Δημοφιλή Βιβλικά εδάφια από GENESI 3

Κοινοποίηση

Bjale mosadi a bona sehlare seo e le se sebose ge se ka lewa, se ratega ge se lebelelwa, se kganyogega ka ge se hlalefiša; a ba a fula dienywa tša sona, a ja, a neela le monna wa gagwe e a bego a na le yena; le yena a ja.

Gomme noga, ka go hlalefa e be e feta diphoofolo tšohle tša naga, tše Morena Modimo a di dirilego. Yona ya bolela le mosadi ya re: Afa Modimo o boletše a re: Dihlare tšohle tša tšhemo ye le se ke la di ja?

Le gona ke bea lehloyo gare ga gago le mosadi, le gare ga peu ya gago le peu ya gagwe. Yona e tlo go pšhatla hlogo; mme wena o tlo e loma serethe.

Mosadi, Modimo o boletše le yena a re: Ke tlo go atišetša kudu tapišego go imeng ga gago; o tlo belega bana ka bohloko, mme o tlo fela o hlologelwa monna wa gago; mme yena o tlo go buša.

Bogobe o tlo bo ja ka dikudumela tša sefahlego sa gago; wa ba wa boela mmung; ka gobane o ntšhitšwe mmung; o lerole; mme sa gago ke go boela leroleng.

Adama, Modimo a bolela naye a re: Ka ge o kwele lentšu la mosadi wa gago, wa ja sehlare se ke bego ke go ileditše ka re: O se ke wa se ja, bjale lefase le rogilwe ka baka la gago; tša lona o tlo di ja ka tapišego mehla yohle ya go phela ga gago.

Modimo a re: O boditšwe ke mang gobane gawa apara? Afa gawa ja sehlare se nkilego ka go iletša go se ja?

O lelekile motho; mme ka thoko ya bohlabela bja Edene o beile Bakerubi, le kgabo ya tšhoša e gadimago; ya ba go diša tsela ya go ya sehlareng sa bophelo.

Adama o reetše mosadi wa gagwe leina a re ke Efa, ka gobane o bile mma go bohle ba ba phelago.