YASFADOCI LOKU 24
24
ini tapigamowa. 1Pvyaqv ini tv nhihtv gesagigi ini nakuti neswvhfwi-gesqa, biaki nihki ini nabowr-lvkugi, tvh kulvhwhr-pvgi, u biadonrwv nili wrgimyrkuki mviahci nvnvhilutv-muwrci. 2Chena nihki nili sekunvli u mkvwr-wrli kulapanofoli ini na-bowrlvkugi uci. 3Chena becfaki nihki, macimi mvtv u mkvwr-wrli nili u weyrnvli Jesise inv Dabalamiwatv. 4Chena ini bia-mikvtwi, iahaiahi nihki wvnfunawrci ini mrlagtvsi, wrpvmahku, neswi ilaneki nepvweki mrlrqvhi nihi wvhfeqifo-wvsaki : 5chena yasi nihi cihfafilici macimi svhgigi ini vsisgegi Irpasgrlici, nihki, Gociwa ki nvtunawhrwv inv lanvwawitv alagenv nili napalici?
6Mvtv inv utvsi vpiwv, unskv wakv : mkvwa-latvmuku yasi kvlolalwrqa inv ina gawvgi Galalegi ia hvpici, 7hiwv wvhsi inv u Qihfvli ilani nili u laciwv majelaficki ilaneki qelvhi si pvkfanofuci, macimi rsitafhofuci, chena ini mvwi-nfuku unsgrci nuhgi, u talr-wvhi nihi. 8Chena nihki u mkvwa-ladrnrwv inv u kvlvwewa, 9macimi ini nabowr-lvkugi uci patagi haki, chena u wetvmvwr-wvhi nihi matvhfwi-gita-nakuti jrivhki yolumv wiahi, macimi nihi mvisi jrivhki. 10Huwa nihgeni Male Magitalenv, chena Cuanv, chena Male nili u gali Jamse : chena weci nihi nihki kutvkvki iqaki u wetvmvwr-wvhi nihi apvstvlihi yolumv wiahi. 11Macimi yolumv kvlvwewanv brsi naluhci pagikvlvwewa uta laladrnrwv nihki; macimi mvtv u dapwahtvwr-wvhi nihi iqahi. 12Pvyaqv Betv pvfaqi, macimi ini nabowr-lvkugi si qvqi; chena wrgijalwv betiga lrpi, u namanv nili mvfrni-mudrwvli nrnsihkv vhdawv nili; macimi pvgici yadrci hawv, u pami mvivdalatv ini ba-biamikvgi.
13Chena wrpvmahku, neswi nihi uci tapilo ina grsagigi udawanafagi bami hrlici Amavse sidota, neswvhfwi-gita-pvhfi mvili vhdawi ini Culosalamegi uci. 14Macimi nihki rcimuhdr-deki jrivhki yolumv wiahi mviahci igi. 15Chena ini biamikvtwi, ’iahi nihki rcimuwrci macimi nvtuhdwrti-wrci, mr welv biatfa Jesise, macimi u wedamvhi nihi. 16Pvyaqv u sgesakuwv fogino-dali wvhsi bur nihki wrkumr-wrci nili. 17Chena inv, Nahiwasi kvlvwewanv yolumv kide yrsonigrtipwv yasi pamfa-yaqa? u talv-hi nihi. Macimi nola nepvweki nihki, mvci labwrwi nrkufeki. 18Macimi nakuti nihi, Glevpvse sifoli, rpvfsali, Hv nrnsihkv gelv gigrgigahsi Culosalamegi macimi mvtv gi wrkudrnv nili wiahi ’n’tvsi ba-biamikvki yoloni grsagiki? u tagoli. 19Nahiwasi wiahi? u talrli. Macimi u takuhi nihi, Nili wiahi yasinvgi Jesise Nr-salafi-lanvwa, mrmosigesqatv wesikvtuwi silvwewa-nagi macimi kvlvwewa-nagi yalvhfvmelici Mvnadoli chena jrivhki nihi lanv-wahi : 20macimi yasi nihki ugimrwi mkvtaukulvyaki chena ki dabalacigama-nrki nisi pvgfanr-wrci nili wvhsi nabowa-nagi si myrlvhkuwrlo-fulici, chena rsitafho-fulici. 21Pvyaqv manvwv-higa inv wvh patagi-tapanrtv Iswelvli ni tasi tahapa. Hvnkv macimi goluci jrivhki yomv, ini uwa ne-nfuku yolumv wiahi biami-kvtu. 22Chena nuhgi nr-nakuti iqaki yatfwala-yrga uci ni mvivci-lapwvhaku-nrki, hini nabowr-lvkugi umoki qalvhwhrpvgi; 23chena ina iah bur mkvwrwrci inv u weyrnvli, biaki nihki, yasi mahci nahfrpi namuwrci iwvki u nvukufewa-nwv ancvleki yaiucki yasi inv lanvwawici. 24Chena nr-nakuti nihki neivwa yasi weci-wicki ini nabowr-lvkugi haki, macimi u mgrnrwv ini datapilv’ hinwi yasi nihki iqaki mahtuwa-wrci : pvyaqv nili mvtv u mkvwr-wrli nihki. 25Macimi welv utah kvlolvhi nihi, 0wvnihsvgrwi ’laneki, macimi mrluhfafeiv u tahiwv wvhsi dapwahtv-muwrci mviahci nihki mrmosigesqacki kvlvwiwrci ! 26Hv mvtv qelv’ huwasfanwi ini wvhsi inv Klvisde vhqinvmuci yolumv wia-hi, macimi wvhsi uttvgi u wvhfrci-makufewa? 27Macimi Mosiseli chena jrivhki nihi mrmosigesqalici uci vlami lrbrtutvmv-wvhi nihi jrivhki nili tapilo-awigrdawvli ini wiahi welv yasfagi. 28Chena mrlrqvhi biadfaki nihki ini udawanahi bami hrwrci : chena inv brsi vlikv lrqv wi hrci u tastu. 29Macimi nihi u gcihgrkuhi, Weci gigahsemi-nrga : xvga ini uwa walrqefigi wvyaci, macimi ini grsagigi uwa mrdafi, u takuhi. Macimi becfa wvhsi weci gigahse-mrci nihi. 30Chena ini biamkvitwi, ina inv iah mahtvh-gabemr-ci nihi wvhsi wihfaniwrci, u tah mvma ini tvkuwhv macimi u gi-srctu; chena u puskunv ini u tah melvhi nihi. 31Chena u sge-sakuwv tvwanodali, macimi u wrkumr-wrli nili; macimi yalrpiwr-ci uci vsanoli nili. 32Macimi nihki, Hv mvtv ki tahinv fvgta lrmagi geyrnv, yalrqvsi kvlolalvqa inv ini myawa-nagi, yalrqvsi inv tvwanvmo-lvqa nili tapilo-awigrdawvli? ideki. 33Macimi tapilo ini yrtafvgi pvfaqeki nihki, chena Culosalame haki, chena u mkvwrwvhi tapatwi mrwvskvhi nihi matvhfwi-gita-nakuti, macimi nihi wa-wejemrcki nihi, 34Inv Dabalamiwatv unskv svpkv-hi, macimi u mahci tapinvukufih-tvwrli Svimvneli, isiwaki. 35Macimi lrpuwaki nili wiahi yasi nvmuwrci ini myawa-nagi, chena yasi wrkumakuci inv nihi ia hini puskunvgi ini tvkuwhv.
36Chena yasi nihki kvlvwiwrci yolumv wiahi, nahvlwrkv nili mr nepvweli ini alaghi nihi, Grmrnelafewa cahi gelvwv si, u talvhi nihi. 37Pvyaqv nihki cihfafeki chena wesrlabwrki, chena yasi tuga nawrwrci ucvjrlvhqvli si tahaki nihki. 38Chena inv, Gociwa ki patfvgifipwv? macimi nahiwa uci nvtuhsawanv pvfa-qeiv ki tahiwrgi? u talvhi. 39Wrpvtv-muku ni laciwvli macimi ni fitvli, yasi ini nelrwiv : kutvtaniku, macimi namuku; xvga ucv-jrlvhqv mvtv u bonv wivufi chena ukvnvli, yasi nawiyaqa nelv bonvmv. 40Macimi ina yamahtuwaci yomv, u wrpvtalhi nihi u laciwvli macimi u fitvli. 41Chena iahi gawvgi bur dapwahsalici uwasilabwrwa uci, macimi qvqahdrni-tahahi, Hv utvsi ki bonr-nrwv nahcipahi-wiahi wvh mecigi? u talvhi. 42Macimi u melr-wrli nihki mrlaghi nvmahfvli fvhfigrfoli. 43Chena inv u mvmrli nili, macimi ut vmwrli yalvhfmelici nihi.
44Macimi inv, Yolumv ni kvlvwewanv ga-kvlola-lvku nelv, iahaiahi gawvgi weciwiv gelvwv, wvhsi jrivhki wiahi qelvhi wacitv uqrufadodagi, mviahtv-wigagi ini u kutaladewa-nagi Mo-sise, chena nihki mrmosigesqacki, chena nili srme-wakvmowanv, nelv yasfaki, u talvhi. 45Hina uwa u tvwanv-mvwvhi u mama-gini-tahrkv-nilici, wvhsi nihki manvwvhi nanuhtv-muwrci nili tapilo awigrdawvli; 46macimi Vlvini ini mviahtv-wigagi, wvhsi inv Klvisde wacitv vhqinvgi, macimi nili napalici uci unsgrci ini mvwi-nfuku; 47chena inv u wefowa-nagi wvhsi wacitv nvnv-himofuci mvtvini-si-tahawa macimi lrwvtanvmrdewa mvjelafewa-nv jrivhki si lanvwa yatfwalaki, Culosalamegi wa huci vlameiv. 48Gelvwv nihgeni dabwawanvki yolumv wiahi. 49Macimi wrpvtv-muku, usgici gelvwv ni ta sfvtu ini u gisrcimiwawa n’Uhfv : pvy-aqv gelvwv vpiku ini udawa-nagi, brluhi betaniga-hofuyaqa wrsikvgi spamagi uci, u talvhi nihi.
50Chena u luhfi-walvhi nihi brlu’ hvbeki mrlrqvhi Pafana-gi : chena spamagi si jegilacaskv u gisrci-lutvwvhi nihi. 51Chena ini biamikvtwi, iahaiahi gisrci-lutvwrci, inv nihi uci pvhfahkv, macimi spamagi manqvtugi si walofu. 52Macimi nihki usilv-wahr-wrli nili, chena patagi Culosalame haki wetafeki msi uwasi-labwrwa : 53macimi grgikv ini mvmrtumawi-kvmikugi vbeki, u gisrci-lutvwr-wrli Mvnadoli.
Zur Zeit ausgewählt:
YASFADOCI LOKU 24: SJW
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Published for Thomas Wildcat Alford in 1929
YASFADOCI LOKU 24
24
ini tapigamowa. 1Pvyaqv ini tv nhihtv gesagigi ini nakuti neswvhfwi-gesqa, biaki nihki ini nabowr-lvkugi, tvh kulvhwhr-pvgi, u biadonrwv nili wrgimyrkuki mviahci nvnvhilutv-muwrci. 2Chena nihki nili sekunvli u mkvwr-wrli kulapanofoli ini na-bowrlvkugi uci. 3Chena becfaki nihki, macimi mvtv u mkvwr-wrli nili u weyrnvli Jesise inv Dabalamiwatv. 4Chena ini bia-mikvtwi, iahaiahi nihki wvnfunawrci ini mrlagtvsi, wrpvmahku, neswi ilaneki nepvweki mrlrqvhi nihi wvhfeqifo-wvsaki : 5chena yasi nihi cihfafilici macimi svhgigi ini vsisgegi Irpasgrlici, nihki, Gociwa ki nvtunawhrwv inv lanvwawitv alagenv nili napalici?
6Mvtv inv utvsi vpiwv, unskv wakv : mkvwa-latvmuku yasi kvlolalwrqa inv ina gawvgi Galalegi ia hvpici, 7hiwv wvhsi inv u Qihfvli ilani nili u laciwv majelaficki ilaneki qelvhi si pvkfanofuci, macimi rsitafhofuci, chena ini mvwi-nfuku unsgrci nuhgi, u talr-wvhi nihi. 8Chena nihki u mkvwa-ladrnrwv inv u kvlvwewa, 9macimi ini nabowr-lvkugi uci patagi haki, chena u wetvmvwr-wvhi nihi matvhfwi-gita-nakuti jrivhki yolumv wiahi, macimi nihi mvisi jrivhki. 10Huwa nihgeni Male Magitalenv, chena Cuanv, chena Male nili u gali Jamse : chena weci nihi nihki kutvkvki iqaki u wetvmvwr-wvhi nihi apvstvlihi yolumv wiahi. 11Macimi yolumv kvlvwewanv brsi naluhci pagikvlvwewa uta laladrnrwv nihki; macimi mvtv u dapwahtvwr-wvhi nihi iqahi. 12Pvyaqv Betv pvfaqi, macimi ini nabowr-lvkugi si qvqi; chena wrgijalwv betiga lrpi, u namanv nili mvfrni-mudrwvli nrnsihkv vhdawv nili; macimi pvgici yadrci hawv, u pami mvivdalatv ini ba-biamikvgi.
13Chena wrpvmahku, neswi nihi uci tapilo ina grsagigi udawanafagi bami hrlici Amavse sidota, neswvhfwi-gita-pvhfi mvili vhdawi ini Culosalamegi uci. 14Macimi nihki rcimuhdr-deki jrivhki yolumv wiahi mviahci igi. 15Chena ini biamikvtwi, ’iahi nihki rcimuwrci macimi nvtuhdwrti-wrci, mr welv biatfa Jesise, macimi u wedamvhi nihi. 16Pvyaqv u sgesakuwv fogino-dali wvhsi bur nihki wrkumr-wrci nili. 17Chena inv, Nahiwasi kvlvwewanv yolumv kide yrsonigrtipwv yasi pamfa-yaqa? u talv-hi nihi. Macimi nola nepvweki nihki, mvci labwrwi nrkufeki. 18Macimi nakuti nihi, Glevpvse sifoli, rpvfsali, Hv nrnsihkv gelv gigrgigahsi Culosalamegi macimi mvtv gi wrkudrnv nili wiahi ’n’tvsi ba-biamikvki yoloni grsagiki? u tagoli. 19Nahiwasi wiahi? u talrli. Macimi u takuhi nihi, Nili wiahi yasinvgi Jesise Nr-salafi-lanvwa, mrmosigesqatv wesikvtuwi silvwewa-nagi macimi kvlvwewa-nagi yalvhfvmelici Mvnadoli chena jrivhki nihi lanv-wahi : 20macimi yasi nihki ugimrwi mkvtaukulvyaki chena ki dabalacigama-nrki nisi pvgfanr-wrci nili wvhsi nabowa-nagi si myrlvhkuwrlo-fulici, chena rsitafho-fulici. 21Pvyaqv manvwv-higa inv wvh patagi-tapanrtv Iswelvli ni tasi tahapa. Hvnkv macimi goluci jrivhki yomv, ini uwa ne-nfuku yolumv wiahi biami-kvtu. 22Chena nuhgi nr-nakuti iqaki yatfwala-yrga uci ni mvivci-lapwvhaku-nrki, hini nabowr-lvkugi umoki qalvhwhrpvgi; 23chena ina iah bur mkvwrwrci inv u weyrnvli, biaki nihki, yasi mahci nahfrpi namuwrci iwvki u nvukufewa-nwv ancvleki yaiucki yasi inv lanvwawici. 24Chena nr-nakuti nihki neivwa yasi weci-wicki ini nabowr-lvkugi haki, macimi u mgrnrwv ini datapilv’ hinwi yasi nihki iqaki mahtuwa-wrci : pvyaqv nili mvtv u mkvwr-wrli nihki. 25Macimi welv utah kvlolvhi nihi, 0wvnihsvgrwi ’laneki, macimi mrluhfafeiv u tahiwv wvhsi dapwahtv-muwrci mviahci nihki mrmosigesqacki kvlvwiwrci ! 26Hv mvtv qelv’ huwasfanwi ini wvhsi inv Klvisde vhqinvmuci yolumv wia-hi, macimi wvhsi uttvgi u wvhfrci-makufewa? 27Macimi Mosiseli chena jrivhki nihi mrmosigesqalici uci vlami lrbrtutvmv-wvhi nihi jrivhki nili tapilo-awigrdawvli ini wiahi welv yasfagi. 28Chena mrlrqvhi biadfaki nihki ini udawanahi bami hrwrci : chena inv brsi vlikv lrqv wi hrci u tastu. 29Macimi nihi u gcihgrkuhi, Weci gigahsemi-nrga : xvga ini uwa walrqefigi wvyaci, macimi ini grsagigi uwa mrdafi, u takuhi. Macimi becfa wvhsi weci gigahse-mrci nihi. 30Chena ini biamkvitwi, ina inv iah mahtvh-gabemr-ci nihi wvhsi wihfaniwrci, u tah mvma ini tvkuwhv macimi u gi-srctu; chena u puskunv ini u tah melvhi nihi. 31Chena u sge-sakuwv tvwanodali, macimi u wrkumr-wrli nili; macimi yalrpiwr-ci uci vsanoli nili. 32Macimi nihki, Hv mvtv ki tahinv fvgta lrmagi geyrnv, yalrqvsi kvlolalvqa inv ini myawa-nagi, yalrqvsi inv tvwanvmo-lvqa nili tapilo-awigrdawvli? ideki. 33Macimi tapilo ini yrtafvgi pvfaqeki nihki, chena Culosalame haki, chena u mkvwrwvhi tapatwi mrwvskvhi nihi matvhfwi-gita-nakuti, macimi nihi wa-wejemrcki nihi, 34Inv Dabalamiwatv unskv svpkv-hi, macimi u mahci tapinvukufih-tvwrli Svimvneli, isiwaki. 35Macimi lrpuwaki nili wiahi yasi nvmuwrci ini myawa-nagi, chena yasi wrkumakuci inv nihi ia hini puskunvgi ini tvkuwhv.
36Chena yasi nihki kvlvwiwrci yolumv wiahi, nahvlwrkv nili mr nepvweli ini alaghi nihi, Grmrnelafewa cahi gelvwv si, u talvhi nihi. 37Pvyaqv nihki cihfafeki chena wesrlabwrki, chena yasi tuga nawrwrci ucvjrlvhqvli si tahaki nihki. 38Chena inv, Gociwa ki patfvgifipwv? macimi nahiwa uci nvtuhsawanv pvfa-qeiv ki tahiwrgi? u talvhi. 39Wrpvtv-muku ni laciwvli macimi ni fitvli, yasi ini nelrwiv : kutvtaniku, macimi namuku; xvga ucv-jrlvhqv mvtv u bonv wivufi chena ukvnvli, yasi nawiyaqa nelv bonvmv. 40Macimi ina yamahtuwaci yomv, u wrpvtalhi nihi u laciwvli macimi u fitvli. 41Chena iahi gawvgi bur dapwahsalici uwasilabwrwa uci, macimi qvqahdrni-tahahi, Hv utvsi ki bonr-nrwv nahcipahi-wiahi wvh mecigi? u talvhi. 42Macimi u melr-wrli nihki mrlaghi nvmahfvli fvhfigrfoli. 43Chena inv u mvmrli nili, macimi ut vmwrli yalvhfmelici nihi.
44Macimi inv, Yolumv ni kvlvwewanv ga-kvlola-lvku nelv, iahaiahi gawvgi weciwiv gelvwv, wvhsi jrivhki wiahi qelvhi wacitv uqrufadodagi, mviahtv-wigagi ini u kutaladewa-nagi Mo-sise, chena nihki mrmosigesqacki, chena nili srme-wakvmowanv, nelv yasfaki, u talvhi. 45Hina uwa u tvwanv-mvwvhi u mama-gini-tahrkv-nilici, wvhsi nihki manvwvhi nanuhtv-muwrci nili tapilo awigrdawvli; 46macimi Vlvini ini mviahtv-wigagi, wvhsi inv Klvisde wacitv vhqinvgi, macimi nili napalici uci unsgrci ini mvwi-nfuku; 47chena inv u wefowa-nagi wvhsi wacitv nvnv-himofuci mvtvini-si-tahawa macimi lrwvtanvmrdewa mvjelafewa-nv jrivhki si lanvwa yatfwalaki, Culosalamegi wa huci vlameiv. 48Gelvwv nihgeni dabwawanvki yolumv wiahi. 49Macimi wrpvtv-muku, usgici gelvwv ni ta sfvtu ini u gisrcimiwawa n’Uhfv : pvy-aqv gelvwv vpiku ini udawa-nagi, brluhi betaniga-hofuyaqa wrsikvgi spamagi uci, u talvhi nihi.
50Chena u luhfi-walvhi nihi brlu’ hvbeki mrlrqvhi Pafana-gi : chena spamagi si jegilacaskv u gisrci-lutvwvhi nihi. 51Chena ini biamikvtwi, iahaiahi gisrci-lutvwrci, inv nihi uci pvhfahkv, macimi spamagi manqvtugi si walofu. 52Macimi nihki usilv-wahr-wrli nili, chena patagi Culosalame haki wetafeki msi uwasi-labwrwa : 53macimi grgikv ini mvmrtumawi-kvmikugi vbeki, u gisrci-lutvwr-wrli Mvnadoli.
Zur Zeit ausgewählt:
:
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Published for Thomas Wildcat Alford in 1929