YASFADOCI LOKU 22
22
1Huwa ini buryr upsqadagi tvkuwhv si wihfancigawa mrlr-qvhi biaiv, pamfrsiwawi wihfancigawa sidota ini. 2Chena nihki ugimrwi mkvtaukulvyaki macimi nihki yrivwigacki u nvtunahr-nrwv wvhsi manvwvhi nfrwrci nili; u kufrwvhi xvga nihi lanv-wahi.
3Chena Sataneli u becfrmagoli Jotvse, Isgalade yrlofutv, dawvhi nihi si wetvgimakufi matvhfwi-gita-neswi. 4Chena inv wapfa, macimi u ge-kvlode-mvhi nihi ugimrwi mkvtaukulviahi chena kvpdenhi, wvhsi manvwvhi nihi si masdruhrci nili. 5Ma-cimi nihi uwasi-lapwvhi, chena mahdrci-muhi wvhsi melakuci muni. 6Chena nkugamu welv, macimi u nvtunahv tvwrfewa wvhsi nihi si masdruhrci nili ini bur vpilita nihi mahsalalici.
7Macimi ini buryr upsqadagi tvkuwhv si grsagigi biaiv, wvhtv hini pamfrsiwawa qelvhi vpanvwagi. 8Macimi Betvli chena Jrneli u wrwenaskv-wvhi, Nhrkuna macimi mvwi macfa-tvwi-nrga ini pamfrsiwawa, wvhsi manvwvhi meci-ivqa, u talvhi nihi. 9Macimi, Drniwa tvsi gi tasi taha nih macfadopa? u takuhi nihi. 10Macimi, Wrpvtvmuku, ina becfvtv-maqa ini udawa, ’n’tvs gah nvxgrkuwv ilani u pvh nema vsisgi-wvkkugi napi; ini wegiwr-pagi si nakvlahku inv. 11Macimi inv ini wegiwv uci mastala, Inv Gagahgimiwa, Drniwa ini nvuhadewikv, wvh tvh meciv ini pamfrsiwawa gilagi ni kvgahgimrf vki? gi taqv, ga hilrwv. 12Macimi inv gah wrpvta-lakuwv msrwi yrdrgi vkuci-puqvnafu dapfanwi vwocikv : ’n’tvsi macfadoku, u talvhi. 13Chena nihki wapfaki, macimi u mgrnrwv yasi mahci-makuwrci nili : macimi u macfadonrwv nihki ini pamfrsiwawa.
14Chena ini yrtafvgi iah biayrgi, lamvtvpiwv inv, macimi nihi apvstvlihi weci. 15Macimi, Gilagi mrtvwi-tahawa n’ uci mah-ci mrtvwi-taha wvhsi wihpumalvku gelvwv yomv pamfrsiwawa wihsi-bur vhqinvmuiv : 16xvga gi talapwv nelv, mvtv nah meci ini, brlu’ hini uqrufadodaga ini ugimrwi-drmku-magi Mvnatu, u talvhi nihi. 17Macimi utvhpanrli taphikvnvli, chena iah mahci meliwaci niyrwa, Manuku yomv, macimi pvpvhfanv-mrtiku ala-gen v gelvwv : 18xvga gi talapwv nelv, mvtv nelv nah mana ini tatapvhtaqi mvwifowa yoci inugi, brlu’ hini ugimrwi-drmkumi Mvnatu wah biaiv, isiwa. 19Chena tvkuwhv utah mvma, macimi iah mahci meliwaci niyrwa, u puskunv ini chena u tah melvhi nihi, Neiv yomv gelvwv ma-melofu-yaqa : yomv si Ivweku ni mrm-kvwalamofowa-nagi, isiwa. 20Chena nili taphikvnvli nahfrpi iah mahci ulrqefi-wihfanici, Yrmv taphikv inv ini mvivgi mah-drcimowa ni mskumagi, datapilv’ hini fa-feginvmvwofu-yaqa gelvwv. 21Pvyaqv wrpvtvmuku, ini u laci inv ma-masdruhitv ni wejemaku usgici ini tvh wihfanigi. 22Xvga inv u Qihfvli ilani svpkvhi nhawv, yasi ini mahci-tahahdodagi : pvyaqv mvci-iabwr-wani cahi inv ilani waci srpwi masdruhofuci inv ! isiwa. 23Chena nihki vlami ne-nvtuhsaki alagenv welvwv, drnvwa nihki inv ini wvh silvweci yomv wiahi.
24Chena pvfaqeiv pagihgrdewa nahfrpi ’n’tvsi alagenv nihki, drnvwa nihki gci-mse-lvgimofu. 25Macimi u talvhi nihi, Nihi mvgi ugimr-mwvhi nihki Nvnvhkvwi-laneki u tabalamakufi-drkuwvhi nihki; macimi nihi wa-wiah-simakufih-drkuwrci Uwas-panvlafewa-nvki yrlofuhi nihi. 26Pvyaqv tagi gelvwv yone wa hilafi-yaqa : wakv inv vliwi yalafitv alagenv gelvwv welrni inv brsi inv ufemamv ilafita; macimi inv wa-gimrwitv, ma-mamagini-lutvwi-watv. 27Xvga drnvwa vliwi ilafi, hv inv la-mvtvpitv tvh wihfanigi, walr tuga inv ma-mamagini-lutvwi-watv? hv mvtv inv la-mvtvpitv tvh wihfanigi? wakv nelv bami ilafiv ini alagenv gelvwv brsi inv ma-mamagini-lutvwi-watv. 28Pvyaqv nihgeni gelvwv mviahci nakutanwi wetafemicki ni bemi-vshofowa-nagi; 29macimi gi biatvtanv-molapwv ugimrwi-drmqa, datapilvhi yasi n’ Uhfv biatvtanvmv-wici, 30wvhsi manvwvhi wihfani-yaqa gelvwv macimi manayaqa tvh wihfaniv n’ ugimrwi-drmkumagi; macimi gelvwv ga ipvpinrwv ugimrwi-vhpvbewanv bam-vhku-wrlaqa nihki matvhfwi-gita-neswi u tfwalowanv Iswelv.
31Svimvn’, Svimvn’, wrpvmi, Satane nvtuhsa wvhsi u welrmi-nahgi, wvhsi manvwv’ hinv pvwanahgi brsi kvwvsqi : 32pvyaqv gi macdola nvnvhbrcigamowa, wvhsi bur gi dapwahsawa hrlwi ilafeyrgi; macimi silwelu gelv, ina balaku nuhgi mahci kugeivna, hryecsimi gi janinrki. 33Chena inv, Ni mahci taha Dabalamiwatv, wvhsi nayeswa-lanv si wedamalv gibhudewa-nagi macimi nabowa-nagi, u talrli. 34Chena, Gi wetvmola Betv, inv nrbaiv mvtv wah kvlhotvmwv inugi grsagigi, brluhi gelv ga nfana gircimu yasi wrkvmivni, u talrli.
35Chena Hina gi wrwenasgolapwv mvtvlrqvnwi muni-bedrkv, chena bedrkv-nfacikv, chena mgifanv, hv ki tvgrwrfepwv wiahi? u talvhi nihi. Mvtvwiahi; iwvki nihki. 36Chena Wakv inugi uwa, inv ba-bonvkv muni-bedrkv, welrni inv mvmaga ini, macimi bedrkv-nfacikv nahfrpi, chena inv buryr bonvkv, welrni myagita u pihtvwi-godemi, macimi tapanvga gisghikv. 37Xvga gi talapwv nelv, wvhsi yomv yalvwigagi qelvh uqrufadodagi neyrgi, Chena inv wetvgimofu lfwrcilvwewanhi : xvga ini nelv si wiahi uqrwafewaniwi, u talvhi nihi. 38Macimi nihki, Wrpvtvnu, Dabalamiwatv, neswi utvsi gisghikvnv, iwvki. Macimi, Dapi nili, u talvh.
39Chena biaci luhfa, macimi wapfa, yrsilvweci, ini Vlifiwi maqvhgigi hawv; chena nihki kvgahgimrfvki nahfrpi u nakvlr-wrli. 40Macimi nvhekv ini tvsi ia hvpici, Mvmrtumaku wvhsi bur becfvtv-maqa bemi-vshadewa, u talvhi nihi. 41Macimi nihi uci pgawv nvwitu sekunv wu ikusgrci Irqv; chena ujeqvnvh-gapi svhgigi macimi mvmrtuma, 42Ufimv, si tahaivna gelv neiv uci pvyrgilv iboni yrmv taphikv : pvyaqv mvtv nelv ni tasi tahawa, gelv wakv, wah silvwepi, iwvpi. 43Chena ’n’tvsi u tapinrkufih-drgoli manqvtugi uci ancvleli, u wesiginagoli. 44Macimi bami vhqitahawanici vlikv si manwi mvmrtuma; macimi u wesvfowa brsi galv ini magi-pvgikvwigi msqi inwili svhgigi usgi-drmqa sfayrli. 45Chena u mvmrtumawa-nagi ia huci pvfaqeci, nihi kvgahgimrfhi si biawv, macimi u mkvwvhi nihi bama-qrmalici mvci-labwrwa uci, 46macimi, Gociwa ki nabrpwv? unsgrku macimi mvmrtumaku, wvhsi bur becfvtv-maqa bemi-vshadewa, u talvhi.
47Iahaiahi gawvgi kvlvwici, wrpvmahku, mahsalakv, macimi inv Jotvse yrlofutv, nakuti nihki matvhfwi-gita-neswi, biaci negrni nihi; macimi mrlrqvhi Jesiseli hawv wvhsi nili pvcikv-mrci. 48Pvyaqv Jesise, Jotvse, hv pvcikvmiwawa g’uci masdru-hv inv u Qihfvli ilani? u talrli. 49Macimi ina nihi mrlrqvhi welv na-nepvwilici iah namalici wvh nakvsiwa-yrgi, Dabalamiwatv, hv na pgitahigapa ini gisghikv? iwvki nihki. 50Macimi nr-na-kuti nihki u pgitawhrli nili ut vlolrkvnvli inv mospimakufewi mkvtaukulvia, macimi u gisgahsat-whrli nili u mvyrutvwv-grgi.
51Pvyaqv Jesise rpvfsa macmi, Welrni la-lamahku yone iqi, isi-wa. Macimi u tah pahsanv utvwvkvnilici, macimi u gegahrli nili.
52Chena u talvhi Jesise nihi ugimrwi mkvtaukulviahi chena ini mvmrtumawi kvmiqi uci kvpdenhi, macimi gigilanihi, ba-biaci mvwinahukuci, Hv ki biaci luhfrpwv, brsi jekuniwahfi ki nochr-wv, weci gisghikvnv macimi cifhikvnv? 53Ia tfana wrpvgi nelv wetafe-malvku ini mvmrtumawi-kvmikugi, mvtv ki mvwinvchi lacahtvwipwv : pvyaqv yomv-iu gelvwv kid rtafvmomwv, macimi ini bapagijrwi wrsikvgi, u talvhi.
54Macimi nihki u mvwinvchr-wrli nili, chena betiga inv mospi-makufewi mkvtaukulvia yadrci wegiwv utah bialr-wrli nili. Wakv Betv paluwihi si nakvsiwa. 55Chena nihki iah mahci pkvla-nvmuwrci skuta ini alaghi ini tapuwa-wvghowa, macimi mahci mrwvtwvhgabeki, Betv lamvtvpiwv ini alaghi nihi. 56Chena nrnakuti iqafv u nawrli nili yasi lamvtvpilici ini tvh dapvh-kulagi ini skuta, macimi u mvmyadr-wrpvmrli nili, Yrmv ilani nahfrpi weci nili, iwv. 57Pvyaqv gircimu inv, Iqawv, mvtv nelv inv ni wrkumv, isiwa. 58Chena palojesi vkuwihi nuhgi kutvkv u nawrli, Gelv nahfrpi nakuti nihki, u talrli. Pvyaqv Betv, ya-laniwivni, mvtv nelv inv, isiwa. 59Chena nvwitu balaku yrta-fvgi Irqvsi vhkuwihi nuhgi kutvkv besikvlvwi, Dabwawa yrmv i-lani nahfrpi weci nili; xvga Galalewi-lanvwa inv, isiwa. 60Pvyaqv Betv, Yalaniwivni, mvtv ni wrkutv yaiuivni, isiwa. Ma-cimi walanv, iahi gawvgi kvlvwici, inv nrbaiv kvlhotvmwv. 61Macimi inv Dabalamiwatv kugewv, chena u tah wrpvmrli Betvli. Macimi Betv u mkvwalatv ini u kvlvwewa inv Dabalamiwatv yasi Wihsi-bur inv nrbaiv kvlhotvgi inugi grsagigi nfana gelv gah gircimi ikuci nili. 62Macimi luhfa, chena wihfvqa ufrmi-lapwv.
63Chena nihki ilaneki fa-foginrcki Jesiseli u wrpvlrchrwrli, macimi u pipvgtawhr-wrli nili. 64Chena u gibeqa-pilrwrli, macimi u nvtuhtvwr-wrli, Mosigesqrcimulu : nafvwa inv gi pigita-huqv? u talrwrli. 65Chena maci kutvkvli wiahi u tasi pipahci-mrwrli, u mvdrmr-wrli.
66Chena yasi kulr ini gesagigi, ini u mrwvsgrwa-nwv tapa-twi mrwvskvhi nihi u gigilane-mwvhi nihki lanvwaki, n ayes wa-lanv ugimrwi mkvtaukulvyaki chena yrivwigacki; macimi u tasi walrwrli nili u tapuwawa-nwrgi, 67Qahqi geyrwivna inv Klvisde, wetvmvwi-nrga, u talrwrli. Pvyaqv inv, Qahqi nelv wetvmulvku, mvtv ki tvh dapwah-tvwipwv gelvwv : 68macimi nelv nvtuhdolv-ku, mvtv ki tv hrpvfsapwv gelvwv. 69Pvyaqv yoci inugi inv u Qihfvli ilani wah lamvtvpi ini tvhi mvyrwengigi ini u wesikv-tuwewa Mvnatu, u talvhi nihi. 70Macimi jrivhki nihki, Hv uwa geiv nili u Qihfvli Mvnatu? iwvki. Ki taiupwv yasi inv-wiv, u talvhi inv. 71Macimi nihki, Nahiwa gawvgi ki bonrpa wv huci skvtv lalamvqa dabwawanvki? xvga ki mahci nahvlwrkv notv-wrpa gelvwa nahvlwrkv u donagi uci, iwvki nihki.
Zur Zeit ausgewählt:
YASFADOCI LOKU 22: SJW
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Published for Thomas Wildcat Alford in 1929
YASFADOCI LOKU 22
22
1Huwa ini buryr upsqadagi tvkuwhv si wihfancigawa mrlr-qvhi biaiv, pamfrsiwawi wihfancigawa sidota ini. 2Chena nihki ugimrwi mkvtaukulvyaki macimi nihki yrivwigacki u nvtunahr-nrwv wvhsi manvwvhi nfrwrci nili; u kufrwvhi xvga nihi lanv-wahi.
3Chena Sataneli u becfrmagoli Jotvse, Isgalade yrlofutv, dawvhi nihi si wetvgimakufi matvhfwi-gita-neswi. 4Chena inv wapfa, macimi u ge-kvlode-mvhi nihi ugimrwi mkvtaukulviahi chena kvpdenhi, wvhsi manvwvhi nihi si masdruhrci nili. 5Ma-cimi nihi uwasi-lapwvhi, chena mahdrci-muhi wvhsi melakuci muni. 6Chena nkugamu welv, macimi u nvtunahv tvwrfewa wvhsi nihi si masdruhrci nili ini bur vpilita nihi mahsalalici.
7Macimi ini buryr upsqadagi tvkuwhv si grsagigi biaiv, wvhtv hini pamfrsiwawa qelvhi vpanvwagi. 8Macimi Betvli chena Jrneli u wrwenaskv-wvhi, Nhrkuna macimi mvwi macfa-tvwi-nrga ini pamfrsiwawa, wvhsi manvwvhi meci-ivqa, u talvhi nihi. 9Macimi, Drniwa tvsi gi tasi taha nih macfadopa? u takuhi nihi. 10Macimi, Wrpvtvmuku, ina becfvtv-maqa ini udawa, ’n’tvs gah nvxgrkuwv ilani u pvh nema vsisgi-wvkkugi napi; ini wegiwr-pagi si nakvlahku inv. 11Macimi inv ini wegiwv uci mastala, Inv Gagahgimiwa, Drniwa ini nvuhadewikv, wvh tvh meciv ini pamfrsiwawa gilagi ni kvgahgimrf vki? gi taqv, ga hilrwv. 12Macimi inv gah wrpvta-lakuwv msrwi yrdrgi vkuci-puqvnafu dapfanwi vwocikv : ’n’tvsi macfadoku, u talvhi. 13Chena nihki wapfaki, macimi u mgrnrwv yasi mahci-makuwrci nili : macimi u macfadonrwv nihki ini pamfrsiwawa.
14Chena ini yrtafvgi iah biayrgi, lamvtvpiwv inv, macimi nihi apvstvlihi weci. 15Macimi, Gilagi mrtvwi-tahawa n’ uci mah-ci mrtvwi-taha wvhsi wihpumalvku gelvwv yomv pamfrsiwawa wihsi-bur vhqinvmuiv : 16xvga gi talapwv nelv, mvtv nah meci ini, brlu’ hini uqrufadodaga ini ugimrwi-drmku-magi Mvnatu, u talvhi nihi. 17Macimi utvhpanrli taphikvnvli, chena iah mahci meliwaci niyrwa, Manuku yomv, macimi pvpvhfanv-mrtiku ala-gen v gelvwv : 18xvga gi talapwv nelv, mvtv nelv nah mana ini tatapvhtaqi mvwifowa yoci inugi, brlu’ hini ugimrwi-drmkumi Mvnatu wah biaiv, isiwa. 19Chena tvkuwhv utah mvma, macimi iah mahci meliwaci niyrwa, u puskunv ini chena u tah melvhi nihi, Neiv yomv gelvwv ma-melofu-yaqa : yomv si Ivweku ni mrm-kvwalamofowa-nagi, isiwa. 20Chena nili taphikvnvli nahfrpi iah mahci ulrqefi-wihfanici, Yrmv taphikv inv ini mvivgi mah-drcimowa ni mskumagi, datapilv’ hini fa-feginvmvwofu-yaqa gelvwv. 21Pvyaqv wrpvtvmuku, ini u laci inv ma-masdruhitv ni wejemaku usgici ini tvh wihfanigi. 22Xvga inv u Qihfvli ilani svpkvhi nhawv, yasi ini mahci-tahahdodagi : pvyaqv mvci-iabwr-wani cahi inv ilani waci srpwi masdruhofuci inv ! isiwa. 23Chena nihki vlami ne-nvtuhsaki alagenv welvwv, drnvwa nihki inv ini wvh silvweci yomv wiahi.
24Chena pvfaqeiv pagihgrdewa nahfrpi ’n’tvsi alagenv nihki, drnvwa nihki gci-mse-lvgimofu. 25Macimi u talvhi nihi, Nihi mvgi ugimr-mwvhi nihki Nvnvhkvwi-laneki u tabalamakufi-drkuwvhi nihki; macimi nihi wa-wiah-simakufih-drkuwrci Uwas-panvlafewa-nvki yrlofuhi nihi. 26Pvyaqv tagi gelvwv yone wa hilafi-yaqa : wakv inv vliwi yalafitv alagenv gelvwv welrni inv brsi inv ufemamv ilafita; macimi inv wa-gimrwitv, ma-mamagini-lutvwi-watv. 27Xvga drnvwa vliwi ilafi, hv inv la-mvtvpitv tvh wihfanigi, walr tuga inv ma-mamagini-lutvwi-watv? hv mvtv inv la-mvtvpitv tvh wihfanigi? wakv nelv bami ilafiv ini alagenv gelvwv brsi inv ma-mamagini-lutvwi-watv. 28Pvyaqv nihgeni gelvwv mviahci nakutanwi wetafemicki ni bemi-vshofowa-nagi; 29macimi gi biatvtanv-molapwv ugimrwi-drmqa, datapilvhi yasi n’ Uhfv biatvtanvmv-wici, 30wvhsi manvwvhi wihfani-yaqa gelvwv macimi manayaqa tvh wihfaniv n’ ugimrwi-drmkumagi; macimi gelvwv ga ipvpinrwv ugimrwi-vhpvbewanv bam-vhku-wrlaqa nihki matvhfwi-gita-neswi u tfwalowanv Iswelv.
31Svimvn’, Svimvn’, wrpvmi, Satane nvtuhsa wvhsi u welrmi-nahgi, wvhsi manvwv’ hinv pvwanahgi brsi kvwvsqi : 32pvyaqv gi macdola nvnvhbrcigamowa, wvhsi bur gi dapwahsawa hrlwi ilafeyrgi; macimi silwelu gelv, ina balaku nuhgi mahci kugeivna, hryecsimi gi janinrki. 33Chena inv, Ni mahci taha Dabalamiwatv, wvhsi nayeswa-lanv si wedamalv gibhudewa-nagi macimi nabowa-nagi, u talrli. 34Chena, Gi wetvmola Betv, inv nrbaiv mvtv wah kvlhotvmwv inugi grsagigi, brluhi gelv ga nfana gircimu yasi wrkvmivni, u talrli.
35Chena Hina gi wrwenasgolapwv mvtvlrqvnwi muni-bedrkv, chena bedrkv-nfacikv, chena mgifanv, hv ki tvgrwrfepwv wiahi? u talvhi nihi. Mvtvwiahi; iwvki nihki. 36Chena Wakv inugi uwa, inv ba-bonvkv muni-bedrkv, welrni inv mvmaga ini, macimi bedrkv-nfacikv nahfrpi, chena inv buryr bonvkv, welrni myagita u pihtvwi-godemi, macimi tapanvga gisghikv. 37Xvga gi talapwv nelv, wvhsi yomv yalvwigagi qelvh uqrufadodagi neyrgi, Chena inv wetvgimofu lfwrcilvwewanhi : xvga ini nelv si wiahi uqrwafewaniwi, u talvhi nihi. 38Macimi nihki, Wrpvtvnu, Dabalamiwatv, neswi utvsi gisghikvnv, iwvki. Macimi, Dapi nili, u talvh.
39Chena biaci luhfa, macimi wapfa, yrsilvweci, ini Vlifiwi maqvhgigi hawv; chena nihki kvgahgimrfvki nahfrpi u nakvlr-wrli. 40Macimi nvhekv ini tvsi ia hvpici, Mvmrtumaku wvhsi bur becfvtv-maqa bemi-vshadewa, u talvhi nihi. 41Macimi nihi uci pgawv nvwitu sekunv wu ikusgrci Irqv; chena ujeqvnvh-gapi svhgigi macimi mvmrtuma, 42Ufimv, si tahaivna gelv neiv uci pvyrgilv iboni yrmv taphikv : pvyaqv mvtv nelv ni tasi tahawa, gelv wakv, wah silvwepi, iwvpi. 43Chena ’n’tvsi u tapinrkufih-drgoli manqvtugi uci ancvleli, u wesiginagoli. 44Macimi bami vhqitahawanici vlikv si manwi mvmrtuma; macimi u wesvfowa brsi galv ini magi-pvgikvwigi msqi inwili svhgigi usgi-drmqa sfayrli. 45Chena u mvmrtumawa-nagi ia huci pvfaqeci, nihi kvgahgimrfhi si biawv, macimi u mkvwvhi nihi bama-qrmalici mvci-labwrwa uci, 46macimi, Gociwa ki nabrpwv? unsgrku macimi mvmrtumaku, wvhsi bur becfvtv-maqa bemi-vshadewa, u talvhi.
47Iahaiahi gawvgi kvlvwici, wrpvmahku, mahsalakv, macimi inv Jotvse yrlofutv, nakuti nihki matvhfwi-gita-neswi, biaci negrni nihi; macimi mrlrqvhi Jesiseli hawv wvhsi nili pvcikv-mrci. 48Pvyaqv Jesise, Jotvse, hv pvcikvmiwawa g’uci masdru-hv inv u Qihfvli ilani? u talrli. 49Macimi ina nihi mrlrqvhi welv na-nepvwilici iah namalici wvh nakvsiwa-yrgi, Dabalamiwatv, hv na pgitahigapa ini gisghikv? iwvki nihki. 50Macimi nr-na-kuti nihki u pgitawhrli nili ut vlolrkvnvli inv mospimakufewi mkvtaukulvia, macimi u gisgahsat-whrli nili u mvyrutvwv-grgi.
51Pvyaqv Jesise rpvfsa macmi, Welrni la-lamahku yone iqi, isi-wa. Macimi u tah pahsanv utvwvkvnilici, macimi u gegahrli nili.
52Chena u talvhi Jesise nihi ugimrwi mkvtaukulviahi chena ini mvmrtumawi kvmiqi uci kvpdenhi, macimi gigilanihi, ba-biaci mvwinahukuci, Hv ki biaci luhfrpwv, brsi jekuniwahfi ki nochr-wv, weci gisghikvnv macimi cifhikvnv? 53Ia tfana wrpvgi nelv wetafe-malvku ini mvmrtumawi-kvmikugi, mvtv ki mvwinvchi lacahtvwipwv : pvyaqv yomv-iu gelvwv kid rtafvmomwv, macimi ini bapagijrwi wrsikvgi, u talvhi.
54Macimi nihki u mvwinvchr-wrli nili, chena betiga inv mospi-makufewi mkvtaukulvia yadrci wegiwv utah bialr-wrli nili. Wakv Betv paluwihi si nakvsiwa. 55Chena nihki iah mahci pkvla-nvmuwrci skuta ini alaghi ini tapuwa-wvghowa, macimi mahci mrwvtwvhgabeki, Betv lamvtvpiwv ini alaghi nihi. 56Chena nrnakuti iqafv u nawrli nili yasi lamvtvpilici ini tvh dapvh-kulagi ini skuta, macimi u mvmyadr-wrpvmrli nili, Yrmv ilani nahfrpi weci nili, iwv. 57Pvyaqv gircimu inv, Iqawv, mvtv nelv inv ni wrkumv, isiwa. 58Chena palojesi vkuwihi nuhgi kutvkv u nawrli, Gelv nahfrpi nakuti nihki, u talrli. Pvyaqv Betv, ya-laniwivni, mvtv nelv inv, isiwa. 59Chena nvwitu balaku yrta-fvgi Irqvsi vhkuwihi nuhgi kutvkv besikvlvwi, Dabwawa yrmv i-lani nahfrpi weci nili; xvga Galalewi-lanvwa inv, isiwa. 60Pvyaqv Betv, Yalaniwivni, mvtv ni wrkutv yaiuivni, isiwa. Ma-cimi walanv, iahi gawvgi kvlvwici, inv nrbaiv kvlhotvmwv. 61Macimi inv Dabalamiwatv kugewv, chena u tah wrpvmrli Betvli. Macimi Betv u mkvwalatv ini u kvlvwewa inv Dabalamiwatv yasi Wihsi-bur inv nrbaiv kvlhotvgi inugi grsagigi nfana gelv gah gircimi ikuci nili. 62Macimi luhfa, chena wihfvqa ufrmi-lapwv.
63Chena nihki ilaneki fa-foginrcki Jesiseli u wrpvlrchrwrli, macimi u pipvgtawhr-wrli nili. 64Chena u gibeqa-pilrwrli, macimi u nvtuhtvwr-wrli, Mosigesqrcimulu : nafvwa inv gi pigita-huqv? u talrwrli. 65Chena maci kutvkvli wiahi u tasi pipahci-mrwrli, u mvdrmr-wrli.
66Chena yasi kulr ini gesagigi, ini u mrwvsgrwa-nwv tapa-twi mrwvskvhi nihi u gigilane-mwvhi nihki lanvwaki, n ayes wa-lanv ugimrwi mkvtaukulvyaki chena yrivwigacki; macimi u tasi walrwrli nili u tapuwawa-nwrgi, 67Qahqi geyrwivna inv Klvisde, wetvmvwi-nrga, u talrwrli. Pvyaqv inv, Qahqi nelv wetvmulvku, mvtv ki tvh dapwah-tvwipwv gelvwv : 68macimi nelv nvtuhdolv-ku, mvtv ki tv hrpvfsapwv gelvwv. 69Pvyaqv yoci inugi inv u Qihfvli ilani wah lamvtvpi ini tvhi mvyrwengigi ini u wesikv-tuwewa Mvnatu, u talvhi nihi. 70Macimi jrivhki nihki, Hv uwa geiv nili u Qihfvli Mvnatu? iwvki. Ki taiupwv yasi inv-wiv, u talvhi inv. 71Macimi nihki, Nahiwa gawvgi ki bonrpa wv huci skvtv lalamvqa dabwawanvki? xvga ki mahci nahvlwrkv notv-wrpa gelvwa nahvlwrkv u donagi uci, iwvki nihki.
Zur Zeit ausgewählt:
:
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Published for Thomas Wildcat Alford in 1929