KAOBAK 20
20
Abraham hoba Abimelek
1Tou Abraham khüka yungthang aeto meimeijung hauan Kadesh si Shur kanglanga kikei. Longche Gerara thüngkei, 2hoba khünei Abrahamei haoyak Sara shangabü lenkei, “Sao küna ki.” Kheijinei Gerarbü Abimelek Chobaei Sara leila hautikei hoba sao leibakei. 3Lausikei Mühghaüei Abimelek to nangnak manga longan lenkei, “Chühashi, yaksa laobou nyi lekei kho haangshong no hailabü lele ong kia, aieilausi sao chemkanbü yaksa ki.”
4Tou Abimelek sao nyangko mo ohaukei, hibü haoei laukei, “Bunyubou, nyi shed ashonbü phang mautilep lo? 5Haoei kü to ‘Sao ngeibü na’ dogo laukei ayingsi? Hobaje yaksanyueikei jembü lolo ‘Hao ngeibü jai’ dogo alau lo? Kü maangpon tangbü hoba ik hinseibüei ngei ho kümsilei kümbei.”
6Kheijinei Mühghaüei manga hao to laukei, “Haü, nyi kaibü maangpon tangbüei ho kümsilei kümbei dogo ngei ngeakei, hoba toukei ngo khulimbo shed shonlabü ka ngei no senetkei. Khoei ngei ka la sao to ameititi. 7Hibü müt khoeibü yak kho ngaitikuashi, aieilausi hao thuseibü, hoba haoei ka shanga sukujakulabü, hoba no langlabü. Lausikei nyi sao akungailonga tükde no hoba nyi kibü pendou hailabü.”
8Nyibounyet ngeyang enyu Abimelek pikei hoba hao phanga yaangbü shuong pendou ngashaikei hoba haoei haüthükbü pendou haoen to lenkei, hoba haoen aeibou hatkei. 9Kheijinei Abimelekei Abraham hao jungto ngaan hao to laukei, “Nyi kü thükto hoba kü sangle to shedbü hatetche sungbalabü lele ngei ka thedanga ai mashikkei? Ai ajungeijan ki kho nyi kü to jungeia.” 10Hobaje Abimelekei Abraham to phekei, “Nyi ho ai dambüei kümbei?”
11Hobaje Abrahamei jongaikei, “Aieilausi ho kaoa Mühghaü to hatbü aki; khoei haoenei küyak laüa ngo haitilabü. 12Hobaje khüto limbo, sao maimaitham küna, küboueibü shou, lausikei kü nyueibü shou aying, hoba sao küyak la yeikei. 13Hobaje ladang Mühghaüei küboueibü chem ka ngo kükto thangto hautikei, kheijinei ngei sao to laukei, ‘Sen haushang pendoua “Hao küjai yingkei” dogo lauko nyi kaibü sanou kü to lenjan’ dogo laukei.”
14Kheijinei Abimelekei san hoba masu pongsu, hoba aaomüt bousu si yaksa hoba haoyak Sara hao la kungaikei. 15Hobaje Abimelekei laukei, “Chühashi, ngeibü kaodak ka thedanga kia; no kimangsühbüa kishima.” 16Hobaje Sara to haoei laukei, “Ngei kajai la chandinam hajar che kuda; chühashi, ho kayoa kibü pendou thedanga no ashedbü aukabü ki hoba pendou thea no matmaitia.”
17Hobaje Abrahamei Mühghaü to sukeijakei, hoba Mühghaüei Abimelek hoba haoyak, hoba haoeibü aaosao shuong shousi kilabü lele maitikukei; 18aishanga Abrahameibü yak Sara haangshong Bunyubouei Abimelek chema kibü yaksa shuong pendoueibü nasetshang khinkukei.
Zur Zeit ausgewählt:
KAOBAK 20: CHANGBSI
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.
KAOBAK 20
20
Abraham hoba Abimelek
1Tou Abraham khüka yungthang aeto meimeijung hauan Kadesh si Shur kanglanga kikei. Longche Gerara thüngkei, 2hoba khünei Abrahamei haoyak Sara shangabü lenkei, “Sao küna ki.” Kheijinei Gerarbü Abimelek Chobaei Sara leila hautikei hoba sao leibakei. 3Lausikei Mühghaüei Abimelek to nangnak manga longan lenkei, “Chühashi, yaksa laobou nyi lekei kho haangshong no hailabü lele ong kia, aieilausi sao chemkanbü yaksa ki.”
4Tou Abimelek sao nyangko mo ohaukei, hibü haoei laukei, “Bunyubou, nyi shed ashonbü phang mautilep lo? 5Haoei kü to ‘Sao ngeibü na’ dogo laukei ayingsi? Hobaje yaksanyueikei jembü lolo ‘Hao ngeibü jai’ dogo alau lo? Kü maangpon tangbü hoba ik hinseibüei ngei ho kümsilei kümbei.”
6Kheijinei Mühghaüei manga hao to laukei, “Haü, nyi kaibü maangpon tangbüei ho kümsilei kümbei dogo ngei ngeakei, hoba toukei ngo khulimbo shed shonlabü ka ngei no senetkei. Khoei ngei ka la sao to ameititi. 7Hibü müt khoeibü yak kho ngaitikuashi, aieilausi hao thuseibü, hoba haoei ka shanga sukujakulabü, hoba no langlabü. Lausikei nyi sao akungailonga tükde no hoba nyi kibü pendou hailabü.”
8Nyibounyet ngeyang enyu Abimelek pikei hoba hao phanga yaangbü shuong pendou ngashaikei hoba haoei haüthükbü pendou haoen to lenkei, hoba haoen aeibou hatkei. 9Kheijinei Abimelekei Abraham hao jungto ngaan hao to laukei, “Nyi kü thükto hoba kü sangle to shedbü hatetche sungbalabü lele ngei ka thedanga ai mashikkei? Ai ajungeijan ki kho nyi kü to jungeia.” 10Hobaje Abimelekei Abraham to phekei, “Nyi ho ai dambüei kümbei?”
11Hobaje Abrahamei jongaikei, “Aieilausi ho kaoa Mühghaü to hatbü aki; khoei haoenei küyak laüa ngo haitilabü. 12Hobaje khüto limbo, sao maimaitham küna, küboueibü shou, lausikei kü nyueibü shou aying, hoba sao küyak la yeikei. 13Hobaje ladang Mühghaüei küboueibü chem ka ngo kükto thangto hautikei, kheijinei ngei sao to laukei, ‘Sen haushang pendoua “Hao küjai yingkei” dogo lauko nyi kaibü sanou kü to lenjan’ dogo laukei.”
14Kheijinei Abimelekei san hoba masu pongsu, hoba aaomüt bousu si yaksa hoba haoyak Sara hao la kungaikei. 15Hobaje Abimelekei laukei, “Chühashi, ngeibü kaodak ka thedanga kia; no kimangsühbüa kishima.” 16Hobaje Sara to haoei laukei, “Ngei kajai la chandinam hajar che kuda; chühashi, ho kayoa kibü pendou thedanga no ashedbü aukabü ki hoba pendou thea no matmaitia.”
17Hobaje Abrahamei Mühghaü to sukeijakei, hoba Mühghaüei Abimelek hoba haoyak, hoba haoeibü aaosao shuong shousi kilabü lele maitikukei; 18aishanga Abrahameibü yak Sara haangshong Bunyubouei Abimelek chema kibü yaksa shuong pendoueibü nasetshang khinkukei.
Zur Zeit ausgewählt:
:
Markierung
Teilen
Kopieren
Möchtest du deine gespeicherten Markierungen auf allen deinen Geräten sehen? Erstelle ein kostenloses Konto oder melde dich an.
Chang Naga Bible - SAOPOBÜ LAI
Copyright © The Bible Society of India, 2002.
Used by permission. All rights reserved worldwide.