1
João 14:27
Uhokri Gannasan
―Nah ikisyi akak ini nukanhu yit kariswaki. Nah kariswehse yiyakni kahadbe yis msakwa hawwata ke nahbe, yiyakni karisaw. Nah kariswehse yiyakni inyerwa, ka kema hiyeg amedgenema inin. Ka yi muwaka barukiswa. Ka yi isaksa apiska parak apitit yiyakni.
Σύγκριση
Διαβάστε João 14:27
2
João 14:6
Igme Kiyapwiye Jesus kaytwa giwn: ―Nahnewa ahin. Nahnewa hiyakemniki inyerwatnene ahawkri. Nahnewa yidehetni. Waké ka nahma, yumahkam hiyeg danuhne ta git Wigwiy. Nahnewa ku pariye ahin atere git. Yuma nawenéwa ahin akiw.
Διαβάστε João 14:6
3
João 14:1
Ayteke ig awna ta wothu akiw: ―Ka yi muwaka barukiswama nuharit. Ka yi muwaka apis. Kamaxwanabay ta gipitit Uhokri. Kamaxwanabay nupitit hawwata.
Διαβάστε João 14:1
4
João 14:26
Henneme aysawnemenek Wigwiy awahkis Gitipnek nuwenyan adahan igme yikannuhten amin madikte hiyakemniki. Iggi yawayghetninek. Ig kiyekis yit madikte inakni ku pariye nuwnhu yit. Ig keh yis pukuhpin.
Διαβάστε João 14:26
5
João 14:21
Ku pahapwi timá nuwnhu, ku ig iha nuwnhu, ignewa ku pariye batekye nukakhu. Ku pahapwi batekye nukakhu, nikwe Wigwiy batekye gikak. Nah hawwata nah batek gikak, nah hiyakkiswa git.
Διαβάστε João 14:21
6
João 14:16-17
Nahme ayá git Wigwiy adahan ig awahkis pahapwi nuwenyan adahan yawayghetni. Igme yawayghetni msakwa yikaknek adahan apanenekwa. Iggi Uhokri Gitip. Ig apanenekwa ekkene ku pariye hiyakemniki inyerwatnene. Hiyeg kane Uhokriyanpuma igkis ka hiyá igkisma amapig mmanawa igkis ka hiyapri, igkis ka hiyakri ku pariyene ig. Yisme hiyakri ku pariyene ig mmanawa ig msakwa ay yikak. Aysawnemenek ig msekwepye ay yipitnek.
Διαβάστε João 14:16-17
7
João 14:13-14
Apim ini ku pariye yayapni nuthu nuwaprik nah ikí yit kahadbe ig Wigwiy kiyathaka awaku ini ku pariye nukanhu yit. Madikte ku pariye yayapni nuthu nuwaprik nah ikí yit.
Διαβάστε João 14:13-14
8
João 14:15
―Ku yis batek nukakhu, ihpanabay nuwnhu.
Διαβάστε João 14:15
9
João 14:2
Kaayhsima iwetrit ayhté gimun Wigwiy. Waké yuma iwetrit aygebe, nikwekam nah ka awnakam inakni henne. Nah atak ahegbetepye yiwetri yapit.
Διαβάστε João 14:2
10
João 14:3
Ku yis hiyá nah tipik ahegbetepye yiwetri yapit, atannewa nah diyuhe akiw adahan yiwepten aterenek kahadbe ku kiney nah msakwa aygwata yis msakwa.
Διαβάστε João 14:3
11
João 14:5
Ig kiyapwiye Tomé timapni henne, ig awna git: ―Kiyapwiye, usuh ka hiyak ku kitwiye pis. Mmah ahiyaka ahin wothu?
Διαβάστε João 14:5
Αρχική
Αγία Γραφή
Σχέδια
Βίντεο