Δημοφιλή Βιβλικά εδάφια από Johana 21

Κοινοποίηση

Marĩĩkia kwĩgagũra, Jesũ akĩũria Simoni Petero atĩrĩ, “Simoni mũrũ wa Johana, nĩũnyendeete gũkĩra aya angĩ?” Naake akĩmũcookeria atĩrĩ, “Ĩĩ Mwathani, wee nĩũũĩ atĩ nĩngwendeete.” Jesũ akĩmwĩra atĩrĩ, “Heaga tũgondu twakwa gĩa kũrĩa.” Agĩcooka akĩmũũria rĩa keerĩ atĩrĩ, “Simoni mũrũ wa Johana, nĩũnyendeete?” Naake Simoni akĩmũcookeria atĩrĩ, “Ĩĩ Mwathani, wee nĩũũĩ atĩ nĩngwendeete.” Jesũ akĩmwĩra atĩrĩ, “Rĩithagia ng'ondu ciakwa.” Agĩcooka akĩmũũria rĩa gatatũ atĩrĩ, “Simoni, mũrũ wa Johana, nĩũnyendeete?” Petero akĩigua kĩeha nĩ tondũ wa kũũrio rĩa gatatũ “Nĩũnyendeete?” Kwoguo agĩkĩmwĩra atĩrĩ, “Mwathani, wee nĩũũĩ maũndũ moothe; nĩũũĩ atĩ niĩ nĩngwendeete!” Jesũ agĩkĩmwĩra atĩrĩ, “Heaga ng'ondu ciakwa gĩa kũrĩa.

Ngũkwĩra na ma atĩ, rĩrĩa warĩ mwĩthĩ nĩwehaaragĩria ũgathiĩ o kũrĩa ũngĩendire, no rĩrĩa ũgaakũra ũgaatambũrũkia mooko maaku, mũndũ ũngĩ akuohe, agũtware kũrĩa ũtarenda gũthiĩ.”

Naake Jesũ akĩmeera atĩrĩ, “Ikiai ngara mwena wa ũrĩo wa gatarũ na nĩmũkũgwatia.” Magĩgĩikia ngara ciao, nao makĩremwo nĩgũciguucia nĩ ũndũ nĩciagwatĩĩtie thamaki nyingĩ.

Simoni Petero akĩmeera atĩrĩ, “Niĩ nĩndathiĩ gũtega thamaki.” Nao acio angĩ makĩmwĩra atĩrĩ, “O na ithuĩ nĩtũgũthiĩ hamwe nawe.” Magĩkiumagara makĩingĩra gatarũ magĩthiĩ, ĩndĩ ũtukũ ũcio wothe matiigana kũgwatia o na kĩ.