Gikuyu - 1965 Edition (Drama - NT)

<div class="version vid1201 iso6393kik" data-vid="1201" data-iso6393="kik">
 <div class="book bkLUK">
 <div class="chapter ch14" data-usfm="LUK.14">
 <div class="label">14</div><div class="s">Jes&#361; k&#361;honia m&#361;nd&#361; war&#297; m&#361;r&#361;aru</div><div class="p"> 1Na r&#297;&#297;r&#297;, m&#361;thenya &#361;mwe wa Thabat&#361; Jes&#361; n&#297;athiire k&#361;r&#297;a irio kwa m&#361;nene &#361;mwe wa Afarisai, na e k&#361;u and&#361; n&#297;maam&#361;roraga m&#361;no. 2Na r&#297;&#297;r&#297;, hau mbere yake n&#297;haar&#297; m&#361;nd&#361; war&#297; m&#361;r&#361;aru m&#361;rim&#361; wa k&#361;imba mag&#361;r&#361; na mooko. 3Naake Jes&#361; ak&#297;&#361;ria arutani a Watho o na Afarisai at&#297;r&#297;, &#8220;Watho wit&#361; n&#297;w&#297;t&#297;k&#297;r&#297;&#297;tie kana ndw&#297;t&#297;k&#297;r&#297;&#297;tie k&#361;honanagio m&#361;thenya wa Thabat&#361;?&#8221;</div><div class="p"> 4Nao mag&#297;kira ki. Naake Jes&#361; ak&#297;oya m&#361;nd&#361; &#361;cio war&#297; m&#361;r&#361;aru, ak&#297;m&#361;honia na ak&#297;mw&#297;t&#297;k&#297;ria athi&#297;. 5#Mat 12.11 Ag&#297;cooka ak&#297;mooria at&#297;r&#297;, &#8220;N&#361;&#361; gatagat&#297;in&#297; kaanyu &#361;tang&#297;ruta mwana wake, kana ndeegwa yake &#297;g&#361;&#297;te irima r&#297;a maa&#297; m&#361;thenya wa Thabat&#361;?&#8221;</div><div class="p"> 6Nao mak&#297;remwo n&#297;k&#361;m&#361;cookeria.</div><div class="s">&#360;horo wa kw&#297;nyiihia na k&#361;nyiitana &#361;geni</div><div class="p"> 7R&#297;r&#297;a Jes&#361; oonire &#361;r&#297;a ageni ar&#297;a meet&#297;&#297;two meendaga g&#361;ikar&#297;ra it&#297; iria ciaig&#297;irwo ageni a g&#297;t&#297;&#297;o, ak&#297;mahe ngerekano &#297;no akiuga at&#297;r&#297;, 8#Thim 25.6-7 &#8220;R&#297;r&#297;a m&#361;nd&#361; agw&#297;t&#297;ra iruga r&#297;a &#361;hiki-r&#297;, tigaga g&#361;ikarag&#297;ra it&#297; iria ciig&#297;irwo ageni a g&#297;t&#297;&#297;o, n&#297; &#361;nd&#361; ahota g&#361;korwo eet&#297;&#297;te m&#361;geni wa g&#297;t&#297;&#297;o g&#361;g&#361;k&#297;ra, 9naake m&#361;nd&#361; &#361;cio &#361;mw&#297;t&#297;&#297;te inyuer&#297; ooke akw&#297;re at&#297;r&#297;, &#8216;Reke m&#361;nd&#361; &#361;y&#361; aikar&#297;re hau wee &#361;ikar&#297;ire.&#8217; H&#297;nd&#297; &#297;yo wee &#361;g&#297;&#361;k&#297;re &#361;conokeete, &#361;g&#297;thi&#297; &#361;ikar&#297;re it&#297; iria ir&#297; na thuutha. 10R&#297;r&#297;a wet&#297;rwo iruga-r&#297;, thiaga &#361;gaikar&#297;ra it&#297; cia thuutha n&#297;guo m&#361;nd&#361; &#361;r&#297;a &#361;gw&#297;t&#297;&#297;te ooka akw&#297;re at&#297;r&#297;, &#8216;M&#361;raata wakwa, &#361;k&#297;ra &#361;thi&#297; &#361;gaikar&#297;re g&#297;t&#297; k&#297;&#297;r&#297;a k&#297; haar&#297;a mbere.&#8217; H&#297;nd&#297; &#297;yo &#361;k&#297;heeo g&#297;t&#297;&#297;o mbere ya and&#361; oothe ar&#297;a meet&#297;irwo iruga. 11#Mat 23.12; Luk 18.14 N&#297; &#361;nd&#361; m&#361;nd&#361; o wothe w&#297;nenehagia n&#297;akaanyiihio, na &#361;r&#297;a w&#297;nyiihagia n&#297;akaanenehio.&#8221;</div><div class="p"> 12Jes&#361; ag&#297;cooka ag&#297;&#297;ta m&#361;nd&#361; &#361;r&#297;a wamw&#297;t&#297;&#297;te irugain&#297; ak&#297;mw&#297;ra at&#297;r&#297;, &#8220;Waruga iruga-r&#297;, tigaga gw&#297;t&#297;ra o araata aaku oiki, kana aari&#361; a mait&#361;guo oiki, kana and&#361; a ny&#361;mba yanyu iiki, kana itonga iria m&#361;rigainie nacio ciiki, at&#297; n&#297; tond&#361; o nao n&#297;mar&#297;gw&#297;t&#297;ra maruga maao, mak&#297;enda g&#361;k&#361;r&#297;ha n&#297; &#361;nd&#361; wa k&#361;meet&#297;ra iruga r&#297;aku. 13Wag&#297;a na iruga-r&#297;, r&#297;&#297;tag&#297;re ath&#297;&#297;ni, cionje, ithua, na itumuumu, 14na n&#297;&#361;r&#297;raathimagwo n&#297; tond&#361; acio mating&#297;hota g&#361;k&#361;r&#297;ha. Ngai n&#297; we &#361;gaak&#361;r&#297;ha r&#297;r&#297;a and&#361; ar&#297;a athingu makaari&#361;ka.&#8221;</div><div class="s">Ngerekano ya Iruga Inene</div><div class="r">(Mat 22.1-10)</div><div class="p"> 15Na r&#297;&#297;r&#297;, r&#297;r&#297;a m&#361;nd&#361; &#361;mwe waikar&#297;&#297;te hau meethain&#297; hamwe na Jes&#361; aiguire &#361;guo, ak&#297;&#297;ra Jes&#361; at&#297;r&#297;, &#8220;Ka&#297; ar&#297;a makaar&#297;a irio &#360;thamakiin&#297; wa Ngai n&#297;makaaraathimwo-&#297;!&#8221;</div><div class="p"> 16Naake Jes&#361; ak&#297;mw&#297;ra at&#297;r&#297;, &#8220;H&#297;nd&#297; &#297;mwe m&#361;nd&#361; &#361;mwe n&#297;ahaar&#297;irie iruga inene, ak&#297;r&#297;&#297;t&#297;ra and&#361; aing&#297;. 17R&#297;r&#297;a thaa cia k&#361;r&#297;a ciakinyire ag&#297;t&#361;ma ndungata yake &#297;thi&#297; &#297;keere ar&#297;a meet&#297;irwo iruga r&#297;u at&#297;r&#297;, &#8216;&#360;kaai n&#297; &#361;nd&#361; indo ciothe n&#297;haar&#297;rie!&#8217; 18Nao oothe o m&#361;nd&#361; ak&#297;amb&#297;r&#297;ria k&#361;heana g&#297;t&#361;mi g&#297;a k&#361;giria athi&#297; irugain&#297; r&#297;u, o m&#361;nd&#361; akaheana g&#297;t&#361;mi g&#297;ake. Wa mbere akiuga at&#297;r&#297;, &#8216;N&#297;nd&#297;rag&#361;rire m&#361;g&#361;nda, na no m&#361;haka thi&#297; ngawone; kwoguo thi&#297; &#361;mw&#297;re andekere.&#8217; 19Naake &#361;ng&#297; akiuga at&#297;r&#297;, &#8216;N&#297;nd&#297;rag&#361;rire ndeegwa ik&#361;mi cia k&#361;r&#297;ma na n&#297;nd&#297;rathi&#297; g&#361;cigeria; kwoguo thi&#297; &#361;mw&#297;re andekere.&#8217; 20Naake &#361;r&#297;a &#361;ng&#297; akiuga at&#297;r&#297;, &#8216;No h&#297;nd&#297; nd&#297;rahikanirie, n&#297; &#361;nd&#361; &#361;cio nding&#297;hota g&#361;&#361;ka.&#8217;</div><div class="p"> 21&#8220;Ndungata &#297;yo &#297;g&#297;g&#297;cooka m&#361;ci&#297; &#297;k&#297;&#297;ra mwathi wayo ma&#361;nd&#361; macio moothe. Naake mwathi wayo aamaigua ak&#297;ng'&#361;r&#297;ka m&#361;no, ak&#297;&#297;ra ndungata yake at&#297;r&#297;, &#8216;Thi&#297; na ihenya k&#361;&#361;r&#297;a barabarain&#297; cia it&#361;&#361;ra o na t&#361;c&#297;rain&#297; &#361;reehe ath&#297;&#297;ni, cionje, itumuumu, na ithua.&#8217; 22Thuutha wa ihinda iniini, ndungata &#297;yo &#297;g&#297;cooka m&#361;ci&#297; &#297;k&#297;&#297;ra mwathi wayo at&#297;r&#297;, &#8216;N&#297;ndeeka &#361;r&#297;a wanj&#297;&#297;ra, no and&#361; matinaiy&#361;ra.&#8217; 23Naake mwathi wayo ak&#297;mw&#297;ra at&#297;r&#297;, &#8216;Thi&#297; barabarain&#297; iria nene o na t&#361;r&#297;a t&#361;niini &#361;hat&#297;r&#297;rie and&#361; mooke g&#361;&#361;k&#361; gwakwa n&#297; geetha ny&#361;mba &#297;iy&#361;re. 24Ng&#361;mw&#297;ra na ma at&#297; g&#361;tir&#297; m&#361;nd&#361; o na &#361;mwe wa ar&#297;a megw&#297;t&#297;&#297;two &#361;g&#361;cama irio iria ng&#361;marugith&#297;irie!&#8217; &#8221;</div><div class="s">Thogora wa g&#361;tu&#297;ka m&#361;rutwo wa Jes&#361;</div><div class="r">(Mat 10.37-38)</div><div class="p"> 25Na r&#297;&#297;r&#297;, h&#297;nd&#297; &#297;mwe r&#297;r&#297;a and&#361; g&#297;kundi k&#297;nene maatwaran&#297;&#297;te na Jes&#361;-r&#297;, n&#297;amar&#297;irie ak&#297;meera at&#297;r&#297;, 26#Mat 10.37 &#8220;M&#361;nd&#361; &#361;r&#297;a &#361;g&#361;&#361;ka k&#361;r&#297; ni&#297; no m&#361;haka aanyende g&#361;k&#297;ra &#361;r&#297;a eendeete ithe, nyina, m&#361;tumia wake na ciana ciake, aari&#361; a nyina, na aar&#297; a nyina na eemene we mwene, n&#297;guo atu&#297;ke m&#361;rutwo wakwa. 27#Mat 10.38; 16.24; Mar 8.34; Luk 9.23 M&#361;nd&#361; &#361;r&#297;a wothe &#361;teg&#361;kuua m&#361;tharaba wake an&#361;m&#297;r&#297;re ndang&#297;hota g&#361;tu&#297;ka m&#361;rutwo wakwa.</div><div class="p"> 28&#8220;M&#361;nd&#361; ang&#297;korwo arenda gwaka m&#361;naara-r&#297;, aambaga agaikara th&#297; agatara mbeeca iria &#361;k&#361;h&#361;th&#297;ra, n&#297;guo oone kana e na mbeeca cing&#297;igana k&#361;&#361;r&#297;&#297;kia. 29Ang&#297;aga gw&#297;ka &#361;guo, no aremwo n&#297;k&#361;r&#297;&#297;kia thuutha wa gwaka m&#361;thingi, nao and&#361; oothe ar&#297;a mar&#297;wonaga n&#297;mar&#297;m&#361;ny&#361;r&#361;ragia, 30makoiga at&#297;r&#297;, &#8216;M&#361;nd&#361; &#361;y&#361; aamb&#297;r&#297;irie mwako, ak&#297;remwo n&#297;k&#361;&#361;r&#297;&#297;kia!&#8217;</div><div class="p"> 31&#8220;M&#361;thamaki ang&#297;korwo ag&#297;thi&#297; k&#361;r&#361;a na m&#361;thamaki &#361;ng&#297;-r&#297;, aambaga g&#361;ikara th&#297; ageciiria kana e na thigari ngiri ik&#361;mi no ahote g&#361;tooria m&#361;thamaki &#361;cio &#361;ng&#297; w&#297; na thigari ngiri m&#297;rongo &#297;&#297;r&#297;. 32Ang&#297;ona at&#297; ndang&#297;hota k&#361;m&#361;tooria, at&#361;manag&#297;ra m&#361;thamaki &#361;cio &#361;ng&#297; ar&#297; o k&#361;raaya, akamw&#297;ra k&#361;g&#297;e na thaay&#361;. 33N&#297; &#361;nd&#361; &#361;cio, m&#361;nd&#361; &#361;r&#297;a &#361;teg&#361;tiga k&#297;r&#297;a g&#297;othe e nak&#297;o ndang&#297;hota g&#361;tu&#297;ka m&#361;rutwo wakwa.</div><div class="s">Cumb&#297; &#361;r&#297;a &#361;tar&#297; bata</div><div class="r">(Mat 5.13; Mar 9.50)</div><div class="p"> 34&#8220;Cumb&#297; n&#297; mwega, no &#361;ng&#297;thira m&#361;camo-r&#297;, &#361;ng&#297;cooka g&#361;camithio ta cumb&#297; at&#297;a? 35Cumb&#297; &#361;cio nd&#361;r&#297; bata t&#297;&#297;riin&#297; o na kana thumuin&#297;; n&#297;g&#361;teeo &#361;teagwo. &#360;r&#297;a &#361;r&#297; na mat&#361; ma k&#361;igua n&#297;ak&#297;igue.&#8221;</div>
 </div>
 </div>
</div>

Gikuyu Common Language Bible with DC © Bible Society of Kenya, 2014, 2018.

Na rĩĩrĩ, mũthenya ũmwe wa Thabatũ Jesũ nĩathiire kũrĩa irio kwa mũnene ũmwe wa Afarisai, na e kũu andũ nĩmaamũroraga mũno. Na rĩĩrĩ, hau mbere yake nĩhaarĩ mũndũ warĩ mũrũaru mũrimũ wa kũimba magũrũ na mooko. Naake Jesũ akĩũria arutani a Watho o na Afarisai atĩrĩ, “Watho witũ nĩwĩtĩkĩrĩĩtie kana ndwĩtĩkĩrĩĩtie kũhonanagio mũthenya wa Thabatũ?”
Nao magĩkira ki. Naake Jesũ akĩoya mũndũ ũcio warĩ mũrũaru, akĩmũhonia na akĩmwĩtĩkĩria athiĩ. Agĩcooka akĩmooria atĩrĩ, “Nũũ gatagatĩinĩ kaanyu ũtangĩruta mwana wake, kana ndeegwa yake ĩgũĩte irima rĩa maaĩ mũthenya wa Thabatũ?”
Nao makĩremwo nĩkũmũcookeria.

Rĩrĩa Jesũ oonire ũrĩa ageni arĩa meetĩĩtwo meendaga gũikarĩra itĩ iria ciaigĩirwo ageni a gĩtĩĩo, akĩmahe ngerekano ĩno akiuga atĩrĩ, “Rĩrĩa mũndũ agwĩtĩra iruga rĩa ũhiki-rĩ, tigaga gũikaragĩra itĩ iria ciigĩirwo ageni a gĩtĩĩo, nĩ ũndũ ahota gũkorwo eetĩĩte mũgeni wa gĩtĩĩo gũgũkĩra, naake mũndũ ũcio ũmwĩtĩĩte inyuerĩ ooke akwĩre atĩrĩ, ‘Reke mũndũ ũyũ aikarĩre hau wee ũikarĩire.’ Hĩndĩ ĩyo wee ũgĩũkĩre ũconokeete, ũgĩthiĩ ũikarĩre itĩ iria irĩ na thuutha. Rĩrĩa wetĩrwo iruga-rĩ, thiaga ũgaikarĩra itĩ cia thuutha nĩguo mũndũ ũrĩa ũgwĩtĩĩte ooka akwĩre atĩrĩ, ‘Mũraata wakwa, ũkĩra ũthiĩ ũgaikarĩre gĩtĩ kĩĩrĩa kĩ haarĩa mbere.’ Hĩndĩ ĩyo ũkĩheeo gĩtĩĩo mbere ya andũ oothe arĩa meetĩirwo iruga. Nĩ ũndũ mũndũ o wothe wĩnenehagia nĩakaanyiihio, na ũrĩa wĩnyiihagia nĩakaanenehio.”
Jesũ agĩcooka agĩĩta mũndũ ũrĩa wamwĩtĩĩte irugainĩ akĩmwĩra atĩrĩ, “Waruga iruga-rĩ, tigaga gwĩtĩra o araata aaku oiki, kana aariũ a maitũguo oiki, kana andũ a nyũmba yanyu iiki, kana itonga iria mũrigainie nacio ciiki, atĩ nĩ tondũ o nao nĩmarĩgwĩtĩra maruga maao, makĩenda gũkũrĩha nĩ ũndũ wa kũmeetĩra iruga rĩaku. Wagĩa na iruga-rĩ, rĩĩtagĩre athĩĩni, cionje, ithua, na itumuumu, na nĩũrĩraathimagwo nĩ tondũ acio matingĩhota gũkũrĩha. Ngai nĩ we ũgaakũrĩha rĩrĩa andũ arĩa athingu makaariũka.”


Na rĩĩrĩ, rĩrĩa mũndũ ũmwe waikarĩĩte hau meethainĩ hamwe na Jesũ aiguire ũguo, akĩĩra Jesũ atĩrĩ, “Kaĩ arĩa makaarĩa irio Ũthamakiinĩ wa Ngai nĩmakaaraathimwo-ĩ!”
Naake Jesũ akĩmwĩra atĩrĩ, “Hĩndĩ ĩmwe mũndũ ũmwe nĩahaarĩirie iruga inene, akĩrĩĩtĩra andũ aingĩ. Rĩrĩa thaa cia kũrĩa ciakinyire agĩtũma ndungata yake ĩthiĩ ĩkeere arĩa meetĩirwo iruga rĩu atĩrĩ, ‘Ũkaai nĩ ũndũ indo ciothe nĩhaarĩrie!’ Nao oothe o mũndũ akĩambĩrĩria kũheana gĩtũmi gĩa kũgiria athiĩ irugainĩ rĩu, o mũndũ akaheana gĩtũmi gĩake. Wa mbere akiuga atĩrĩ, ‘Nĩndĩragũrire mũgũnda, na no mũhaka thiĩ ngawone; kwoguo thiĩ ũmwĩre andekere.’ Naake ũngĩ akiuga atĩrĩ, ‘Nĩndĩragũrire ndeegwa ikũmi cia kũrĩma na nĩndĩrathiĩ gũcigeria; kwoguo thiĩ ũmwĩre andekere.’ Naake ũrĩa ũngĩ akiuga atĩrĩ, ‘No hĩndĩ ndĩrahikanirie, nĩ ũndũ ũcio ndingĩhota gũũka.’
“Ndungata ĩyo ĩgĩgĩcooka mũciĩ ĩkĩĩra mwathi wayo maũndũ macio moothe. Naake mwathi wayo aamaigua akĩng'ũrĩka mũno, akĩĩra ndungata yake atĩrĩ, ‘Thiĩ na ihenya kũũrĩa barabarainĩ cia itũũra o na tũcĩrainĩ ũreehe athĩĩni, cionje, itumuumu, na ithua.’ Thuutha wa ihinda iniini, ndungata ĩyo ĩgĩcooka mũciĩ ĩkĩĩra mwathi wayo atĩrĩ, ‘Nĩndeeka ũrĩa wanjĩĩra, no andũ matinaiyũra.’ Naake mwathi wayo akĩmwĩra atĩrĩ, ‘Thiĩ barabarainĩ iria nene o na tũrĩa tũniini ũhatĩrĩrie andũ mooke gũũkũ gwakwa nĩ geetha nyũmba ĩiyũre. Ngũmwĩra na ma atĩ gũtirĩ mũndũ o na ũmwe wa arĩa megwĩtĩĩtwo ũgũcama irio iria ngũmarugithĩirie!’ ”


Na rĩĩrĩ, hĩndĩ ĩmwe rĩrĩa andũ gĩkundi kĩnene maatwaranĩĩte na Jesũ-rĩ, nĩamarĩirie akĩmeera atĩrĩ, “Mũndũ ũrĩa ũgũũka kũrĩ niĩ no mũhaka aanyende gũkĩra ũrĩa eendeete ithe, nyina, mũtumia wake na ciana ciake, aariũ a nyina, na aarĩ a nyina na eemene we mwene, nĩguo atuĩke mũrutwo wakwa. Mũndũ ũrĩa wothe ũtegũkuua mũtharaba wake anũmĩrĩre ndangĩhota gũtuĩka mũrutwo wakwa.
“Mũndũ angĩkorwo arenda gwaka mũnaara-rĩ, aambaga agaikara thĩ agatara mbeeca iria ũkũhũthĩra, nĩguo oone kana e na mbeeca cingĩigana kũũrĩĩkia. Angĩaga gwĩka ũguo, no aremwo nĩkũrĩĩkia thuutha wa gwaka mũthingi, nao andũ oothe arĩa marĩwonaga nĩmarĩmũnyũrũragia, makoiga atĩrĩ, ‘Mũndũ ũyũ aambĩrĩirie mwako, akĩremwo nĩkũũrĩĩkia!’
“Mũthamaki angĩkorwo agĩthiĩ kũrũa na mũthamaki ũngĩ-rĩ, aambaga gũikara thĩ ageciiria kana e na thigari ngiri ikũmi no ahote gũtooria mũthamaki ũcio ũngĩ wĩ na thigari ngiri mĩrongo ĩĩrĩ. Angĩona atĩ ndangĩhota kũmũtooria, atũmanagĩra mũthamaki ũcio ũngĩ arĩ o kũraaya, akamwĩra kũgĩe na thaayũ. Nĩ ũndũ ũcio, mũndũ ũrĩa ũtegũtiga kĩrĩa gĩothe e nakĩo ndangĩhota gũtuĩka mũrutwo wakwa.


“Cumbĩ nĩ mwega, no ũngĩthira mũcamo-rĩ, ũngĩcooka gũcamithio ta cumbĩ atĩa? Cumbĩ ũcio ndũrĩ bata tĩĩriinĩ o na kana thumuinĩ; nĩgũteeo ũteagwo. Ũrĩa ũrĩ na matũ ma kũigua nĩakĩigue.”

Ακρόαση Luka 14