Δημοφιλή Βιβλικά εδάφια από Noo Ean 14

Κοινοποίηση

Shee ta mee dy aagail mêriu, my hee ta mee dy choyrt diu: cha nee myr ta’n seihll coyrt ta mish dy choyrt eh diu. Ny lhig da’n cree eu ve seaghnit, chamoo lhig da aggle y ve er.

Dooyrt Yeesey rish, Mish y raad, yn irriney, as y vea: cha vel dooinney erbee cheet gys yn Ayr, agh lioryms.

Ny lhig da’n cree eu ve seaghnit: ta shiu credjal ayns Jee, cred‐jee myrgeddin aynym’s.

Agh nee Fer‐ny‐gherjagh, ta shen, yn Spyrryd Noo, eh nee yn Ayr y choyrt ayns yn ennym aym’s, gynsaghey diu dy chooilley nhee, as tayrnee eh dy chooilley nhee gys nyn gooinaghtyn, cre‐erbee ta mish er ghra riu.

Eshyn ta my annaghyn’s echey, as ta freayll ad, eshyn eh ta graihagh orrym’s: as eshyn ta graihagh orrym, ver my Ayr graih da, as ver‐yms graih da, as soilshee‐ym mee hene da.

As guee‐yms gys yn Ayr, as ver eh hiu Fer‐gerjagh elley dy hannaghtyn mêriu son dy bragh. Eer Spyrryd ny firriney, nagh vod y seihll goaill‐rish, er‐y‐fa nagh vel ad dy akin eh, as nagh nione daue eh: agh shione diuish eh, son t’eh tannaghtyn mêriu, as bee eh ayndiu.

As cre‐erbee nee shiu y hirrey ayns yn ennym aym’s, shen neem’s y yannoo, dy voyd yn Ayr v’er ny ghloyraghey ayns y Vac. My hirrys shiu nhee erbee ayns yn ennym aym’s, nee’m eh y yannoo.

My ta shiu graihagh orrym’s, freill‐jee my annaghyn.

Ayns thie my Ayrey ta ymmodee ynnydyn vaghee; dy beagh eh er aght elley, veign er n’insh diu: ta mee goll dy yannoo aarloo ynnyd er nyn son.

As my hem’s dy yannoo aarloo ynnyd er nyn son, hig‐ym reesht, as goym shiu hym pene, raad ta mish dy vod shiuish ve myrgeddin.

Dooyrt Thomase rish, Hiarn, cha s’ain cre’n raad t’ou goll, as kys oddys enney y ve ain er y raad?