Δημοφιλή Βιβλικά εδάφια από Noo Mian 19

Κοινοποίηση

Agh yeeagh Yeesey orroo, as dooyrt eh roo, Gys deiney ta shoh neu‐phossible, agh da Jee ta dy chooilley nhee possible.

Shen‐y‐fa cha vel ad ny sodjey jees, agh yn un eill. Cre‐erbee er‐y‐fa shen ta Jee er chur cooidjagh, ny lhig da dooinney erbee y scarrey veih‐my‐cheilley.

Dreggyr eshyn, as dooyrt eh roo, Nagh vel shiu er lhaih, eshyn chroo ad ec y toshiaght, dy chroo eh ad fyrrynagh as bwoirrynagh? As dooyrt eh roo, Er‐yn‐oyr shoh nee dooinney faagail e ayr as e voir, as lhiannee eh gys e ven: as bee ad ny‐neesht un eill.

Agh dooyrt Yeesey, Sur‐jee cloan aegey, as ny jean‐jee ad y lhiettal dy heet hym’s: son jeh nyn lheid ta reeriaght niau.

Agh bee ymmodee jeusyn ta hoshiaght, er‐jerrey; as jeusyn ta er‐jerrey hoshiaght.

As dy chooilley unnane t’er hreigeil thieyn, ny braaraghyn, ny shayraghyn, ny ayr, ny moir, ny ben, ny cloan, ny thalloo, er graih m’ennym’s, yiow ad keead filley, as eiraght ayns y vea veayn.

Dooyrt Yeesey rish, My sailt ve dy firrinagh mie, immee, as creck, as cur ny t’ayd da ny boghtyn, as bee berchys ayd ayns niau; as tar as eiyr orrym’s.

As dooyrt eshyn rish, Cre’n‐fa t’ou genmys mish mie? cha vel ayn ny ta mie, agh unnane, ynrycan Jee: agh my sailts goll stiagh ayns bea, freill ny annaghyn.

As reesht ta mee gra riu, Te ny sassey da camell goll trooid croae snaidey, na da dooiney berchagh dy gholl stiagh ayns reeriaght Yee.

As ta mish gra riu, Quoi‐erbee scarrys rish e ven, cheu‐mooie jeh son maarderys, as phoosys ben elley, t’eh brishey‐poosey: as quoi‐erbee phoosys ish ta scarrit, t’eh brishey poosey.

Eisht dooyrt Yeesey rish e ostyllyn, Dy firrinagh ta mee gra riu, S’doillee hed dooinney berchagh stiagh ayns reeriaght niau.