Δημοφιλή Βιβλικά εδάφια από Mateo 6

Κοινοποίηση

Leelo icha ntangulo mushite uweene waakwe ni chumi chaakwe, na fyooshi fiyo mulongeshiwa.

Ichino mutachi chulila ifya uwaanda wi yulu, kuno waanda wi yulu uluuchulila ukola; kuno chila waanda ukuulwisa nuyiipe waakwe.

Chaleka fiyo ndumuneena, mutachi chuulila amikalo yiino, mulye chaani naanti munwe chaani, naanti imyiili yiino, mushwaale chani. Chene! amikalo yatalushile ichuulya? Nu mwiili utalushile ifya kuswaala?

Leelo weemwi, pano ulusaalika, ingila un-ng'anda unkasi, na ndi wayaala undyaango waako, usaalike pali So uku ufiso; na So wino alulola uku ufiso, alukupa unnambu.

Ichino mwemwi musaalika fi: ‘Tata witu wino alu umwiyulu. Ishina lyaako liteshiiwe. Uweene waako wiise. Finukasi fiombeke, pano apaasi ndi fino umwiyulu.

Utupe ichakulya chiitu chi leelo

Utweelele amaifyo yiitu, ndi fino neeswe kweene twelela yano yatuifya.

Utatutwala um-mazosyo, leelo tukulule nUnjipe.

“Kuno ndi mwelela antu yano yamuifya, na So wino uwa mwiyulu alumwelela nemwe kwene.

Lolini ifyuuni fya mwiyulu: fisulukomela naanti kusakaata, naanti ukukôsha un-ntaanta; na So wino uwa mwiyulu ukulufilyiisha. Cheene! mweemwe mutalushi nkaani fiyo?

“Mutachi uwikili ifyuma kuno ukuushi, kuno impese ni ngalawa fikulonoona, na ifi yakufuna nu kwiiya. Leelo muuwikili ifyuma umwiyulu, kuno kusulononeka chimwi uku mpese naanti ngalawa, naanti aivi yasufuna naanti ukwiiya. Kuno pano pali ifyuma fyaako, apano paluwa nu mweeso waako.

“Kusi uuntu wino angaombela ayeene yaili, kuno alutuwa weenga nu kukasama weenga; naanti ukulemana na weenga nu kusuula weenga. Mutangi muombele Leesa ni fyuma.

Ali ngi Leesa, wino akuluswiika fi amasote ya nchuundu, yano yalipo ileelo, ni iyulu yasumbwa umwiluungu, Cheene! atalulusha nkaani ukumuswiika mweemwe mwe ya usumilo uche?

uMwenemo ndumuneena, yaati yapokelela unndambu wao. Leelo weemwi pano ulufiima amawiila, naanti ikasa lyaako lya kuli kamani litachimanya chino ikasa ilya kwiluunji liluomba. Uwila waako uwa ufiso; na So wino alulola uku nfiso, alukupa unndambu.

“Lolini niingo; mutachita usiifu wiino apa maaso ya yaantu, kuti yamulole; kuno ndi mwachita ndi fiyo, mutalupiiwa unnambu kuli So wino wa mwiyulu.

“Kaili pano umuizilizya, vyakulya mutachikolana na yaufi, yano yakunyepa ichikole apa maaso yao, kuno yakuufisa ku maaso, kuti yaloleke na antu fino iyaizilizya vyakulya. Mwenemo, ndumunena, fino yaati yapokelela unnambu wao. Leelo wemwi pano ukuizilizya, upakale amafuta ku ntwe, ufulale uku manso, kuti utachiloleka ku yantu, fino ukuizilizya, leelo So wino ali uku nfiso; na So wino alulola uku nfiso, alukupa unnambu.