Δημοφιλή Βιβλικά εδάφια από 1Mos. 15

Κοινοποίηση

Matonen le bagat Abram kai TUHAN, samba kalulut nenda isilo le nia si TUHAN sibailiu sirimanua siangkaake bagaNia.

Lepat nenda, silonangan si Abram itcotmata samba masiarep ipanibo si TUHAN katubunia, “Bui numaloto', Abram, Aku le sakkeratnu samba masiake katubum upa sabeu.”

Si TUHAN masiambit si Abram ka uja lepa kuanangan kamatania, “Kinere le ka manua samba sibo masiadde sangamberi panyanyat; babara te geti sapunuteteunu kele igit panyanyat nenda.”

Lepa geti arepinangan si Abram ipanibo si TUHAN katubunia, “Ta'paguguletnu geti ibabailiu sipasiikep pukayoatnu, tapoi togam simanteu le.”

Kuanangan si TUHAN katubunia, “Repdep le, sapunuteteunu ibailiu le geti sitoi ka laggai bagei; ibabailiu le geti sia sedda pagugulet samba tubesiki le sia epatngotu ngarura ujunia.

Tapoi kuanangan si Abram, “TUHAN Kapata apangan le lulunia upa nenda kaku, kalulut togakku ta'anai. Sirimanua sipasiikep pukayoatku sarat si Eliezer le, paguguletku sibara ka Damsik.

Keteteret nenda leuet baraakenangan si TUHAN palelengan pasamba si Abram. Ngangan TUHAN, “Katubut sapunuteteunu te Kukakau laggai nene, barania ka pasongan laggai Misir teret ka bagat oinan Efrat

Pasat epat ngareddenan, sapunuteteunu toili minca sene, kalulut ta'Kututuituiake tai Amori bulat makatai sia.”