Δημοφιλή Βιβλικά εδάφια από Juan 3

Κοινοποίηση

Muꞌ Jenꞌ fer mạꞌjeyacsi jacchety muntyiꞌ in, meꞌdyes qui muꞌ yụꞌtaqui muꞌ yiritytyity Ạvaꞌ muꞌ. Tyi chuc anicjete in muꞌin raꞌ jam cạveꞌ sänꞌdyeꞌ in, räjĉan raꞌ Jenꞌyaꞌ bäꞌyi in.

Jenꞌ jutaqui Ạvaꞌ muꞌ, jam paj qui vaꞌtacdyeꞌ soꞌmacsi jacchety muntyiꞌ in. Damꞌdye muꞌ jutaqui Ạvaꞌ paj qui muꞌ jiꞌc̣honacsive muntyiꞌ in.

Jesús jéte: —Yụ jéye, tyi chuc jam naꞌebantyiꞌ quivij, muꞌ raꞌ jam junꞌ nạijbite Jenꞌsiꞌĉan ayoꞌbuꞌyedyeꞌ muꞌ —yi jéte.

Tyi chuc anicjeptety Jenꞌtyiꞌ Ạvaꞌ in, muꞌin aty jam vaꞌtacdyety in, muꞌin na jam anicjeptety in, muꞌin aty yụꞌtac in vaꞌtacdyety in, ĉaĉaij na jam anicjepte in Jenꞌtyiꞌ Ạvaꞌ muꞌ, yiritytyity muꞌ.

Meꞌ tsanꞌ úcheꞌ jijtuij muꞌ mạijchucsity muntyiꞌ, uts na jam jụjjete in, tojmadyemꞌ maꞌjotyeꞌ in, mọꞌ qui namꞌ mạijquedyeꞌ muꞌ jam maꞌjotyepte in ĉaĉaij na mọꞌ jorojĉanjeyacsebiꞌ aꞌc̣his dyijyedyeꞌ muꞌin. Mọꞌ jiꞌmeꞌtacsiꞌ vaꞌtacdyeꞌĉandyety in ĉaĉaij na jam jụjjete in.

Muꞌ raꞌ yejĉoij mujuꞌchaꞌquejĉoij, yụ na raꞌ meij uyaꞌyaꞌquejĉoij —jéyacsi muꞌ Juan.

Tyi chuc aꞌc̣his dyijyedyeꞌ cạiꞌtyiꞌ jụijyaꞌ in, muꞌin fạ́quepte in Jenꞌsiꞌ mạijquedyeꞌ muꞌ, mijam mạꞌjeꞌ ĉọcte in ĉaĉaij na muꞌin jam mạꞌjeꞌ in paj qui jam jorojĉanjeyacsebiꞌ aꞌc̣his dyijyedyeꞌ muꞌin.

Tyi chuc anicjepte Jenꞌtyiꞌ Ạvaꞌ muꞌ, muꞌin raꞌ Jenꞌyaꞌ bäꞌyi in. Muꞌin na jam seꞌveptety Ạvaꞌ in, muꞌin raꞌ jam junꞌ Jenꞌyaꞌ bäꞌyi in, vaꞌtacdyeꞌĉan raꞌ in, Jenꞌ raꞌ meꞌ soꞌmacsi ñịbedyes.

Moisés jiquej cäjyasĉan jac muꞌĉan cheꞌve yụꞌtyeꞌ soncheꞌ mọꞌ nas buꞌyis yiris jämꞌtacdyeꞌ, paj qui cạveꞌ muntyiꞌ in, paj qui c̣hoñi in. Meꞌdye raꞌ yụ chimeꞌ Anictyity Muntyiꞌ yụ cheꞌve raꞌ yụꞌtac yụ soncheꞌ

Jenꞌ mạꞌjeyaqui Ạvaꞌ muꞌ judyeyaꞌ yụꞌte paj qui muꞌ räjdyes ayoꞌbuꞌyi.