Δημοφιλή Βιβλικά εδάφια από PILOTIMUA̒TA 2

Κοινοποίηση

Allahu Taa̒ala lodungohei olimongolio, wau Tio malo eela danti-Lio wolei Abraham, Isihaka wolei Yako. Tio loo̒onto tau-tauwalo Isirai̒lu pilowatolio, yi Tio lolantu mao̒ u motulungi mai olimongolio.

Ota-otaunualio mola lapatio mao̒ ti olongia lo Masiri yilate. Bo bangusa lo Isirai̒lu donggo hemo poi̒laalo suusa sababu timongolio hepilo watolio, tilinggula timongolio longuatia̒a mola lei̒ tulungi mai. Wuwaatii̒ mongolio demola Allahu Taa̒ala.

Tou̒ tau̒nge boito mailudaa̒ mai, tiilolio malohudu olio odeli puusili li olongia. Lapatao̒ ti Puusili malo powali tau̒nge boito walao̒ taa bilintai̒o. “Tio mawohiyau̒ mao̒ tanggula Musa, sababu hilamau̒ mai tio lonto taluhu,” uali puusili li olongia.

Uali puusili li olongia ode liilolio boito, “Delowalo tau̒nge botie, wau potutua mao̒ tio deo̒lau̒; de ti ibu mawohiyau̒ mai wuupa.” Yi madilelolio tau̒nge boito wau hetilutualio.

Tou̒ boito lonao̒ mai tipuusili li olongia. Tio lolaahe mola ode dutulaa ohilaa molihu, hiambola mongobua tahi pomayawa olio lonao̒ jale-jalena tobiihu dutulaa. Debolo ti puusili li olongia boito loo̒onto mota kalanji boito tohuungo aantingi, tulusi tio malo poa̒hu mao̒ ngotaalio lo watolio taabua lohama mai olio.

Tou̒ tei Musa maleidaa̒, tio lonao̒ mola lodunggaya wolo tau-tauwalo ngobangusa wolio. Tio heloo̒onto mao̒ woloolo mola timongolio pilakusaalio helohutu kalaja u wambao̒ hibuuheta. Iloontongalio olo ngotaalio lo Masiri helomate ngotaalio lo Ibrani yila-yilateelo mao̒. Tei Musa malo milohe mota to palitio, wau tou̒ iloontongalio deu̒ diaaluo tamo poo̒tuota olio, yi pilatelio yila-yilateelo mao̒ taulo Masiri boito lapatao̒ milatelio tiluui̒o todelomo hungayo.