Δημοφιλή Βιβλικά εδάφια από Luka 9

Κοινοποίηση

Agĩcooka akĩĩra andũ oothe atĩrĩ, “Mũndũ o wothe ũngĩenda kũũnũmĩrĩra, nĩerege we mwene, akuuage mũtharaba wake hingo ciothe, anũmagĩrĩre.

Nĩ ũndũ-rĩ, mũndũ o wothe ũngĩenda kũhonokia muoyo wake nĩakoorwo nĩguo, no ũrĩa ũũragwo nĩ muoyo wake nĩ ũndũ wakwa nĩakaũhonokia.

No Jesũ akĩĩra mũndũ ũcio atĩrĩ, “Gũtirĩ mũndũ woyaga icembe arĩme, agacooka akaambĩrĩria gũcũũthĩrĩria na thuutha wagĩrĩirwo nĩ Ũthamaki wa Ngai.”

Nĩ ũndũ-rĩ, mũndũ angĩĩguna na kĩ o na angĩgaya thĩ yothe no ate muoyo wake kana oorwo nĩguo?

Nĩ ũndũ mũndũ ũrĩa ũconokaga nĩ ũndũ wakwa, na nĩ ũndũ wa ciugo ciakwa, ũcio nĩagaaconokerwo nĩ Mũrũ wa Mũndũ rĩrĩa agooka na riiri wake o hamwe na wa Ithe na wa araika atheru.

Naake Jesũ akĩmũcookeria atĩrĩ, “Mbwe nĩ irĩ marima, o na nyoni nĩ irĩ itara, no Mũrũ wa Mũndũ ndarĩ na handũ ha kũhuurũka.”

akĩmeera atĩrĩ, “Mũndũ ũrĩa wamũkagĩra kaana ta gaaka thĩinĩ wa rĩĩtwa rĩakwa, nĩ niĩ aamũkagĩra. Naake ũrĩa ũnyamũkagĩra nĩ ũrĩa wandũmire aamũkagĩra. Nĩ ũndũ-rĩ, mũndũ ũrĩa mũniini biũ gatagatĩinĩ kaanyu nĩ we mũnene.”