Δημοφιλή Βιβλικά εδάφια από APAN AQAO: 2

Κοινοποίηση

Ce: mathao mae yauggai wa yao: pho" yao: myhi" re to: co' mung: yao" yham sang myhi" we' dagaung dasho: za: doe, mung: yao: shid' tao wa dayaug za: boe" lo: ako".

Ai: thao ASANG Mao"So wa byu yauggai wa yao: dayaug za: na: re magai ngad: ra". Ngo wa yao: re bao" thaug' byid: nae" qhid' mae" dau ga" ra" byin zam" cao: dayaug kad' byid: nae"- ga: ta" ra".

Ai: thao re ASANG Mao"So wa myid gaung mae" myid zhai: dajhid' re yu: yu mung: aire yauggai akhyao alho kad' ra". Yao: wa aiyaug: nho: khug khyo so' mad: zaui byid: mung: ai: yauggai wa kao so' daui: li" ra".

Ailao" ai: yauggai wa ceyaug wa ngoyao" ja: yao: ngad va". Nga" shoqug: mae" shoqug: nga" sho: mae" sho: ngad: ra". Pe"mung:ga"re yao: wa yauggai mae" phoe' yu: ra" yaug ngad yang: yao" mang wa Myiqe: ngad: ra"- ga: ta" ra".

Yao: wa ai: nhad' ba: ba re shaman" byid: mung:- gakai: lai: ra" ba na khyo" gatau saboe": to" ra". Pe"mung:ga"re ai: ba na mae yao" nho: phan" ra" mau" zo" re pin" pye' mung:- mau" zaui" rure thang: ra".

Yauggai we' myiqe: shid' tao wa gaung pyad' ngad: ako". Ngadqere: yao: shid' tao wa maqho' ngad: ako".