri nu, “Osuwi muyu nu sungoi kiawi' montaya oono,” koo. Osuwi yo sono nosiro montaya ri nu sungoi sampai noponu'. 8Tongaro po Niyo nosiro nu, “Ponuuk kou yo sabat nu sungoi-o om owito muyu so wowaidon so rami-rami tu,” koo. Waalo yo sono nosiro tinangar ni Yisus iiri. 9Nokoinum-o po wowaidon-i nu sungoi minusiliw nu anggur-i, om dai ya noilaan niyo ong ombo kiat nu sungoi nu anggur iiri, nga iri yo moomugogoma'on minonuuk nu sungoi iiri su nokoilo. Pagka soko iri, soginaa yo sono niyo pongantin kusoi-i, 10om tongaro yo nu, “Koopotan nu lobuw wokon, poguluan po popolak sungoi nu anggur owarong-o, otopodan-o tombuoi-o monginum, nipolak nai' sungoi nu anggur koinsuatan-o. Nga ikau-o po, pinotoudi mu nai' popolak sungoi nu anggur owarong tu,” koo.
11Ono yo su koiran-iran#2:11: Orati yo po nu koiran-iran so solinan nu tangar Yunani “tanda”. So buuk nu Abar Owarong nituturan ni Yuanis, tangar “tanda” oono suat so koiran-iran winaal ni Yisus, pointolang nu Iyo yo su Anak nu Kinoringan. winaal togna ni Yisus. Pinomaalan Niyo nu ono dii so Kana so wonuo nu Galilia. Nopointolang Iyo nu kobontugan Niyo om kiawi' mompomaid Niyo ri, nga nopoimaid so Iyo.
12Nopupus iri, miano yo si Yisus, ino Niyo ri, kosusulodan Niyo, om mompomaid Niyo ri so Kapornaum, om minolak dii kotinu-tinuan.#Mat 4:13
Minasuw si Yisus so Waloi Maayo
nu Kinoringan
(Mat 21:12-13; Mrk 11:15-17; Luk 19:45-46)
13Mani-rani ologa' Rami-Rami Paska nu lobuw Yaudi, minian sono si Yisus so Yirusalim.#Kin 12:1-27 14Mosuwo yo Iyo so Waloi Maayo nu Kinoringan so Yirusalim, om nosunsungan Niyo lobuw mudagang nu sapi, kambing om asang. Lobuw poongogonti'an nu siin nga songogom-ogom. 15Mongolapo yo Iyo nu tali winaal nu lulubak, ponusura nu kambing om sapi kiat so Waloi iiri. Mija nu poongogonti'an siin nga tinuad balik Niyo om nobotiasan-a su siin nosiro. 16Tongaro yo Niyo ongo lobuw nopowoli nu asang-i nu, “Kokato muyu gonggamon itu. Kodi muyu siliwo waloi ni Amo Ku tu nu poomudogangan!” koo. 17Noondoman sono nu mompomaid Niyo ri nu nokosurat-o so Buuk nu Kinoringan nu, “Oo su Kinoringan, sobana ko sinomodan ku waloi Mu. Ono yo ko' oinsokitan sobana inawo ku,” koo ri.#Lgu 69:9
18Soguupi yo nu lobuw Yaudi ri si Yisus nu, “Pomaalo ka nu koiran-iran pointolang nu kikopogboya'an Ko momaal nu soko ono so kai,” koo.
19Sumombuto yo si Yisus nu, “Insan uyason muyu ya Waloi iitu no, kotoluan-o oulit Ku yo koimbagu,” koo.#Mat 26:61; 27:40; Mrk 14:58; 15:29
20Sumombuto yo nosiro nu, “Opat nopulu om onom toun om noopod nai' Waloi iitu momaal, nga kotolu-toluan ong Ikau momaal nu itu?” koo.
21Nga kinuan-o po Niyo nu Waloi Maayo nu Kinoringan, iri koyuwan Niyo ri. 22Iri yo ko', noluli'an-o po Iyo, noondoman sono nu mompomaid Niyo ri nu nokoputangar Iyo nu soko iri, om poimaid-o sono nosiro nu Buuk nu Kinoringan om pinutangar Niyo ri.
23Osuang lobuw nopoimaid so Iyo nu laid Niyo so Yirusalim-i iya nu Rami-Rami Paska iri, so' nokosiou nosiro nu koiran-iran winaal Niyo ri. 24Nga Iyo dai poimaid so nosiro so' oilaan-o Niyo kiro-kiroon so inawo nosiro ido soido. 25Pudi pona ado pokoilo so Iyo suat so kiro-kiroon so inawo nu lobuw, nga oilaan-a Niyo.
Zur Zeit ausgewählt:
:
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© 2023 (Active), Wycliffe Bible Translators, Inc. All rights reserved.