Δημοφιλή Βιβλικά εδάφια από यूहन्ना 7

Κοινοποίηση

ज़ो मूँ पैंधै बशाह केरला, ज़ैण्ढा पवित्र शास्त्रा न लिखुंदा सा, तेई रै दिला न ज़िन्दगी देणु आल़ी पाणी री नोई बौहन्दी रौहणा।”

त्यौहारा रा आखरी रोज़ ज़ो खास रोज़ होआ ती। तेई रोज़ यीशु खड़ा हुआ होर जौरे सैंघै बोलू, “अगर कोई शौखा सा ता मूँ हागै एज़िया पिया।

यीशुऐ ऐ गैला पवित्र आत्मा रै बारै न बोलू ती, ज़ो तेई पैंधै बशाह केरनु आल़ै पाणु आल़ै ती। किबैकि आत्मा हाज़ी तैंईंयैं कोई पैंधै नी उतरी ती, किबैकि यीशु हाज़ी तैंईंयैं आपणी महिमा तैंईंयैं नी पूज़ै ती।

मुँह हेरी न्याय मता केरा, पर ठीक–ठीक न्याय केरा।”

ज़ो आपु धिरै न किछ़ बोला सा, सौ आपणी सराउथी केरा सा; पर ज़ो आपणै भेजणु आल़ै री सराउथी केरा सा सौ मांहणु सच़ा सा, होर तेईन कोई पाप नी ऑथि।

तैबै यीशुऐ तिन्हां बै ज़वाब धिना, “मेरा उपदेश नैंई, पर मेरै भेजणु आल़ै री सा।

ऐ दुनिया रै लोका तुसा सैंघै बैर नैंई केरी सकदै, पर सौ मूँ सैंघै बैर डाआ सा किबैकि हांऊँ तिन्हां बै दसा सा तै बुरै कोम केरा सी।