Δημοφιλή Βιβλικά εδάφια από OHÚTU 3

Κοινοποίηση

Anɔ́ɔ, ɔ̄cɛ̄nyā le má ka īkpō ɔcí ā héyīfuú klla ī ŋmúnwū kú ɔ̄cɛ kóō lé á. Ó má ɔ̄ ka ó klla wɛ ɔdā nēe gē je íjéeyī lɛ ɔ́ glá. Anɔ́ɔ ó le hɛ́ le lé á. Ɔnyā ā klla le je le ɔbá nū, anɔ́ɔ ó le lé dúú á.

Ɛgwā kē jé ula fíyɛ́ aɛ́bɛ́ dóódu nɛ̄ Óndú ā Ɔwɔicō yá ā á. Anɔ́ɔ ɛ̄cɛ̄ éyi ó da ɔ̄cɛnyā ā ɔ̄kā kahíníī, “Ɔ́wɔicō da aá ka aá kóō híī lé īkpō kú ɔcí dúúmā kú ɛhɔ̄ nyā ŋ́ ɔkwɔ̄ɔ̄kwɛ̄yi nɛɛ?”

Awɔ mɛ́mla ɔ̄cɛnyā ā géē wɛ olɛlā kú īyī aá. Ɔyí kú nū mɛ́mla ákú uwɔ klla í wɛ olɛlā kú īyī ūwā. Ɔyí kú nū ā géē ca uwɔ ɛyí tāajɛ piyóó, a kē géē kwú ɔ́ ayīnu amīyɛ ikpó.”

Ɔwɔicō da ɔ̄cɛnyā ā kahíniī, “N géē yá uwɔ ōwē nɛ̄hi eko nɛ̄ a yipú, a klla í jɔ́ɔnɔ nɛ̄ɛ̄nɛ̄hi eko nɛ̄ a í mɔyí. Nááná a ɔbá uwɔ géē he uwɔ ɔtū nɛ̄hi, ó kē í wɛ ɔkpani uwɔ.

A géē lɛ abɔ̄ kla ahɛ ŋmá údɔ̄bū kú uwɔ ɛ́ɛ́ nɛ̄ a géē má ɔdōlé lé á, jāā gbéeko nēé je uwɔ cīgbīhi ga ipú ajɛ. Ohígbū ka ipú ajɛ nēé yá uwɔ ŋmá á. Ipú ajɛ ā nɛ̄ a kē í kwúcē nyɔ̄ á.

Ɔwɔicō da ɔ̄cɛnyīlɔ nɛ̄ iyē kú lé ka Ádām ā kahíníī, “Abɔ̄ ā cɛ̄, le ɔdā nɛ̄ ɔnyā awɔ da uwɔ ā yá ā. Nɛ̄ a kē le īkpɔ̄cí nɛ̄ n ka ā híī lé ŋ́ mā lé ā. N le okónu tá lɛ ajɛ ohígbū uwɔ ɛ́ɛ́. A géē yúklɔ́ nɛ̄hi ɛjɛ̄ɛ̄jī oyēeyī kú uwɔ ɛ́ɛ́ kú ā má ɔdōlé lé ŋmá anú.

Anɔ́ɔ Óndú ā, nōo wɛ Ɔwɔicō ā, da ɔ́ ɔ̄kā kahíníī, “Ɔ̄nyɛ da uwɔ ka awɔ ɔ́ɔ tóohɛ́ɛwa āa? A lɛ īkpō ɔcí nɛ̄ n da uwɔ ka ā híī lé ŋ́ má lé nɛɛ?”

Abɔ̄ Ɔwɔicō le ācɛ ā nu bɛ̄cɛ ā, ó le aálelékwū ōtɛ̄hɔ̄ kú nū kpóā fu kwāajɛ ɛnɔ̄ɔ̄cī kú Ídɛn. Ó kwū ɔkpacāŋgelī ō cɔ̄lá nōo ī pīyeyī ga ɛga dóódu ā ú gbo ɔwɛ kóō cɛ̄ lɛ ɔ̄cɛ dóódu ga ɛgiyí ɔcí nōo ī je oyēeyī opiyóó ā ŋ́.

Ádām, ɔ̄cɛnyīlɔ̄ ā kwú iyē ú ce ɔnyā nū ka Íifu, ohígbū ka anú wɛ ɛ́nɛ́ kú odúúdú alɛɛcɛ á.