Δημοφιλή Βιβλικά εδάφια από Johana 16

Κοινοποίηση

Ndamwĩra maũndũ macio moothe nĩ geetha mũgĩe na thaayũ nĩ ũndũ wa kũnyiitana na niĩ. Andũ a thĩ nĩmarĩtũma mũnyamaare, ĩndĩ ũmĩrĩriai! Niĩ nĩndooreetie thĩ!”

No rĩrĩa Roho ũrĩa ũguũranagĩria ũhoro wa ma wa Ngai agooka nĩakaamũtongoria maũndũinĩ moothe ma ũũma. We ndakaaragia na ũhoti wake we mwene, no akaaragia ũhoro wa maũndũ marĩa aiguĩte, na nĩakaamwĩra ũhoro wa maũndũ marĩa magooka.

Nginyagia rĩu mũtirĩ mwahooya ũndũ thĩinĩ wa rĩĩtwa rĩakwa; hooyai na nĩmũkũheeo nĩguo gĩkeno kĩanyu gĩkinyanĩre.

Ĩndĩ ndĩramwĩra ũhoro wa ma atĩ nĩkwagĩrĩire thiĩ, amu ingĩaga gũthiĩ mũtingĩreeherwo Mũteithia. No ndathiĩ nĩngaamũtũma kũrĩ inyuĩ. Naake rĩrĩa agooka nĩakoonia andũ a thĩ ũrĩa mahĩtĩĩtie ũhoroinĩ wa meehia, ũthingu, o na ũhoroinĩ wa ciira.

Kwoguo inyuĩ rĩu mwĩ na kĩeha, no nĩngaamuona rĩngĩ, na hĩndĩ ĩyo ngoro cianyu nĩikaiyũrwo nĩ gĩkeno, gĩkeno kĩrĩa gĩtarĩ mũndũ ũngĩmũtuunya. “Rĩrĩa mũthenya ũcio ũgaakinya mũtirĩ ũndũ mũkanjũũria. Ngũmwĩra na ma atĩ Awa nĩakaamũhingĩria ũndũ o wothe ũrĩa mũkaahooya thĩinĩ wa rĩĩtwa rĩakwa.

Ngũmwĩra na ma atĩ: inyuĩ nĩmũkaarĩra na mũgirĩke, no andũ a thĩ nĩgũkena magaakena; nĩmũkaagĩa na kĩeha, no kĩeha kĩu kĩanyu gĩgacooka gĩtuĩke gĩkeno.