Δημοφιλή Βιβλικά εδάφια από Yaya 5

Κοινοποίηση

Yorage nagagerik, ambinom yorage logonet, “It aap an noone konembogo nagaatik, iniki at nappani wagagerak nogo oba panggombunuk, abet mbakwi nogo ti, mondok-mondok ineenik aret logogun o. Ndi, it aap ti, kanggo menggam nen ineenik eeginake menggim muk unggwi wogogwaarak me, Ala nen inowak loonogo maluk onggo eeppiyaagin lek o, yinuk, mondok abet aret yokkiragi.

Aap nogo, o maan togon togop aret windak wonagagerak Yetut yelok kage nagagerik, at yoge logonet, “Wulaga wae! Kat obeelom eekkaburak mbakendak ilik, lek a?”

Ala wone liiru mbanak paga mondok nineenik ee'ninabigin, mba'nuk, liirogon malenggo monggotak. Ala wone liiru mbanak ti, an nabok paganak nogo liiru mbanak aret me, kit kineenik eekkinabikit nduk, an nowagam woroorak op aret kwe, nineebi mbako monggotak nogo o.

Yoge mbareegi, Yetut nen at yoge logonet, “Wulaga! Mi'na'nuk ndoonak nogo yege menggendak nogo ko'nok nak o.” Awo yoge kagak, aap nogo obeelom age nagagerik, ndoonak nogo yege nagagerak nogo ko'nok nagagerak. Ti eereegerak nogo ti, it Yakuri tamban eekwi paga aret eereegerak.

Eekwi me, at Yetut nen it yorage logonet, “Ala aput nalik niniki koombunuk nen eeriyak meek o. An nogoba eeke nenegen kenok mban eeke minggirak o. Nogoba nen yi mendek ndi mendek eeke nogo ti, aput an ndak-ndak aret eeke minggirak.