Δημοφιλή Βιβλικά εδάφια από Noo Ean 12

Κοινοποίηση

My nee dooinney erbee mish y hirveish, lhig da geiyrt orrym; as y raad ta mish, shen y raad myrgeddin vees my harvaant: my nee dooinney erbee mish y hirveish, dasyn ver my Ayr onnor.

Eshyn shynney lesh e vioys, caillee eh eh: agh eshyn nagh vel soiaghey jeh e vioys ’sy theihll shoh, freillee eh eh gys y vea veayn.

Dy firrinagh firrinagh ta mee gra riu, Mannagh vel y grine curnaght tuittym ayns y thalloo, as goll eig, te cummal ny un ghrine kinjagh: agh my te goll eig: te gymmyrkey magh mooarane mess.

Ta mish er jeet my hoilshey gys y theihll, quoi‐erbee nee credjal aynym’s nagh jean eh tannaghtyn ayns y dorraghys.

As my ta dooinney erbee ta clashtyn, as nagh vel freayll my ghoan, cha vel mish dy vriwnys eh: son cha daink mee dy vriwnys y seihll, agh dy hauail y seihll.

Eisht ghow Moirrey punt dy ooil dy spikenard feer chostal, as ren ee cassyn Yeesey y ooilaghey as rub ee e chassyn lesh e folt: as va’n thie er ny lhieeney lesh soar yn ooil.

As ghow ad banglaneyn dy viljyn palm, as hie ad magh ny whail, as deïe ad, Hosanna; bannit ta ree Israel ta cheet ayns ennym y Chiarn.

As dreggyr Yeesey ad, gra, Ta’n oor er jeet, dy vel yn Mac dooinney dy ve er ny ghloyraghey.