Δημοφιλή Βιβλικά εδάφια από PILOTIMUA̒TA 7

Κοινοποίηση

EEYA lotahuda odelei Musa, “Wau̒ mamo powali olemu debo odelo Allahu Taa̒ala totalu li olongia, wau wutatumu tei Haruna mamo bisala to olio odelo nabimu.

Bo Wau̒ mamo powali hilaa li olongia baa̒ngiyolo. Tio diila tamo mandungi olemu, eleponu Wau̒ mopowoluo mai baala dadaata to Masiri. Sababu uito Wau̒ mamo hukuumani mai Masiri wolo hukuumani u mobuheeto, lapatao̒ deloo-U̒ ngoa̒amila bangusa lo Isirai̒lu, umati-U̒, lumualao̒ monto lipu boito.

Yi taulo Masiri mamotota mao̒ deu̒ Wau̒ botie EEYA, tou̒ Wau̒ mohukuumani mai olimongolio wau modelo Isirai̒lu lumualao̒ monto lipu limongolio.”

Kalana uito ti olongia olo malei̒ tiangai tau-taulio o ilimia wau tahi ahalia lo sihililio, tulusi timongolio helohutu mao̒ odito olo wolo ilimi lo sihili limongolio. Timongolio helo pomahula mola tunggudu limongolio ode huta wau tutuu-ngguduwalo boito lobolio̒ lowali tulidu. Bo tunggudu lei Haruna helo loloolao̒ tunggudu limongolio.

Sababu uito, EEYA lotahuda mai odie, ‘Monto wolo u de pohutuwo-U̒ mai, yio̒ mamotota mao̒ deu̒ Wau̒lo EEYA. Wolo tunggudu botie wau̒ mamo humbadeo̒ tudu lotaluhu dutulaa, wau taluhio mamobolio̒ mowali duhu.

“Wonu ti olongia mei̒ pohutu mao̒ olimongoli u moo̒linggolabe odelo bukuti, ahuli mao̒ tei Haruna mohama mai tunggudio wau pomahula mola ode huta totalu li olongia. Tunggudu boito mamobolio̒ mowali tulidu.” Yi malonao̒lo tei Musa wolei Haruna mola lotaalua woli olongia wau timongolio helohutu mao̒ wolo upilo malenta lo Allahu Taa̒ala. Tei Haruna lopo mahula mola tunggudio ode huta totalu li olongia wau mongo poweelio, lapatao̒ tunggudu boito lobolio̒ lowali tulidu.