Δημοφιλή Βιβλικά εδάφια από Mateyu 6

Κοινοποίηση

Nyenya m’pacherye wavya Omwene awe ni ekhaikhai awe, nave sothe sene iho sinarwa‐sachereryiwa wa nyuwo.

Ntakhara awe muhipele murima ni omelo: vawi omelo onarwa‐wisípela murima mekhaya. Ninnakhwanela nihiku ni sawukhula saya.

Ntakhara awe kinalocha wa nyuwo, muhipe murima ni okumi anyu, yeyo munirianyu mulye ni yeyo munirianyu muwurye; akhweya ni mwíli anyu, yeyo munirianyu muware.

Nyenya weyo vovekela, volowa m’pa mwá, owale nsele ná, ovekele Atithiá ari wiphini, nave Atithiá awona wiphini anarwa‐okokiherya weyo.

Ntakhara awe vekelani nyuwo hihá: Atithihu a Wirimu, Nsina nanyu nélihiwe. Omwene anyu orwe. Okhwela wanyu wereye, ntoko Wirimu hihá vathi vano.

Munivahe hiyo olelo yólya yahu ya’lelo.

Nave munikhurumuwele sopoleya sahu, ntoko hiyo’tho nokhurumuwela alipa‐opoleyahu.

Nave muhinani‐kusherya mwa wéhiwa, nyenya munivulushe wa ónanara owo.

Vawi mwakhurumuwela atchu sotcheka saya anarwa‐akhurumuwela nyuwo’tho Atithinyu a Wirimu.

Okumi hori wopwaha yólya, ni mwíli wopwaha yowara? Weheryani ipalame sa Wirimu, wi hasinamisa, nari hasinahacha, nari hasinathukumanya mu’khupini; nave Atithinyu a Wirimu annalyiha.

Muhíthukumanyerye mekhinyu muhakhu va elaponi ya vathi, vári asocholo ni murawa sinnapahula; nave vári alipa‐wiya ennakhuvula ni wiya: nyenya mwithukumanyerye mekhinyu muhakhu Wirimu, vári asocholo nari murawa hasinapahula, nave alipa‐wiya henakhuvula ni ohíya: vawi wiwo ori muhakhuá, wiwo onarwa‐okhala murimá’tho.

Hávovo mutchu anawerye okhala kapuro a apwiya awe eli: vawi akhweya anarwa‐amwicha mmoha owo, ni osivela mukina owo; akhweya anarwa‐ákelela wa mmoha, avevula mukina owo. Hamuwerya okhala kapuro a Muluku ni a Muhakhu.

Nyenya Muluku awariha wawihiha manashi a o’takhwani, enakhala olelo, nave omelo evonyiwa vikho, nki tahi nyuwo opwaha tchiri, nyuwo ororomela tonto?

Nyenya weyo vovaha samahala sékharari, ntata ná nothiana nihisuwele yeyo n’neraya ntata ná nolopwana: wawihihá wi samahala sá sékharari sikhale sa wiphini: nave Atithiá awona wiphini anarwa‐okokiherya weyo.

Weheryani wi muhere sékhaikhai sanyu va mithoni va atchu, wi moneye wa yawo: wi mwihiha hamwinono yamahala ni Atithinyu a Wirimu.

Nave vothe vene muninanelanyu olya, muhikhale ni withoni wothanana, ntoko ówoka’wo: ntakhara ennananariha withoni waya, wi yoneye wa atchu wi enninanela olya. Tchiri kinalocha wa nyuwo, Yawo ahakhela khuluwi samahala saya. Nyenya weyo, vawinanela olya, ochiha muruá, ni okusa withoni wá: wi ohoneye wa atchu wi onninanela olya, nyenya wa Atithiá ari wiphini: nave Atithiá awona wiphini anarwa‐okokiherya weyo.