Δημοφιλή Βιβλικά εδάφια από Matiu 2

Κοινοποίηση

Kahawenda, mesuamohe i lalu sou, hai liliuhe moita Anangkoi iti hihimbela hai Maria inaNa. Motumpamohe menomba Iria. Roo indo, mobungkahimohe pambolia anu-anunda, hai mohuhuhe popenombanda Iria. Popenombanda iti iami bulawa hai anu-anu mawongi au masuli nodo dupa hai mur.

I tempona Datu Herode moparenta, Yesu rapoanaka i boea Beteleme i tampo Yudea. I tempo iti, arahe bahangkia tauna au hawe i Yerusale hangko i tamponda au karao ntanda i Mata alo. To Mata alo iti mapandehe mampeita tanda i betue. Mekunemohe i to Yerusale, rauli, “Iumba Datunda to Yahudi au hangko rapoanaka iti? Kiitami betue i Mata alo au mopakanoto pesupaNa. Ido hai maingkai, lawi kipeinao menomba Iria.”

I tanga rara, moita mbulihe betue iti ntanda i Mata alo. Matana ntepuuhe. Betue iti mampoioruahe duuna mengkaroo i wongko sou paidaana Anangkoi iti.

Tanga kaindi, Pue Ala mampopaingaahe i lalu pangipinda, Nauli, “Ineekau mesule i Herode!” Mewali i pesulenda i tamponda, barahe moliu i Yerusale, moulamohe rara ntanina. I pesulenda to Mata alo, mampatongawa mbulimi malaekana Pue i Yusupu i lalu pangipina. Nauli malaeka iti, “Yusupu! Herode mohaoki Anangkoi iti lawi napeinao napapate. Mearomoko, antimide Anangkoi iti hai inana lao i tampo Masiri! Maidamokau hampai inditi duuna mololita mbulina irikamu.”