Δημοφιλή Βιβλικά εδάφια από Ephèsianaich 6

Κοινοποίηση

Oir chan ann ri nàimhdean daonna a tha sinne a' cathachadh, ach ris na droch cumhachdan spioradail a th'anns an t‑saoghal nèamhaidh, na h‑uachdarain, na h‑ùghdarrasan agus na flaithean a tha gu h‑àrd, a' riaghladh na cruinne anns na làithean dorcha seo.

Dèanaibh seo uile 's sibh ag ùrnaigh 's a' sireadh cobhair bho Dhia. Feuch gun cleachd sibh an ùrnaigh aig gach àm a rèir 's mar a bhios an Spiorad gur brosnachadh. Bithibh air ur faiceall gum bi seo daonnan fainear dhuibh, agus na sguiribh a bhith ag ùrnaigh as leth sluagh Dhè gu lèir.

Cuiribh oirbh gach ball dhen deise-airm a tha Dia a' tairgse dhuibh, gus an tèid agaibh air seasamh an aghaidh chuilbheartan olca an Diabhail.

Mar sin, gabhaibh thugaibh a h‑uile pìos dhen deise-airm a tha Dia a' toirt dhuibh. 'S e seo a bheir an comas dhuibh dùbhlan a thoirt dhan nàmhaid san droch uair, agus a chumas sibh nur seasamh an dèidh dhuibh ur dìcheall a dhèanamh.

Anns gach suidheachadh, cleachdaibh mar sgiath an creideamh a th'agaibh ann an Dia, 's leis an sgiath sin mùchaidh sibh a h‑uile saighead lasrach a thilgeas an Sàtan oirbh. Mar chlogad gabhaibh an t‑slàinte a tha a' tighinn thugaibh o Dhia, agus glacaibh an claidheamh a tha an Spiorad a' toirt dhuibh, oir 's e an claidheamh sin facal Dhè.

Seasaibh gu daingeann, ma tha, leis an fhìrinn mar bhann ceangailte mu ur meadhon, 's le fìreantachd a' cur dìon air ur broilleach. Gabhaibh Deagh Sgeul na sìthe mar bhrògan air ur casan, agus bheir sin seasamh cinnteach dhuibh.

Anns an dealachadh, tha mi ag iarraidh oirbh sibh fhèin a neartachadh anns an Tighearna le bhith a' cur gu feum an spionnaidh chumhachdaich a bhuineas dhàsan.

Tha an àithne ag ràdh, “Thoir urram dhad athair 's dhad mhàthair.” 'S e seo a' chiad àithne le gealladh na cois, agus 's e an gealladh “gun soirbhich leat agus gum bi beatha fhada agad anns an tìr.”

A chlann, thoiribh feairt air ur pàrantan, oir tha seo ceart agus mar bu mhath leis an Tighearna.