Δημοφιλή Βιβλικά εδάφια από Yôhan 10

Κοινοποίηση

Pô klĕ dŏp rai kơnơ̆ng kiăng kơ klĕ, pơdjai hăng pơrai hĭ triu. Samơ̆ Kâo hmâo rai laih kiăng kơ triu hmâo tơlơi hơdip, laih anŭn hmâo tơlơi hơdip rơbeh blai.”

“Kâo jing pô wai triu hiam klă. Pô wai triu hiam klă rơngiă tơlơi hơdip Ñu yua kơ khul triu ñu.

Khul triu Kâo hmư̆ hiăp Kâo, Kâo thâo krăn gơñu, laih anŭn gơñu đuaĭ tui Kâo.

Kâo pha brơi kơ gơñu tơlơi hơdip hlŏng lar, laih anŭn gơñu ƀu či răm rai hĭ ôh, laih anŭn ƀu hmâo hlơi dưi sua mă gơñu mơ̆ng tơngan Kâo lơi.

Kâo jing bah amăng. Hlơi pô mŭt mơ̆ng Kâo ñu či dưi klaih, gơñu či mŭt laih anŭn tơbiă, bưp tơdrŏn rơ̆k mơda.

Kâo jing pô wai triu hiam klă. Kâo thâo krăn khul triu Kâo, laih anŭn triu Kâo thâo krăn Kâo

Ama Kâo jing pô hmâo pha brơi laih gơñu kơ Kâo, Ñu jing prŏng hloh kơ abih bang, laih anŭn ƀu hmâo hlơi pô dưi sua mă gơñu mơ̆ng tơngan Ama Kâo ôh. Kâo hăng Ama Kâo jing sa.”

kar hăng Ama thâo krăn Kâo, laih anŭn Kâo thâo krăn Ama; Kâo pơsăn lui tơlơi hơdip Kâo yua kơ khul triu.

Ƀu hmâo hlơi dưi mă lui hĭ tơlơi hơdip Kâo ôh, samơ̆ Kâo pơsăn hĭ Kâo pô tui hăng kâo pô kiăng, Kâo hmâo tơlơi dưi pơsăn lui ñu laih anŭn hmâo tơlơi dưi mă glaĭ. Kâo hmâo mă tŭ tơlơi pơtă anai mơ̆ng Ama Kâo.”

Hnŭn yơh Yêsu pơhiăp dơ̆ng kơ gơñu: “Kâo laĭ sĭt biă mă kơ ƀing gih, Kâo jing bah amăng kơ triu.

Pô wai arăng apah ñu ƀu djơ̆ pô wai triu ôh, khul triu ƀu lơ̆m kơ ñu ôh, yua kơ anŭn yơh tơ ñu ƀuh asâo tan rai ñu lui hĭ khul triu hăng đuaĭ kơdŏp. Asâo glai kĕ pơrai hăng pơčơlah hĭ bru bra.

“Kâo laĭ sĭt biă mă kơ ƀing gih, hlơi pô ƀu mŭt ôh mơ̆ng bah amăng war triu samơ̆ ñu đĭ mŭt ƀơi jơlan pơkŏn, pô anŭn jing sa čô mơnuih klĕ dŏp.