Δημοφιλή Βιβλικά εδάφια από Zouao 12

Κοινοποίηση

Madirra occa zossenirriza iboraqquiri nazapa oua nebomana-rrarauiuarrine. Ouaza rrauiriza-zanapouiuarrine. Oua omadinizana pouadeni naco madimanauiuarrine. Madirra occa zossenirriza iboraqquiri narraridenipa Abi Deo Pouana pouadeniza: “Bicaqquiri tiquenani” nauitoui −nade Zeso.

—Madirra naco pocca madie arrirraro namiccaza uati uanera taza ouaza eccorezape Deouarri camittehe rriquerreranicca carrizanapouitoui. Naraha madirra pocca madieza uati uana taza ouaza acco tazapa camittehe rriquerreranicca carri-rrarauitoui.

—Rrehe, parrissehera tiadeniza uati onarraro: Arroi rrizaza tirico nocco namiza dappo tiquenazapa imepa bote taui. Nocco namiza torraza moro tauiuarrine accora tazapa poua ime boteraha bodicca moro tarrarina nocco touapi taui. Naraha nocco poua ime acco tazapa bodicca moronine-rrararrari −nade.

Ouape ssiuarrani rrinede orrani arri namiuarri occaronarraro, ouaza parrissa quenarraridenipa ziziniza madimana-rrarauiuarrine.

Naraha madirra ouatti mittemanaraha pina ouatti mittemanarraraui narrarideni naco ozauabaqqui-rraraui. Ouape madirra zauade occarona-rrerade. Madirra tocassiuauerauiuarrinera occaronarrarode.

Naraha Razaro caripene onihi Mariape marrorro marroni bica tarraroza Zeso amori ssohoho icanarirraro. Narraro marrorro oninipe nardo. Narraro marrorrope passoza carrimerani, uatini ccara tani. Nezape poni tatini conaniza amori sse ippirraride. Oza bodiza marrorro marroni toccabaqquide.

Nazapa poccadeni uatizehe bica taniuarrine birirrari eppe ti quenaza —Zeso bacco irrizana −quenaza rrauirronarrari. Madirra motapa birirrari eppeza rraui bina inarronemanarraro, —Rraui bica taniuarrine –quenaza. Madirra motapa birirrari eppe zorrorro zorrorro canarronaza uaua narronemanarrari: —Deopa deni torraui, deni torraui! Ia Zozossede onima ccarronarrariza biquehera torrana, torrana! −narronemanarrari. —Pouapa ia Izarraeo potemauideni icca tamine! Pouaza biquehera torrana, torrana! −narronemanarraride.

Nazapa Zeso pouadeniza uati tarrari: —Arri ouape Madirra Bedi orrarraroa occa deni torrehe auato taniuarrinepe touarrirani −nade.