Δημοφιλή Βιβλικά εδάφια από लूकाल 14

Κοινοποίηση

येसुनतोनि वेल्‍लेन मंदि लोकुल्‍क ताकसि वासेके मत्‍तुर. अस्‍के येसु ओराहेके तिरियसि इल्‍हा वळकालय दल्‍गतोर: “नहगा वांतन इंचि इनकुत्‍तोर बोरन्‍ना आयिर, ओर ओना यावन-बाबान, मुत्‍तो-पिलाल्कुन, तम्मुर-तादन, अक्‍कल-हेलाह्कुन, इंका ओना जीवातुन एक्‍को पावरम कीते, ओर नावा सिस्युड आया परोर.

अचोने आयका बोर अय्ते ओना सतता क्रुस पीसि नावा पज्जो वायोन इंतोर, ओरगुडा नावा सिस्युड आया परोर.”

बारित्‍ते, बोर अय्ते ओनद ओरे ‘नना पेद्‍दोन’ इंचि वेहकुंतोर, ओन पेन सिन्‍ना किय्‍यार आनि बोर अय्ते ‘नना सिन्‍नोन’ इंचि वेहकुंतोर, ओन पेन पेद्‍दा किय्‍यार.”

इल्हेने मीवाव्टेटाल बोरन्‍ना आयिर, मिहगा मत्‍तव अन्‍नि आस्‍ति-पास्तिन होळसोन इंतोर, ओर नावा सिस्युड आया परोर.”

“मीवाव्टेटाल बोरन्‍ना आयिर, उंदि एत्‍तुंक एत्‍तु मिद्‍दे दोहंतन इनकुत्‍ते, ओर मोदाला आरामते उद्‍दिसि इद मिद्‍देतुन दोहालय बच्‍चोन वेल्‍ले कर्च वायार? इंका बतल-बतल अय्ते गावालेनो, अव अन्‍नि मंतंगां मरि हिल्‍लेंगां? इवुना बारेमते विचारम किय्योरा? कींतोर. ओक्‍कला अल्हा कियाकोंटे ओर पायवा अय्ते दोहंतोर गानि मिद्‍देता कबळ मात्रम पुरागा किया परोर. असोंटस्के अदुन हूळतोर अंटोर ओन कारेड्‍डाल्‍क कीसेके, अद हुळट रो! ई मनकल मिद्‍दे दोहालय अय्ते सुरुव कीतोर गानि पुरागा दोहा पराहिल्‍लोर, इंचि इंतुर.”

ओर्कुन केयनदानकन्‍ना निमे गरिबोर्कुन, गुड्‍डोर्क-गूनोर्कुन, ताका परवोर्कुन केया. अस्‍के नीवा बाकि तीरसालय ओर नीकु बतल हिया पर्रुर. गानि पेनदा नदरते नीतिमंतुल्क मत्‍तोर हासि मर्रा जीवाते तेदतस्‍के पेनदाहेंदाल नीकु नीवा इनाम तप्‍पाकोंटा दोर्कंता.”

“होव्वोर बेसे मनंता गानि होव्वोर, होव्वोर रुसि वायाकोंटे, अव्टे मर्रा बल्हा होव्वोर रुसि तरा परांतोम? असंटा होव्वोर तोळिते कल्‍पालयगुडा ओज्‍जो, एरवुहाटींगुडा ओज्‍जो. अद सिराप पलाते पोहचियालये ओज्जंता. बोर्कु केंजालय केव्क मंतां ओर केंजट.”