Δημοφιλή Βιβλικά εδάφια από प्रेरितून का काम 1

Κοινοποίηση

लेकिन जब पवित्र आत्मा तुमून में आला, तब तुम सामर्थ पाला। और यरूशलम शैहर और पुर यहूदिया और सामरिया प्रदेश में और पुर संसार में लोगून म्यारा बारिमें बताला।”

उले उनूनथैं क्योछ, “उ बखत और उ चीज कब होलि, केवल म्योरो पिता परमेश्वरा का पास तय करूना को अधिकार छै, तुमून जाणना की जरूरत नाहातिन।

एक बार जब उन एक दगाड़ छ्या, त उले उनून हुकुम दीछ, “यरूशलम शैहर स छोड़भेरन जन जाया, लेकिन उ दानो को इन्तजार कर्या जो म्यारा पिता परमेश्वर ले तुमून दीना को वादा कर रैछ, और तुमूले मैंस उक बारिमें बात करून ले सुण रैछ। यहूना ले त तुमून पानि में बपतिस्मा दीछ, लेकिन थ्वाड़ा दिनूनका बाद परमेश्वर तुमार दगाड़ रून खिन पवित्र आत्मा भेजाला, ताकि तुमार भितर रौ।”

यीशु ले अपून दुख उठूना का और मौत का बाद भौत पक्का सबुतून दीभेरन अपून आपस उनून ज्यून दिखाछ। और चालीस दिन तक उनून दिखाई दीनै र्योछ, और परमेश्वर उनार बीच में कसीकैं राज्य करोलो उक बारिमें बात करनै रियोछो।

यो कैभेरन यीशु उनार देखन-देखनै परमेश्वर ले ऊस स्वर्ग में उठा लीछ, और बादलून का कारण उन ऊस नै देखी सक्या।

और उक मलि जान बखत जब शिष्य आकाश का तरफ चाँन मरैछ्या, तब अचानक द्वी आदिमी सफेद कपाड़ पैनिना का उनार सामुनि ठाँड़ भ्यान, और कुन लाग्यान, “हे गलीली जिला का लोगों, तुम किलैं याँ ठाड़ हो भेरन आकाश का तरफ चाँन मरैछा? योई यीशु जैस परमेश्वरले स्वर्ग में उठा ली हैछ, उसीकैं उ फिर आलो, जसकैं तुम लोगून ले ऊस स्वर्ग का तरफ जान देखछ्य।”