Δημοφιλή Βιβλικά εδάφια από Yauhaas 17

Κοινοποίηση

Koj Txujlug yog lug tseeb; thov Koj ntxuav kuas puab dlawbhuv lug ntawm Koj txuj kev tseeb.

Txujsa ntev dlhawv moog ibtxhis yog qhov kws puab paub Koj has tas Koj tuableeg txhaj yog tug Vaajtswv tseeb, hab paub Yexus Khetos tug kws Koj khaiv lug.

“Tsi yog Kuv thov Koj paab puab cov nuav xwb, tabsis Kuv thov Koj paab cov kws nov tej lug kws puab qha hab lug ntseeg Kuv. Kuv thov kuas puab ua tau ib lub sab. Txiv 'e, thov ca puab nyob huv wb, ib yaam le Koj nyob huv Kuv hab Kuv nyob huv Koj. Thov kuas puab ua tau ib lub sab, sub tuabneeg nplajteb txhaj ntseeg tas Koj khaiv Kuv lug.

Kuv tsi yog thov kuas Koj coj puab tawm huv lub nplajteb nuav moog, tabsis Kuv thov Koj tsomkwm puab kuas dlhau ntawm dlaab ntxwgnyoog.

Kuv ua rua puab tau koobmeej ib yaam le Koj ua rua Kuv tau koobmeej, Kuv ua le ntawd kuas puab koom tau ib lub sab ib yaam le wb koom ib lub sab. Kuv nyob huv puab hab Koj nyob huv Kuv. Thov kuas puab koom tau ib lub sab tag-tag, tuabneeg nplajteb txhaj paub tas Koj khaiv Kuv lug, hab paub tas Koj hlub puab ib yaam le Koj hlub Kuv.