Bicolano, Central - Bikol Popular Version (NT) Drama

Bicolano, Central - Bikol Popular Version (NT)

<div class="version vid890 iso6393bcl" data-vid="890" data-iso6393="bcl">
 <div class="book bkJHN">
 <div class="chapter ch12" data-usfm="JHN.12">
 <div class="label">12</div><div class="s">Binuboan nin Pahamot si Jesus sa Betania</div><div class="r">(Mt. 26:6-13; Mk. 14:3-9)</div><div class="p"> 1Anom na aldaw bago an Paskwa, nag-abot si Jesus sa Betania, an banwaan ni Lazaro, an tawong binuhay niya liwat. 2Nag-andam sinda duman nin pamanggihan para saiya. Si Marta an naglingkod; si Lazaro saro kan mga kasabay ni Jesus magkakan. 3Nagkua si Maria nin kabangang litro nin mahalon na pahamot na nardo saka inula iyan sa mga bitis ni Jesus. Dangan pinahidan niya ini kan saiyang buhok. Napano kan hamot an bilog na harong. 4Saro kan mga disipulo ni Jesus, si Judas Iscariote na iyo an mapasaluib saiya, nagsabi, 5&#8220;Tadaw ta dai na sana ipinabakal an pahamot na iyan sa halagang tres syentos na kwartang plata, saka itao sa mga dukha an kabaklan?&#8221; 6Sinabi niya ini bakong huli ta may pagkamakulog siya sa mga dukha, kundi huli ta parahabon siya. Siya an nagkakapot kan supot nin kwarta, kaya nakakakua siya kan ilinalaog digdi.</div><div class="p"> 7Alagad nagsabi si Jesus, &#8220;Pabayae sana nindo siya! Tagama niya iyan para sa aldaw kan paglubong sako. 8Danay na nasa kaibahan nindo an mga dukha, alagad bako akong danay na kaiba nindo.&#8221;</div><div class="s">An Plano Tumang ki Lazaro</div><div class="p"> 9Nabaretaan kan dakul na Judio na si Jesus nasa Betania, kaya nagduman sinda, bako sana huli saiya, kundi tanganing mahiling man ninda si Lazaro na binuhay niya liwat. 10Kaya nagplano an mga poon na padi na gadanon man si Lazaro, 11nin huli ta dakul na Judio an nagbaya sainda asin nagtubod ki Jesus dahel saiya.</div><div class="s">An Mapangganang Paglaog sa Jerusalem</div><div class="r">(Mt. 21:1-11; Mk. 11:1-11; Lk. 19:28-40)</div><div class="p"> 12Sunod na aldaw, naaraman kan dakul na tawong nagdatong para sa Pyesta nin Paskwa na maabot si Jesus sa Jerusalem. 13Kaya nagkua sinda nin mga sanga nin palma saka sinabat siya sa luwas kan syudad. Nagkurahaw sinda, &#8220;Osana! Paladan an minadatong sa ngaran nin Kagurangnan! Osana sa Hade nin Israel!&#8221;</div><div class="p"> 14Nakakua si Jesus nin ogbon na asno asin saiyang linunadan; siring sa nasusurat,</div><div class="p"> 15&#8220;Dai ka matakot, syudad nin Sion!</div><div class="q1">Uya, an saimong hade nagdadatong,</div><div class="q2">nakalunad sa sarong ogbon na asno!&#8221;</div><div class="p"> 16An mga bagay na ini dai nasabotan kan saiyang mga disipulo kaidto; alagad kan si Jesus pinagmuraway na, naromdoman ninda na an gabos na ini sinurat dapit saiya asin ini ginibo sa saiya.</div><div class="p"> 17An mga tawong nakahiling kan buhayon liwat ni Jesus si Lazaro dangan paluwason sa lulubngan, nag-osipon kan pangyayaring ini. 18Kaya nagsabat saiya an mga tawo huli ta nabaretaan ninda ining ngangalasan na ginibo niya. 19Dangan nagpasarabi-sabi an mga Fariseo, &#8220;Mayo na kitang magiginibo! Hilinga ta pinagsusunod na siya kan bilog na kinaban!&#8221;</div><div class="s">Hinanap si Jesus nin Nagkapirang Griyego</div><div class="p"> 20May mga Griyego man na nagduman sa Jerusalem para sa pyesta tanganing magsamba. 21Dinolok ninda si Felipe na taga Betsaida sa Galilea, dangan nakiolay saiya, &#8220;Boot ming mahiling si Jesus.&#8221;</div><div class="p"> 22Sinabi ini ni Felipe ki Andres, kaya nagduman sindang duwa ki Jesus saka inosip ninda ini saiya. 23Nagsabi si Jesus, &#8220;Nag-abot na an oras na papamurawayon an Aki nin Tawo. 24Sa katotoohan sinasabihan ko kamo, kun an sarong banhi nin trigo dai mahulog sa daga saka magadan, danay na saro sana iyan. Alagad kun iyan magadan, mamumunga iyan nin dakul. 25An siisay man na namomoot na magligtas kan saiyang buhay, mawawaraan kaiyan; alagad an siisay man na naoongis sa saiyang buhay sa kinaban na ini, magkakamit kaiyan para sa buhay na daing kataposan. 26An boot maglingkod sako dapat magsunod sako, tanganing kun saen ako, duman man an naglilingkod sako. Oomawon kan Ama ko an siisay man na naglilingkod sako.&#8221;</div><div class="s">Sinabi ni Jesus an Saiyang Pagkagadan</div><div class="p"> 27&#8220;Ngunyan napupurisaw an sakong kalag. Ano an sasabihon ko? Masabi daw ako, &#8216;Ama, ligtasan ako sa oras na ini&#8217;? Dai! Huli ta ini an dahelan kun tadaw ta nagdigdi ako&#8212;tanganing agihan ko an oras na ini nin kasakitan. 28Ama, pamurawayon mo an saimong ngaran!&#8221;</div><div class="p">Dangan nadangog an sarong tingog hale sa langit na nagsabi, &#8220;Pinamuraway ko na asin papamurawayon ko giraray iyan.&#8221;</div><div class="p"> 29Nadangog ini kan mga tawong nagtitindog duman. Nagsabi an iba, &#8220;Nagdaguldol!&#8221; Nagsabi man an iba, &#8220;May anghel na nagtaram saiya!&#8221;</div><div class="p"> 30Alagad sinabihan sinda ni Jesus, &#8220;Ipinadangog an tingog na ini dahel saindo, bakong dahel sako. 31Panahon na nganing hukoman an kinaban. Ngunyan isisikwal na an kagsakop kaining kinaban. 32Kun ako iitaas na hale sa daga, titiponon ko sa sako an gabos na tawo.&#8221; (33Sinabi niya ini nganing ipahayag kun paano siya magagadan.)</div><div class="p"> 34Nagsimbag an mga tawo, &#8220;Sinasabi sa Katogonan na an Cristo magdadanay sagkod pa man. Tadaw ta sinasabi mong dapat iitaas an Aki nin Tawo? Siisay ining Aki nin Tawo?&#8221;</div><div class="p"> 35Nagsimbag si Jesus, &#8220;Dikit na panahon na sanang makakaiba nindo an ilaw. Maglakaw na kamo mantang kaiba pa nindo an ilaw, tanganing dai kamo maabotan kan diklom. Dai aram kan naglalakaw sa diklom kun saen siya maduman. 36Kaya ngani, tumubod kamo sa ilaw mantang yaon pa iyan saindo, tanganing magin kamong mga aki nin ilaw.&#8221;</div><div class="s">Dai Nagtubod ki Jesus an mga Judio</div><div class="p">Pakasabi ni Jesus kaini, naghale siya dangan tinagoan niya sinda. 37Dai pa nanggad nagtubod an mga tawo saiya, maski nahiling nindang ginibo niya an dakul na milagro, 38tanganing maotob an sinabi ni Propeta Isaias,</div><div class="q1">&#8220;Kagurangnan, siisay an nagtubod sa samong bareta?</div><div class="q1">Siisay an pinahilingan nin Kagurangnan kan saiyang kapangyarihan?&#8221;</div><div class="p"> 39Kaya dai sinda nagtubod huli ta sinabi pa ni Isaias,</div><div class="q1"> 40&#8220;Binuta sinda nin Dios,</div><div class="q2">pinatagas niya an saindang mga payo,</div><div class="q1">tanganing dai sinda makahiling,</div><div class="q2">asin dai sinda makasabot, patin dai makabalik sako,</div><div class="q2">nganing paomayan ko sinda.&#8221;</div><div class="p"> 41Sinabi ini ni Isaias huli ta nahiling niya an kamurawayan ni Jesus, kaya nagtaram siya dapit saiya.</div><div class="p"> 42Alagad, dakul na lider kan mga Judio an nagtubod ki Jesus; alagad dai sana ninda ini ipinahayag huli ta takot sinda sa mga Fariseo&#8212;tibaad isikwal sinda kan mga ini sa sinagoga. 43Orog nindang namomotan an pag-omaw kan mga tawo ki sa pag-omaw nin Dios.</div><div class="s">An Tataramon ni Jesus iyo an Mahukom</div><div class="p"> 44Nagtaram si Jesus sa makosog na tingog, &#8220;An minatubod sako, minatubod bako sana sako kundi sa nagsugo man sako. 45An nakakahiling sako, nakakahiling man sa nagsugo sako. 46Nagdigdi ako bilang ilaw sa kinaban, tanganing an mga minatubod sako dai magdanay sa kadikloman. 47An nagdadangog kan sakong mga tataramon asin dai minakuyog kaiyan, dai ko hinuhukoman. Huli ta dai ako nagdigdi sa paghukom kan kinaban, kundi sa pagligtas kaiyan. 48May mahukom sa kiisay man na magsikwal sako asin dai mag-ako kan sakong mga tataramon: an mga tataramon na ipinahayag ko iyo an mahukom saiya sa huring aldaw! 49Huli ta dai ako nagtaram sa sadiri kong kabotan; an Ama na nagsugo sako iyo an nagboot kun ano an dapat kong itaram saka itukdo. 50Aram ko na an saiyang pagboot nagtatao nin buhay na daing kataposan. Kaya an ipinapasabi kan Ama, iyo an sinasabi ko.&#8221;</div>
 </div>
 </div>
</div>

Marahay na Bareta Biblia © Philippine Bible Society, 1992.

Anom na aldaw bago an Paskwa, nag-abot si Jesus sa Betania, an banwaan ni Lazaro, an tawong binuhay niya liwat. Nag-andam sinda duman nin pamanggihan para saiya. Si Marta an naglingkod; si Lazaro saro kan mga kasabay ni Jesus magkakan. Nagkua si Maria nin kabangang litro nin mahalon na pahamot na nardo saka inula iyan sa mga bitis ni Jesus. Dangan pinahidan niya ini kan saiyang buhok. Napano kan hamot an bilog na harong. Saro kan mga disipulo ni Jesus, si Judas Iscariote na iyo an mapasaluib saiya, nagsabi, “Tadaw ta dai na sana ipinabakal an pahamot na iyan sa halagang tres syentos na kwartang plata, saka itao sa mga dukha an kabaklan?” Sinabi niya ini bakong huli ta may pagkamakulog siya sa mga dukha, kundi huli ta parahabon siya. Siya an nagkakapot kan supot nin kwarta, kaya nakakakua siya kan ilinalaog digdi.
Alagad nagsabi si Jesus, “Pabayae sana nindo siya! Tagama niya iyan para sa aldaw kan paglubong sako. Danay na nasa kaibahan nindo an mga dukha, alagad bako akong danay na kaiba nindo.”

Nabaretaan kan dakul na Judio na si Jesus nasa Betania, kaya nagduman sinda, bako sana huli saiya, kundi tanganing mahiling man ninda si Lazaro na binuhay niya liwat. Kaya nagplano an mga poon na padi na gadanon man si Lazaro, nin huli ta dakul na Judio an nagbaya sainda asin nagtubod ki Jesus dahel saiya.


Sunod na aldaw, naaraman kan dakul na tawong nagdatong para sa Pyesta nin Paskwa na maabot si Jesus sa Jerusalem. Kaya nagkua sinda nin mga sanga nin palma saka sinabat siya sa luwas kan syudad. Nagkurahaw sinda, “Osana! Paladan an minadatong sa ngaran nin Kagurangnan! Osana sa Hade nin Israel!”
Nakakua si Jesus nin ogbon na asno asin saiyang linunadan; siring sa nasusurat,
“Dai ka matakot, syudad nin Sion!
Uya, an saimong hade nagdadatong,
nakalunad sa sarong ogbon na asno!”
An mga bagay na ini dai nasabotan kan saiyang mga disipulo kaidto; alagad kan si Jesus pinagmuraway na, naromdoman ninda na an gabos na ini sinurat dapit saiya asin ini ginibo sa saiya.
An mga tawong nakahiling kan buhayon liwat ni Jesus si Lazaro dangan paluwason sa lulubngan, nag-osipon kan pangyayaring ini. Kaya nagsabat saiya an mga tawo huli ta nabaretaan ninda ining ngangalasan na ginibo niya. Dangan nagpasarabi-sabi an mga Fariseo, “Mayo na kitang magiginibo! Hilinga ta pinagsusunod na siya kan bilog na kinaban!”

May mga Griyego man na nagduman sa Jerusalem para sa pyesta tanganing magsamba. Dinolok ninda si Felipe na taga Betsaida sa Galilea, dangan nakiolay saiya, “Boot ming mahiling si Jesus.”
Sinabi ini ni Felipe ki Andres, kaya nagduman sindang duwa ki Jesus saka inosip ninda ini saiya. Nagsabi si Jesus, “Nag-abot na an oras na papamurawayon an Aki nin Tawo. Sa katotoohan sinasabihan ko kamo, kun an sarong banhi nin trigo dai mahulog sa daga saka magadan, danay na saro sana iyan. Alagad kun iyan magadan, mamumunga iyan nin dakul. An siisay man na namomoot na magligtas kan saiyang buhay, mawawaraan kaiyan; alagad an siisay man na naoongis sa saiyang buhay sa kinaban na ini, magkakamit kaiyan para sa buhay na daing kataposan. An boot maglingkod sako dapat magsunod sako, tanganing kun saen ako, duman man an naglilingkod sako. Oomawon kan Ama ko an siisay man na naglilingkod sako.”

“Ngunyan napupurisaw an sakong kalag. Ano an sasabihon ko? Masabi daw ako, ‘Ama, ligtasan ako sa oras na ini’? Dai! Huli ta ini an dahelan kun tadaw ta nagdigdi ako—tanganing agihan ko an oras na ini nin kasakitan. Ama, pamurawayon mo an saimong ngaran!”
Dangan nadangog an sarong tingog hale sa langit na nagsabi, “Pinamuraway ko na asin papamurawayon ko giraray iyan.”
Nadangog ini kan mga tawong nagtitindog duman. Nagsabi an iba, “Nagdaguldol!” Nagsabi man an iba, “May anghel na nagtaram saiya!”
Alagad sinabihan sinda ni Jesus, “Ipinadangog an tingog na ini dahel saindo, bakong dahel sako. Panahon na nganing hukoman an kinaban. Ngunyan isisikwal na an kagsakop kaining kinaban. Kun ako iitaas na hale sa daga, titiponon ko sa sako an gabos na tawo.” (Sinabi niya ini nganing ipahayag kun paano siya magagadan.)
Nagsimbag an mga tawo, “Sinasabi sa Katogonan na an Cristo magdadanay sagkod pa man. Tadaw ta sinasabi mong dapat iitaas an Aki nin Tawo? Siisay ining Aki nin Tawo?”
Nagsimbag si Jesus, “Dikit na panahon na sanang makakaiba nindo an ilaw. Maglakaw na kamo mantang kaiba pa nindo an ilaw, tanganing dai kamo maabotan kan diklom. Dai aram kan naglalakaw sa diklom kun saen siya maduman. Kaya ngani, tumubod kamo sa ilaw mantang yaon pa iyan saindo, tanganing magin kamong mga aki nin ilaw.”

Pakasabi ni Jesus kaini, naghale siya dangan tinagoan niya sinda. Dai pa nanggad nagtubod an mga tawo saiya, maski nahiling nindang ginibo niya an dakul na milagro, tanganing maotob an sinabi ni Propeta Isaias,
“Kagurangnan, siisay an nagtubod sa samong bareta?
Siisay an pinahilingan nin Kagurangnan kan saiyang kapangyarihan?”
Kaya dai sinda nagtubod huli ta sinabi pa ni Isaias,
“Binuta sinda nin Dios,
pinatagas niya an saindang mga payo,
tanganing dai sinda makahiling,
asin dai sinda makasabot, patin dai makabalik sako,
nganing paomayan ko sinda.”
Sinabi ini ni Isaias huli ta nahiling niya an kamurawayan ni Jesus, kaya nagtaram siya dapit saiya.
Alagad, dakul na lider kan mga Judio an nagtubod ki Jesus; alagad dai sana ninda ini ipinahayag huli ta takot sinda sa mga Fariseo—tibaad isikwal sinda kan mga ini sa sinagoga. Orog nindang namomotan an pag-omaw kan mga tawo ki sa pag-omaw nin Dios.

Nagtaram si Jesus sa makosog na tingog, “An minatubod sako, minatubod bako sana sako kundi sa nagsugo man sako. An nakakahiling sako, nakakahiling man sa nagsugo sako. Nagdigdi ako bilang ilaw sa kinaban, tanganing an mga minatubod sako dai magdanay sa kadikloman. An nagdadangog kan sakong mga tataramon asin dai minakuyog kaiyan, dai ko hinuhukoman. Huli ta dai ako nagdigdi sa paghukom kan kinaban, kundi sa pagligtas kaiyan. May mahukom sa kiisay man na magsikwal sako asin dai mag-ako kan sakong mga tataramon: an mga tataramon na ipinahayag ko iyo an mahukom saiya sa huring aldaw! Huli ta dai ako nagtaram sa sadiri kong kabotan; an Ama na nagsugo sako iyo an nagboot kun ano an dapat kong itaram saka itukdo. Aram ko na an saiyang pagboot nagtatao nin buhay na daing kataposan. Kaya an ipinapasabi kan Ama, iyo an sinasabi ko.”

Ακρόαση Juan 12