 If you would like a copy of this version please contact info@davaraudiobibles.org

Mashi Bible

<div class="version vid3953 iso6393shr" data-vid="3953" data-iso6393="shr">
 <div class="book bkGEN">
 <div class="chapter ch24" data-usfm="GEN.24">
 <div class="label">24</div><div class="s1">Obuhya bwa Izaki</div><div class="p"> 1Abrahamu ali akola mushosi wa my&#226;ka minji, Nyamub&#226;ho ali erhi amuh&#238;re omugisho muli ngasi kantu. 2Abrahamu abw&#238;ra omwambali, mugula w&#226;ge omu bambali, ye wanakaz&#226;g&#8217;ilanga eby&#226;ge byoshi, erhi: &#171;Ohebe okuboko kw&#226;we idako ly&#8217;olurhungu lw&#226;ni#24, 2 Okuheba okuboko idako ly&#8217;ecibero c&#8217;omuntu, yali ndahiro nkulu ya Abahabraniya., 3nakulahiriza oku iz&#238;no lya Nyamub&#226;ho Nyamuzinda w&#8217;empingu n&#8217;igulu, oku orhalongeze mugala w&#226;ni omukazi omu banyere b&#8217;Abanya-Kan&#226;ni ny&#251;basire ekarh&#238; k&#226;bo. 4Ci kw&#244;nene, yo waj&#224; emw&#238;rhu, omu mulala gw&#238;rhu, mwo wac&#238;shoga omukazi washebera mugala w&#226;ni Izaki&#187;. 5Omwambali anacimubw&#238;ra, erhi: &#171;Haligi amango nyamukazi ankalahira mpu arhankulikire mwo cino cihugo, k&#8217;ago mango nanagalula mugala w&#226;we emunda warhengaga?&#187; 6Abrahamu amushuza, erhi: &#171;Nanga, orhah&#238;raga okashubiza mugala w&#226;ni eyo munda. 7Nyamub&#226;ho, Nyamuzinda w&#8217;empingu, Nyamuzinda w&#8217;igulu y&#234;nene wantenzagya omu nyumpa ya larha, n&#8217;omu cihugo ca bene w&#238;rhu, y&#234;ne ye wanshamb&#226;zagya anandaganya n&#8217;endahiro oku eci cihugo ac&#238;h&#224; iburha ly&#226;ni. Y&#234;ne arhuma malahika w&#226;ge embere z&#226;we, lyo abonera mugala w&#226;ni omukazi eyo munda. 8Akab&#224; oyo mukazi arhalonzizi okukushimba, orhacife n&#8217;ecihango, ci orhah&#238;raga okashubiza mugala w&#226;ni eyo munda&#187;. 9Oku bundi omwambali ahira okuboko oku cibero ca nnaw&#226;bo Abrahamu, anacigashira olwo lubanja.</div><div class="p"> 10Nyamushizi anacirh&#244;la ngamiya ikumi omu ngamiya za nnaw&#226;bo, anagendana n&#8217;oku ngasi hinj&#224; nnaw&#226;bo ali agw&#234;rhe, anacirik&#251;la aj&#224; entambiz&#8217;e Aram-Naharayimu omu lugo lwa Nahoro. 11Engamiya z&#226;ge azifukamya emuhanda gw&#8217;olugo, h&#244;fi n&#8217;iriba, c&#226;j&#238;ngw&#232;, gala mango abakazi banahuluka mpu bagend&#8217;id&#244;ma am&#238;shi. 12Anaciderha, erhi: &#171;Nyakasane, Nyamuzinda wa nnaw&#238;rhu Abrahamu, ongash&#226;nire ene, onay&#234;rekane oku kurhonya orhonya mwambali w&#226;we Abrahamu. 13&#8220;Niono nyimanzire hano iriba, na bali b&#8217;abantu ba mw&#8217;olu lugo, bakola bayish&#8217;id&#244;ma am&#238;shi.&#8221;&#187; 14Omw&#226;nanyere nakabw&#238;ra, nti: &#171;Hengeka akabindi k&#226;we omp&#232; n&#226;ni nywe, akananshuza, erhi: N&#234;ci, nywaga onaleke nywese n&#8217;engamiya z&#226;we, erhi ye mukazi wali obik&#238;re mwambali w&#226;we Izaki, co cimany&#238;so namanyirakwo oku orhonyize nnaw&#238;rhu&#187;.</div><div class="p"> 15Oku arhaciyusa aderha, Rebeka, mw&#226;li wa Betweli, mwene Milka, muk&#224; Nahoro, mulumuna wa Abrahamu ayisha n&#8217;akabindi oku cirhugo. 16Oyo munyere ali mwinjinj&#224;, mw&#226;nanyere mushugi, nt&#224; mulume walisag&#8217;imuyeg&#234;ra, abungulukira aha iriba abumba akabindi k&#226;ge anarherema. 17Olya mushizi akanya aj&#8217;imurhang&#238;ra, amubw&#238;ra, erhi: &#171;M&#226;shi, oleke nywe rhwishi rhutya kw&#8217;ago gali omu kabindi k&#226;we&#187;. 18Olya munyere anacishuza, erhi: &#171;Nywaga, Y&#226;girwa&#187;. Anaciyandagaliza dubaduba akabindi omu nfune mpu amunywese. 19Erhi ay&#251;s&#8217;imunywesa, anaciderha, erhi: &#171;Nkola naj&#8217;id&#244;mera n&#8217;engamiya z&#226;we, kuhika zih&#226;ge&#187;. 20Anacidubulira galya m&#238;shi duba duba omu ciranga ashubirira aha iriba mpu ad&#244;me, anad&#244;mera engamiya zoshi. 21Olya mulume oku ahuluka, akaz&#8217;imusinza, erhi anadw&#238;rhe ac&#238;d&#244;sa erhi nanga erhi n&#234;ci Nyamub&#226;ho amuhisize.</div><div class="p"> 22Erhi engamiya ziyus&#8217;inywa, olya mulume arh&#244;la ehigondo hy&#8217;amasholo hya buzirho bwa luhande luguma lw&#8217;esikeli, amuyambisahyo, anacirh&#244;la na rhulinga rhubirhi rhwa masholo rhwa buzirho bwa sik&#234;li ikumi amuyambisa rhwo ekuboko. 23Anacimubw&#238;ra, erhi: &#171;Oli mw&#226;li wa ndi? K&#8217;aha mwinyu, sho ankabona aha abantu bahanda?&#187; 24Ashuza, erhi: &#171;Ndi mw&#226;li wa Betweli, mugala wa Milka mwene Nahori&#187;. 25Ashub&#8217;iderha, erhi: &#171;N&#234;ci aha mw&#238;rhu bali eby&#226;si birhali binyi, hanaboneka n&#8217;ecir&#226;lo&#187;. 26Oku bundi olya mulume afukama ahar&#226;mya Nyamub&#226;ho, 27ederha, erhi: &#171;Oy&#226;girwe Nyakasane, Nyamuzinda wa nnaw&#238;rhu Abrahamu, &#244;rharh&#238;nyir&#238;re okurhonya n&#8217;okulumehera nn&#226;hamw&#238;rhu. Nyamub&#226;ho y&#234;ne oy&#251;la onnongol&#238;ne kuhika aha mwa mwene w&#226;bo nn&#226;hamw&#238;rhu&#187;. 28Olya mw&#226;nanyere alibirha aj&#8217;ibw&#238;ra nnina ebyab&#238;re. 29Rebeka &#224;li agw&#234;rhe mushinja w&#226;bo, iz&#238;no ly&#226;ge ye Labani, Labani anacilibirhira embuga emunda olya mulume ali, ebw&#8217;iriba. 30Erhi ab&#224; am&#226;bona ehigondo n&#8217;orhulinga mw&#226;li w&#226;bo ali ayamb&#238;rhe, n&#8217;erhi ab&#224; am&#226;yumva mw&#226;li w&#226;bo Rebeka ederha, erhi: &#171;Kw&#8217;oyo mulume ambw&#238;zire ntyo&#187;, ago mango alibirhira emunda nyamulume ali, amushim&#226;na aciyimanzire aha burhambi bw&#8217;engamiya ah&#8217;iriba. 31Anacimubw&#238;ra, erhi: &#171;Yisha mugishwa wa Nyamub&#226;ho! Cici cirhumire ob&#234;ra embuga n&#8217;obwo narheganyize enyumpa n&#8217;ahantu engamiya z&#226;we zab&#234;ra?&#187;. 32Olya mulume akanya aj&#8217;ek&#224;, Labani ashwek&#251;la emizigo y&#8217;engamiya, anaziha eby&#226;si, anal&#234;rha am&#238;shi mpu oyo mulume boshi h&#8217;ab&#226;bo bashukemwo amagulu.</div><div class="p"> 33Bamul&#234;rhera ebiryo mpu aly&#232;. Ci kw&#244;ne ashuza, erhi: &#171;Ntalya ntanaciderha akanwa kandw&#238;rhe&#187;. Labani ashuza, erhi; &#171;Derhaga!&#187; 34Naye, erhi: &#171;Niono ndi mwambali wa Abrahamu.&#187; 35Nyamuzinda agishire nnaw&#238;rhu; akola &#224;b&#224; mugale, &#224;muh&#238;re ebintu bishw&#234;kwa, ebinyiny&#238; n&#8217;ebin&#234;n&#234;n&#232;, enfaranga n&#8217;amasholo, abambali n&#8217;abambalikazi, engamiya n&#8217;endogomi. 36Sara, muk&#224; nnaw&#238;rhu, Abrahamu, omu bugikulu bw&#226;ge, amuburhira omw&#226;narhabana, n&#8217;oyo mw&#226;narhabana ye afumbisire eby&#226;ge byoshi. 37Nnaw&#238;rhu andahirize, erhi: &#171;Irhondo orhah&#238;raga okarh&#244;lera mugala w&#226;ni omukazi omu banyere ba-nya-Kan&#226;ni, muli cino cihugo rhuy&#251;basiremwo. 38&#8220;Akab&#224; orhajiri omu nyumpa ya larha, omu b&#251;ko bw&#238;rhu okugend&#8217;ilogezamwo omukazi wah&#224; mugala w&#226;ni, erhi wamanahera!&#8221;&#187; 39Nabw&#238;zire nnaw&#238;rhu, nti: &#171;Hall amango oyo mukazi ankalahira bwankulikira&#187;. 40Naye anshuza, erhi: &#171;Nyamuzinda ny&#244;rha ngenda embere z&#226;ge, akurhumira malahika w&#226;ge akuluse akuhisakwo ehi walonza, ly&#8217;obonera mugala w&#226;ni omukazi w&#8217;omu b&#251;ko bw&#238;rhu n&#8217;omu nyumpa ya larha. 41W&#226;fuma ecihango erhi wankahika omu b&#251;ko bw&#238;rhu, bakanakuyima omukazi, ecihango cirhacikuyirhe&#187;. 42Ene mpika aha iriba naderha, nti: Nyamub&#226;ho Nyamuzinda wa nnaw&#238;rhu, we kasinga, oyerekane, akab&#224; olonzize okuhisa eyi njira ndimo kw&#8217;ehi nshimbire. 43Niono ndi hano iriba, omunyere way&#238;sh&#8217;al&#8217;id&#244;ma, n&#226;ni nkamubw&#238;ra, nti: Nkuh&#251;nyire omp&#232; n&#226;ni rhwishi rhusungunu rhw&#8217;omu kabindi k&#226;we, 44akanashuza, erhi: w&#234;ne onywage, nagend&#8217;id&#244;mera n&#8217;engamiya z&#226;we, erhi ye mukazi Nyamub&#226;ho ab&#238;k&#238;re mwene nnaw&#238;rhu. 45Ntali nciyusa naderha ebyo binwa omu murhima gw&#226;ni, ene Rebeka ayisha n&#8217;akabindi k&#226;ge oku cirhugo. Abungulukira ebw&#8217;iriba, anad&#244;ma. Namubw&#238;ra nti mp&#224; n&#226;ni nywe, we kasinga. 46Ho na halya, ak&#251;la akabindi k&#226;ge oku cirhugo, ederha, erhi: &#171;Nywaga nagend&#8217;id&#244;mera n&#8217;engamiya z&#226;we&#187;. Nanywire, agal&#8217;inyw&#234;sa n&#8217;engamiya z&#226;ni. 4 47Namud&#244;size, nti: Oli mw&#226;li wa ndi? Naye anshuza, erhi: &#171;Ndi mw&#226;li wa Betweli, mulume Milka aburhiraga Nahori&#187;. Oku bundi namuyambisa ehi higondo oku iz&#251;lu n&#8217;orhu rhulinga aha maboko. 48Aho, nafukamiriza nahar&#226;mya Nyamub&#226;ho, Nyamuzinda wa nnanw&#238;rhu Abrahamu, ye wali annongol&#238;ne omu njira nyinj&#224; mpu nt&#244;lere omugala mw&#226;li wa muci wa nn&#226;hamw&#238;rhu. 49Bun&#244;la akab&#224; mulonzize okuy&#234;reka nn&#226;hamw&#238;rhu oku mumus&#238;mire munamurhonyize, mumbw&#238;re n&#8217;akab&#224; nanga kandi mumbw&#238;re, lyo nyerekera ebwa kulyo erhi ebwa kumosho.</div><div class="p"> 50Labani bo na Betweli bashuza baderha, mpu: &#171;Ok&#251;la emwa Nyamuzinda kurhenzire, rhurhankahash&#8217;ikushuza nti n&#234;ci erhi nanga. 51Rebeka oyo embere z&#226;we: rh&#244;la ye omuh&#234;ke, aj&#8217;ib&#224; muk&#224; mwene nnawinyu nk&#8217;oku Nyamub&#226;ho anadesire&#187;. 52Erhi mwambali w&#8217;Abrahamu ayumva ebyo binwa, ahar&#226;mya embere za Nyamub&#226;ho. 53Ay&#244;mola ebisikiyo by&#8217;ec&#251;ma n&#8217;eby&#8217;amasholo, ay&#244;mola n&#8217;emishangi, aha Rebeka. Aha na mushinja w&#226;bo boshi na nnina ebindi bikulo.</div><div class="p"> 54Oku bundi b&#224;lya b&#224;nanywa bo n&#8217;ab&#226;bo b&#224;li boshi, banal&#226;la halya. S&#234;zi erhi bab&#224; bamaz&#251;ka, ederha, erhi: &#171;Mund&#238;ke nshubire emwa nnaw&#238;rhu&#187;. 55Mushinja wa Rebeka na nnina baderha, mpu: &#171;Oyu munyere arhang&#8217;ib&#234;ra hano zindi nsiku nk&#8217;ibirhi erhi ikumi n&#8217;enyuma z&#8217;aho anagenda&#187;. 56Abashuza, erhi: &#171;Murhacindegerezagya n&#8217;obwo Nyamub&#226;ho ampisizekwo ehi nalonzagya. Muleke ngende, nshubire emwa nnaw&#238;rhu&#187;. 57Banaciderha, mpu: &#171;Rhuhamagalage namunyere rhumud&#242;se naye kurhi adesire&#187;. 58Banacihamagala Rebeka bamud&#244;sa, mpu: &#171;K&#8217;olonzize okugenda mweshi n&#8217;oyu mulume?&#187; Naye anacishuza, erhi: &#171;N&#234;ci, nnonzize ngende&#187;. 59Okubundi, bah&#234;ka omunyere w&#226;bo Rebeka mpu agende bo n&#8217;omulezi w&#226;ge n&#8217;oyo mwambali w&#8217;Abrahamu na balya balume &#224;li boshi. 60Banacih&#224; Rebeka obwang&#224;, mpu: &#171;Woyo mw&#226;li w&#238;rhu oy&#244;loloke ohinduke bihumbi n&#8217;ebihumbi n&#8217;iburha ly&#226;we lihime enyumpa z&#8217;abashombanyi b&#226;lyo&#187;. 61Rebeka ayimuka boshi n&#8217;abambali-kazi, bashonera oku ngamiya, bakulikira olya mulume. Mwambali w&#8217;Abrahamu arh&#244;la Rebeka, bahira njira.</div><div class="p"> 62Ago mango Izaki &#224;li ayishire omu irungu ly&#8217;iriba lya Lahayi-Royi, bulya mwo ali ay&#251;basire omu cihugo ca N&#234;gebu. 63Izaki ahuluka mpu aj&#232; ac&#238;gezageza ebwa mashwa c&#226;j&#238;ngw&#232;, erhi ay&#238;namula amas&#249; alang&#238;ra engamiya zayisha. 64Rebeka naye mpu ay&#238;namula amas&#249;, alang&#238;ra Izaki, ashon&#244;ka oku ngamiya. 65Ad&#244;sa olya murhumisi, erhi: &#171;Ye ndi ola mulume wayisha alambagira omu ishwa anay&#234;rek&#238;re eno munda rhuli?&#187; 66Olya mushizi ashuza, erhi: &#171;Ye nn&#226;hamw&#238;rhu oyo&#187;. Namunyere arh&#244;la ecitambara ac&#238;hundikira co. Olya mushizi ashamb&#226;lira Izaki oku agendaga kwoshi. 67Izaki ah&#234;ka Rebeka omu cir&#226;lo c&#224;li ca nnina Sara, ayanka Rebeka, amujira muk&#226;ge, anamurhonya. Na ntyo Izaki arh&#251;l&#251;la, arhacilakaga oluf&#249; lwa nnina.</div>
 </div>
 </div>
</div>

Mashi Bible © BUKAVU Archdiocese of Bukavu, 2024.

Abrahamu ali akola mushosi wa myâka minji, Nyamubâho ali erhi amuhîre omugisho muli ngasi kantu. Abrahamu abwîra omwambali, mugula wâge omu bambali, ye wanakazâg’ilanga ebyâge byoshi, erhi: «Ohebe okuboko kwâwe idako ly’olurhungu lwâni, nakulahiriza oku izîno lya Nyamubâho Nyamuzinda w’empingu n’igulu, oku orhalongeze mugala wâni omukazi omu banyere b’Abanya-Kanâni nyûbasire ekarhî kâbo. Ci kwônene, yo wajà emwîrhu, omu mulala gwîrhu, mwo wacîshoga omukazi washebera mugala wâni Izaki». Omwambali anacimubwîra, erhi: «Haligi amango nyamukazi ankalahira mpu arhankulikire mwo cino cihugo, k’ago mango nanagalula mugala wâwe emunda warhengaga?» Abrahamu amushuza, erhi: «Nanga, orhahîraga okashubiza mugala wâni eyo munda. Nyamubâho, Nyamuzinda w’empingu, Nyamuzinda w’igulu yênene wantenzagya omu nyumpa ya larha, n’omu cihugo ca bene wîrhu, yêne ye wanshambâzagya anandaganya n’endahiro oku eci cihugo acîhà iburha lyâni. Yêne arhuma malahika wâge embere zâwe, lyo abonera mugala wâni omukazi eyo munda. Akabà oyo mukazi arhalonzizi okukushimba, orhacife n’ecihango, ci orhahîraga okashubiza mugala wâni eyo munda». Oku bundi omwambali ahira okuboko oku cibero ca nnawâbo Abrahamu, anacigashira olwo lubanja.
Nyamushizi anacirhôla ngamiya ikumi omu ngamiya za nnawâbo, anagendana n’oku ngasi hinjà nnawâbo ali agwêrhe, anacirikûla ajà entambiz’e Aram-Naharayimu omu lugo lwa Nahoro. Engamiya zâge azifukamya emuhanda gw’olugo, hôfi n’iriba, câjîngwè, gala mango abakazi banahuluka mpu bagend’idôma amîshi. Anaciderha, erhi: «Nyakasane, Nyamuzinda wa nnawîrhu Abrahamu, ongashânire ene, onayêrekane oku kurhonya orhonya mwambali wâwe Abrahamu. “Niono nyimanzire hano iriba, na bali b’abantu ba mw’olu lugo, bakola bayish’idôma amîshi.”» Omwânanyere nakabwîra, nti: «Hengeka akabindi kâwe ompè nâni nywe, akananshuza, erhi: Nêci, nywaga onaleke nywese n’engamiya zâwe, erhi ye mukazi wali obikîre mwambali wâwe Izaki, co cimanyîso namanyirakwo oku orhonyize nnawîrhu».
Oku arhaciyusa aderha, Rebeka, mwâli wa Betweli, mwene Milka, mukà Nahoro, mulumuna wa Abrahamu ayisha n’akabindi oku cirhugo. Oyo munyere ali mwinjinjà, mwânanyere mushugi, ntà mulume walisag’imuyegêra, abungulukira aha iriba abumba akabindi kâge anarherema. Olya mushizi akanya aj’imurhangîra, amubwîra, erhi: «Mâshi, oleke nywe rhwishi rhutya kw’ago gali omu kabindi kâwe». Olya munyere anacishuza, erhi: «Nywaga, Yâgirwa». Anaciyandagaliza dubaduba akabindi omu nfune mpu amunywese. Erhi ayûs’imunywesa, anaciderha, erhi: «Nkola naj’idômera n’engamiya zâwe, kuhika zihâge». Anacidubulira galya mîshi duba duba omu ciranga ashubirira aha iriba mpu adôme, anadômera engamiya zoshi. Olya mulume oku ahuluka, akaz’imusinza, erhi anadwîrhe acîdôsa erhi nanga erhi nêci Nyamubâho amuhisize.
Erhi engamiya ziyus’inywa, olya mulume arhôla ehigondo hy’amasholo hya buzirho bwa luhande luguma lw’esikeli, amuyambisahyo, anacirhôla na rhulinga rhubirhi rhwa masholo rhwa buzirho bwa sikêli ikumi amuyambisa rhwo ekuboko. Anacimubwîra, erhi: «Oli mwâli wa ndi? K’aha mwinyu, sho ankabona aha abantu bahanda?» Ashuza, erhi: «Ndi mwâli wa Betweli, mugala wa Milka mwene Nahori». Ashub’iderha, erhi: «Nêci aha mwîrhu bali ebyâsi birhali binyi, hanaboneka n’ecirâlo». Oku bundi olya mulume afukama aharâmya Nyamubâho, ederha, erhi: «Oyâgirwe Nyakasane, Nyamuzinda wa nnawîrhu Abrahamu, ôrharhînyirîre okurhonya n’okulumehera nnâhamwîrhu. Nyamubâho yêne oyûla onnongolîne kuhika aha mwa mwene wâbo nnâhamwîrhu». Olya mwânanyere alibirha aj’ibwîra nnina ebyabîre. Rebeka àli agwêrhe mushinja wâbo, izîno lyâge ye Labani, Labani anacilibirhira embuga emunda olya mulume ali, ebw’iriba. Erhi abà amâbona ehigondo n’orhulinga mwâli wâbo ali ayambîrhe, n’erhi abà amâyumva mwâli wâbo Rebeka ederha, erhi: «Kw’oyo mulume ambwîzire ntyo», ago mango alibirhira emunda nyamulume ali, amushimâna aciyimanzire aha burhambi bw’engamiya ah’iriba. Anacimubwîra, erhi: «Yisha mugishwa wa Nyamubâho! Cici cirhumire obêra embuga n’obwo narheganyize enyumpa n’ahantu engamiya zâwe zabêra?». Olya mulume akanya aj’ekà, Labani ashwekûla emizigo y’engamiya, anaziha ebyâsi, analêrha amîshi mpu oyo mulume boshi h’abâbo bashukemwo amagulu.
Bamulêrhera ebiryo mpu alyè. Ci kwône ashuza, erhi: «Ntalya ntanaciderha akanwa kandwîrhe». Labani ashuza, erhi; «Derhaga!» Naye, erhi: «Niono ndi mwambali wa Abrahamu.» Nyamuzinda agishire nnawîrhu; akola àbà mugale, àmuhîre ebintu bishwêkwa, ebinyinyî n’ebinênênè, enfaranga n’amasholo, abambali n’abambalikazi, engamiya n’endogomi. Sara, mukà nnawîrhu, Abrahamu, omu bugikulu bwâge, amuburhira omwânarhabana, n’oyo mwânarhabana ye afumbisire ebyâge byoshi. Nnawîrhu andahirize, erhi: «Irhondo orhahîraga okarhôlera mugala wâni omukazi omu banyere ba-nya-Kanâni, muli cino cihugo rhuyûbasiremwo. “Akabà orhajiri omu nyumpa ya larha, omu bûko bwîrhu okugend’ilogezamwo omukazi wahà mugala wâni, erhi wamanahera!”» Nabwîzire nnawîrhu, nti: «Hall amango oyo mukazi ankalahira bwankulikira». Naye anshuza, erhi: «Nyamuzinda nyôrha ngenda embere zâge, akurhumira malahika wâge akuluse akuhisakwo ehi walonza, ly’obonera mugala wâni omukazi w’omu bûko bwîrhu n’omu nyumpa ya larha. Wâfuma ecihango erhi wankahika omu bûko bwîrhu, bakanakuyima omukazi, ecihango cirhacikuyirhe». Ene mpika aha iriba naderha, nti: Nyamubâho Nyamuzinda wa nnawîrhu, we kasinga, oyerekane, akabà olonzize okuhisa eyi njira ndimo kw’ehi nshimbire. Niono ndi hano iriba, omunyere wayîsh’al’idôma, nâni nkamubwîra, nti: Nkuhûnyire ompè nâni rhwishi rhusungunu rhw’omu kabindi kâwe, akanashuza, erhi: wêne onywage, nagend’idômera n’engamiya zâwe, erhi ye mukazi Nyamubâho abîkîre mwene nnawîrhu. Ntali nciyusa naderha ebyo binwa omu murhima gwâni, ene Rebeka ayisha n’akabindi kâge oku cirhugo. Abungulukira ebw’iriba, anadôma. Namubwîra nti mpà nâni nywe, we kasinga. Ho na halya, akûla akabindi kâge oku cirhugo, ederha, erhi: «Nywaga nagend’idômera n’engamiya zâwe». Nanywire, agal’inywêsa n’engamiya zâni. 4 Namudôsize, nti: Oli mwâli wa ndi? Naye anshuza, erhi: «Ndi mwâli wa Betweli, mulume Milka aburhiraga Nahori». Oku bundi namuyambisa ehi higondo oku izûlu n’orhu rhulinga aha maboko. Aho, nafukamiriza naharâmya Nyamubâho, Nyamuzinda wa nnanwîrhu Abrahamu, ye wali annongolîne omu njira nyinjà mpu ntôlere omugala mwâli wa muci wa nnâhamwîrhu. Bunôla akabà mulonzize okuyêreka nnâhamwîrhu oku mumusîmire munamurhonyize, mumbwîre n’akabà nanga kandi mumbwîre, lyo nyerekera ebwa kulyo erhi ebwa kumosho.
Labani bo na Betweli bashuza baderha, mpu: «Okûla emwa Nyamuzinda kurhenzire, rhurhankahash’ikushuza nti nêci erhi nanga. Rebeka oyo embere zâwe: rhôla ye omuhêke, aj’ibà mukà mwene nnawinyu nk’oku Nyamubâho anadesire». Erhi mwambali w’Abrahamu ayumva ebyo binwa, aharâmya embere za Nyamubâho. Ayômola ebisikiyo by’ecûma n’eby’amasholo, ayômola n’emishangi, aha Rebeka. Aha na mushinja wâbo boshi na nnina ebindi bikulo.
Oku bundi bàlya bànanywa bo n’abâbo bàli boshi, banalâla halya. Sêzi erhi babà bamazûka, ederha, erhi: «Mundîke nshubire emwa nnawîrhu». Mushinja wa Rebeka na nnina baderha, mpu: «Oyu munyere arhang’ibêra hano zindi nsiku nk’ibirhi erhi ikumi n’enyuma z’aho anagenda». Abashuza, erhi: «Murhacindegerezagya n’obwo Nyamubâho ampisizekwo ehi nalonzagya. Muleke ngende, nshubire emwa nnawîrhu». Banaciderha, mpu: «Rhuhamagalage namunyere rhumudòse naye kurhi adesire». Banacihamagala Rebeka bamudôsa, mpu: «K’olonzize okugenda mweshi n’oyu mulume?» Naye anacishuza, erhi: «Nêci, nnonzize ngende». Okubundi, bahêka omunyere wâbo Rebeka mpu agende bo n’omulezi wâge n’oyo mwambali w’Abrahamu na balya balume àli boshi. Banacihà Rebeka obwangà, mpu: «Woyo mwâli wîrhu oyôloloke ohinduke bihumbi n’ebihumbi n’iburha lyâwe lihime enyumpa z’abashombanyi bâlyo». Rebeka ayimuka boshi n’abambali-kazi, bashonera oku ngamiya, bakulikira olya mulume. Mwambali w’Abrahamu arhôla Rebeka, bahira njira.
Ago mango Izaki àli ayishire omu irungu ly’iriba lya Lahayi-Royi, bulya mwo ali ayûbasire omu cihugo ca Nêgebu. Izaki ahuluka mpu ajè acîgezageza ebwa mashwa câjîngwè, erhi ayînamula amasù alangîra engamiya zayisha. Rebeka naye mpu ayînamula amasù, alangîra Izaki, ashonôka oku ngamiya. Adôsa olya murhumisi, erhi: «Ye ndi ola mulume wayisha alambagira omu ishwa anayêrekîre eno munda rhuli?» Olya mushizi ashuza, erhi: «Ye nnâhamwîrhu oyo». Namunyere arhôla ecitambara acîhundikira co. Olya mushizi ashambâlira Izaki oku agendaga kwoshi. Izaki ahêka Rebeka omu cirâlo càli ca nnina Sara, ayanka Rebeka, amujira mukâge, anamurhonya. Na ntyo Izaki arhûlûla, arhacilakaga olufù lwa nnina.

Ακρόαση Murhondêro 24