Δημοφιλή Βιβλικά εδάφια από Lukga 17

Κοινοποίηση

Egi Jesus wagena: Nashina, karare, harnaxgu hashinira rushjanina.

Egi hambisha shagowiha washinohire ningiungi, egi hambisha shagowiha hiranijiarnaga najgera‐hakarategshana e‐gi, wagit’unaje.

Egi hisha rushjana hakijagi, wakshana egi mashja hit’et’ena Maura rajankshana. Egi si‐hieja hakarashu jimpshana, wainginabshana, egi e Samarit wankshig hisha herena.

Hirakikarawire: Rakhinubra washanisha hirohire ningiungi, najisgiaje, egi najgerakaratekhi git’unaje.

Egi Jesus horniharna, wena: Jasge inke kerepanaisha rushjanishe? Jasge hishankijushguni hiwishe?

Egi Hirukanara wena: Harnaxgura mustard su hirakisgexjiwingi, Sikamin na de‐e waragawinana, rejura hikirushorojre egi tejainja hokishure, egi nigiunkjanihawina.

Higu peshe rora hornigi niamb‐karaginaingi, xawarnikjanena. Egi higu peshe wankshighoina xawarnikaragigi, wankshighoi kiruxuruigkjanena.

Egi hironaghirera wawagena: Jasgegi washoshishig‐u wawaxawairekjanena, egi hawekjanena hisha washoshishig‐u wawaxewegi. Ini wirujobra hisha napin gigirarnaga tejainja hot’unairegi e hiraijera phingigiranana, eshi xununigra hisha washoshishig‐u hawaxewegi e wojexi wakik’unana.

Egi Noah hamb hounihera hikisgekjanena hishge Wankshig‐hinigra hamb harnira herekjanegi. Waruj‐hirena, egi rajgainena, hinug‐kanaghirena, kikanag wagigirena. Noah wajra hambisha hoikewegi ejipa, egi nijana jiarnaga harnaj mahujarna.