Δημοφιλή Βιβλικά εδάφια από मत्ती 10

Κοινοποίηση

सावधान रेईयो। मैं थानै भेड़ा गी तरियां भेड़ियां गै बिचाळै भेजण लागरयो हूं। सांप गी तरियां चलाक अर कबूतर गी तरियां भोळा बणगे रेईयो।

बो आदमी झिको आपगो प्राण बचाणो चावै बो बानै खो देवैगो पण झिको मेरै खातर प्राण खत्म करैगो बो जीवन पावैगो।

बाऊं ना डरो झिका थारै सरीर नै खत्म करैगा। पण बे थारी आत्मा नै कोनी मार सकै। बिं परमेसर ऊं डरो झिको थारै सरीर अर आत्मा दोनां नै नरक में रेड़गे खत्म कर सकै।

मेरै खातर झिको दुख सेण नै तैयार कोनी बो मेरो चेलो कोनी बण सकै।

झिको मनै सारां गै सामै मानैगो मैं बी बिनै सुरग में पिता परमेसर गै सामै आपगो मानूंगा। झिको मनै सारां लोगां सामै ना मानैगो मैं बी बिनै सुरग में पिता परमेसर गै सामै कोनी मानूंगा।

मरेड़ा नै जींवंता करो, कोढिया अर बीमारा नै ठीक करो अर ओपरी आळा ऊं ओपरी काडो। थानै मुफ्त में प्रभु गी आसिस अर सकती मिली है। ईंखातर दूसरा नै मुफ्त में बांटो।

ईंखातर डरो ना। थे बां चिड़ियां ऊं भोत जादा किमती हो।

ओ ना समझो कै मैं धरती पर मिलाप कराण आयो हूं। पण मैं मिलाप कराण कोनी तलवार चलाण आयो हूं।