Δημοφιλή Βιβλικά εδάφια από Matias 2

Κοινοποίηση

Wakutu ananga 'aḏi osama toma wala ma dara, ananga 'aḏi oḏi'i Unanga gena-ge Rai ngina ngo Maria. Re ananga 'aḏi mapagara manga biono tala re silamo'o re siḏubuso Unanga. Gena ḏua, ananga ya welanga manga harata ma burua, re ya pula'a manga bu-bula'a ra Unanga. Manga bu-bula'a guraci, manyanyi, re mur.

Wakutu sibuoro Yesus toma limau Betlehem toma daeraha Yudea, Herodes 'o dadi 'olana. Sibuoro Yesus pasala i'a, ngowa'a Majus nga muḏuo i'a 'aḏi sapolo da'a wangere ma la'o ino toma limau Yerusalem. Ananga 'aḏi masano-sano, “Ngowa'a matengo Unanga le'a Yahudi manga 'olana ga'a ro sibuoro? Ngomi mi oḏi'i mumuḏungu toma wangere ma la'o. Enanga gena-ge 'i dadi nana'o rimoi mangale sibuoro 'Olana matengo. Sababu gena-ge, ngomi mi sapolo di'a mi silamo'o re siḏubuso Unanga.”

Dadi, ngowa'a Majus gena-ge 'aḏi tagi. Tamanga ḏo-ḏagi toma gamu Betlehem, ananga 'aḏi oḏi'i ḏi'i mumuḏungu ga'a ananga ya oḏi'i toma wangere ma la'o pasala ḏua. Ananga manga 'akala re sinyingara 'i roanga masala, sababu ya oḏi'i mumuḏungu ḏi'i gena-ge! Mumuḏungu gena-ge 'i tagi tamanga biono, singadolo 'i togumu toma wala ma re'u ga'a 'age ngowa 'olo gena-ge 'ai ngi'i.

Tamanga nanele ma dara, Ma Jou'ongu Madutu 'o sipo-poma ra ananga, la 'aḏi ḏibo ma'u sanga rawara ra 'Olana Herodes. Dadi ngowa'a Majus gena-ge 'aḏi ḏibo malalo'o mete'e ngo'omo lelegu. Wakutu ngowa'a Majus 'aḏi maḏibo pasala i'a, Ma Jou'ongu Madutu 'ai mala'ekata 'o waiti ra Yusuf tai nanele ma dara re 'o kanau so'o ne: “Yusuf! 'Olana Herodes 'o disa ngowa 'olo di'a 'o sisengene Unanga. Sababu gena-ge, momi'i re no tagi, gasa ngowa 'olo gena-ge re 'Ai ngina, re ni masilalo'o toma nagara Mesir. Tegoro 'age singadolo ḏuanga i'a Ngoi dadunu tini siajele ni maḏibo.”