Δημοφιλή Βιβλικά εδάφια από YOHANES 12

Κοινοποίηση

Ulun sa hamen malayanni aku, harus umba aku; nampan palayanku naan baya aku hang awe aku naan. Ulun sa malayanni aku sagar nahormat Ambahku.”

Ulun sa sinta pamelumni sagar kawawaian pamelumni. Kude ulun sa muar pamelumni hang dunia yena, sagar maliharani ma pamelum sajati palus ma kalalawah.

Samula tuu eauku: Amun erang kadiki gandum puang naamule mawuang tane nelang patei, hanye tatap ekat erang kadiki. Kude amun diki gandum yiru patei, wau hanye sagar mahasil wahai gandum.

Aku hawi ma dunia yena jari piraai, nampan katuluh ulun sa parisaya ma aku puang muneng hawuang piieng.

Ulun sa nyanrengei ajaranku, kude puang makaini – puang aku sa nukum hanye. Daya aku hawi puang lepuh mangadili dunia yena, kude nampan nyalamat dunia yena.

Udi hie hi Maria hawi nginsing leu satengah liter minyak marauh enguh narwastu sa rarang haragani. Hanye nalui minyak yiru ma pee Yesus, balalu muhut makai wuluni. Katuluh ruang lewu yiru penu enguh marauh enguh daya minyak marauh enguh yiru.

Balalu here ngutik kawan rawen palam balalu nahalu Yesus, nelang basurak mihewu, “Nawat Alatalla! Naberkat hanye sa hawi hawuang ngaran Tuhan. Naberkat Raja Israel!”

Yesus kaeau ma here, “Haut hampe wayahni Anak Murunsia namulia.