Δημοφιλή Βιβλικά εδάφια από Yaya 11

Κοινοποίηση

Ɛnza ŋé fɔ a yɛ́ kó: «Né lée su ólu lákuunnan, ni ní ó dila, ni mɔɔn min ngɛ́ lá né lá yáanin o tíi o kɛ́ sayakɛ, o yáa ɲáanmanɲan. Óni mɔɔn óo mɔɔn kɛ́ kɛ́ í ɲánla, ni a lánin ŋé né lá, a táa sayakɛ fɛ́sɛ fɛ́sɛ. I lánin yé o lá a?»

Ɛnza ŋé fɔ a yɛ́ kó: «Né mán a fɔ i yɛ́ ngó ni lánanya é í lɔ́, ngó í yáa Ala ta sébhaaya ó yé a?»

Ɛnza ŋé kásikɛ.

Ɛnza ŋé í yɛ́ kóman ó myɛ́n mínngɛ, aa fɔ kó: «Yangalo míin ndɛ́ a sáta lé, waa óo kɛ́ le ké Ala a i kunnanwee óni Ala Dhyénjɛ o á tando.»

Aa ó kóman o fɔ kɛ́ wɛ́ɛ mínngɛ, áa í kánnanwii kɛ fɔ kó: «Laza, í wíi kɛ́ bhɔ́!» Laza min ndɛ́ wɛ́ɛ sayakɛ, óo kúun kɛ́ bhɔ́ kábulu ó lɔ́. Féngbɛ tɛ́ɛn ŋo míninminin ndɛ́ɛ a bhóo óni a se ŋo man, óni kɛ féngbɛ lɔ́ tá kɛ a kún ŋo mánsili o lá. Ɛnza ŋé fɔ mɔɔn olu yɛ́ kó: «Áa a fwée ké aa táa.»

Ɛnza níla é fín íkwɔ, aa táa kábulu ywáa ó lɔ. Kábulu ó tɛ́ɛ káwa jáan lɔ lé lɔ́, íi káwagbuba lɔ́ lé ta kɛ́ a latuun.

O kóman ó bɛ́ fɔnin ŋo kwɔ́, aa fɔ í yɛ́ kó: «Án ndwáanva Laza wɛ́ɛ sunnɔɔnkɛ, waa né kɛ́ɛ tɛ́ɛ a lákuun.»