Texte de la Bible: Azumeina © Alliance Biblique du Tchad, 1999 Enregistrement du Nouveau Testament Azumeina ℗ 2012 Hosanna

Azumeina - 2012 Edition (NT) Drama

<div class="version vid855 iso6393mpg" data-vid="855" data-iso6393="mpg">
 <div class="book bkLUK">
 <div class="chapter ch16" data-usfm="LUK.16">
 <div class="label">16</div><div class="s">Ma ngom ahle ma lemba</div><div class="p"> 1Jesus mi de mi mam suma hata ala: Sama ndjondjo&#238;na mi nga ki sa mam ma ngom ahlena. Suma a mba de mi salama ala: Sa mang&#226; nga mi b&#8217;lagang ahligiyeng ngeyo. 2Salama mi yumu, mi dum ala: Ni zla me an humut kang na ge? Ang ndumun ahle mana, ang dok kak sama ngom ahle mana d&#8217;uo d&#8217;a. 3Ma ngom ahlena mi de kurum ala: An mba ni le ni nana? Kayam salana nga mi digin ndei kur sun nda ngom ahlena. Ad&#8217;eng&#234;n nga &#225; zum mbi, zulona nga mi lan &#225; tchen ahlena mi. 4An we vama an mba ni lena. Hina wani, fata a digin ndei kur sun nda ngom ahlenid&#8217;a, suma a mba van avo hataziya.</div><div class="p"> 5Mi yi suma bal&#226; hi salama kazina tutu pet. Mi de mi ma avo&#8217;&#226; ala: Bal&#226; hi salanina kang&#238; ga ge? 6Ma bal&#226; kama mi dala: Gogong ma nga mbul&#226; kis. Ma ngom ahlena mi dum ala: Ang hle&#239; mbaktum mang nga bal&#226;, ang kak k&#228; tchetchem, ang mbut mbaktum mang nga bal&#226; gogong ma ngad&#8217;a dok vahl.</div><div class="p"> 7Bugola, mi de mi ma bal ma ding&#226; ala: Bal&#226; kang&#238; ga ge? Ma bal&#226; kama mi dum ala: Gogong ma nga gemena kikis vahl. Ma ngom ahlena mi dum ala: Ang hle&#239; mbaktum mang nga bal&#226;, ang mbud&#8217;ut kikis fid&#8217;i.</div><div class="p"> 8Ma ngom ahle ma bei d&#8217;ing&#234;r&#226;, salama mi suburum yam lem mba mi lata, kayam suma kur atchogoi d&#8217;a wandina a kal suma a nga kur b&#8217;od&#8217;ina ki lemba kur atchogoi mazid&#8217;a.</div><div class="p"> 9An nga ni dagiya, vagi banad&#8217;a ki ndjondjo&#238; magid&#8217;a kur duniyad&#8217;a. Ata yima ti dapma, a mba vagi atazi kur az&#236; ma didina. 10Sama d&#8217;engzeng yam ahle suma akid&#8217;einina, ni sama d&#8217;engzeng yam ahle suma nglona mi. Sama bei d&#8217;engzeng yam ahle suma akid&#8217;einina, ni sama bei d&#8217;engzeng yam ahle suma nglona mi. 11Kayam ndata, le agi nga d&#8217;engzeng yam ndjondjo&#238; d&#8217;a bei d&#8217;ing&#234;ra d&#8217;uo ni, sama mba mi hagi ndjondjo&#238; d&#8217;a gagazid&#8217;a &#225; ngomba ni nge? 12Le agi nga d&#8217;engzeng yam ahlena hi sama ding nguo ni, ni nge mba mi hagi magina ge?</div><div class="p"> 13Azong ma tuna mi ndak &#225; le sunda mi suliyod&#8217;a mb&#224; d&#8217;i, wani mba mi no&#238; ma tuna, mba mi le yam ma ding&#226; mi, d&#8217;oze mba mi kak ki ma tuna, mba mi ar ma ding&#226; woi mi. Agi ndagagi nga &#225; lagi sunda mAlona ki beged&#8217;a djak ki.</div><div class="s">Jesus mi de woi yam ahlena teteng</div><div class="r">(Gol Mat 11.12-13; 5.31-32; Mar 10.11-12)</div><div class="p"> 14Fariziy&#234;na a hum zla ndata pet, a ngulumu, kayam azi ni suma a le yam beged&#8217;ina. 15Jesus mi dazi ala: Agi ni suma min &#225; mbut tagi d&#8217;ing&#234;r avok sumina, wani Alona mi wagi hurugiya, kayam vama suma suburum adigazina ni vama tchona avok Alona.</div><div class="p"> 16Gata hi Moise-sa ki mbaktumba hi suma djok vun Alonid&#8217;a a ei nadjeu dei gak mba kur atchogoid&#8217;a hi Jean ma le suma batembid&#8217;a. Tin ad&#8217;ud&#8217;a kur bur m&#225;ma dei gak suma a nga tchi wal Zla d&#8217;a Djivid&#8217;a yam leud&#8217;a hAlonid&#8217;a. Nge nge p&#238; nga mi b&#8217;at tam kad&#8217;enga &#225; kal kua. 17Akulod&#8217;a kandagad&#8217;a a mba kal leyo, wani b&#8217;ir ra klera hi gatid&#8217;a mba d&#8217;i kal lei hawa d&#8217;i.</div><div class="p"> 18Sama lara ma mi dik amamba woi mi vatcha d&#8217;a dingina, mi le ni mizeuna. Sama vatcha d&#8217;a ndjuvut mi digit teid&#8217;a, mi le ni mizeuna mi.</div><div class="s">Ma ndjondjo&#238;na azi ki Lazar</div><div class="p"> 19Adjeu sama ndjondjo&#238;na mi nga. Nga mi tchuk baru d&#8217;a hleud&#8217;a ki baru d&#8217;a hap pa guzut kal teglesa atamu. Bur&#226; ki bur&#226; mi nga kaka ki fur&#238;d&#8217;a ki tena. 20Ma ding ma houd&#8217;a nga, simiy&#234;m ala Lazar, tam pet ni mbuleina. Mi nga bur k&#228; avun azina hi sama ndjondjo&#238; m&#225;ma. 21Mi min &#225; te bubuk te ma nga mi yak k&#228; ad&#8217;u tabul&#226; hi sama ndjondjo&#238;nina. Adureina p&#238; a mba a tr&#226;m mbilimu. 22Ma houd&#8217;a mi mid&#8217;a, malaikana a hlum s&#228; gen Abraham. Ma ndjondjo&#238;na mi mit mi, a tozomu.</div><div class="p"> 23Nga mi fe ndaka ata yima azuleina. Mi hle iram akulo, mi we Abraham s&#228; woi hina dei, Lazar s&#228; gevem mi. 24Mi nde mi tchiya, mi dala: Abun Abraham, ang wan hohowonu, ang sun&#239; Lazar, kayam mi nik yam tchitchid&#8217;am aduk mbina, mi b&#8217;leng&#234;n ki sinanu, kayam an nga ni fe ndaka aduk akud&#8217;a he&#238;.</div><div class="p"> 25Wani Abraham mi hulong dum ala: Gorona, ang djib&#8217;er djiviya. Ata yima ang nga kur duniyad&#8217;ina, ang fe ni djivid&#8217;a, wani Lazar mi fe ni ndaka. Ki tchetchemba, a b&#8217;leng&#234;m wa hurum ka h&#238;, wani ang nga kur ndaka. 26Le hina d&#8217;uo p&#238;, gring ma ngol&#226; mi nga adigeya. Suma a min &#225; tchol ka h&#238; &#225; iza geveng&#238;na a ndak ki, suma tchol s&#228; h&#238; &#225; mba ka h&#238; gevemina a ndak kuo mi.</div><div class="p"> 27Ma ndjondjo&#238;na mi dala: Abunu, le hina ni, an nga ni tcheneng&#251;, ang sun Lazar avo habunu, 28kayam b&#8217;oziyona a nga vahl. Mi dazi zlad&#8217;a, ar azi mba kur ndak ka wanda d&#8217;i. 29Wani Abraham mi hulong dum ala: Azi nga ki Moise azi ki suma djok vun Alona &#225; daziya; ar azi humuziya!</div><div class="p"> 30Mi dum ala: Nga na d&#8217;i, abun Abraham. Wani le sana mi tchol&#239; ata yima azuleina ka h&#238; mi i geveziya ni, a mba mbut huruzi yam tcho mazid&#8217;a.</div><div class="p"> 31Abraham mi hulong dum ala: Le azi hum Moise azi ki suma djok vun Alona d&#8217;uo ni, sana le mi tchol akulo aduk suma matna p&#238;, azi mba humum mbi.</div>
 </div>
 </div>
</div>

Azumeina Bible © Alliance Biblique du Tchad, 1999.

Jesus mi de mi mam suma hata ala: Sama ndjondjoîna mi nga ki sa mam ma ngom ahlena. Suma a mba de mi salama ala: Sa mangâ nga mi b’lagang ahligiyeng ngeyo. Salama mi yumu, mi dum ala: Ni zla me an humut kang na ge? Ang ndumun ahle mana, ang dok kak sama ngom ahle mana d’uo d’a. Ma ngom ahlena mi de kurum ala: An mba ni le ni nana? Kayam salana nga mi digin ndei kur sun nda ngom ahlena. Ad’engên nga á zum mbi, zulona nga mi lan á tchen ahlena mi. An we vama an mba ni lena. Hina wani, fata a digin ndei kur sun nda ngom ahlenid’a, suma a mba van avo hataziya.
Mi yi suma balâ hi salama kazina tutu pet. Mi de mi ma avo’â ala: Balâ hi salanina kangî ga ge? Ma balâ kama mi dala: Gogong ma nga mbulâ kis. Ma ngom ahlena mi dum ala: Ang hleï mbaktum mang nga balâ, ang kak kä tchetchem, ang mbut mbaktum mang nga balâ gogong ma ngad’a dok vahl.
Bugola, mi de mi ma bal ma dingâ ala: Balâ kangî ga ge? Ma balâ kama mi dum ala: Gogong ma nga gemena kikis vahl. Ma ngom ahlena mi dum ala: Ang hleï mbaktum mang nga balâ, ang mbud’ut kikis fid’i.
Ma ngom ahle ma bei d’ingêrâ, salama mi suburum yam lem mba mi lata, kayam suma kur atchogoi d’a wandina a kal suma a nga kur b’od’ina ki lemba kur atchogoi mazid’a.
An nga ni dagiya, vagi banad’a ki ndjondjoî magid’a kur duniyad’a. Ata yima ti dapma, a mba vagi atazi kur azì ma didina. Sama d’engzeng yam ahle suma akid’einina, ni sama d’engzeng yam ahle suma nglona mi. Sama bei d’engzeng yam ahle suma akid’einina, ni sama bei d’engzeng yam ahle suma nglona mi. Kayam ndata, le agi nga d’engzeng yam ndjondjoî d’a bei d’ingêra d’uo ni, sama mba mi hagi ndjondjoî d’a gagazid’a á ngomba ni nge? Le agi nga d’engzeng yam ahlena hi sama ding nguo ni, ni nge mba mi hagi magina ge?
Azong ma tuna mi ndak á le sunda mi suliyod’a mbà d’i, wani mba mi noî ma tuna, mba mi le yam ma dingâ mi, d’oze mba mi kak ki ma tuna, mba mi ar ma dingâ woi mi. Agi ndagagi nga á lagi sunda mAlona ki beged’a djak ki.


Fariziyêna a hum zla ndata pet, a ngulumu, kayam azi ni suma a le yam beged’ina. Jesus mi dazi ala: Agi ni suma min á mbut tagi d’ingêr avok sumina, wani Alona mi wagi hurugiya, kayam vama suma suburum adigazina ni vama tchona avok Alona.
Gata hi Moise-sa ki mbaktumba hi suma djok vun Alonid’a a ei nadjeu dei gak mba kur atchogoid’a hi Jean ma le suma batembid’a. Tin ad’ud’a kur bur máma dei gak suma a nga tchi wal Zla d’a Djivid’a yam leud’a hAlonid’a. Nge nge pî nga mi b’at tam kad’enga á kal kua. Akulod’a kandagad’a a mba kal leyo, wani b’ir ra klera hi gatid’a mba d’i kal lei hawa d’i.
Sama lara ma mi dik amamba woi mi vatcha d’a dingina, mi le ni mizeuna. Sama vatcha d’a ndjuvut mi digit teid’a, mi le ni mizeuna mi.

Adjeu sama ndjondjoîna mi nga. Nga mi tchuk baru d’a hleud’a ki baru d’a hap pa guzut kal teglesa atamu. Burâ ki burâ mi nga kaka ki furîd’a ki tena. Ma ding ma houd’a nga, simiyêm ala Lazar, tam pet ni mbuleina. Mi nga bur kä avun azina hi sama ndjondjoî máma. Mi min á te bubuk te ma nga mi yak kä ad’u tabulâ hi sama ndjondjoînina. Adureina pî a mba a trâm mbilimu. Ma houd’a mi mid’a, malaikana a hlum sä gen Abraham. Ma ndjondjoîna mi mit mi, a tozomu.
Nga mi fe ndaka ata yima azuleina. Mi hle iram akulo, mi we Abraham sä woi hina dei, Lazar sä gevem mi. Mi nde mi tchiya, mi dala: Abun Abraham, ang wan hohowonu, ang sunï Lazar, kayam mi nik yam tchitchid’am aduk mbina, mi b’lengên ki sinanu, kayam an nga ni fe ndaka aduk akud’a heî.
Wani Abraham mi hulong dum ala: Gorona, ang djib’er djiviya. Ata yima ang nga kur duniyad’ina, ang fe ni djivid’a, wani Lazar mi fe ni ndaka. Ki tchetchemba, a b’lengêm wa hurum ka hî, wani ang nga kur ndaka. Le hina d’uo pî, gring ma ngolâ mi nga adigeya. Suma a min á tchol ka hî á iza gevengîna a ndak ki, suma tchol sä hî á mba ka hî gevemina a ndak kuo mi.
Ma ndjondjoîna mi dala: Abunu, le hina ni, an nga ni tchenengû, ang sun Lazar avo habunu, kayam b’oziyona a nga vahl. Mi dazi zlad’a, ar azi mba kur ndak ka wanda d’i. Wani Abraham mi hulong dum ala: Azi nga ki Moise azi ki suma djok vun Alona á daziya; ar azi humuziya!
Mi dum ala: Nga na d’i, abun Abraham. Wani le sana mi tcholï ata yima azuleina ka hî mi i geveziya ni, a mba mbut huruzi yam tcho mazid’a.
Abraham mi hulong dum ala: Le azi hum Moise azi ki suma djok vun Alona d’uo ni, sana le mi tchol akulo aduk suma matna pî, azi mba humum mbi.

Ακρόαση Luc 16