Δημοφιλή Βιβλικά εδάφια από Johana 14

Κοινοποίηση

“Thaayũ nĩguo ngũmũtigĩra; thaayũ wakwa nĩguo ndamũhe. No ndikũmũhe thaayũ taũrĩa andũ a thĩ maheanaga. Mũtigatangĩke ngoro, o na kana mũigue guoya.

Naake Jesũ akĩmũcookeria atĩrĩ, “Niĩ nĩ niĩ njĩra, na nĩ niĩ ũhoro wa ma; na nĩ niĩ muoyo. Gũtirĩ mũndũ ũngĩkinya kwĩ Awa atagereire harĩ niĩ.

Jesũ akĩmeera atĩrĩ, “Mũtigatangĩke ngoro, ĩtĩkiai Ngai, o na niĩ mũnjĩtĩkie.

No rĩĩrĩ, Mũteithia, na nĩ we Roho Mũtheru, ũrĩa mũgaatũmĩrwo nĩ Awa thĩinĩ wa rĩĩtwa rĩakwa, nĩakaamũruta maũndũ moothe, na amũhotithie kũririkana ũrĩa wothe ndanamwĩra.

“Mũndũ ũrĩa wothe wamũkagĩra maathani maakwa, na akamaathĩkĩra, ũcio nĩ we ũnyendeete. Naake Awa nĩarĩendaga ũrĩa wothe ũnyendeete, o na niĩ nĩndĩrĩmwendaga na ndĩmwĩyonithagie.”

Naniĩ nĩngũhooya Awa, naake nĩekũmũhe Mũteithia ũngĩ, nĩ geetha atũũranie na inyuĩ nginya tene na tene. Ũcio nĩ we Roho ũrĩa ũguũranagĩria ũhoro wa ma wa Ngai. Andũ a thĩ matingĩhota kũmwamũkĩra, amu matimuonaga o na kana makamũmenya. Ĩndĩ inyuĩ nĩmũmũũĩ tondũ atũũranagia na inyuĩ o na e thĩinĩ wanyu.

Na rĩĩrĩ, ũndũ o wothe ũrĩa mũkaahooya thĩinĩ wa rĩĩtwa rĩakwa nĩngaawĩka nĩ geetha Awa agoocithio thĩinĩ wa Mũũriũ. Mwahooya ũndũ o na ũrĩkũ thĩinĩ wa rĩĩtwa rĩakwa nĩndĩrĩwĩkaga.

“Angĩkorwo nĩmũnyendeete nĩmũrĩathĩkagĩra maathani maakwa.

Mũciĩ kwa Awa kwĩ na ciikaro nyingĩ. Korwo tiguo kũhaana-rĩ, no anga ingĩamwĩra atĩ ndathiĩ kũmũthondekera handũ?

No ndarĩĩkia gũthiĩ na ndaamũthondekera handũ nĩngaacooka njũke ndĩmũiyĩre ndĩmũtware gwakwa nĩ geetha o na inyuĩ mũikarage o harĩa niĩ ndĩ.

Toma akĩmwĩra atĩrĩ, “Mwathani, ithuĩ tũtiũĩ kũrĩa ũrathiĩ; tũngĩkĩhota kũmenya njĩra atĩa?”