प्रेरितों रा कांम 23
23
1पौलुस नै महासभा री तरफ टकटकी लगाय देखनै कयौ, “हे म्हारै भाइयो, म्हैं आज तांई परमेसर रै लियै बिलकुल साचा मन ऊं जीवन बितायो है।” 2इण खातर हनन्याह महायाजक उणनै जिकौ उणरै खनै ऊभा हा, उणरै मूंडै माथै थप्पड़ ठोकणै री आग्या दी। 3#मत 23:27,28तद पौलुस उणनै कयौ, “हे चूनो फेरयोड़ी भींत, परमेसर थनै ठोकेला। थूं व्यवस्था रै मुजब म्हारौ न्याव करनै बैठौ है, अर वळै कांई व्यवस्था रै खिलाफ म्हनै ठोकणै री आग्या दैवै है?”
4जिकौ खनै ऊभा हा उणौ कयौ, “कांई थूं परमेसर रै महायाजक नै भूंडौ-भलौ कैवै है?”
5पौलुस कयौ, “हे भाइयो, म्हैं कोनीं जांणतौ हो की ओ महायाजक है, क्यूंकै लिख्यौ है, ‘अपणै लोगां रै परधान नै खराब मत कैह।’ ”
6 #
प्रेरि 26:5; फिलि 3:5 तद पौलुस ओ जांण नै की एक दल सदूकियों रौ दूजौ फरीसियों रौ है, सभा में हेलौ करनै कयौ, “हे भाइयो, म्हैं फरीसी अर फरीसियों रै वंस रौ हूं, मरयोड़ौ री आसा अर पुनरूत्थान रै बारै में म्हारौ मुकदमो हो रियौ है।” 7जद उणै आ बात कही तो फरीसियों अर सदूकियों में झगड़ौ होणै लागौ, अर सभा में फूट पड़गी। 8#मत 22:23; मरकु 12:18; लूक 20:27क्यूंकै सदूकी तो कैवै है, की नीं पुनरूत्थान है, नीं सरगदूत अर नीं आतमा है, पण फरीसी दोनो नै मांनै है।
9तद घणौ हाको होयौ अर किता सास्तरी जिकौ फरीसियों रै दल रा हा, उठनै ऊभा होया अर ओ केन झगड़नै लागा, “म्हौ उण मिनख में कोई खोट नीं पाओ, अर जे कोई आतमा या सरगदूत उण ऊं बोल्यौ है तो पछै कांई?” 10जद घणौ झगड़ौ होयौ, तो पलटन रै सरदार नै इण डर ऊं की वे पौलुस रा टुकड़ा-टुकड़ा नीं कर दे, पलटन नै आग्या दीनी की उतरनै उणनै उणौरै बीच में ऊं जबरदस्ती निकाळै, और गढ़ में ले जावै।
11उणीज रात परभु नै उणरै खनै ऊभौ होयनै कयौ, “हे पौलुस, हीमत राख, क्यूंकै ज्यौ थै यरुसलेम में म्हारी गवाई दीनी, व्यौंही थनै रोम में भी गवाई देणी होवैला।”
पौलुस नै मारणै री योजना
12जद दिन होयौ, तो यहूदियो नै एको कियो, अर सौगन खाई की, “जैड़ी तांई म्हौ पौलुस नै मार नीं नोखो, तद तांई खाओ या पीयो तो लानत है म्हौरै माथै।” 13जिणौनै आपस में आ सौगन खाई ही, वे चाळीस जणौ ऊं घणा हा। 14उणौ परधान याजकौ अर अगुवो रै खनै जायनै कयौ, “म्हौ ओ ठान लियौ की जद तांई म्हौ पौलुस नै मार नीं दो, तद तांई जे कीं चाखो तो भी लानत है। 15इण वास्तै अबै महासभा समेत पलटन रै सरदार नै समझाओ की उणनै थौरे खनै ले आए, मांनौ की थै उणरै बारै में और भी ठीक ऊं जांच करणी चावौ हो। अर म्हौ उणरै पूगनै ऊं पैला ही उणनै मार दैणै रै लियै तैयार रैवौला।”
16पण पौलुस रै भांजे सुण्यौ की वे उणरी घात में है, तो गढ़ में जायनै पौलुस नै संदेस दियौ।
17पौलुस नै सूबेदारों में ऊं एक नै अपणै खनै बुलायनै कयौ, “इण जवान नै पलटन रै सरदार रै खनै लेन जाओ, ओ उण ऊं कीं कैवणौ चावै है।”
18इण वास्तै उणै उणनै पलटन रै सरदार रै खनै ले जायनै कयौ, “बंदी पौलुस म्हनै बुलायनै विनती किनी की ओ जवान पलटन रै सरदार ऊं कीं कैवणौ चावै है, इणनै उणरै खनै लेन जा।”
19पलटन रै सरदार नै उणरौ हाथ झालनै और अलग ले जायनै पूछयौ, “थूं म्हारै ऊं कांई कैवणौ चावै है?”
20उणै कयौ, “यहूदियो एको करयौ है, की थारै ऊं विनती करै की काल पौलुस नै महासभा में लाए, मांनौ वे और ठीक ऊं उणरी जांच करणी चावै है। 21पण उणौरी बात कोनीं मानणी, क्यूंकै उणमे ऊं चाळीस ऊं ऊपर मिनख उणरी घात में है, जिणौनै आ ठान ली है की जद तांई वे पौलुस नै मार नीं दे, तद तांई खाणौ नीं खावेला और नीं पीवैला। अर अबै वे तैयार है अर थारै फेसले री आस देख रिया है।”
22तद पलटन रै सरदार नै जवान नै आ आग्या देयनै रवाना कियो, “किणी ऊं नीं कैवणौ की थूं म्हनै ऐ बातां बताई है।”
पौलुस नै फेलिक्स रै खनै भेज्यौ
23तद उणै दो सूबेदारों नै बुलायनै कयौ, “दो सौ सैनिक, सतर सवार, अर दो सौ भालेत, पहर रात बीते कैसरिया जावण रै वास्तै तैयार कर राखौ। 24अर पौलुस री सवारी रै वास्तै घोड़े तैयार राखौ, की उणनै फेलिक्स हाकिम रै खनै राजी-खुसी पूगा दो।” 25उणै इण तरैह री चिठ्ठी भी लिखी।
26“महाप्रतापी फेलिक्स हाकिम नै क्लौदियुस लूसियास रौ नमस्कार।
27इण मिनख नै यहूदियो पकड़नै मार दैणौ चावै है, पण जद म्हैं जांण्यौ की रोमी है, तो पलटन लेयनै छुड़ा लायौ। 28म्हैं जांणणौ चाहतौ हो की वे उण माथै कीण खातर दोस लगावै है, इण वास्तै उणनै उणरी महासभा में ले गियौ। 29तद म्हैं जांण लियौ की वे आपरी व्यवस्था रै विवादों रै बारै में उण माथै दोस लगावै है, पण मार दैणै या बांध जांणै रै लायक उणमे कोई दोस नीं है। 30जद म्हनै बतायौ गियौ की वे इण मिनख री घात में लागयोड़ा है तो म्हैं तुरत उणनै थारै खनै भेज दियौ, अर मुकदमे वाळौ नै भी आग्या दीनी, की थारै सांमै उण माथै आरोप राखै।”
31अतस जैड़ी सैनिकों नै आग्या दी ही, व्यौंही वे पौलुस नै लेयनै रातोरात अन्तिपत्रिस नगरी में आया। 32दूजै दिन वे घुड़सवारो नै उणरै साथै जांणै रै वास्तै छोड़नै आप गढ़ आयौ। 33उणौनै कैसरिया पूगनै हाकिम नै चिठ्ठी दीनी, और पौलुस नै भी उणरै सांमै ऊभौ कियो।
34उणै चिठ्ठी पढ़नै पूछयौ, “ओ कीण प्रान्त रौ है?” 35अर जद जांण लियौ की किलिकिया रौ है तो उण ऊं कयौ, “जद थारा मुकदमो करण वाळा भी आवैला, तो म्हैं थारौ फैसलो करूंला।” अर उणै उणनै हेरोदेस रै किले में पहरे में राखणै री आग्या दीनी।
Zur Zeit ausgewählt:
प्रेरितों रा कांम 23: RWR
Markierung
Teilen
Vergleichen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© NLCI CC BY-NC-ND 4.0
प्रेरितों रा कांम 23
23
1पौलुस नै महासभा री तरफ टकटकी लगाय देखनै कयौ, “हे म्हारै भाइयो, म्हैं आज तांई परमेसर रै लियै बिलकुल साचा मन ऊं जीवन बितायो है।” 2इण खातर हनन्याह महायाजक उणनै जिकौ उणरै खनै ऊभा हा, उणरै मूंडै माथै थप्पड़ ठोकणै री आग्या दी। 3#मत 23:27,28तद पौलुस उणनै कयौ, “हे चूनो फेरयोड़ी भींत, परमेसर थनै ठोकेला। थूं व्यवस्था रै मुजब म्हारौ न्याव करनै बैठौ है, अर वळै कांई व्यवस्था रै खिलाफ म्हनै ठोकणै री आग्या दैवै है?”
4जिकौ खनै ऊभा हा उणौ कयौ, “कांई थूं परमेसर रै महायाजक नै भूंडौ-भलौ कैवै है?”
5पौलुस कयौ, “हे भाइयो, म्हैं कोनीं जांणतौ हो की ओ महायाजक है, क्यूंकै लिख्यौ है, ‘अपणै लोगां रै परधान नै खराब मत कैह।’ ”
6 #
प्रेरि 26:5; फिलि 3:5 तद पौलुस ओ जांण नै की एक दल सदूकियों रौ दूजौ फरीसियों रौ है, सभा में हेलौ करनै कयौ, “हे भाइयो, म्हैं फरीसी अर फरीसियों रै वंस रौ हूं, मरयोड़ौ री आसा अर पुनरूत्थान रै बारै में म्हारौ मुकदमो हो रियौ है।” 7जद उणै आ बात कही तो फरीसियों अर सदूकियों में झगड़ौ होणै लागौ, अर सभा में फूट पड़गी। 8#मत 22:23; मरकु 12:18; लूक 20:27क्यूंकै सदूकी तो कैवै है, की नीं पुनरूत्थान है, नीं सरगदूत अर नीं आतमा है, पण फरीसी दोनो नै मांनै है।
9तद घणौ हाको होयौ अर किता सास्तरी जिकौ फरीसियों रै दल रा हा, उठनै ऊभा होया अर ओ केन झगड़नै लागा, “म्हौ उण मिनख में कोई खोट नीं पाओ, अर जे कोई आतमा या सरगदूत उण ऊं बोल्यौ है तो पछै कांई?” 10जद घणौ झगड़ौ होयौ, तो पलटन रै सरदार नै इण डर ऊं की वे पौलुस रा टुकड़ा-टुकड़ा नीं कर दे, पलटन नै आग्या दीनी की उतरनै उणनै उणौरै बीच में ऊं जबरदस्ती निकाळै, और गढ़ में ले जावै।
11उणीज रात परभु नै उणरै खनै ऊभौ होयनै कयौ, “हे पौलुस, हीमत राख, क्यूंकै ज्यौ थै यरुसलेम में म्हारी गवाई दीनी, व्यौंही थनै रोम में भी गवाई देणी होवैला।”
पौलुस नै मारणै री योजना
12जद दिन होयौ, तो यहूदियो नै एको कियो, अर सौगन खाई की, “जैड़ी तांई म्हौ पौलुस नै मार नीं नोखो, तद तांई खाओ या पीयो तो लानत है म्हौरै माथै।” 13जिणौनै आपस में आ सौगन खाई ही, वे चाळीस जणौ ऊं घणा हा। 14उणौ परधान याजकौ अर अगुवो रै खनै जायनै कयौ, “म्हौ ओ ठान लियौ की जद तांई म्हौ पौलुस नै मार नीं दो, तद तांई जे कीं चाखो तो भी लानत है। 15इण वास्तै अबै महासभा समेत पलटन रै सरदार नै समझाओ की उणनै थौरे खनै ले आए, मांनौ की थै उणरै बारै में और भी ठीक ऊं जांच करणी चावौ हो। अर म्हौ उणरै पूगनै ऊं पैला ही उणनै मार दैणै रै लियै तैयार रैवौला।”
16पण पौलुस रै भांजे सुण्यौ की वे उणरी घात में है, तो गढ़ में जायनै पौलुस नै संदेस दियौ।
17पौलुस नै सूबेदारों में ऊं एक नै अपणै खनै बुलायनै कयौ, “इण जवान नै पलटन रै सरदार रै खनै लेन जाओ, ओ उण ऊं कीं कैवणौ चावै है।”
18इण वास्तै उणै उणनै पलटन रै सरदार रै खनै ले जायनै कयौ, “बंदी पौलुस म्हनै बुलायनै विनती किनी की ओ जवान पलटन रै सरदार ऊं कीं कैवणौ चावै है, इणनै उणरै खनै लेन जा।”
19पलटन रै सरदार नै उणरौ हाथ झालनै और अलग ले जायनै पूछयौ, “थूं म्हारै ऊं कांई कैवणौ चावै है?”
20उणै कयौ, “यहूदियो एको करयौ है, की थारै ऊं विनती करै की काल पौलुस नै महासभा में लाए, मांनौ वे और ठीक ऊं उणरी जांच करणी चावै है। 21पण उणौरी बात कोनीं मानणी, क्यूंकै उणमे ऊं चाळीस ऊं ऊपर मिनख उणरी घात में है, जिणौनै आ ठान ली है की जद तांई वे पौलुस नै मार नीं दे, तद तांई खाणौ नीं खावेला और नीं पीवैला। अर अबै वे तैयार है अर थारै फेसले री आस देख रिया है।”
22तद पलटन रै सरदार नै जवान नै आ आग्या देयनै रवाना कियो, “किणी ऊं नीं कैवणौ की थूं म्हनै ऐ बातां बताई है।”
पौलुस नै फेलिक्स रै खनै भेज्यौ
23तद उणै दो सूबेदारों नै बुलायनै कयौ, “दो सौ सैनिक, सतर सवार, अर दो सौ भालेत, पहर रात बीते कैसरिया जावण रै वास्तै तैयार कर राखौ। 24अर पौलुस री सवारी रै वास्तै घोड़े तैयार राखौ, की उणनै फेलिक्स हाकिम रै खनै राजी-खुसी पूगा दो।” 25उणै इण तरैह री चिठ्ठी भी लिखी।
26“महाप्रतापी फेलिक्स हाकिम नै क्लौदियुस लूसियास रौ नमस्कार।
27इण मिनख नै यहूदियो पकड़नै मार दैणौ चावै है, पण जद म्हैं जांण्यौ की रोमी है, तो पलटन लेयनै छुड़ा लायौ। 28म्हैं जांणणौ चाहतौ हो की वे उण माथै कीण खातर दोस लगावै है, इण वास्तै उणनै उणरी महासभा में ले गियौ। 29तद म्हैं जांण लियौ की वे आपरी व्यवस्था रै विवादों रै बारै में उण माथै दोस लगावै है, पण मार दैणै या बांध जांणै रै लायक उणमे कोई दोस नीं है। 30जद म्हनै बतायौ गियौ की वे इण मिनख री घात में लागयोड़ा है तो म्हैं तुरत उणनै थारै खनै भेज दियौ, अर मुकदमे वाळौ नै भी आग्या दीनी, की थारै सांमै उण माथै आरोप राखै।”
31अतस जैड़ी सैनिकों नै आग्या दी ही, व्यौंही वे पौलुस नै लेयनै रातोरात अन्तिपत्रिस नगरी में आया। 32दूजै दिन वे घुड़सवारो नै उणरै साथै जांणै रै वास्तै छोड़नै आप गढ़ आयौ। 33उणौनै कैसरिया पूगनै हाकिम नै चिठ्ठी दीनी, और पौलुस नै भी उणरै सांमै ऊभौ कियो।
34उणै चिठ्ठी पढ़नै पूछयौ, “ओ कीण प्रान्त रौ है?” 35अर जद जांण लियौ की किलिकिया रौ है तो उण ऊं कयौ, “जद थारा मुकदमो करण वाळा भी आवैला, तो म्हैं थारौ फैसलो करूंला।” अर उणै उणनै हेरोदेस रै किले में पहरे में राखणै री आग्या दीनी।
Zur Zeit ausgewählt:
:
Markierung
Teilen
Vergleichen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
© NLCI CC BY-NC-ND 4.0