1
Yoohana 1:12
Wori Haaggane Yeesso Kiriisto Miinsan Ayyinti Husube Waakh Enenyet Igooche
rel
Iꞌdaasenyi ꞌdooꞌdi tuummane usu khaatte, magahiis rummeeste, nyaakhuti Waakhe icho yateehiin a muꞌdanyahiin.
Σύγκριση
Διαβάστε Yoohana 1:12
2
Yoohana 1:1
Uumaccho ka ki magahiis Yeed layadeeh a jire one, Yeed Waakhe leejire, Yeed la a Waakh ekkatiissa.
Διαβάστε Yoohana 1:1
3
Yoohana 1:5
Banayhaas la mugꞌdi goya kabolkhaane, iꞌdaasenyi mugꞌdi jirtuu ma khaato.
Διαβάστε Yoohana 1:5
4
Yoohana 1:14
Ki magahiis Yeed layadeeh weeli enenyet yitahye, harrata ka goyteen furte. Inno la weynaantiisti weyti haaggan a agarre, weynaanti weeli keleyenye Waakh. Ulla usuhi haaggi Waakhe buure ichoow rume buuhaane Aabbaheen kayimiy.
Διαβάστε Yoohana 1:14
5
Yoohana 1:3-4
Waakh usu ka, walah tuumman a soouume. Walah lasoouume laantiis lasoouume mala. Usu jiroti rummaat lakeela. Jirota la weeli enenyete banay ikeenta.
Διαβάστε Yoohana 1:3-4
6
Yoohana 1:29
Ibeenki kaas sooraaho ka, Yoohanahi Enenyet Baattissiyo Yeessohi soosohti arge. Yoohana la wihi us yidah, “Yeya, Heleenki Waakhe uskeeli ꞌdooꞌdi harrata bahcho kalla.
Διαβάστε Yoohana 1:29
7
Yoohana 1:10-11
Us harratane kijire. Chiꞌ usu ka walah tuumman lasoouume laka, ꞌdooꞌdi harrata eti us yahe ma aban. Us ꞌdooꞌdiissa iyimiyye, iꞌdaasenyi ꞌdooꞌdiis usu ma khaatan.
Διαβάστε Yoohana 1:10-11
8
Yoohana 1:9
Eti banayhi rummaatenye weeli enenyet tuumman banay tuso la yomboka harra a yamiit.
Διαβάστε Yoohana 1:9
9
Yoohana 1:17
A mehe Waakh amurretiis Muusa ka a inno siiche. Haaggi Waakhe buure ichoow runtiis la Yeesso Kiriisto ka a inno tuste.
Διαβάστε Yoohana 1:17
Αρχική
Αγία Γραφή
Σχέδια
Βίντεο