Δημοφιλή Βιβλικά εδάφια από Maraco 14

Κοινοποίηση

Imehiza uati tapomaza naco: —Abi, nauato tinani. Madirra bazimacca uima manaconi narrizoue ouaza torrezape ocasserani ouanitoui. Pina zeze bidabote ze onaniuarrinessa narraro. Narraro onauananiuarrine nacassera oneraha oua nacassa onanicca toui onerrerarraro. Tia nacassa tinaniccana parri. Narrarozana ibora onarraro −naui nade Zeso.

Ticauadirra-rreraza Deoza uati tiquenarri, uima oppina tehe torrezape tirraparimaneza uima tinanemana-rreraniuarrine. Tibodidenipe ibora teraha tessiredenina mirrira tarraro −naui nade Zeso.

—Parrissehera tiadeniza uati onarraro: Zama onihi, zama onihiza otauimari madirra tocassiuauerauiuarrinecca ecomeremanezape arri otatiza marrorro sso inarirrarocca uima naqui madirra mittarizemanauitoui. Nema nezape ponicca uima uatideni rramemana-rrarauitoui −naui nade Zeso.

Nazapa pouadeniza: —Obodi ocassera tarrarorrine ouatiabote-te canani. Tiadenipe arriza tibomanaccarri. Tinoccodeni bissaccana −naui nade Zeso.

Nazapa rripade toquerrenaza Zeso pao idi naza Deoza uati tarrari: —Rrehe Abi Deo, ticca danirri iaza bica taui −naui nade. Nazapa pao icanarobeza dize rrai da, dize rrai da inarizarrari. Poua uatimadedeniza uati tarrari: —Arra, apa tiquenarro. Arrirrarope ouimecca uima −naui nade Zeso.

Zotodepa ze quenauiuarrine zeze equidi naza Deoza uati tarrari: —Rrehe Abi Deo, ticca danirri iaza bica taui −naui nade. Nazapa pouadeniza da icanaza ze narizemanarrari. Nazapa pouadeniza uati tarrari: —Arrarrari zezepa ouemenecca uima. Deo madirra tezerre rrehe canireuiuarrinecca uima torraniuarrine. Niza oua ozoqqueza ouemene toqquezape narraro rrehe canirenirri parrissa torranitoui. Arri ouemene toccarrarope madirra bazimaza uima bicani torraniuarrine.

Nauiuarri bacco tomoremanazana pouadeniza Zeso uati tarrari: —Tiadeni bazima oua tinebomananitoui. Pina Deo Atti dozo naporrarozape arrima nanitoui: “Niza eueue cacauade zoqquezapa pocca eueue torraribaqquiuitoui.”

Nazapa: —Rrina, titememanarri. Arrana, rridapanapa oua ccaccorade ccarronaui −naui nade Zeso.

Nazapa Zeso Pedoroza: —Parrissehera tiaza uati onana: Tiape arrirraro zome tacara uaua naui pama narraraccaza ouaza: “Onocco rriza tani” tanitoui. Zotode naqui: “Onocco rriza tani” tapomanitoui. Zotode naqui nema tapomanitoui −naui nade Zeso.